Jahon
Xitoy AQSHning Gonkong to‘g‘risidagi qonunga qarshi sanksiyalariga javob qaytaradi
Donald Tramp Gonkongda milliy xavfsizlikni ta’minlash to‘g‘risidagi qonunni ishlab chiqish va qabul qilishda qatnashgan kompaniyalar va shaxslarga nisbatan cheklovlar joriy etish to‘g‘risidagi qonunni imzoladi. Shundan so‘ng Xitoy AQSHga qarshi javob sanksiyalarini qo‘llashi mumkinligi bilan ogohlantirdi.
AQSHda onlayn ta’lim olayotgan chet ellik talabalar deport qilinmaydigan bo‘ldi
AQSH hukumati pandemiya sababli onlayn ta’limga o‘tgan chet ellik talabalar uchun vizalarni bekor qilish rejalaridan voz kechdi. Oldinroq, Garvard universiteti va Massachusets texnologiya instituti, shuningdek 17 shtat va Kolumbiya okrugi rasmiylari Tramp ma’muriyatining ushbu qarori bo‘yicha sudga murojaat qilishgan edi.
AQSHda 17 yil ichida ilk bor federal jinoyatlarda ayblangan mahkum qatl etildi
AQSHda so‘nggi 17 yil ichida ilk bor federal darajadagi jinoyatda ayblangan mahkum qatl etildi. Uch kishilik oilani o‘ldirganlikda ayblangan 47 yoshli mahkumning tanasiga o‘lim in’eksiyasi yuborildi. Mamlakatda iyul-avgust oylarida yana uch kishi qatl etiladi.
Qozog‘istonda karantin muddati uzaytirildi, ehtiyojmandlarga pul to‘lanadi
Qozog‘iston prezidenti Qosim-Jomart Tokayev karantin rejimi yana ikki haftaga uzaytirilishi hamda iyul oyida ehtiyojmandlarga 42,5 ming tengedan to‘lanishini ma’lum qildi.
Koronavirusga qarshi ilk vaksina birinchi sinovdan muvaffaqiyatli o‘tdi
Dunyodagi birinchi COVID-19 vaksinasi Rossiyada klinik sinovlardan muvaffaqiyatli o‘tdi. Sinovlarda vaksinaning inson uchun zararsiz ekani aniqlandi. Birinchi ko‘ngillilar guruhi 15 iyul kuni kasalxonadan chiqariladi.
Dunyoda koronavirus bo‘yicha kunlik rekord yangilandi — 230 mingdan ortiq
JSST koronavirus infeksiyasining kunlik tasdiqlanish holati yana rekord darajada oshganini ma’lum qildi — kuniga 230 mingdan ortiqroq. Dunyo bo‘yicha umumiy qayd etilgan kasallik holatlari 12,93 mln, vafot etganlar soni esa 570 mingdan oshdi.
Tojikistonda ehtiyojmand fuqarolarga to‘g‘ridan-to‘g‘ri yordam puli beriladi
Tojikiston prezidenti koronavirus pandemiyasi tufayli ehtiyojmand va ijtimoiy zaif aholi qatlamiga kiruvchi fuqarolarga eng kam ish haqining 1 baravari miqdorida (40 dollar atrofida) bir martalik yordam puli ajratish to‘g‘risida qarorni imzoladi.
Ilon Mask eng boy odamlar ro‘yxatida Uorren Baffetni ortda qoldirdi
Tesla aksiyalarining o‘sishi hisobiga Ilon Maskning boyligi 6,1 mlrd dollarga ko‘paydi va u dunyoning eng boy odamlari ro‘yxatida Uorren Baffet bilan birga yana to‘rt milliarderni ortda qoldirdi.
Avliyo Sofiya ibodatxonasi qaytattan masjidga aylantiriladi
Turkiya prezidenti Istanbuldagi Avliyo Sofiya ibodatxonasini muzey maqomidan mahrum qildi. Endilikda, ibodatxona yana masjid sifatida ishlatiladi va 24 iyul kuni o‘z faoliyatini boshlaydi. Ibodatxona 1985 yili YUNESKOning Jahon merosi ro‘yxatiga kiritilgan.
AQSH harbiylarining O‘zbekistondagi bazada zaharlangani haqidagi maxfiy hujjatlar oshkor qilindi
2001−2004 yillar mobaynida Qarshi-Xonobod bazasida bo‘lgan Amerikalik harbiylar zaharli moddalar va radiatsiya ta’siriga uchragan bo‘lishi mumkinligi haqidagi maxfiy hujjatlar oshkor etildi. Ma’lumotga ko‘ra, harbiylarning bazaga joylashtirilishidan oldin ushbu hududda Sobiq Ittifoq raketalari yo‘q qilingan.
Seul meri o‘lik holda topildi
Seulning bedarak yo‘qolgan meri Pak Von Sun o‘lik holda topildi. O‘limning dastlabki sababi sifatida o‘z joniga qasd qilish aytilmoqda. Uning ish stolida xayrlashuv maktubi topilgan. Avvalroq, Seul meriga qarshi jinsiy zo‘ravonlik bilan bog‘liq ayblovlar ko‘yilgandi.
Serbiyaning bir nechta shaharlarida norozilik namoyishlari bo‘lib o‘tdi
8 iyul kuni kechqurun Serbiyada hukumatga qarshi norozilik namoyishlari bo‘lib o‘tdi. Namoyish ishtirokchilari, bir necha ming kishi, mamlakatdagi epidemiologik vaziyatdan va xukumatning koronavirus tarqalishiga qarshi olib borayotgan harakatlaridan noroziligini bildirdi.
Qozog‘istonda 13 iyul motam kuni deb e’lon qilindi
13 iyul Qozog‘istonda koronavirus qurbonlari uchun milliy motam kuni deb e’lon qilindi. So‘nggi kunlarda mamlakatda vafot etganlar soni bo‘yicha rekordlar qayd etilmoqda.
Braziliya prezidentida koronavirus tasdiqlandi
Braziliya prezidenti Jair Bolsonaruning koronavirusga topshirgan test natijalari ijobiy chiqdi. U uydan turib o‘z ish faoliyatini davom ettiradi.
AQSH ayrim chet ellik talabalariga viza cheklovlarini joriy etdi
AQSH hukumati 2020 yil kuzgi semestrda to‘liq onlayn bo‘lgan o‘quv muassasalari va dasturlarga qabul qilingan F-1 va M-1 vizasiga nomzod talabalarga viza berishni vaqtinchalik to‘xtatdi. Hozirda AQSHda bunday dasturlarda ta’lim olayotgan talabalar mamlakatni tark etishlari yoki qonuniy maqomda qolish uchun yuzma-yuz o‘qitiladigan o‘quv muassasasiga o‘tish kabi boshqa choralarni ko‘rishlari kerak bo‘ladi.
Dunyoning eng mashhur bastakorlardan biri Ennio Morrikone vafot etdi
Butun dunyoga mashhur italiyalik bastakor Ennio Morrikone 91 yoshda vafot etdi. U “Bir zamonlar Amerikada”, “Pianist haqida afsona” va boshqa taniqli kinolarga bastakorlik qilgan hamda kino san’atiga qo‘shgan hissasi uchun ikki marta “Oskar” mukofotiga sazovor bo‘lgan.
Fransiyada yangi bosh vazir tayinlandi
Fransiya bosh vaziri Eduard Filipp iste’foga chiqqani sababli Jan Kasteks yangi bosh vazir etib tayinlandi.
Habib Nurmagomedovning otasi vafot etdi
Mashhur UFC jangchisi Habib Nurmagomedovning otasi Abdulmanap Nurmagomedov uzoq davom etgan kasallikdan so‘ng Moskvada vafot etdi. Unga koronavirus tashxisi quyilgandi.
Elektronika chiqindilari hajmi aholiga soniga nisbatan uch baravar tez o‘smoqda
So‘nggi besh yil ichida elektronika chiqindilari dunyo aholisiga nisbatan uch baravarga, global YAIMga nisbatan esa 13 foizga tezroq o‘sdi. Uning beshdan biridan kamroq qismi qayta ishlanadi, qolgani esa chiqindixonalarga tashlanadi va atrof-muhitga, inson salomatligiga zarar yetkazadi.
Rossiya konstitutsiyasiga o‘zgartirishlar kiritiladi. Nima o‘zgarmoqda?
Rossiya konstitutsiyasiga o‘zgartirish kiritish bo‘yicha o‘tkazilgan referendumda ovoz berganlarning deyarli 78 foizi ushbu o‘zgarishlarni qo‘llab-quvvatladi. Prezidentlik muddatining nollashtirilishi, sobiq prezidentlarning daxlsizligi, bosh qomusda Xudoning tilga olinishi hamda nikoh tushunchasi — “Gazeta.uz” Rossiya konstitutsiyasiga kiritilayotgan asosiy o‘zgartirishlarni taqdim etadi.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Ar-Riyodda o‘tgan Rossiya va AQSh muzokaralari: nimalar muhim?
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- “Zelenskiyning reytingi — 4%”. Tramp Ukrainada saylovlar o‘tkazishga chaqirdi
Qo‘shimcha imkoniyatlardan foydalanish uchun saytda ro‘yxatdan o‘ting