Jahon
Ukraina prezidenti yillik daromad deklaratsiyasini taqdim etdi
2019 yilda Ukraina prezidenti Vladimir Zelenskiy va uning oilasining umumiy daromadi 1,06 mln dollarni tashkil etgani ma’lum bo‘ldi. Deklaratsiyaga ko‘ra, Zelenskiy daromadining aksariyati tadbirkorlik faoliyatidan kelgan. Xarajatlari esa — qariyb 500 ming dollar bo‘lib, asosan prezidentlik saylov kampaniyasiga sarflangan.
Armaniston bosh vazirida koronavirus aniqlandi
Armaniston bosh vaziri Nikol Pashinyanda va uning oila a’zolarida koronavirus infeksiyasi aniqlandi. Ta’kidlanishicha, u muzokaralar davomida xizmat ko‘rsatayotgan ofitsiantdan COVID-19 bilan zararlangan. Davolanish paytida bosh vazir o‘z uyidan turib ishlashni davom ettirishini ma’lum qilgan.
Tramp ijtimoiy tarmoqlarni tartibga solmoqchi
AQSH prezidenti Donald Tramp ijtimoiy tarmoqlarni tartibga solish to‘g‘risidagi qarorga imzo chekdi. Unga ko‘ra, federal organlar Twitter, Facebook, Instagram va YouTube kabi yirik ijtimoiy mediya kompaniyalarning o‘z foydalanuvchilari postlarini tahrirlash va o‘chirishlariga yo‘l qo‘ymaydi.
AQSHda qo‘lga olinayotgan shaxs vafot etganidan so‘ng namoyishlar boshlanib ketdi
Amerikaning Minneapolis shahrida fuqaro politsiya tomonidan qo‘lga olinayotganida vafot etganidan so‘ng norozilik namoyishlari boshlanib ketdi. Hukumat mojaroga barham berish uchun Milliy gvardiyaga murojaat qildi.
Boeing kompaniyasi 737 MAX samolyotlarini ishlab chiqarishni qayta yo‘lga qo‘ydi
Boeing oradan besh oy o‘tib, 737 MAX laynerlarini ishlab chiqarishni qayta yo‘lga qo‘ydi. Ulardan foydalanish Indoneziya va Efiopiyada ushbu laynerlar halokatga uchraganidan keyin butun dunyoda to‘xtatilgan edi.
Tarixiy voqea qoldirildi: SpaceX astronavtlarni 30 may kuni uchirishga urinadi
Ob-havo tufayli Crew Dragon kosmik kemasining parvozi 30 mayga qoldirildi. Amerikalik astronavtlar 2011 yildan beri ilk marotaba Rossiyaning «Soyuz» raketasida emas, Amerikaning SpaceX kompaniyasiga tegishli Crew Dragon kosmik kemasida Xalqaro kosmik stansiyaga otlanayotgan edi. Ushbu parvoz xususiy kompaniya tomonidan amalga oshirilgan birinchi uchuvchili parvoz bo‘lishi mumkin.
Dunyoda ishsizlar soni ortmoqda. Ular qanday qo‘llab-quvvatlanmoqda?
Koronavirus pandemiyasi sababli dunyoning turli mamlakatlarida millionlab odamlar ishsiz qolishmoqda. Turli davlatlarda ishini yo‘qotganlarni qo‘llab-quvvatlash uchun qanday choralar ko‘rilayotgani — «Gazeta.uz» tahlilida.
Twitter Trapmning xabarini ishonchsiz deb belgiladi
Donald Trampning Twitter dagi xabarlariga birinchi marotaba ishonchsiz bo‘lishi mumkinligi va qo‘shimcha tekshiruv kerakligi haqidagi maxsus belgi berildi. AQSH prezidenti Twitter ni so‘z erkinligini bo‘g‘ishda aybladi.
Rossiya G‘alaba paradini iyunda o‘tkazadigan bo‘ldi
Rossiya prezidenti Vladimir Putin mamlakada koronavirus tarqalishi o‘zining cho‘qqisiga chiqqanini ma’lum qilib, 24 iyun kuni Moskvada G‘alaba paradini o‘tkazishga topshiriq berdi.
Yangi Facebook platformasi Amazon raqobatchisiga aylanishi mumkin — mutaxassislar
Facebook internet-savdo platformasini ishga tushirdi. Ushbu platforma kelajakda Amazon va eBay kabi internet-savdo kompaniyalariga raqobatchi bo‘lishi mumkinligi aytilmoqda. Kompaniya ovqat yetkazib berish xizmatlarini ham yo‘lga qo‘ymoqchi.
Isroil bosh vaziri sud oldida javob bermoqda
Isroilda Benyamin Netanyaxu ustidan sud jarayoni boshlandi. Mamlakat tarixida ilk bor amaldagi bosh vazir sud qilinmoqda.
Pokistonda yo‘lovchi samolyoti qulab tushdi
Pokistonda ichki reysni amalga oshirayotgan samolyot aholi yashaydigan hududga qulab tushdi. Samolyotda kamida 90 nafar yo‘lovchi bo‘lganligi aytilmoqda.
Bloomberg: Xitoyda 100 milliondan ortiq aholi karantinga olindi
Xitoy shimoli-sharqida 34 ta yangi koronavirus holati aniqlangani tufayli bu hududda qat’iy karantin choralari qaytadan tiklandi va 100 milliondan ortiq aholi karantinga olindi.
AQSHda ishsizlar soni 40 milliondan oshishi mumkin
AQSHda koronavirus pandemiyasi oqibatida ishsizlik bo‘yicha ariza berganlar soni 39 millionga yaqinlashdi. Ishsizlar soni 40 milliondan oshishi kutilmoqda.
Kembrij universiteti vaqtincha onlayn ta’limga o‘tadi
Britaniyaning Kembrij universiteti keyingi o‘quv yilini ham to‘liq onlayn shaklga o‘tkazishga qaror qilgan dunyodagi birinchi oliy ta’lim muassasasi bo‘ldi.
Falastin AQSH va Isroil bilan tuzilgan barcha kelishuvlardan chiqadi
Falastin prezidenti Isroil hukumati Falastin yerlarini o‘ziga qo‘shib olmoqchi bo‘lgani uchun Isroil va AQSH bilan tuzilgan barcha kelishuvlardan chiqilishi haqida e’lon qildi.
Bishkekda jamoat transporti qaytadan ish boshlaydi
25 maydan Bishkekdagi jamoat transporti o‘z ishini qaytadan boshlaydi. Yo‘lovchilar masofa saqlashlari va niqob kiyishlari kerak.
Rossiya bosh vaziri Mixail Mishustin koronavirusdan sog‘aydi
Rossiya bosh vaziri Mixail Mishustin koronavirus infeksiyasidan butunlay sog‘ayib, hukumat boshqaruviga qaytdi.
JSST dezinfeksiyalovchi vositalarni ko‘chalarga sepmaslikni tavsiya qildi
Dezinfeksiyalovchi vositalarni ko‘cha va yopiq binolarga sepish koronavirusga qarshi kurashda samarasiz, deb hisoblamoqda JSST. Aksincha, bunday amaliyot ko‘z, nafas olish organlari va teriga salbiy ta’sir ko‘rsatishi mumkin.
Xitoy koronavirusdan zarar ko‘rgan davlatlarga $2 mlrd ajratadi
Yaqin ikki yil ichida Xitoy koronavirusdan qattiq zarar ko‘rgan davlatlarga, birinchi navbatda rivojlanayotgan mamlakatlarga, yordam sifatida 2 mlrd dollar ajratishini ma’lum qildi. Shuningdek, Xitoy “Katta yigirmatalik” (G-20) tomonidan qashshoq davlatlarning qarzlarini to‘lashga moratoriy joriy etish g‘oyasini ilgari surishini aytdi.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Ar-Riyodda o‘tgan Rossiya va AQSh muzokaralari: nimalar muhim?
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- “Zelenskiyning reytingi — 4%”. Tramp Ukrainada saylovlar o‘tkazishga chaqirdi
Qo‘shimcha imkoniyatlardan foydalanish uchun saytda ro‘yxatdan o‘ting