Архив
Президент Наманган вилоятига боради
Душанба куни Шавкат Мирзиёев Наманган вилоятига ташриф буюради. Давлат раҳбари иқтисодий лойиҳаларни кўздан кечиради ва йирик энергетика объектлари қурилишини бошлаб беради. Шунингдек, ифторлик дастурхони ёзилиши ҳам режа қилинмоқда.
Тошкентда 4 та енгил автомобиль тўқнашиши оқибатида 6 киши жароҳатланди
Тошкентда кечаси Жаҳон тиллари университети яқинида тўртта автомобиль тўқнашиб кетди, оқибатда олти киши жароҳат олди. Кеча тунда, шунингдек, Бунёдкор шоҳ кўчасида олтита автомобиль тўқнашиб кетди.
Қумқўрғондаги сел талафотларини бартараф этиш учун Сурхондарёнинг барча туманларидан ёрдам чақирилди
Қумқўрғондаги сел талафотларини бартараф этишга Сурхондарёнинг бошқа туманларидан 10 минг киши, 350 дан ортиқ юк ва махсус транспорт воситалари жалб қилинди. Ички йўллар шағаллаштирилиб, аҳоли хонадонлари ва бошқа объектлар дезинфекцияланди, дарахт ва бута кўчатлари ўтқазилди. Фото.
2023 йилда «Ўзбекнефтгаз»нинг соф фойдаси икки баробардан кўпроққа камайди
«Ўзбекнефтгаз»нинг соф фойдаси 2023 йилда 611,6 млрд сўмни ташкил этиб, 2022 йилга нисбатан 52,6 фоизга қисқарди. Охирги уч йилда унинг даромадлари беш бараварга — 3,3 трлн сўмдан 611 млрд сўмгача камайди. Молиявий кўрсаткичларнинг пасайиши капитал, тақсимланмаган ва ялпи фойдада кузатилган.
Фоторепортаж: Чорсу бозорида Наврўз
Шарқда: «Халқнинг ҳаёт тарзини кўрмоқчимисан, бозорга бор», дейдилар. Шу боис «Газета.uz» Наврўзни кутиб олгани Тошкентнинг бош бозори Чорсуга борди. Байрам баҳона бу ерга бутун Ўзбекистондан сотувчилар тўпланган. Байрам қандай кутиб олинганини ва сотувчиларнинг байрамона фикрларини сизга етказамиз.
Салим Абдувалиев (Салимбой) 6 йилга қамалди
«Салимбой» номи билан танилган тадбиркор Салим Абдувалиев ўқотар қуролларнинг ноқонуний муомаласида айбланиб, 6 йилга озодликдан маҳрум қилинди. Жазони умумий тартибли колонияда ўташ белгиланди.
«Она, мен киборгман». Ўзбекистонлик болаларга янги қўл протезлари берилди
Ўзбекистоннинг турли ҳудудларида яшовчи уч болакай янги қўл протезларига эга бўлди. Протезлар хайрия фондлари ва ҳомийлар маблағи эвазига Россиянинг «Моторика» компанияси томонидан тайёрлаб, ўрнатилган. Ушбу ишлаб чиқарувчининг киберпротезлари 2022 йилдан бери 13 ўзбекистонликка берилди.
Шавкат Мирзиёев Владимир Путин билан телефон орқали гаплашди
Ўзбекистон президенти Россия президенти билан телефон орқали мулоқотда ҳамдардлик билдирди ва зарур ёрдам кўрсатишга тайёрлигини таъкидлади. Давлат раҳбарлари икки мамлакат хавфсизлиги ва барқарорлигига таҳдид бўлган кучга қарши курашишга келишиб олди.
Ўзбекистоннинг Саудия Арабистонидаги элчиси ўз миссиясини якунлади
2018 йилнинг май ойидан бери Ўзбекистоннинг Саудия Арабистонидаги элчиси бўлиб ишлаб келган Улуғбек Мақсудов ўз дипломатик миссиясини якунлади.
Москвадаги теракт қурбонлари сони 93 кишига етди, гумонланувчилар қўлга олинди
Россия Тергов қўмитаси «Крокус Сити Ҳолл»га уюштирилган ҳужумда иштирок этган 4 киши ҳибсга олингани, шунингдек, теракт қурбонлари сони 93 кишига етганини маълум қилди. «Ўлганлар сони яна ортиши мумкин», — дейилади хабарда.
Дориларни рақамли маркировкалаш — Ўзбекистон фармацевтика бозори муаммоларини ҳал қилиш йўлидаги биринчи қадам
AstraZeneca фармацевтика компанияси вакили Алексей Тетерюк рақамли маркировкалаш билан биргаликда кўриладигна қўшимча чоралар фуқароларни қандай қилиб контрафакт ва қалбаки дори воситаларидан ҳимоя қилиши мумкинлиги ҳақида ўз фикр-мулоҳазалари билан ўртоқлашди.
Самарқандда эгизак чақалоқлар сумкага солинган ҳолда уй йўлагига ташлаб кетилди
Самарқанд шаҳрида туғилганига 4−5 кун бўлган 2 чақалоқ кўп қаватли уйнинг кириш йўлагида қолдириб кетилди. Сумкага солинган қиз чақалоқларни ҳудуд ҳамшираси топиб олди. Уларнинг аҳволи яхши экани айтилмоқда. Болаларни ким қолдириб кетгани ҳозирча номаълум.
«Антиструмин» дорисини ишлаб чиқарган Samo`нинг лицензияси вақтинча тўхтатилди
Болаларнинг оммавий заҳарланишига сабаб бўлган, йод таркибли «Антиструмин» таблеткаларини ишлаб чиқарган Samo МЧЖ қўпол қонунбузилиш ҳолатига йўл қўйгани аниқланиб, унинг лицензияси вақтинча тўхтатилди.
1 июлдан скутер ва мопедлар учун давлат рақамларини жорий этиш таклиф қилинмоқда
Ўзбекистонда 1 июлдан скутер ва мопедларни давлат рўйхатидан ўтказиш ҳамда давлат рақамларини беришни жорий этиш режалаштирилмоқда. 2025 йилдан эса уларни рўйхатдан ўтказмасдан бошқаришни тақиқлаш таклиф қилиняпти.
«Мен ёпиқ қўрғонда яшадим қўрқиб…». «Абдулла Орипов» фильми ҳақида
Бир йил аввал Ўзбекистон мадҳияси муаллифи, халқ шоири Абдулла Орипов ҳаёти ҳақидаги бадиий фильм премьераси бўлиб ўтган эди. Санъатшунос журналист Иқбол Қўшшаеванинг ёзишича, фильм «ўзбек киноси ҳали ҳам постколониал тафаккурдан озод бўлгиси келмаётганини, бундай истакнинг ўзи йўқлигини кўрсатган».
ИШИД-К Москвадаги теракт учун жавобгарликни ўз зиммасига олди, АҚШ буни тасдиқлайди — NYT
ИШИД-Хуросон (ИШИД-К) Москва яқинидаги теракт учун жавобгарликни ўз зиммасига олди, деб ёзмоқда The New York Times. Бу маълумотни АҚШ разведка хизматлари тасдиқлади. Улар Россияни март ойи бошида эҳтимолий ҳужум ҳақида огоҳлантирган, бир неча кун олдин эса Владимир Путин буни «шантаж» деб атаганди.
Россиянинг Тошкентдаги элчихонасига гуллар қўйиб кетилмоқда
Москва вилоятида теракт содир этилгани ҳақидаги хабарлардан сўнг Россиянинг Тошкентдаги элчихонасига гуллар келтирила бошланди.
Москвадаги терактда жабрланган Ўзбекистон фуқаролари ҳақида маълумот келиб тушмади — элчихона
Ўзбекистоннинг Москвадаги элчихонаси Москва вилоятидаги «Крокус сити ҳолл» биносида рўй берган портлаш ва отишмада жабрланган Ўзбекистон фуқаролари ҳақида маълумот келиб тушмаганини маълум қилди. Дипломатик миссия ҳуқуқ-тартибот идоралари билан алоқада, дейилади хабарда.
Шавкат Мирзиёев Москвадаги теракт муносабати билан Владимир Путинга таъзия йўллади
Ўзбекистон президенти Москвадаги теракт муносабати билан Россия президентига таъзия йўллади. Мактубда мамлакат тинч аҳолига қарши террорчилик ҳаракатини кескин қоралаши қайд этилди.
Ўзбекистон ТИВ Москвадаги терактни қоралади
Ўзбекистон Ташқи ишлар вазирлиги Москвадаги терактни қоралади. «Терроризмни оқлаб бўлмайди, биз бегуноҳ фуқароларга нисбатан қилинган зўравонликни бир овоздан рад этишга чақирамиз», — дейилади баёнотда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг