«shavkat mirziyoyev» tegli maqolalar
Prezident Jahongir Ortiqxo‘jayevni qat’iy ogohlantirdi
Shavkat Mirziyoyev mahallada hokim yordamchilari faoliyati va aholi bandligini ta’minlashda yo‘l qo‘yilayotgan kamchiliklarni tanqid qildi. Prezident Toshkent shahar hokimi Jahongir Ortiqxo‘jayev, uning birinchi o‘rinbosari va soliq boshlig‘ini qat’iy ogohlantirdi. Oltinko‘l tumani va Zarafshon shahri hokimlari, qolaversa, respublikadan 11 nafar vakil lavozimidan ozod qilindi.
Yil oxirigacha ko‘zi ojiz bolalar yashaydigan hududlarda ovozli svetoforlar o‘rnatiladi
Prezident qaroriga asosan ko‘zi ojiz va zaif ko‘ruvchi bolalar uchun ixtisoslashtirilgan maktab-internatlar IIVga biriktirildi va «Nurli maskan» maktablari deb qayta nomlandi. Yil yakuniga qadar ko‘zi ojiz va zaif ko‘ruvchi bolalar yashaydigan hududlarda ovozli svetoforlar va innovatsion yo‘l belgilari o‘rnatiladi. Qolaversa, maktablar uchun Brayl yozuvidagi darsliklar chop etiladi, o‘zbek nutqi sintezatoriga ega maxsus kompyuter dasturlari yaratiladi.
Prezident yangi akvapark va gullar bog‘i loyihalari bilan tanishdi
Prezident Toshkent shahrining Yashnobod tumanidagi «Texnopark» hududida quriladigan yangi akvapark, Astronomiya parkida barpo etiladigan gullar bog‘i, davlat muzeylarini rekonstruksiya qilishga qaratilgan loyiha hamda «Yangi O‘zbekiston» universiteti qurilishiga oid taqdimot bilan tanishdi (foto).
«Banklar eng katta poraxo‘rlik bilan shug‘ullanyapti» — prezident
Tadbirkorlikni qo‘llab-quvvatlash jamg‘armasiga tadbirkorlik subyektlarining imtiyozli kreditlarini qoplash uchun budjetdan qo‘shimcha mablag‘lar ajratiladi. Hududlardagi kichik va o‘rta biznesni moliyalashtirish uchun banklarga 300 mln dollar ajratiladi. Shavkat Mirziyoyev: «Ajratiladigan har bir dollar, har bir so‘m — budjetdanmi, bankdanmi — bu hammasi xalqning puli», — deya ta’kidladi. Shu bilan birga, u banklar eng katta poraxo‘rlik bilan shug‘ullanayotganini qayd etdi.
Shavkat Mirziyoyevning Qirg‘izistonga tashrifi may oyida bo‘lishi kutilmoqda
Prezident Shavkat Mirziyoyevning Qirg‘izistonga javob tashrifi may oyi oxirlarida bo‘lib o‘tishi kutilmoqda. Bosh vazir o‘rinbosari Sardor Umurzakov Qirg‘iziston prezidenti Sadir Japarov bilan uchrashuvda oliy darajadagi tashrifga tayyorgarlik ko‘rish maqsadida Bishkek shahriga kelganini ma’lum qildi.
1 iyundan tadbirkorlar uchun soliq ma’murchiligi va tekshirishlar soddalashtiriladi
Prezident 1 iyundan tadbirkorlar uchun soliq ma’murchiligi va tekshirishlar tizimi soddalashtirilishini e’lon qildi. Unga ko‘ra, aylanmasi 1 mlrd so‘mdan oshgan tadbirkorlarga QQS to‘lovchisi guvohnomasi avtomatik tarzda beriladi. Qolaversa, 22 ta turdagi tekshiruv faqat Biznes-ombudsman ruxsati bilan amalga oshiriladi.
Suv tanqisligi oqibatlarini yumshatish bo‘yicha dastur qabul qilinadi — prezident
Bir hafta ichida O‘zbekistonda suv tanqisligi oqibatlarini yumshatish bo‘yicha alohida dastur qabul qilinadi. 1 oktabrga qadar 4,5 ming km sug‘orish tarmoqlarini tozalash va 231 kmni betonlash, 3 mingta gidrotexnik inshoot va 490 km nasos quvurlarini ta’mirlash, 3,5 mingta nasos o‘rnatish, 281 ta quduq qazish reja qilingan. Prezident buning uchun 300 mlrd so‘m mablag‘ ajratilishini ma’lum qildi.
O‘zbekistonga yil boshidan beri 3 mingga yaqin xorijiy IT-mutaxassis kelgan
Prezident yil boshidan beri mamlakatga 3 mingga yaqin xorijiy IT-mutaxassis kelgani va ularning asosiy qismi shu yerda uzoq muddat qolib ishlashni rejalashtirayotganini ma’lum qildi. Xorijlik mutaxassislarni jalb qilgan holda amaliy loyihalar orqali 1000 nafar yoshlarning IT-parklarda malakasini oshirishga ko‘rsatma berildi.
Prezident O‘zbekistonni mintaqaviy IT-markaziga aylantirishga ko‘rsatma berdi
Prezident O‘zbekistonni mintaqaviy IT-markaziga aylantirish yuzasidan mutasaddilarga topshiriq berdi. Buning uchun IT eksportini yil yakunigacha 100 mln dollarga yetkazish, yana 6 ta hududda IT-parklarni to‘liq ishga tushirish va kamida 20 tadan kompaniya faoliyatini yo‘lga qo‘yish zarurligi aytildi. «Ushbu soha rivojlanmasa, boshqa biror bir tarmoq oldinga yurmaydi», — dedi Shavkat Mirziyoyev.
Jahondagi vaziyat tufayli aholiga zarur 150 turdagi dori vositalarida uzilish bo‘lishi xavfi mavjud
O‘zbekistonda tashqi omillar hisobiga 150 turdagi aholi uchun zarur dori vositalarida uzilish bo‘lishi xavfi mavjud, qalbaki va kontrafakt dorilar sotilishiga haligacha barham berilgani yo‘q, amaliyotda 15 foizlik narx preferensiyasi ishlamaydi. Shu va boshqa 50 ga yaqin muammoga yechim topilmagani prezident ishtirokidagi yig‘ilishda tanqid qilindi.
Farg‘ona vodiysida yagona aeroport qurish taklif qilinmoqda
Farg‘ona vodiysida hududdagi uchala viloyat uchun yagona xalqaro aeroport qurilishi mumkin. Prezidentga ko‘rsatilgan loyihalar taqdimotida bu haqda so‘z boradi.
Foto: Shavkat Mirziyoyev Islom sivilizatsiyasi markazi qurilishini ko‘zdan kechirdi
Juma kuni Shavkat Mirziyoyev Islom sivilizatsiyasi markaziga tashrif buyurdi. Uning qurilishi qariyb to‘rt yildan beri davom etmoqda, bugungi kunda pardozlash ishlari olib borilmoqda. Majmuaning birinchi qavatida muzey ombori, qadimiy qo‘lyozma va osori-atiqalarni saqlash xonalari joylashgan. Binoning 65 metr balandlikdagi gumbazi ostiga esa Islom olamining durdonasi bo‘lmish Usmon mushafi qo‘yilishi reja qilingan.
Shavkat Mirziyoyev Qirg‘izistonga tashrif buyurishi kutilmoqda
O‘zbekiston va Qirg‘iziston prezidentlari telefon orqali muloqot qildi. Sadir Japarov Shavkat Mirziyoyevning javob tashrifi bilan Qirg‘izistonga borishi strategik sheriklikni yanada mustahkamlashini ta’kidladi. Bundan tashqari, O‘zbekistonga ikkita maktab qurilishi va Bobur nomidagi O‘sh akademik teatri rekonstruksiyasi uchun minnatdorchilik bildirildi.
1-sentabrdan maktab direktorlarini sertifikatlash tizimi joriy etiladi
1-sentabrdan maktab direktorlarini sertifikatlash tizimi joriy etiladi va shunga ko‘ra ular lavozimga tayinlanadi. Shuningdek, Shavkat Mirziyoyev “yangi o‘quv yiliga qadar tabiiy va aniq fanlarga ixtisoslashgan 173 ta maktab tashkil etilishi shartligi va bunga viloyat, shahar va tuman hokimlari javobgar ekanligini” ta’kidladi.
Maktab o‘qituvchilarini qayta tayyorlash bo‘yicha umummilliy loyiha boshlandi
Shavkat Mirziyoyev maktab o‘qituvchilarini yangi metodika asosida qayta tayyorlash bo‘yicha umummilliy loyiha boshlanganini e’lon qildi. Unga ko‘ra, kelgusi 3−4 yilda barcha o‘qituvchilar yangi metodika asosida o‘qitiladi. Buning uchun har bir viloyat kesimida «trenerlar guruhlari» shakllantiriladi. Ushbu maqsadlar uchun qo‘shimcha 100 mln dollar yo‘naltiriladi.
«Maktab ta’limi eski qolipdan chiqa olmayapti» — Shavkat Mirziyoyev
Prezident maktablardagi ta’lim sifati va muallimlar salohiyati pastligini tanqid qildi. Uning so‘zlariga ko‘ra, bugungi kunda maktabning eng katta muammosi o‘qitish metodikasi mutlaqo eskirganligida. «Afsuski, maktab ta’limi eski qolipdan chiqa olmayapti», — dedi Shavkat Mirziyoyev. Qolaversa, yanvardagi yig‘ilishda yuklatilgan topshiriqlarni bajarmagan ayrim hokimlarga oxirgi marta 3 oy muddat berildi, keyin, jiddiy chora ko‘riladi.
O‘zbekistonga qaytgan mehnat migrantlari qurilish ishlariga jalb qilinadi
Payshanba kungi videoselektorda prezident viloyat hokimlariga vatanga qaytgan mehnat migrantlarini qurilish ishlariga jalb qilish bo‘yicha topshiriq berdi. Ularga asbob-uskunalar xarid qilish uchun subsidiya ham ajratiladi. Qolaversa, Sirdaryo viloyati hokimi o‘z hududida qariyb 2 ming, Namangan viloyati hokimi esa 17 ming migrant qaytib kelganini ma’lum qildi.
Shavkat Mirziyoyev — O‘zbekiston iqtisodiyotini qo‘llab-quvvatlash va tashqi xatarlarni yumshatish haqida
Prezident jahondagi nobarqaror vaziyatda O‘zbekiston iqtisodiyotini qo‘llab-quvvatlash va tashqi xatarlarni yumshatish bo‘yicha topshiriqlar berdi. Jumladan, ayrim oziq-ovqat mahsulotlari importiga aksiz solig‘i va bojxona bojlari qayta ko‘rib chiqiladi, tadbirkorlarga 10 trln so‘m «revolver» kreditlar beriladi. Yil yakunigacha Rossiya, Ukraina va Belarus bilan ishlayotganlarning debitor qarzdorligi uchun jarima va penya qo‘llanilmaydi.
«Valyuta bozorida keskin tebranishlarning oldini olish uchun zaxiralarimiz yetarli» — Shavkat Mirziyoyev
Prezident videoselektor yig‘ilishida valyuta bozori barqarorlashgani, birjada rubl va yuan bo‘yicha savdolar boshlanganini aytdi. «Valyuta bozorida keskin tebranishlarning oldini olish uchun zaxiralarimiz yetarli», — dedi Shavkat Mirziyoyev. Ta’kidlanishicha, ekspertlar jahondagi hozirgi murakkab vaziyat uzoq davom etishini prognoz qilmoqda. Shundan kelib chiqib, bosh vazir boshchiligida Respublika shtabi tuziladi.
O‘zbekiston va Turkiya prezidentlari Xivani ziyorat qildi (foto)
30 mart kuni Shavkat Mirziyoyev va Rejep Tayyip Erdog‘an hamda ularning rafiqalari Xorazmga tashrif buyurdi. Davlat rahbarlari birgalikda Xivadagi qadimiy obidalarni, jumladan Ichan qal’ani ziyorat qildi.
Eng ko‘p o‘qilgan xabarlar | So‘nggi yangiliklar
- O‘zbekistonliklar muhandislik sohasi bo‘yicha Germaniyaga ishga taklif qilinmoqda
- Jurnalist Ruxsora G‘ofurova ishi sudga oshirildi (1)
- Foto: Mudofaa vazirligining xalqaro ko‘rgazmadagi harbiy texnikalari
- Kambag‘al oilalarga tadbirkorlik bilan shug‘ullanish uchun foizsiz ssudalar ajratiladi
- Futbol: O‘zbekiston U-20 Osiyo kubogida Erondan uchralgan mag‘lubiyatga qaramay, chorak finalga chiqdi (video, foto)
Qo‘shimcha imkoniyatlardan foydalanish uchun saytda ro‘yxatdan o‘ting