Архив
Афғонистон ва Покистон етакчилари Ўзбекистонга келади
15−16 июль кунлари Афғонистон президенти Ашраф Ғани ва Покистон Бош вазири Имрон Хон ташриф билан Ўзбекистонда бўлади. Шавкат Мирзиёев бир қатор мамлакатлар ташқи ишлар вазирлари билан икки томонлама учрашувлар ўтказиши режалаштирилган. Шунингдек, шу ҳафта қатор ҳудудларда насос станцияларини модернизация қилиш юзасидан йиғилиш ўтказилади.
Сурхондарёда тез тиббий ёрдам учун 5 та Damas сотиб олинди. ССВ ушбу хизматга Damas сотиб олинмаслигини айтган эди
Сурхондарё вилояти Соғлиқни сақлаш бошқармаси махсус ва тез тиббий ёрдам автохўжалиги июль ойида камида бешта Damas-2 D13 автомашиналарини харид қилган. ССВ ўринбосари Амрилло Иноятов ўтган йилнинг охирида Damas русумидаги автомобилларни тиббиёт учун сотиб олиш тўхтатилганини айтган эди.
Пневмония билан касалланиш ҳолатлари ортмоқда
11 июль куни Ўзбекистонда 458 нафар кишида коронавирус инфекцияси қайд этилди. 297 нафар кишида пневмония аниқланиб, 3 нафар бемор вафот этди.
Евро-2020. Италия Европa чемпиони бўлди
Европа чемпионатининг финал учрашувида Италия терма жамоаси Англияни пенальтилар сериясида мағлуб этиб, чемпион бўлди (фото, статистика, видео).
Миллиардер Ричард Брэнсон ракетопланда коинотга парвоз қилди
Virgin Galactic компанияси асосчиси Ричард Брэнсон VSS Unity ракетопланида коинотга парвозини муваффақиятли амалга ошириб, космик туризм эраси бошланганини эълон қилди.
Аргентина Бразилияни мағлуб этиб, Америка кубогида чемпион бўлди
Америка кубоги турнирида Аргентина ҳамда Бразилия терма жамоалари финалда ўзаро куч синашишди. Мазкур учрашувда Аргентина 1:0 ҳисобида ғалаба қозониб, чемпион бўлди.
Италия — Англия. Европа чемпионати финал ўйинига превью
11 июлдан 12 июлга ўтар кечаси Европа чемпионатининг финал учрашуви бўлиб ўтади. Европа кубоги учун баҳсда Италия ва Англия терма жамоалари ўзаро куч синашишади. Ўйин олдидан «Газета.uz» превьюси.
Ўзбекистон беш ойда 291,6 млн долларга тенг бўлган 526,9 минг тонна мева ва сабзавотлар экспорт қилган
Январь-май ойларида қиймати 291,6 млн. АҚШ долларига тенг бўлган 526,9 минг тонна мева ва сабзавотлар экспорт қилинган. Экспорт қилиш бўйича ҳудудлар кесимида Тошкент, Фарғона ҳамда Самарқанд вилоятлари етакчилик қилмоқда.
Адлия вазири жамоат жойларида «ибодат либоси» тақиқи бекор қилинганига изоҳ берди
«Бир неча йил олдин ишчи гуруҳ «ибодат либоси» тушунчасини аниқлашга уринди, аммо гуруҳ бу борада «боши берк кўчага кириб қолди», деди Адлия вазири Русланбек Давлетов. Унинг сўзларига кўра, ушбу концепциянинг таърифи билан боғлиқ муаммолар туфайли, ҳатто оддий вазиятларда ҳам одамлар жавобгарликка тортилган, аммо «энди бу амалиёт тўхтатилди».
«Ўзбекистон шампани» заводининг давлат улушини сотиб олиш учун аризалар қабул қилиш бошланди
Ўзини шампан ва газланган виноларни ишлаб чиқариш бўйича ягона ихтисослашган завод сифатида тан оладиган «Ўзбекистон шампани» акциядорлик жамиятининг 51,48 фоиз давлат улушини сотиб олиш учун аризаларни қабул қилиш бошланди.
10 июль куни 274 кишида пневмония аниқланди
Шанба куни Ўзбекистонда 485 нафар фуқарода коронавирус, 274 нафар кишида пневмония аниқланди. Шунингдек, сўнгги кун ичида 4 нафар коронавирус бемори вафот этди.
Ҳудудларда коронавирусга чалинган беморларини даволаш марказлари қайта иш бошламоқда
Самарқанд ва Наманган вилоятларида 1000 ва 400 ўринли коронавирусга чалинган беморларини даволаш маркази қайта иш бошлади.
Ўзбекистонда бир кун ичида икки марта зилзила сезилди
Кеча Фарғона ва Андижон вилоятларида кун давомида икки марта зилзила сезилди. Зилзиланинг эпицентри Қирғизистонда бўлган.
Маъмурий ҳуқуқбузарликка оид ишлар электрон юритилади
Ҳукумат қарори билан маъмурий ҳуқуқбузарликлар тўғрисидаги ишлар ягона «E-ma'muriy ish» электрон тизими орқали амалга оширилади. Автомототранспортларни жарима майдончаларига қўйиш ҳамда чиқариш суд ёки ваколатли органларнинг тегишли қарори асосида ушбу тизимдан фойдаланган ҳолда амалга оширилади.
Тожикистонда зилзила оқибатида беш киши ҳалок бўлди
Тожикистоннинг шарқий қисмида 5,9 балли зилзила содир бўлди. Натижада, беш киши ҳалок бўлди ва 19 та уй зарар кўрди.
Олимпия захиралари коллежларига қабул қилишда гендер тенгликка доир тамойиллар таъминланади
Шавкат Мирзиёев Олимпия захиралари коллежларининг Паралимпия спорт бўлимларига юборилган спортчилар учун қўшимча 10 фоизгача квота ажратиш, шунингдек ушбу бўлимларда ота-оналардан ўқув тўловларини ундириш тартибини бекор қилиш тўғрисида кўрсатма берди. Қизлар учун квотани кўпайтириш орқали Халқаро олимпия қўмитасининг гендер тенгликка доир тамойиллари таъминланади.
«Бу ер дам олиш учун салқин ва сокин жой бўлади». Архитекторлар Дўстлик боғи реконструкцияси ҳақида
Тошкент ҳокимлиги Дўстлик боғи (собиқ Бобур) реконструкцияси лойиҳасини тақдим этди. Бу ер дам олиш ва сайр қилиш учун сокин ва соя-салқин жой бўлади. Боғ ёз охирида ўз эшикларини қайтадан очади. Бу ерда болалар майдончалари, кутубхона, спорт зоналари ва пикник жойлари бўлади. Бирорта ҳам аттракцион бўлмайди.
Кучукни дарахтга осган болаларнинг ота-оналари ва уни видеога олиб тарқатган болалар жаримага тортилди
Суд кучукни дарахтга осиб қўйган болаларнинг ота-оналарини 245 минг сўм ҳамда воқеани видеога олган ва ижтимоий тармоқларда тарқатган ўрта мактаб ўқувчиларининг ҳар бирини 2,4 млн сўм миқдорида жаримага тортди.
Кекса фуқарога тан жароҳати етказган ИИБ собиқ ходимларига суд ҳукми ўқилди
73 ёшли кишига қарши куч ишлатганликда айбланган Тошкент шаҳар ИИББ ППХ собиқ ходимларига суд ҳукмк ўқилди. Улар 2 йил муддатга Ички ишлар органларида ишлаш ҳуқуқидан маҳрум қилинди ва беш йил муддатга озодликни чеклаш жазоси қўлланилди.
9 июль куни 259 кишида пневмония аниқланди
Жума куни Ўзбекистонда 467 нафар фуқарода коронавирус, 259 нафар кишида пневмония аниқланди. Шунингдек, сўнгги кун ичида 3 нафар коронавирус бемори вафот этди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг