«tiv» tegli maqolalar
Ukrainaning markaziy viloyatlaridagi o‘zbekistonliklarni Lvovga xavfsiz yetkazishni vaqtincha iloji bo‘lmayapti — TIV
O‘zbekiston TIV rasmiy vakili Yusup Kabuljanov Ukrainaning sharqiy va markaziy viloyatlaridagi o‘zbekistonliklar Polsha bilan chegaradosh Lvov shahriga xavfsiz yetkazishni vaqtincha iloji bo‘lmayotganini ma’lum qildi. Bunga shaharlar o‘rtasida avtomobil va temir yo‘l aloqalari to‘xtatilgani sabab bo‘lmoqda. Ta’kidlanishicha, talabalar masalalari elchixona va Ukrainadagi diaspora vakillari hamkorligida hal etilmoqda.
«Ukrainada jabrlanganlar orasida O‘zbekiston fuqarolari yo‘q» — TIV
Ukrainada ayni paytda 4300 nafar O‘zbekiston fuqarosi bo‘lib turibdi, ular ro‘yxati yanada aniqlashtirilmoqda, deya xabar qildi TIV. Vazirlik ma’lumotlariga ko‘ra, jabrlanganlar orasida o‘zbekistonliklar yo‘q.
TIV Qozog‘istonda O‘zbekiston fuqarosi qo‘lga olinganini rad etdi
TIV rasmiy vakili «Jibek joli» o‘tish punktida Qozog‘istondagi tartibsizliklarda ishtirok etganlikda gumon qilinib, qo‘lga olingan shaxs O‘zbekiston fuqarosi ekanligini rad etdi.
«Qozog‘iston xalqi yuzaga kelgan muammolarni mustaqil hal qilish uchun yetarli irodaga egaligiga ishonamiz» — O‘zbekiston TIV
O‘zbekiston Qozog‘iston xalqi va rahbariyatining mamlakat barqarorligi hamda ravnaqi yo‘lidagi sa’y-harakatlarini qo‘llab-quvvatlaydi va Qozog‘iston xalqi beqarorlik avj olishining oldini olishga, zo‘ravonlik va insonlar orasida qurbonlar yuzaga kelishiga yo‘l qo‘ymaslikning uddasidan chiqishiga ishonadi, deyiladi TIV bayonotida.
Vladimir Norov tashqi ishlar vaziri o‘rinbosari etib tayinlandi
Prezident qarori bilan Vladimir Norov tashqi ishlar vazirining o‘rinbosari lavozimiga tayinlandi. U 2019−2021 yillarda Shanxay hamkorlik tashkiloti bosh kotibi sifatida faoliyat yuritgan edi.
«Amirsoy» hududida «Diplomatlar bog‘i» tashkil etildi
Tashqi ishlar vaziri Abdulaziz Kamilov va xorijiy davlatlarning elchilari «Amirsoy» hududida tashkil etilgan «Diplomatlar bog‘i»da daraxt ekishdi. Turkiya elchisi Olgan Bekar kelajakni asrab qolish uchun bu ham bir imkoniyat ekanligini ta’kidladi.
Abdulaziz Kamilov Sergey Lavrov bilan uchrashdi
O‘zbekiston TIV rahbari Abdulaziz Kamilov Rossiya tashqi ishlar vaziri Sergey Lavrov bilan uchrashdi. Vazirlar xalqaro axborot xavfsizligi sohasida hamkorlik to‘g‘risidagi hukumatlararo bitimni, biologik xavfsizlik bo‘yicha hukumatlararo anglashuv memorandumini, shuningdek, Rossiya va O‘zbekiston TIVlari o‘rtasidagi 2022−2023 yillarga mo‘ljallangan hamkorlik dasturini imzoladilar.
O‘zbekiston va Avstriya TIVlari o‘rtasida hamkorlik dasturi imzolandi
O‘zbekiston tashqi ishlar vaziri Abdulaziz Kamilov Avstriyaning Yevropa va tashqi ishlar federal vaziri Mixael Linxart bilan uchrashdi. Muzokaralarda 2022−2023 yillarga mo‘ljallangan hamkorlik dasturi imzolandi.
Muvaqqat hukumatda mablag‘ yo‘qligi Afg‘oniston bilan loyihalarni amalga oshirishga to‘sqinlik qilmoqda — Abdulaziz Kamilov
O‘zbekiston tashqi ishlar vaziri Abdulaziz Kamilov Afg‘oniston bilan qo‘shma loyihalar bo‘yicha savolga javob berar ekan, mamlakat aktivlari muzlatilgani sababli muvaqqat hukumatning moliyaviy salohiyati mutlaq yo‘qligi hamkorlikni rivojlantirishga to‘sqinlik qilayotganini ta’kidladi. «Butun iqtisodiyotni faqat gumanitar yordamga tayanib yo‘lga qo‘yib bo‘lmaydi», — dedi u.
«Afg‘oniston yaqin kelajakda mintaqaviy xavfsizlikning muhim omili bo‘lib qoladi» — Abdulaziz Kamilov
Tashqi ishlar vaziri Abdulaziz Kamilov Tehron sammitidagi nutqida Afg‘oniston yaqin kelajakda mintaqaviy xavfsizlikning muhim omili bo‘lib qolishi haqida ta’kidladi. Uning so‘zlariga ko‘ra, ushbu davlatni xalqaro miqyosda yakkalanib qolishiga yo‘l qo‘ymaslik uchun Afg‘onistonga nisbatan mojarodan keyingi strategiyani ishlab chiqish zarur.
O‘zbekiston Afg‘onistondagi masjid portlatilishini qoralaydi — TIV
15 oktabr kuni Afg‘onistonning Qandahor viloyatidagi shialar masjidi portlatildi. Natijada 60 dan ortiq kishi halok bo‘ldi, 68 kishi jarohatlandi. O‘zbekiston ushbu terrorchilik harakatini keskin qoraladi. «Bunday g‘ayriinsoniy hujumlar vaziyatning yanada keskinlashuviga olib keladi va Afg‘onistonda uzoq muddatli tinchlik o‘rnatilishiga to‘sqinlik qiladi», — deyiladi vazirlik bayonotida.
Afg‘oniston endi mintaqa davlatlari va xalqaro hamjamiyat uchun xavf tug‘dirmasligi kerak — O‘zbekiston TIV
Dunyo davlatlari uchun ustuvor vazifa Afg‘onistonni iqtisodiy tusdagi mintaqaviy integratsiya jarayonlariga yanada faol jalb qilish, mamlakatda ijtimoiy-iqtisodiy loyihalarni amalga oshirish bo‘lib qolishi kerak. O‘zbekiston TIV Abdulaziz Kamilov Turkiya Kengashi mamlakatlari Tashqi ishlar vazirlari kengashi yig‘ilishida ushbu fikrlarni bildirdi.
BMT Afg‘onistondagi gumanitar inqirozni bartaraf etish sa’y-harakatlari mas’uliyatini olishi mumkin — Abdulaziz Kamilov
Birlashgan Millatlar Tashkiloti Afg‘onistondagi gumanitar inqirozni bartaraf etish bo‘yicha xalqaro sa’y-harakatlarni muvofiqlashtirish uchun mas’uliyatni o‘z zimmasiga olishi mumkin, deb hisoblaydi tashqi ishlar vaziri Abdulaziz Kamilov.
Permda halok bo‘lganlar va yaradorlar orasida o‘zbeklar yo‘q
Perm davlat milliy tadqiqot universitetida ro‘y bergan otishmada jarohatlangan va halok bo‘lganlar orasida O‘zbekiston fuqarolari qayd etilmagan, deb xabar berdi TIV.
Afg‘onistonning yangi hukumati O‘zbekiston prezidentiga yordam uchun minnatdorlik bildirdi
Afg‘oniston muvaqqat hukumati rasmiy vakili Zabihulla Mujohid O‘zbekiston prezidenti Shavkat Mirziyoyevga insonparvarlik yuki uchun minnatdorlik bildirdi. Balx viloyati gubernatori Qudratillo Abu Hamzaning so‘zlariga ko‘ra, ushbu yordam mamlakatda yuzaga kelishi mumkin bo‘lgan gumanitar va oziq-ovqat inqirozining oldini olishga xizmat qiladi.
Afg‘onistonlik barcha harbiylar va fuqarolar O‘zbekistonni tark etdi — TIV
O‘zbekiston hududida bo‘lib turgan barcha Afg‘oniston fuqarolari so‘nggi ikki kun ichida boshqa mamlakatga evakuatsiya qilindi, deya xabar berdi TIV rasmiy vakili.
Bahrom Ashrafxonov O‘zbekistonning Gruziyadagi elchisi bo‘ldi
O‘zbekistonning Ozarbayjondagi elchisi Bahrom Ashrafxonov bir vaqtning o‘zida mamlakatning Gruziyadagi elchisi bo‘ldi.
Afg‘onistonda o‘zbek tilining taqiqlanishi haqiqatga zid — TIV
Ijtimoiy tarmoqlarda «Tolibon» harakati Afg‘oniston hududida o‘zbek tilining o‘qitilishini taqiqlagani,bir qator o‘zbek mualliflar asarlari yo‘q qilinayotgani haqida xabarlar tarqaldi. O‘zbekiston TIV «Tolibon» rasmiy rahbariyati bilan bo‘lib o‘tgan suhbati chog‘ida «ushbu axborotning haqiqatga zidligi»ni ta’kidladi. Vazirlik «Tolibon» vakili o‘zbek tili, pushtu va dari tillari bilan bir qatorda, bundan buyon ham Afg‘onistonning rasmiy tillaridan biri bo‘lib qolishini tasdiqlaganini ma’lum qildi.
O‘zbekiston Kobuldagi teraktni qoraladi
O‘zbekiston ko‘plab insonlarning hayotiga zomin bo‘lgan Afg‘oniston poytaxtidagi teraktni qoralaydi, deyiladi TIV bayonotida. Kobul aeroportida sodir bo‘lgan portlashlar oqibatida halok bo‘lganlar soni 170 nafarga yetdi.
Germaniyaning yangi elchisi o‘z faoliyatini boshladi
Tashqi ishlar vaziri Abdulaziz Kamilov Germaniyaning yangi tayinlangan elchisi Tilo Klinnerni qabul qildi. Germaniya tomoni O‘zbekistonga chet el fuqarolarini Afg‘onistondan evakuatsiya qilishda ko‘rsatgan yordami uchun minnatdorlik bildirdi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting