Архив
Долларнинг расмий курси кетма-кет учинчи кун пасаймоқда
Долларнинг расмий курси 7 сўмга арзонлади ва жами 10 514 сўм этиб белгиланди. Евро ва рубль курси ҳам бироз пасайди.
Марказий банк 15 та банкка нисбатан санкция эълон қилди
Марказий банк 15 та тижорат банкларига нисбатан санкция эълон қилди. Бунга сабаб ушбу банкларнинг айрим бўлимларида ходимлар асоссиз равишда пластик карталари орқали мижозлар тўловларини қабул қилишдан бош тортгани бўлди.
Хонободда радиация борлиги мутахассис бўлмаган одамларнинг фикри — Мудофаа вазирлиги
«Қарши-Хонобод» ҳарбий зонасида радиация мавжудлиги масаласига Мудофаа вазирлиги муносабат билдирди. Вазирликка кўра, ушбу ҳарбий зонадаги барча аҳоли ва ҳарбийлар доимий тиббий текширувдан ўтказилади. Тиббий хизмат полковниги Нодир Фозилов аҳоли орасида нур касаллиги билан боғлиқ бўлган касалликлар қайд этилмаганлигини қайд этди. «Бу мутахассис бўлмаган одамларнинг фикри эканлиги кўриниб турибди», — деди Мудофаа вазирлиги матбуот котиби.
Ўзбекистоннинг икки нафар шахматчиси ФИДE рейтингида TOP-10' дан жой олди
Халқаро шахмат федерациясининг февраль ойи учун эълон қилинган ўсмирлар рейтингида икки нафар ўзбекистонлик шахматчи кучли ўнталикдан жой олди. Ўсмирлар рейтингини эронлик Алиризо Ферузий бошқариб бормоқда. Шунингдек, яна икки нафар ўзбекистонлик ёш шахматчилар TOP-30'га киритилган.
Венгрия Ўзбекистонда 12 та инвестиция лойиҳаларини амалга оширади
Будапешт шаҳрида бўлиб ўтган Ўзбекистон-Венгрия бизнес-форумида Ўзбекистон ҳудудларида 12 та инвестиция лойиҳаларини амалга ошириш тўғрисида битимлар имзоланиб, шунингдек, яна 76 та инвестицион лойиҳалар амалга оширилишига келишилди.
«Тақдир ҳазили», «Ишдаги ишқ» фильмларида бош ролни ўйнаган актёр оламдан ўтди
«Тақдир ҳазили», «Ишдаги ишқ» каби фильмларда бош ролларни ижро этган актёр Андрей Мягков 82 ёшида вафот этди.
БААнинг Ўзбекистон қишлоқ хўжалигига инвестицияси ошади — БААлик инвестор президентга
Президент Янгиқўрғон туманида жойлашган БААнинг «Sura General investment» корхонаси раҳбари Абдулбария Айманга «БАА билан дўстлик кўпригимизга жуда катта ҳисса қўшганингиздан миннатдорман», деди. Тадбиркор Ўзбекистонга май ойида амирликлардан инвесторларнинг катта гуруҳини олиб келишини таъкидлади.
Туркманистон пойтахтида «Тошкент» номли истироҳат боғи қурилади
Ўзбекистон ташқи ишлар вазири Абдулазиз Комилов ва Туркманистон президенти Гурбангули Бердимуҳамедов ўртасида бўлиб ўтган учрашувда Туркманистон раҳбари Ашхобод шаҳрида «Тошкент» номли истироҳат боғи қурилишини маълум қилди.
Элликқалъада эшаклар қабристони топилди
Элликқалъа туманида сўйилиб, 3 та майдонга ташланган эшак суяклари топилди. Эшаклар тажрибали қассоб томонидан сўйилгани ва қовурға суякларидан гўштлар силлиқ ажратиб олингани айтилмоқда. Эшакларнинг қовурға суякларидан ташқари калласини, қулоқларини кўриш мумкин.
Аҳолини ижтимоий ҳимоя қилиш миллий стратегияси концепцияси тасдиқланди
Президент фармойиши билан 2021−2030 йилларда аҳолини ижтимоий ҳимоя қилиш миллий стратегияси концепцияси тасдиқланди. Ҳужжатга кўра, ижтимоий нафақа олиш жараёнини соддалаштириш режалаштирилган. 2030 йилда давлат бюджетининг ижтимоий ҳимояга йўналтирилган харажатлари ЯИМга нисбатан 1,5%га етказилади. Ижтимоий ҳимоя соҳасида ягона масъул орган тузилади.
Қурилиш вазирлиги Тошкентда ноқонуний қурилаётган бешта бино ҳақида маълумот берди
Қурилиш вазирлиги Тошкент шаҳрида экспертиза органларининг ижобий хулосаси бўлмасдан ва қурилиш-монтаж ишларини бошлаш юзасидан ваколатли органни хабардор қилмасдан қурилиши давом этаётган бинолар ҳақида маълум қилди.
Жаҳонгир Отажоновнинг президентликка номзодини қўймоқчи бўлгани демократия йўлида эканлигимизни англатади — Расул Кушербаев
Депутат Расул Кушербаев Жаҳонгир Отажоновнинг президентликка номзодини қўймоқчи бўлгани — бу демократлашувнинг кўриниши эканлигини айтди. «Отажонов президентликка номзодини қўймоқчиман дегани фожеа эмас. Мен хурсанд бўлдим. Ваниҳоят, Ўзбекистонда ҳам қўрқмасдан, одамлар мен президент бўлишни хойлайман, деб эркин айта олиш даражасига етиб келибмиз. Бу бизнинг ютуғимиз эмасми?» — деди депутат. Кушербаев бу президент олиб бораётган сиёсатининг натижаси эканлигини таъкидлади.
Коррупциянинг парадоксал қиймати
Коррупция давлат тузилмаларини забт этиб бўлди ва уни томири билан суғуриб ташлашнинг имкони йўқдек гўё. Бюджет даромадларининг ўсиши билан бир қаторда коррупция ҳам бўй чўзмоқда. Бу занжирдан қандай чиқиб кетиш ҳақидаги фикрлар иқтисодчи Шаҳзод Юлдошбоев мақоласида.
Бўстонлиқ тумани ҳокимининг собиқ ўринбосари пора эвазига тадбиркорга ер олиб берган
Бўстонлиқ тумани ҳокимининг собиқ ўринбосари ўз лавозимида ишлаган вақтида туман ҳудудидан тадбиркорга 30 сотих ер майдони ажратилиши учун ҳоким қарорини чиқартириб бериб, эвазига ундан 35 минг доллар олган. У олинган пулнинг бир қисмини қайтариб бераётганида қўлга олинди. Бундан ташқари, Тошкент вилоятидаги ерларни ноқонуний равишда сотмоқчи бўлган бошқа шахслар ҳам ушланди. Улардан бири Паркент туманида 5 гектар ерни 1 млн долларга сотмоқчи бўлган.
«Маҳалла, туман ва шаҳарлар криминоген вазиятдан келиб чиқиб, уч тоифага бўлинади» — ИИВ
Пўлат Бобожонов бошчилигида бўлиб ўтган видеоселектор йиғилишида президентнинг 12 февраль куни берган топшириқлари ижросини таъминлаш чоралари муҳокама қилинди.
Украина МДҲнинг яна бир битимидан чиқди
Украина МДҲнинг электр ва почта алоқаси соҳасидаги муносабатларни мувофиқлаштириш тўғрисидаги битимидан чиқди.
«Асакабанк» ва MasterCard пуллар қайта ечиб олиниши муаммосини ҳал этмоқда
Февраль ойи бошида MasterCard карта эгалари «Асакабанк» пунктларида нақдлаштирилган пуллар қайта ҳисобдан ечиб олинаётганидан шикоят қилдилар. Банк бу фирибгарлик ёки хакерлик ҳужумлари натижаси эмас, балки техник носозлик эканлиги ва маблағларни қайтариш бўйича ишлар олиб борилаётганини маълум қилди.
Шавкат Мирзиёев Наманган вилоятига жўнаб кетди
Президент Шавкат Мирзиёев Наманган вилоятига йўл олди. Ташриф давомида саноат корхоналари, қишлоқ хўжалиги лойиҳалари, бунёдкорлик ишлари билан танишиш режалаштирилган.
Жиззах вилоятида кучсиз зилзила содир бўлди
Эрталаб Жиззах вилояти Фориш тумани ҳудудида, Тузкон кўли яқинида кучсиз зилзила содир бўлди. Жиззахда унинг кучи 3 балл, Самарқандда 2 балл атрофида сезилди.
Қашқадарёда машинасида ўқувчини уриб юборган ИИБ ходимига жиноят иши қўзғатилди
Қашқадарё вилояти Чироқчи туманида катта тезликда пиёдалар ўтиш йўлидан ўтаётган ўқувчини уриб юборган ИИБ ходимига жиноят иши қўзғатилди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг