«maktab» tegli maqolalar
Navoiy shahridagi maktabning sport zalida o‘quvchilar sochi ommaviy kaltalandi. Bolalar ombudsmani “nomaqbul” harakatni qoraladi
Navoiy shahridagi 2-maktabda o‘g‘il bolalar sport zaliga olib kirilib, sochlari oldirildi, bu direktorning tashabbusi bo‘lishi mumkin. MMTB boshlig‘i va bolalar ombudsmani bunday munosabatga yo‘l qo‘yib bo‘lmasligini ta’kidladi. Milliy gvardiya esa ularning xodimlari jarayonni to‘xtatishga uringanini bildirdi.
Toshkentda 12 yoshli o‘quvchining to‘p tegib vafot etgani bo‘yicha jinoiy ish qo‘zg‘atildi
Oktabrda Toshkentdagi 259-maktabda jismoniy tarbiya darsida 12 yoshli bola koptok tegib, vafot etgani yuzasidan o‘z vazifalarini lozim darajada bajarmaslik moddasi bilan jinoyat ishi qo‘zg‘atildi. Bir necha kun avval shu maktabning futbol maydoni oldidan hushsiz topilgan 3-sinf o‘quvchisi shifoxonada vafot etgandi.
O‘zbekistonda ta’lim muassasalarida gazlangan hamda energetik ichimliklarni ichish va sotish taqiqlanishi mumkin
O‘zbekistonda bog‘cha, maktab, kollej hamda oliy o‘quv yurtlarida shirin, gazlangan va energetik ichimliklar hamda tuzi yuqori bo‘lgan qayta ishlangan oziq-ovqat mahsulotlarini iste’mol qilishni va sotishni taqiqlash rejalashtirilmoqda.
Prezident maktab o‘rniga hujraga qatnagan bolalar haqida gapirdi
Shavkat Mirziyoyev Buxoroda 12 nafar maktab o‘quvchisi 6 oy davomida hujraga qatnab yurgani va bundan direktorning xabari bo‘lganini ta’kidladi. “12 ta bolaga ham direktor 5 baho qo‘yib kelyapti. U hujrada topgan noma’qul pulini direktorga beryapti. Mana, biz qanday illat bilan kurashyapmiz”, — dedi prezident.
Toshkentdagi maktabdan hushsiz holda topilgan 3-sinf o‘quvchisi vafot etdi
Shanba kuni Yunusobod tumanidagi 259-maktabning futbol maydoni oldidan hushsiz holda topilgan 3-sinf o‘quvchisi shifoxonada vafot etdi. Holat yuzasidan sud-tibbiy ekspertiza tayinlanib, tergovga qadar tekshiruv olib borilmoqda.
Maktab va bog‘chalarni qurish hamda ta’mirlash bo‘yicha buyurtmachi kompaniya tashkil etildi
O‘zbekistonda Infratuzilmani rivojlantirish injiniring kompaniyasi tashkil etildi. U maktabgacha ta’lim tashkilotlari, umumta’lim va ixtisoslashtirilgan maktablarni qurish, rekonstruksiya qilish va kapital ta’mirlash bo‘yicha buyurtmachi vazifasini bajaradi.
O‘zbekistonda voyaga yetmaganlar 2023-yilda 3,5 mingta jinoyat sodir etdi
2023-yilda O‘zbekistonda voyaga yetmaganlar tomonidan 3500 ta jinoyatchilik qayd etildi. Ularning 2280 tasi maktab o‘quvchilari hisobiga to‘g‘ri keldi. Prezident maktablarda bolalarni vatanparvarlik ruhida tarbiyalash orqali ularning “jinoyatga qarshi immunitetini” shakllantirish tizimini yaratish muhimligini aytdi.
Maktablarda yuqori sinf o‘quvchilariga ikkinchi xorijiy til o‘rgatiladi
2024/2025 o‘quv yilidan boshlab 10−11-sinflarda ikkinchi xorijiy tilga o‘qitiladi. Shuningdek, xorijiy tillar yo‘nalishlari bo‘yicha pedagoglarni tayyorlaydigan davlat OTM talabalarining maktablarda pedagogik amaliyoti yo‘lga qo‘yiladi.
Toshkentda 8-sinf o‘quvchisi vafot etdi
Tarmoqlarda Mirzo Ulug‘bek tumanidagi 99-maktab o‘quvchisi tok urishi oqibatida vafot etgani haqida xabarlar tarqaldi. Maktab boshqarmasi buni rad etib, o‘quvchi maktabda hushini yo‘qotgani va ko‘rsatilgan yordamga qaramay, kardiologiya markazida vafot etganini bildirdi.
Toshkentda direktor sinfdoshi bilan mushtlashgan bolani urdi. Holat o‘rganilmoqda
Poytaxtdagi 217-maktabda ikki sinfdosh janjal oqibatida mushtlashdi. Direktor bolalarning biriga tanbeh berarkan, uni tepib, haqorat qildi va yuziga tarsaki tushirdi. Holatni huquq-tartibot idoralari o‘rganyapti. Maktab boshqarmasi voqeani qoralab, bu “pedagog obro‘siga putur yetkazishini” ta’kidladi.
“O‘zbekiston 24” lavhasida o‘qituvchilar maktabni tozalamagani uchun tanqid qilindi. Pedagoglarni mehnatga majburlash qonunga zid
Prezident Qarshi tumanidagi 12-maktabga borib, muassasa sharoitini tanqid qildi. Tashrifni yoritgan “O‘zbekiston 24” kanalida o‘qituvchilar “maoshi oshib, mavqei yuksalsa-da, maktab hovlisini gullatib, yashnatib qo‘ymagani” ta’kidlandi. Jamoatchilik pedagoglarni mehnatga majburlash taqiqlanganini eslatdi.
Toshkentdagi 160-maktab o‘qituvchilari prezidentga murojaat qildi
Toshkentdagi 160-maktab o‘qituvchilari asossiz tekshiruvlar ortidan maktab direktori ishdan bo‘shatilganini aytib, prezidentga murojaat qildi. Maktab ta’limi boshqarmasi ta’lim-tarbiya jarayoni sifati keskin pasaygani va tekshiruvlar prokuratura tomonidan o‘tkazilganini qayd etdi.
O‘zbek deputatlari rossiyalik deputatning Rossiyada migrantlarning bolalari uchun maktablar qurilishi haqidagi bayonotiga javob qaytardi
Rossiyalik deputat Mixail Delyaginga ko‘ra, o‘zbekistonlik migrantlarning bolalari uchun xususiy maktablar qurish taklifi Rossiya fuqarolariga nisbatan “kamsitish” va bu Rossiyaning yo‘q bo‘lishiga olib kelishi mumkin. O‘zbekistonlik deputatlar bu ayblovlar “munosabatlarda hushyorlikka da’vat etishini” ta’kidladi.
10−11-sinf o‘quvchilari uchun 4 ta yo‘nalishda tanlov fanlari belgilandi
Maktablarning yuqori sinf o‘quvchilari uchun 4 ta yo‘nalishda tanlov fanlari belgilandi. Ular qaysi yo‘nalishni tanlasa, o‘sha fanlar chuqurlashtirib o‘qitiladi. Keyingi o‘quv yilidan tanlov fanlari ko‘payadi.
“Vesti.uz” O‘zbekistonda Rossiya maktablari qurilishiga qarshi fikr bildirganlarni rusofobiyada aybladi
Rossiya manfaatlarini yorituvchi “Vesti.uz” sayti O‘zbekistonda RF tomonidan maktablar qurilishi haqidagi taklifni savol ostiga olgan tarmoq faollarini “G‘arb elchixonalariga sotilgan blogerlar” deb atadi. Saytning yozishicha, Rossiya maktablarida “Ukrainani natsizmdan tozalash haqidagi haqiqat” o‘rgatiladi.
“Noto‘g‘ri talqin qilinmoqda”. Bosh vazir matbuot kotibi — RFning O‘zbekistonda maktab qurish taklifi haqida
Bosh vazir matbuot kotibi Bekzod Hidoyatov Rossiyaning O‘zbekistonda maktab qurish taklifi internetda noto‘g‘ri talqin qilinayotganini bildirdi. Uning aytishicha, davlatlar bir-birining hududida maktab qurishi jahon tajribasida bor va shunday maktab qurilsa ham, uning dasturi har tomonlama o‘rganib chiqiladi.
Qozog‘iston maktab va bog‘cha yo‘q hududlarda ko‘p qavatli uylar qurishni taqiqlamoqchi
Qozog‘iston deputatlari yaqin atrofida maktab, bolalar bog‘chasi yoki boshqa ijtimoiy infratuzilma bo‘lmasa, ko‘p qavatli uylar qurishni taqiqlashni taklif qilishdi. Qonun loyihasi bir qancha maktablarda bolalar soni ortib ketishi holatlaridan keyin ishlab chiqilgan.
Maktablarda 1-sinfdan kompyuter savodxonligi darslari joriy etiladi
“O‘zbekiston — 2030” strategiyasiga ko‘ra, endi maktablarda kompyuter savodxonligi darslari 1-sinfdan joriy etiladi. Shuningdek, 5 ming nafargacha professor-o‘qituvchilarni tajriba almashish uchun, 200 nafargacha yosh olimlarni ilmiy daraja olish uchun tanlov asosida xorijiy ilmiy tashkilotlarga yuboriladi.
So‘rovnoma: Maktab bozoriga qancha sarfladingiz?
4-sentabrdan maktablarda o‘quv yili boshlanadi. Shu bois ayni kunlarda bozorlar xaridorlarga to‘la, kimdir maktab formasini, yana kimdir o‘quv qurollarini sotib olyapti. “Gazeta.uz” ota-onalar maktab bozoriga qancha pul sarflayotgani va ularning narx-navo borasidagi fikrlari bilan qiziqdi. Video.
“O‘zbekistondan sovg‘a”. Shavkat Mirziyoyev va Ilhom Aliyev Fuzuliyda maktab ochilishida ishtirok etdi (foto)
O‘zbekiston va Ozarbayjon prezidentlari hamda ularning rafiqalari Fuzuliy shahrida O‘zbekiston tomonidan qurilgan maktabning ochilish marosimida ishtirok etdi. “Bu Qorabog‘ni tiklashda xorijiy davlatning ilk sovg‘asidir”, — dedi Ilhom Aliyev. Maktab haqida nimalar ma’lum?
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting