«dok-1 maks» tegli maqolalar
“Bolam yura va gapira olmaydi” — “Dok-1 Maks"dan zaharlangan bolaning otasi
Sud Marion Biotech dorilari, jumladan, “Dok-1 Maks” siropini ichishi oqibatida 65 bola vafot etgani bilan bog‘liq ishni ko‘rib chiqishni boshladi. Jabrlanganlardan birining otasi farzandi nogiron bo‘lib qolgani, yura va gapira olmasligini aytdi. Dori-darmonlarni o‘z pulimizga oldik, deydi u.
O‘zbekistonda Marion Biotech dorilari 65 bolaning o‘limiga sabab bo‘lgan
O‘zbekistonda Dok-1 Maks dorisini qabul qilgan 65 nafar bola vafot etgan. Bu bo‘yicha Quramax Medikal va Farmatsevtika agentligi xodimlariga nisbatan ayblov xulosasida so‘z boradi. Rasmiylar bergan so‘nggi ma’lumotlarda qurbonlar soni 20 kishi ekani aytilgandi.
Bolalar o‘limiga sabab bo‘lgan Marion Biotech siroplariga sanoat propilenglikoli qo‘shilgan bo‘lishi mumkin
Hindistonning Marion Biotech kompaniyasi o‘z mahsulotlarida yuvish vositalari, antifriz, bo‘yoqlar va boshqa mahsulotlarda qo‘llanadigan zaharli modda — sanoat propilenglikolidan foydalangan bo‘lishi mumkin. Mazkur kompaniya dorilari avvalroq O‘zbekistonda kamida 19 nafar bolaning vafotiga sabab bo‘lgandi.
Hindistondagi «Dok-1 Maks» siropi ishlab chiqaruvchisi litsenziyadan mahrum qilindi
Hindistonning Uttar-Pradesh shtati rasmiylari Marion Biotech farmatsevtika kompaniyasining ishlab chiqarish litsenziyasini bekor qildi. Kompaniyaning «Dok-1 Maks» siropi O‘zbekistonda kamida 20 nafar bolaning o‘limiga sabab bo‘lgan. Ilgariroq litsenziyaning amal qilish muddati to‘xtatilgandi.
Hindistonda Marion Biotech kompaniyasining uch xodimi hibsga olindi
Hindiston politsiyasi O‘zbekistonda 20 nafar bolaning o‘limiga sababchi bo‘lgan «Dok-1 Maks» yo‘talga qarshi siropini ishlab chiqargan Marion Biotech farmatsevtika kompaniyasi xodimlarini hibsga oldi.
JSST mamlakatlarni o‘limga sabab bo‘luvchi siroplarga qarshi chora ko‘rishga chaqirdi
Jahon sog‘liqni saqlash tashkiloti mamlakatlarni Gambiya, Indoneziya va O‘zbekistonda 300 dan ortiq bola o‘limiga sabab bo‘lgan siroplarga qarshi kurashishga chaqirdi. O‘zbekistonda «Dok-1 Maks» siropidan kamida 20 nafar bola vafot etgan.
«Tasdiqlansa, to‘lanishi mumkin». SSV «Dok-1 Maks»dan o‘lgan bolalarning yaqinlariga kompensatsiya to‘lanishi haqida
«Dok-1 Maks» siropidan vafot etgan bolalarning yaqinlariga kompensatsiya to‘lab beriladimi? «Gazeta.uz» muxbirining ushbu savoliga javob berar ekan, SSV rahbari o‘rinbosari Elmira Basitxanova «hujjat bilan tasdiqlansagina, kompensatsiya to‘lash bo‘yicha yuridik jarayonlar boshlanishi mumkin», deya javob berdi.
“Quramax Medical"ning litsenziyasi bekor qilindi
Toshkent tumanlararo iqtisodiy sudida “Quramax Medical” MCHJga berilgan litsenziyani bekor qilish masalasi ko‘rib chiqildi. Sud qarori bilan litsenziya bekor qilinishi va qo‘llash uchun yaroqsiz dori vositalari muomaladan chiqarilib, yo‘q qilinishi belgilandi.
JSST «Dok-1 Maks» va «Ambronol» dorilari xavfidan ogohlantirdi
JSST «Dok-1 Maks» va «Ambronol» siroplarining sifat standartlariga mos kelmasligi haqida ogohlantirish e’lon qildi. Bu O‘zbekistonda kamida 20 nafar bolaning o‘limi bilan bog‘liq bo‘lib, ishlab chiqaruvchi kompaniya — Marion Biotech tashkilotga hali sifat kafolati bo‘yicha hujjat taqdim etmagan.
Marion Biotech kompaniyasi litsenziyasi to‘xtatildi. Uning dorisi O‘zbekistonda bolalar o‘limiga sabab bo‘lgan
Hindistonda O‘zbekistonda bolalarning ommaviy o‘limiga aloqador yo‘tal siropini ishlab chiqargan kompaniya — Marion Biotech litsenziyasi to‘xtatildi. Hozirgacha «Dok-1 Maks» siropidan O‘zbekistonda 20 dan ortiq bola vafot etgan.
OAVda dori reklamasini cheklash kerak — «Yuksalish»
«Dok-1 Maks» iste’moli natijasida bolalarning hayotdan ko‘z yumgani O‘zbekistonda sog‘liqni saqlash va farmatsevtika sohasida muammolar mavjudligini ko‘rsatib berdi, deya ma’lum qildi «Yuksalish» harakati. U dorilarni nazoratsiz qo‘llash masalasini ko‘rib chiqish va OAVda ular reklamasini cheklashni taklif qildi.
Yana bir bolaning «Dok-1 Maks» iste’mol qilgandan keyin vafot etgani tasdiqlandi
«Dok-1 Maks» siropini qabul qilgan yana bir bolaning o‘limi haqidagi ma’lumot tasdiqlandi. Bu haqda Namangan viloyati sog‘liqni saqlash boshqarmasi oradan 18 kun o‘tib — xabarlar internetda paydo bo‘lganidan keyin ma’lum qildi.
«Dok-1 Maks»dan bolalar o‘lgani haqida xabar bergani uchun ishdan olingan bosh shifokor lavozimiga qaytishi mumkin
«Dok-1 Maks»dan bolalar o‘lgani haqida xabar bergani uchun ishdan bo‘shatilgan Samarqand viloyati bolalar ko‘p tarmoqli tibbiyot markazi bosh shifokori Mamatqul Azizov lavozimiga tiklanishi mumkin. SSVga ko‘ra, bu jarayon yuzasidan yuristlar ish olib bormoqda. Keyinroq yakuniy rasmiy ma’lumot taqdim etiladi.
Toshkent viloyatida 9 nafar bola «Dok-1 Maks» siropidan zaharlandi
Tarmoqlarda Toshkent viloyatida «Dok-1 Maks» siropini iste’mol qilgan 2 yoshli bola vafot etgani aytilgan xabar tarqaldi. Viloyat hokimligi buni rad etib, shu paytgacha 9 nafar bola ushbu doridan zaharlanganini, 4 nafarining ahvoli esa barqaror holatdaligini ma’lum qildi.
O‘zbekistonda «Xonadon dori qutisi» nazoratdan o‘tkaziladi
SSVga ko‘ra, «Dok-1 Maks» dorisidan bolalarning ommaviy o‘limi kuzatilganidan so‘ng uyma-uy yurgan holda «Xonadon dori qutisi» nazoratdan o‘tkaziladi. Quramax Medical kompaniyasining barcha dori vositalarini qabul qilmaslik va iste’moldan chiqarish yuzasidan zarur choralar ko‘riladi.
Dekabr oyida kelgan «Dok-1 Maks» dorilari Davlat bojxona qo‘mitasi omborlarida saqlanmoqda
O‘zbekistondagi bojxona omborlarida dekabr oyida kelgan «Dok-1 Maks» preparatining uchta partiyasi (taxminan 60 ming quti) va undan oldin kelgan ikki partiyasi saqlanmoqda. Mamlakatda uning ta’sirida vafot etgan 20 ga yaqin bola voqeasidan keyin dori-darmonlarni sotish taqiqlandi.
Sirdaryoda «Dok-1 Maks» siropi 7 nafar bolaga nojo‘ya ta’sir qilgani ma’lum bo‘ldi
Sirdaryo viloyati SSV rahbari o‘rinbosari «Dok-1 Maks» dori vositasi 7 nafar bemor bolaga nojo‘ya ta’sir qilganini ma’lum qildi. Hozirda ulardan 4 nafari sog‘ayib chiqqan, 3 nafari esa jonlantirish bo‘limida davo-muolajalarini davom ettirmoqda.
O‘zbekiston SSVning yangi rahbari Quramax`ning barcha dorilari savdosini to‘xtatish bo‘yicha topshiriq berdi
SSVning yangi rahbari Amrillo Inoyatov dorixonalarga yo‘llagan xatida Quramax 2022 yilda import qilgan barcha dorilarning sotilishini to‘xtatish haqida ko‘rsatma berdi. «Dok-1 Maks» va «Ambronol» preparatlarining ro‘yxatdan o‘tkazish guvohnomalarini bekor qilish to‘g‘risida sudga da’vo arizasi ham kiritilgan.
“Dok-1 Maks” siropida etilenglikol darajasi me’yordan 300 baravar yuqori bo‘lgan
Hindiston dori vositasi O‘zbekistonda kamida 19 bolaning hayotiga zomin bo‘lgan Marion Biotech kompaniyasining guvohnomasini to‘xtatib qo‘ydi. Farmatsevtika agentligi Hindistonning Toshkentdagi elchixonasiga “Dok-1 Maks” tarkibidagi etilenglikol miqdori me’yordan 300 baravar yuqori ekanligini ma’lum qildi.
Farg‘onada «Dok-1 Maks» siropidan zaharlangan 3 yoshli bola davolanayotgani aytildi
RSHTYOIM Farg‘ona viloyat filialida quvasoylik 3 yoshli bemor bola «Dok-1 Maks» siropidan o‘tkir zaharlanish tashxisi bilan davolanayotgani ma’lum qilindi. Uning umumiy ahvoli og‘ir, hushida.
Eng ko‘p o‘qilgan xabarlar | So‘nggi yangiliklar
- O‘zbekistonda 17−23-fevral kunlari ob-havo qanday bo‘ladi? “Gazeta.uz” sharhi
- O‘zbekistonliklar muhandislik sohasi bo‘yicha Germaniyaga ishga taklif qilinmoqda
- Hafta davomida harorat +20 darajagacha ko‘tariladi
- Sirdaryoda o‘qituvchini kaltaklagan ayol ruhiy kasalliklar shifoxonasiga joylashtirildi (1)
- Kambag‘al oilalarga tadbirkorlik bilan shug‘ullanish uchun foizsiz ssudalar ajratiladi
Qo‘shimcha imkoniyatlardan foydalanish uchun saytda ro‘yxatdan o‘ting