Архив
Қишлоқларда 5 тадан чет тилларига ўқитиш нодавлат ўқув марказлари ташкил этилади
Қишлоқ туманларида бештадан чет тилларига ўқитиш нодавлат ўқув марказлари ташкил этилади. Бўш бино ажратиш, керакли жиҳозлар ва адабиётлар сотиб олишга 50 млн сўмгача бир марталик беғараз кўмак берилади. Бундан ташқари, БМТ ҳамкорлигида Дипломатия университетида Чет тилларини чуқур ўргатиш маркази ташкил этилиши кутилмоқда.
Сурхондарёда кучли ёмғирлар сел келишига олиб келди
6 май куни Сурхондарё вилоятининг Шеробод ва Қумқўрғон туманларида ёққан кучли ёмғир оқибатида ҳосил бўлган сел оқимлари 340 та аҳоли хонадонлари ва томорқасига кирган.
Андижонда кучли сел келиши оқибатида бир оиланинг 2 фарзанди оқиб кетиб вафот этган
Андижон вилояти Хонобод шаҳрида кучли сел келиши туфайли 700 га яқин хонадонлар зарарланди. Ёғингарчилик сабабли Қирғиз ариқ каналининг тошиши оқибатида бир оиланинг 2 нафар вояга етмаган фарзандлари селда оқиб кетиб, вафот этган.
COVID-19`га қарши 1 миллиондан ортиқ киши эмланди
Ўзбекистон бўйлаб коронавирусга қарши эмланганлар сони 1 млн 46 минг 668 нафарга етди. Эмланганларнинг энг юқори кўрсаткичлари Фарғона, Андижон, Наманган ва Самарқанд вилоятларида қайд этилган.
Президент маслаҳатчиси Рустам Қосимов вафот этди
Президент маслаҳатчиси, Ўзбекистон халқаро ислом академияси ректори Рустам Қосимов 64 ёшида вафот этди.
Солиқ хизмати ходимлари даромадларини мажбурий декларация қилишлари мумкин
ДСҚ солиқ хизмати ходимлари учун даромадларни мажбурий декларация қилиш таклифини илгари сурди. Президент фармони лойиҳасига кўра, улар ўзларига тегишли ҳаракатланувчи ва кўчмас мулклар, шунингдек, йил давомида умумий даромадларидан олинган бошқа активлари тўғрисидаги маълумотларни декларацияда кўрсатишлари керак бўлади.
Наманган вилоятида сел йўлларга зарар етказди
Наманган вилоятида сел келиши натижасида айрим йўл участкалари зарар кўрди. 7 май кунига белгиланган №60 Тошкент — Андижон поезди қатнови бекор қилинди.
Жаҳон янгиликлари дайжести
Франция ва Грециядаги норозилик намойишлари, Россияда янги вакцинанинг рўйхатдан ўтказилгани, Европа Иттифоқининг Исроилни Фаластиндаги қурилиш ишларидан воз кечишга чақириғи ва бошқа янгиликлар — «Газета.uz»нинг жаҳон янгиликлари дайжестида.
Мактабларни рағбатлантириш учун президент соврини таъсис этилади
Чет тиллари бўйича энг яхши кўрсаткичларга эришган мактабларни рағбатлантириш учун президент соврини таъсис этилади. Унда туман ва шаҳар босқичи ғолиби 100 млн сўм, вилоят босқичида 1-ўринни қўлга киритган 250 млн сўм ва республикада энг яхши мактаб мақомига эришган муассаса 500 млн сўм билан тақдирланади.
«Ҳокимлар ҳам энди чет тилини билиши керак» — президент
Президент Шавкат Мирзиёев келгуси йилдан бошлаб давлат идораларига ишга қабул қилиш ва янги лавозимга тайинлашда хорижий тилни билиш мажбурий бўлишини маълум қилди. Чет тилини яхши билган ходимларнинг иш ҳақига 20 фоизгача қўшимча устама белгиланади. Шунингдек, давлат раҳбари нодавлат таълим ташкилотларини қўллаб-қувватлаш, хорижий тилдаги янги телеканалларни ишга тушириш ва қизларни чет тилларини ўрганишга фаол жалб этиш бўйича топшириқлар берди.
2021 йилдан чет тили ўқитувчиларига миллий ва халқаро сертификатга эга бўлиш талаби киритилади
Президент видеоселекторда бундан буён, хорижий тиллар ўқитувчиларининг ойлик маоши, уларнинг малакасига қараб белгиланишини маълум қилди. Қолаверса, 2021 йилдан чет тили ўқитувчиларига миллий ва халқаро сертификатга эга бўлиш талаби киритилиши айтилди. «Кейинги 3 йил давомида мактаблардаги жами 53 минг нафар чет тили ўқитувчилари халқаро сертификат олишлари зарур», — деди у.
Жиззахда 2 нафар ҳомиладор аёл шифокор ва ҳамшира масъулиятсизлиги сабаб вафот этди
Бахмал тумани ҳудудида яшовчи икки нафар ҳомиладор аёл тўлиқ тиббий кўрикдан ўтказилмаганлиги, касалликлар ўз вақтида аниқланмаганлиги оқибатида апрель ойида Жиззах вилоят перинатал марказида вафот этган.
«Муаммоларни сунъий яратиш, фитна қўзғашга ўхшаш ҳаракат қилаётганга ўхшайди» — Расул Кушербаев «Миллий тикланиш» партияси ҳақида
Қонунчилик палатаси депутати Расул Кушербаев «Миллий тикланиш» газетасида ЎзЛиДеП партия аъзолари ҳақидаги мақолани «бозорбоп чиқиш» деб атади. «Ҳаммани бирдек, бир қолипда фикрлашга ўргатиш ва айттириш собиқ иттифоқ мафкурасига хос иш ва бу „Миллий тикланиш“ партиясига ёққан кўринади», — деди депутат. Кушербаев партия муамолларни сунъий яратиш, низо чиқариш каби ҳаракатларни қилаётганга ўхшаётганлигини таъкидлади.
«Хорижий тилларни ўрганишни оммалаштириш агентлиги ташкил этилади» — президент
Видеоселекторда Хорижий тилларни ўрганишни оммалаштириш агентлиги ташкил этилиши маълум қилинди. У самарали ўқитиш методикалари, дастур ва дарсликларини боғча, мактаб, лицей, олийгоҳ ва ўқув марказларида жорий этади. «Агентлик таълим муассасалари, тармоқлар ва ҳудудларнинг эҳтиёжидан келиб чиқиб, камида 10 та чет тилини ўргатишни ташкиллаштиради», — деди президент.
Жисмоний шахсларга ЯТТ очиб, такси хизматларини кўрсатишга рухсат берилди
Эксперимент тариқасида якка тартибдаги тадбиркорларга 4 та ўриндиқли енгил автотранспортда йўловчи ташиш фаолияти билан шуғулланиш ҳуқуқи берилмоқда. Якка тартибдаги тадбиркорларга такси фаолияти билан шуғулланиш учун бошланғич тўлов 5 баробарга камайтирилиб 690 минг сўмни, ойлик тўлов 1,5 баробарга камайиб 425 минг сўмни ташкил қилади.
Тошкентда «Ўлмас полк» акцияси ўтказилмайди
Ижтимоий тармоқларда 9 май куни Тошкент шаҳрида «Ўлмас полк» акциясини ўтказишга рухсат берилгани ҳақидаги хабарларга пойтахт маъмурияти муносабат билдирди. Ҳокимият бугунги пандемия шароитида «Ўлмас полк» акциясини ўтказишга рухсат берилмаганлигини таъкидлади.
«Ҳар бир битирувчи камида 2 та чет тилини мукаммал билиши шарт» — Шавкат Мирзиёев
Президент видеоселекторда 53 минг нафар ўқитувчининг атиги 4 фоизи миллий ва халқаро сертификатга эгалиги, 11 минг ўқитувчининг 49 фоизи эса тестдан ўта олмаганини таъкидлади. Давлат раҳбари бундан буён битирувчилар камида 2 та чет тилини мукаммал билиши кераклигини айтди. «Бу қатъий талаб ҳар бир таълим муассасаси раҳбари фаолиятининг асосий мезонига айланиши лозим», — деди у.
«Пахтакорни твиттерда тортишишсин деб қўшишган» — Twitter фойдаланувчилари «Пахтакор» клубининг 82,7 млрд зарар кўргани ҳақида
Тошкентнинг «Пахтакор» футбол клуби 2020 йилда энг кўп зарар кўрган 10 та давлат корхоналари рейтингига кирди. Клуб ўтган йилда 82,7 млрд сўм зарар кўрган. Twitter тармоғида ушбу ҳолат юзасидан турли хил фикрлар билдирилди. «Пахтакор» футбол клуби охирги йилларда давлат бюджетидан маблағ олмаганлигини таъкидлади.
Ботир Саидов Хоразм вилояти ҳокими ўринбосари этиб тайинланди
Хоразм вилояти ҳокимининг туризм ва спортни ривожлантириш масалалари бўйича ўринбосари вазифасида ишлаб келаётган Ботир Саидов Хоразм вилояти ҳокимининг туризм, спорт, маданият, маданий мерос ва оммавий коммуникасиялар масалалари бўйича ўринбосари этиб тайинланди.
Собиқ бош прокурор қамоқхонада тикув цехида ишлаяпти, собиқ ДХХ раиси чинни идишларга нақш солмоқда — инсон ҳуқуқлари ҳимоячиси
Чоршанба куни Омбудсман ҳузуридаги эксперт гуруҳи Тошкент вилоятидаги 22-сонли жазони жазони ижро этиш колониясига ташриф буюрди. Инсон ҳуқуқлари ҳимоячиси Абдураҳмон Ташанов собиқ бош прокурор Рашиджон Қодиров қамоқхонада тикув цехида ишлаётгани, ДХХ собиқ раиси Ихтиёр Абдуллаев эса чинни идишларга нақш солаётганини маълум қилди. Ташанов шунингдек собиқ МХХ полковниги Жавдат Шарифхўжаев ҳам билан кўришган.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг