«shavkat mirziyoyev» tegli maqolalar
Yevropa kengashi prezidenti Nukusdagi namoyishlar qurbonlari yaqinlariga hamdardlik bildirdi
Yevropa kengashi prezidenti Sharl Mishel prezident Shavkat Mirziyoyev bilan telefon orqali muloqoti chog‘ida Nukusdagi namoyishlarda qurbon bo‘lganlarning oilalariga hamdardlik bildirdi. Qolaversa, u vaziyatni ba’zi buzg‘unchi kuchlar tomonidan izdan chiqarilishiga yo‘l qo‘yib bo‘lmasligini ta’kidladi.
Shavkat Mirziyoyev Qasim-Jomart Toqayev bilan telefon orqali muloqot qildi
Qozog‘iston prezidenti Qasim-Jomart Toqayev prezident Shavkat Mirziyoyev bilan telefon orqali muloqotda Qoraqalpog‘istonda «barqarorlik va izchil taraqqiyotni ta’minlash bo‘yicha ko‘rilgan qat’iy chora-tadbirlarni qo‘llab-quvvatladi».
Prezident Nukusda nimalarni ta’kidladi?
Shavkat Mirziyoyev mamlakat xalqiga murojaatida ma’lum kuchlar «konstitutsiyaviy islohotlarga norozilik bahonasida… vaziyatni beqaror etish va izdan chiqarishga urinishayotganini» ta’kidladi. Qoraqalpog‘istonning maqomi o‘zgarmasligini yana bir bor aytib, so‘nggi yillarda mintaqada ro‘y bergan o‘zgarishlarni sanadi.
«Qo‘llariga miltiq olganlar Milliy gvardiya xodimlarini otdi». Prezident Nukusdagi namoyishlar haqida
Shavkat Mirziyoyev Nukus aholisi bilan suhbatda tashqi kuchlar ta’siri ostida odamlar qo‘liga miltiq olib, Milliy gvardiya xodimlarini otganini ma’lum qildi. U prezident sifatida Qoraqalpog‘istonda tinchlik o‘rnatilishi va hech qanday muammo bo‘lmasligiga kafolat berdi.
Qoraqalpog‘istondagi tinch aholi va organlar xodimlari orasida qurbonlar bor — Shavkat Mirziyoyev
Prezident Qoraqalpog‘istondagi namoyishlarda ayrim kimsalar organlar xodimlariga hujum qilib, ayovsiz kaltaklagani, qo‘riqlanadigan hududlarga bostirib kirishga uringanini ta’kidladi. «Ming afsuski, tinch aholi va huquq-tartibot organlari orasida qurbonlar bor», — dedi Shavkat Mirziyoyev.
Qoraqalpog‘iston aholisiga SMS orqali o‘zgartishlar rad etilganligi haqida xabar berildi
O‘zbekiston prezidenti Qoraqalpog‘iston maqomi bo‘yicha Konstitutsiyaga o‘zgartishlar kiritilmasligini ma’lum qilgach, internet deyarli ishlamayotgan hudud aholisi bu haqda SMS orqali xabardor qilindi.
![«O‘zlaring [o‘zgartishlarni] tasdiqlagansizlar. Nimaga menga telefon qilmadinglar?» Prezident — Jo‘qorg‘i Kengesga](https://www.gazeta.uz/media/img/2022/07/qK1WfS16567914354855_m.jpg)
«O‘zlaring [o‘zgartishlarni] tasdiqlagansizlar. Nimaga menga telefon qilmadinglar?» Prezident — Jo‘qorg‘i Kengesga
Shavkat Mirziyoyev Qoraqalpog‘iston Jo‘qorg‘i Kengesi deputatlarining o‘zlari Konstitutsiyada respublikaning maqomini o‘zgartish taklifini kiritgani va tasdiqlagani hamda aholining noroziligi haqida xabar bermaganini tanqid qildi. «Qoraqalpoq xalqi norozi bo‘lsa, birorta modda hech qachon o‘zgarmaydi», — dedi u.
Shavkat Mirziyoyev yana Nukusga uchib ketdi
O‘zbekiston prezidenti bir kun avval borgan Nukusga yana uchib ketdi. Qoraqalpog‘istonda tundan beri favqulodda holat joriy etilgan.
Shavkat Mirziyoyev: «Tinchlik va barqarorlik muhitini saqlash — barchamizning burchimizdir»
«Qoraqalpog‘istonning o‘ziga xos etnik, madaniy xususiyatlari, milliy urf-odat va qadriyatlari, alohida huquqiy maqomini e’tiborga olib, loyihadagi Qoraqalpog‘istonning huquqiy maqomiga oid normalarni o‘zgartirishsiz qoldirish zarur, deb hisoblayman», — dedi Shavkat Mirziyoyev Nukusda.
Prezident: Konstitutsiyaning 70−75-moddalari o‘zgartirilmaydi
Shavkat Mirziyoyev Nukusda bo‘lib o‘tgan yig‘ilishda Qoraqalpog‘iston aholisining noroziligiga sabab bo‘lgan O‘zbekiston Konstitutsiyasining 70, 71, 72, 74 va 75-moddalarining amaldagi tahrirlari o‘zgarishsiz qoldirilishi kerakligini aytdi.
Shavkat Mirziyoyev Nukusga uchib ketdi
O‘zbekiston prezidenti Shavkat Mirziyoyev bir kun avval ommaviy namoyishlar bo‘lib o‘tgan Nukusga uchib ketdi.
O‘zbekiston yoshlariga beriladigan imtiyoz va subsidiyalar soni ko‘paydi
«Yoshlar daftari»dagi imtiyozlar soni 25 tagacha ko‘paytiriladi, yoshlarga IT va chet tilini o‘rganish uchun 1,2 mln so‘mdan subsidiya ajratiladi, xalqaro olimpiadalar ishtirokchilariga xarajatlari uchun 12 mln so‘mdan beriladi, fortepiano, maqom va baxshichilikka o‘qiydiganlarning kontraktini davlat to‘lab beradi.
Prezident: «Men nafaqat O‘zbekiston, Qoraqalpog‘istonning ham farzandiman»
Shavkat Mirziyoyev Yoshlar kuni munosabati bilan o‘tkazilgan tadbirda so‘zlagan nutqida «bag‘rikeng, tanti, qiyinchiliklarni mardonavor yengib o‘tayotgan qoraqalpoq xalqini e’zozlashini» ta’kidladi. «Mehr va g‘urur bilan aytaman, men nafaqat O‘zbekiston, Qoraqalpog‘istonning ham farzandiman», — dedi prezident.
Mirziyoyev Berdimuhamedovni 65 yoshi bilan tabrikladi
Shavkat Mirziyoyev Turkmaniston Milliy Kengashi Xalq Maslahati raisi Gurbanguli Berdimuhamedovni 65 yoshga to‘lgani bilan tabrikladi. Suhbat chog‘ida prezident Serdar Berdimuhamedovning O‘zbekistonga tashrifiga tayyorgarlik ko‘rish masalalari muhokama qilindi.
Shavkat Mirziyoyev «Yangihayot» texnoparkidagi loyihalar bilan tanishdi
Prezident «Yangihayot» industrial parkidagi investitsiya loyihalari bilan tanishdi. Birinchi bosqichda 110 gektar maydon auksionda sotildi, ularda oshxona jihozlari, qandolat va to‘qimachilik mahsulotlari, santexnika tovarlari, metall buyumlar ishlab chiqarish yo‘lga qo‘yildi, natijada 20 ming ish o‘rni yaratiladi.
Shavkat Mirziyoyev ommaviy axborot vositalari xodimlarini tabrikladi
Shavkat Mirziyoyev OAV xodimlariga tabrigida ular faoliyatiga to‘sqinliklar demokratik islohotlarga qarshi harakat sifatida baholanishi kerakligini ta’kidladi. «Sud va prokuratura organlari bizga mutlaqo yarashmaydigan bunday salbiy holatlar bo‘yicha qat’iy choralar ko‘rishi lozim», — dedi u.
Shavkat Mirziyoyev «BRIKS plyus» formatidagi onlayn forumda ishtirok etdi
Shavkat Mirziyoyev «BRIKS plyus» formatidagi onlayn forumda qatnashib, xalqaro keskinlik tobora kuchayib borayotgani va tizimli iqtisodiy inqiroz belgilari namoyon bo‘layotgan sharoitda O‘zbekiston keng ko‘lamli hamkorlik, shu jumladan «Janub-Janub» formatidagi sheriklik uchun ochiq ekanini ma’lum qildi.
O‘zbekiston va Ozarbayjon o‘rtasida deklaratsiya va 18 ta hujjat imzolandi
Shavkat Mirziyoyev va Ilhom Aliyev O‘zbekiston bilan Ozarbayjon o‘rtasidagi strategik sheriklikni chuqurlashtirish va har tomonlama hamkorlikni kengaytirish to‘g‘risidagi deklaratsiyani imzoladilar. Shuningdek, ikki mamlakat hukumatlari, vazirlik va idoralari o‘rtasida 18 ta hujjat imzolandi.
Shavkat Mirziyoyev Konstitutsiyaga qanday o‘zgartirishlarni taklif qildi?
Shavkat Mirziyoyev Konstitutsiyaga o‘zgartirish kiritish bo‘yicha qator takliflarini bildirdi: «O‘zbekistan — ijtimoiy davlat», fuqarolarning (100 ming kishidan kam bo‘lmagan guruhda) qonunchilik takliflarini bildirishi, mahalla maqomini Konstitutsiyada belgilash.
Shavkat Mirziyoyev prezidentning ayrim vakolatlarini Senatga o‘tkazishni taklif qildi
Shavkat Mirziyoyev prezidentning Korrupsiyaga qarshi kurashish agentligi hamda Hisob palatasi rahbarlarini lavozimga tayinlash va ozod qilish bo‘yicha vakolatlarini Oliy Majlisga o‘tkazishni taklif qildi. Uning so‘zlariga ko‘ra, har ikki tashkilot avvalambor Senat oldida hisobdor bo‘lishi lozim.
Eng ko‘p o‘qilgan xabarlar | So‘nggi yangiliklar
- O‘zbekistonda 17−23-fevral kunlari ob-havo qanday bo‘ladi? “Gazeta.uz” sharhi
- O‘zbekistonliklar muhandislik sohasi bo‘yicha Germaniyaga ishga taklif qilinmoqda
- Hafta davomida harorat +20 darajagacha ko‘tariladi
- Sirdaryoda o‘qituvchini kaltaklagan ayol ruhiy kasalliklar shifoxonasiga joylashtirildi (1)
- Kambag‘al oilalarga tadbirkorlik bilan shug‘ullanish uchun foizsiz ssudalar ajratiladi
Qo‘shimcha imkoniyatlardan foydalanish uchun saytda ro‘yxatdan o‘ting