Jahon
Ostonada bankda odamlarni garovga olgan erkak ushlandi
Yakshanba kuni Ostonadagi Kaspi bankka qurolli shaxs bostirib kirib, odamlarni garovga oldi. U bankning barcha aktivlarini nogiron bolalar, kambag‘allar va muhtojlar fondiga o‘tkazishni talab qildi. Oradan vaqt o‘tib, bosqinchi politsiya tomonidan qo‘lga olindi.
Iyun oyida o‘rtacha harorat bo‘yicha jahon rekordi yangilandi
Iyun oyi boshidagi global o‘rtacha harorat “sezilarli farq” bilan avvalgi barcha rekordlarni yangiladi. Harorat ilk bor 1,5 darajaga — “global isish chegarasi”ga qadar ko‘tarildi.
Afg‘onistonda ham, mintaqada ham terrorchilik tahdidi kuchaymoqda — BMT hisoboti
BMT hisobotida aytilishicha, “Tolibon” bir qator terroristik guruhlar bilan aloqada va terrorizm tahdidi Afg‘onistonda ham, mintaqada ham kuchaymoqda. “Tolibon” rahbariyati ichida ham kelishmovchiliklar bor. “Tolibon” bu hisobotni “asossiz va noxolis” deb atadi.
2023-yilda pul o‘tkazmalarining o‘sishi sekinlashadi — Jahon banki
Jahon banki 2023-yilda pul o‘tkazmalari o‘sishi sekinlashishini bashorat qilmoqda. Bu, ayniqsa, Yevropa va Markaziy Osiyoda yaqqol seziladi, deb hisoblaydi ekspertlar.
Qozog‘istonning Abay viloyatidagi o‘rmon yong‘ini qurshab olindi
Qozog‘istonning Abay viloyatidagi yirik o‘rmon yong‘ini deyarli bir hafta o‘tib lokalizatsiya qilindi, 15 kishi halok bo‘lgan. Bosh prokuratura mas’uliyatsizlikka yo‘l qo‘ygan mansabdor shaxslarni javobgarlikka tortishga va’da berdi.
Yevroparlament sun’iy intellektni tartibga solishni ma’qulladi
Yevropa parlamenti sun’iy intellektdan foydalanishni tartibga soluvchi qonun loyihasini qabul qildi. Hujjat SI yordamida yuzni tanishni taqiqlaydi va ChatGPT kabi chat botlarga kontentni kompyuter yaratayotganidan ogohlantirish talabi qo‘yiladi.
Yangiliklarga bo‘lgan qiziqish pasayishda davom etmoqda — Reuters Institute tadqiqoti
So‘nggi yillarda siyosiy va iqtisodiy inqiroz davom etayotganiga qaramay, yangiliklarga bo‘lgan qiziqish doimiy ravishda pasayib bormoqda. Reuters Institute`ning OAV rivojlanishi haqidagi hisobotiga ko‘ra, televideniye va bosma nashrlar ham o‘z o‘rnini yo‘qotmoqda.
Dehli aeroportida 16,5 kg oltinni olib o‘tayotgan ikki O‘zbekiston fuqarosi ushlandi
Hindistonning Indira Gandi xalqaro aeroportida qiymati 125 ming dollardan ziyod bo‘lgan 16,5 kg oltinni olib o‘tayotgan ikki nafar O‘zbekiston fuqarosi qo‘lga olindi. Holat yuzasidan tergov harakatlari davom etmoqda.
Rossiyani 2022-yilda 8,5 ming nafar millioner tark etdi
2022-yil davomida Rossiyadan 8,5 ming nafar dollar millioneri ko‘chib ketdi. Henley & Partners kompaniyasi ko‘rsatkich 15 ming nafar bo‘lishini prognoz qilgandi. Kompaniya bu farqni urush oqibatida joriy etilgan cheklovlar ko‘plab millionerlarning mamlakatni tark etishini qiyinlashtirgani bilan izohladi.
Qirg‘iziston MDH hududida qidiruvda bo‘lgan shaxslarni tanib olish tizimini ishga tushirdi
Qirg‘izistonda MDH davlatlarida qidiruvda bo‘lgan shaxslarni tanib olish tizimi ishga tushirildi. Iyun oyi boshidan buyon mamlakatda O‘zbekiston va Rossiyaning to‘rt nafar fuqarosi hibsga olingan.
Ukrainaning Krivoy Rog shahridagi 5 qavatli turar joy binosi raketa hujumiga uchradi
Ukrainaning Krivoy Rog shahridagi turar joy binosi tunda Rossiya armiyasi tomonidan o‘qqa tutildi. Hujum oqibatida kamida 6 kishi halok bo‘lgan, yana 25 kishi yaralangan.
FT: Credit Suisse bankiga O‘zbekistondan yangi mijozlarni jalb qilish taqiqlandi
Pul yuvish, poraxo‘rlik va korrupsiya xavfini cheklash uchun Credit Suisse bankirlariga xavf darajasi yuqori mamlakatlardan yangi mijozlarni jalb qilish taqiqlandi. Ro‘yxatda O‘zbekiston ham bor.
Boris Jonson deputatlikdan ketishini ma’lum qildi
2019−2022-yillarda Buyuk Britaniya bosh vaziri bo‘lgan Boris Jonson pandemiya davridagi ziyofat tergovi tufayli deputatlikdan iste’foga chiqishini ma’lum qildi.
Italiya sobiq bosh vaziri Silvio Berluskoni vafot etdi
Italiya sobiq bosh vaziri Silvio Berluskoni 86 yoshida Milandagi shifoxonada vafot etdi. Avvalroq siyosatchiga leykemiya tashxisi qo‘yilgandi.
Qozog‘istonda o‘rmon yong‘inlari: 14 kishi halok bo‘ldi, O‘zbekiston prezidenti hamdardlik yo‘lladi
Qozog‘istonning Abay viloyatida o‘rmon yong‘inlari oqibatida 14 kishi halok bo‘ldi. Mamlakatda 12-iyun milliy motam kuni deb e’lon qilindi. Shavkat Mirziyoyev shu munosabat bilan qo‘shni davlat prezidenti va xalqiga hamdardlik bildirdi.
Turkiya tarixida birinchi marta ayol kishi Markaziy bank raisi etib tayinlandi
Amerikaning First Republic Bank banki sobiq top-menejeri Hafize Erkan Turkiya tarixida Markaziy bank raisi etib tayinlangan birinchi ayol bo‘ldi. Erkan 2019-yildan beri bu lavozimga kelgan beshinchi odam hisoblanadi. Erdog‘anning bu qarori mamlakat pul-kredit siyosatining o‘zgarishiga olib kelishi mumkin.
Donald Tramp maxfiy hujjatlar bo‘yicha jinoiy ishda ayblanmoqda
AQShning sobiq prezidenti Donald Tramp maxfiy hujjatlarni noqonuniy saqlashda ayblanmoqda. Bu prezidentlikka qaytishga urinayotgan Trampga nisbatan ikkinchi jinoiy ish hisoblanadi.
Bishkekda o‘tkir ichimlik suvi tanqisligi kuzatilmoqda. Vaziyat haqida nimalar ma’lum?
May o‘rtalaridan Bishkekda, ayniqsa shahar cheti va janubiy qismida ichimlik suvi ta’minoti bilan bog‘liq vaziyat og‘irlashdi. Mavzelardan birida aholi norozilik namoyishi uyushtirdi. Meriya taqchillikni iste’mol hajmi ortgani hamda tomorqalarni sug‘orishda ichimlik suvidan foydalanilayotgani bilan bog‘ladi.
Qozog‘iston va Armaniston banklari Rossiya kompaniyalarining elektronika uchun to‘lovlarini bloklashni boshladi
Qozog‘iston va Armaniston banklari Rossiya kompaniyalarining parallel import orqali yetkazib berilayotgan elektronika uchun to‘lovlarini bloklashni boshladi. “Kommersant”ning xabar berishicha, yetkazib beruvchilar elektronikani boshqa tovar kodlari ostida import qilishga harakat qilmoqda.
Qirg‘izistonda davlat to‘ntarishiga tayyorgarlik ko‘rishda gumonlangan o‘nlab odamlar hibsga olindi
Qirg‘iziston maxsus xizmatlari ehtimoliy davlat to‘ntarishiga tayyorgarlik ko‘rishda gumon qilingan 30 dan ortiq kishidan iborat guruhni qo‘lga oldi. Guruh tashkilotchilari, rasmiylarga ko‘ra, aybiga iqror bo‘lgan.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Ar-Riyodda o‘tgan Rossiya va AQSh muzokaralari: nimalar muhim?
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- “Zelenskiyning reytingi — 4%”. Tramp Ukrainada saylovlar o‘tkazishga chaqirdi
Qo‘shimcha imkoniyatlardan foydalanish uchun saytda ro‘yxatdan o‘ting