Суд инсон ҳалок бўлган ЙТҲни содир этганликда айбланган «Уммон» гуруҳининг собиқ солисти Зоҳид Рисқиевга нисбатан шартли равишда 2 йил синов муддати бериб, озодликда қолдирди, қолаверса, уни 3 йилга транспорт воситасини бошқариш ҳуқуқидан маҳрум қилди.
Тижорат банклари 14 август куни аҳолидан 1 АҚШ долларини 11 980−12 020 сўмдан сотиб олмоқда, сотув курси эса 12 050−12 120 сўм.
Қибрай туманида дарахтга урилган 18 ёшли Spark ҳайдовчиси воқеа жойида ҳалок бўлди, бир йўловчи шифохонага ёткизилди. Воқеага йўлнинг хавфли бурилиш қисмида ҳайдовчининг бошқарувни йўқотиши сабаб бўлган.
Nemolchi.uz лойиҳаси 3−5-синф ўқувчиларини ахлоқсиз ҳаракатлар қилишга мажбурлаган ва 2 йилга озодликдан маҳрум этилган мактаб психологи Азад Гасанов муддатидан олдин озод этилгани ҳақида хабар берди. Тошкент шаҳри таълим бошқармаси эса у ҳозирда ҳеч қайси мактабда ишламаётганини маълум қилди.
Тошкент шаҳар ИИББда тергов вақтида фуқаро вафот этгани юзасидан жиноят иши қўзғатилди. Ички ишлар ходимлари мансаб ваколатидан четга чиқиш ва қийноққа солишда гумонланмоқда.
Душанба, сешанба кунлари ҳарорат кундузи +27…+32 даража бўлади. Бу август ойи ўртаси учун меъёрий қийматлардан 2−4 даражага паст. Ҳафта ўртасидан салқин ҳаво аста-секин чекиниб, ҳарорат кўтарилади ва кундузи +37 даража атрофида бўлади.
14 август куни соат 20:00 гача Тошкентнинг Шайхонтоҳур ва Учтепа туманларининг айрим жойларида газ, Шайхонтоҳур, Олмазор ва Чилонзор туманларининг баъзи ҳудудларида эса иссиқ сув ўчирилади.
Ижтимоий тармоқларда Тошкент шаҳридаги ички ишлар бўлимида қўлга олинган шахс вафот этгани ҳақида хабарлар тарқалди. ИИББ маълумотига кўра, ўта оғир жиноятларда гумон қилинган эркак баённома расмийлаштириш чоғида ҳушини йўқотган ва вафот этган.
12−13 август кунлари Тошкент шаҳрида «Заковат» интеллектуал ўйинининг биринчи Осиё очиқ чемпионати бўлиб ўтди. Ғолибларга 100, 60 ва 40 миллион сўм пул мукофотлари топширилди.
Президент Тошкент, Фарғона ва Бухоро вилоятларида ўнлаб раҳбарлар ишдан олинганидан ҳар бир ҳоким хулоса қилиши кераклиги ҳақида огоҳлантирди. Унинг сўзларига кўра, кенгаш халқ овозига айланиб, жойларда ким ишдан кетиши борасида таклиф бериши керак.
Ижтимоий тармоқларда Тошкент аэропорти яқинида қурилаётган йўл ўтказгичнинг бешта 42 метрли тўсини қулагани акс этган видео пайдо бўлди. Улар юк машинаси устига тушганини кўриш мумкин.
Данғара туманида оҳак цехи 1 млрд 54 млн сўмлик газдан ноқонуний фойдалангани аниқланди. Фуқаро 18 та ностандарт газ ёндиргичларини ер ости газ қувурига улаб олган.
Олтинкўл туманидан ўтган Қорадарёдан 11 ёшли ўғил бола жасади топилди. Ҳолат бўйича суд тиббий экспертизаси тайинланган. Вилоят ФВБ навбатчи диспетчерлик хизматига сувда чўкиш бўйича хабар келиб тушмаган, дейилади бошқарма хабарида.
Фарғона вилоятида содир бўлган икки ЙТҲ оқибатида икки йўловчи вафот этди. ЙТҲларнинг ҳар иккиси ҳам Damas иштирокида содир бўлган.
Тошкентда аэропорт яқинида қурилаётган йўл ўтказгичнинг бешта тўсини қулаб тушгани бўйича жиноят иши очилди. Ҳодиса оқибатида 2 млрд 760 млн сўм зарар етган. Ҳолат бўйича гумонланган 3 нафар мансабдор ушлангани айтилмоқда.
Президент иссиқхоначилар аномал совуқдан энг кўп зарар кўрганлар қаторида бўлганини айтиб, Энергетика вазирлиги ҳамда ҳокимликларга уч томонлама шартнома асосида уларни газ ва кўмир билан узлуксиз таъминлаш топшириғини берди. Айрим иссиқхоналарга имтиёзли кредит ва субсидиялар ҳам ажратилади.
Хоразм вилоятига 2023 йил якунига қадар Хитойнинг Zhongtong компаниясидан 100 та йўловчи автобуси олиб келинади.
ДХХ қўшни давлатдан олиб келинган қарийб 11 кг опий моддасини мусодара қилди. Хусусан, Амударё қирғоғида қамишлар орасидаги қопдан 10 дона ўрамда гиёҳвандлик моддаси топилган.
Ўзбекистон ва Қозоғистон ҳарбийлари Ақтауда махсус-тактик ўқувлар ўтказди. Махсус бўлинмалар замонавий қуролли можаролар тажрибасидан келиб чиққан ҳолда янги тактик усулдан фойдаланди. Дронлардан фойдаланилди, яқин масофада жанг қилинди, денгиз, тоғ, чўл ва шаҳар шароитларида операциялар ўтказилди.
Тошкентда аэропорт яқинида қурилаётган йўл ўтказгичнинг бешта тўсини бир вақтнинг ўзида қулаб тушди. Расмий хабарларда уларни ўрнатиш пайтида эҳтиётсизликка йўл қўйилгани айтилди. Июль ойи охирида Ўзбекистон президенти қурилиш майдонига ташриф буюрган эди.
Қўшимча имкониятларга эга булиш учун сайтда рўйхатдан ўтинг