Toshkentda Ohangaron shossesi va Maxtumquli ko‘chasi kesishmasidagi uch pog‘onali yo‘l o‘tkazgich ochildi. Prezident Shavkat Mirziyoyev soatiga 20 mingta transport vositasini uzluksiz o‘tkazish imkoniyatiga ega uch pog‘onali yo‘l o‘tkazgichni ko‘zdan kechirdi.
Harbiylar Urganchdagi karantin hududidan bir necha marta qochishga uringan shaxsni ushladi. U panjaradan oshib o‘tayotgan vaqtda havoga ogohlantiruvchi o‘q uzilgan.
Xalq qabulxonalariga suv toshqinidan zarar ko‘rgan fuqarolardan 1,1 mingdan ziyod murojaatlar kelib tushgan. Mazkur murojaatlarning 89 foizi joyida hal qilindi. Shuningdek, vaqtincha ko‘chirilgan oilalar holidan muntazam xabar olinib, ularning kunlik ehtiyojlari qondirilmoqda.
Sirdaryo viloyatida ochiq maydonda yoqilayotgan buyumlarning suv bosgan uylardan olib chiqilgani va foydalanishga yaroqsiz ekani ma’lum qilindi. Avvalroq ijtimoiy tarmoqlarda xayriya uchun yuborilgan buyumlar yoqib yuborilayotgani xaqida xabarlar tarqalgan edi.
Qoraqalpog‘istonning To‘rtko‘l tumanida katta miqdordagi kuchli ta’sir qiluvchi “tramadol” savdosiga chek qo‘yildi.
O‘zbekistonda aprel oyi davomida 336 ta YTH sodir bo‘lib, ular oqibatida 76 nafar kishi vafot etgan. Aksariyat YTHlar haydovchilar tomonidan belgilangan tezlikka rioya qilmaslik va ularning ehtiyotsizligi sababli sodir etilgan.
Xalq ta’limi vaziri Sherzod Shermatov joriy yilda maktablarda yakuniy imtihonlar o‘tkazilmasligini ma’lum qildi. Maktablarga o‘quv yili davomidagi o‘zlashtirishga qarab yakuniy baholarni qo‘yish tavsiya etildi.
Prezident Shavkat Mirziyoyev hozirgi kunga qadar 39 ming nafar fuqaro mamlakatga qaytarilganini ma’lum qildi. Yana 12 ming nafar fuqaro horijdan qaytarilishi rejalashtirilmoqda.
KOICA Sirdaryo viloyatida suv toshqinidan jabrlanganlarga insonparvarlik yordami yubordi. Yuk tarkibidan shaxsiy gigiyena vositalari, birlamchi mahsulotlar va bolalar ozuqlari o‘rin olgan.
Dang‘ara tumanida to‘satdan chapga qayrilgan Captiva velosipedchining o‘limiga sabab bo‘ldi.
Bosh prokuratura Samarqand viloyatida 34 kishiga koronavirus yuqishiga sabab bo‘lgan shifokorga nisbatan ochilgan jinoyat ishini bekor qilib, barcha holatlar to‘liq tekshirilmasdan, shoshma-shosharlik bilan barvaqt jinoyat ishi qo‘zg‘atilganini tan oldi.
Respublika maxsus komissiyasi yo‘lovchilar uchun koronavirus testi natijalari «salbiy» ekani haqidagi ma’lumotnoma talabini bekor qildi. Bunda karantin sharoitida aholining iqtisodiy holati hisobga olindi. Qolaversa, fuqarolarning hududlararo harakatlanishida noqulaylik tug‘dirmaslik maqsadida ushbu qaror qabul qilindi.
Oqqo‘rg‘on tumanida “Mahalla” xayriya jamoat fondi va “Saxovat va ko‘mak” jamg‘armasining 153,2 mln so‘mlik xayriya mablag‘larini talon-toroj qilgan shaxslarga jinoyat ishi qo‘zg‘atildi.
O‘tgan yilning yozida Toshkentning Yunusobod tumanida mashinasida 3 o‘smirni urib yuborib, ulardan birining o‘limiga sabab bo‘lgan ayol ustidan sud jarayoni yakunlandi. Haydovchi Larisa Tolmacheva aybdor deb topilib, to‘rt yilga qamaldi.
Dushanba va seshanba kunlari momaqaldiroqli yomg‘ir yog‘ib, shamol tezligi soniyasiga 28 metrgacha kuchayishi mumkin. Hafta o‘rtasidan esa quyoshli havo kuzatiladi va harorat +32…+35 darajagacha ko‘tariladi.
Rossiyada bo‘lib turgan birinchi 202 nafar o‘zbekistonlikka 1,2 mln rubllik yordam puli tarqatildi.
Kuchli shamol Xorazmda tashkilotlar va uylarning tomlarini uchirib yubordi. Daraxtlar va elektr tarmoqlariga ham zarar yetdi.
Prokuratura Sardoba suv ombori to‘g‘onining buzilishi yuzasidan olib borilayotgan jinoiy ish bo‘yicha 4 ta asosiy tergov taxminini tekshirmoqda. Ular — loyihalashdagi xatoliklar, qurilish me’yorlariga rioya etmaslik, ekspluatatsiya jarayonidagi xatoliklar va tabiiy ofat taxminlari. Jami 170 nafardan ziyod kishi so‘roq qilindi.
Sardoba suv ombori to‘g‘oni o‘pirilishi natijasida yuzaga kelgan suv toshqinidan eng kamida 6 kishi qurbon bo‘lgan, bir kishi bedarak yo‘qolgan.
Sardoba suv ombori to‘g‘oni loyihaviy konstruksiyasidan kelib chiqqan holda tuproq va toshli bo‘lgan. Beton va armatura esa faqatgina suv chiqish joyida qo‘llanilgan — suv xo‘jaligi vaziri o‘rinbosari.
Qo‘shimcha imkoniyatlarga ega bulish uchun saytda ro‘yxatdan o‘ting