Архив
Инновациялар вазирлиги икки марта президент китоби учун мобил илова яратишни молиялаштиришни рад этди
Депутат Акмал Саидов таклифи билан президентнинг «Янги Ўзбекистон стратегияси» китоби учун мобил илова яратишга 2,6 млрд сўм сўралди. Бироқ лойиҳа Инновациялар вазирлиги ҳайъатида кўплаб саволлар туғдирди ва икки марта молиялаштириш рад этилиб, ғоя қайта кўриб чиқиш учун қайтарилди.
Хитой — Қирғизистон — Ўзбекистон темир йўли қурилиши бўйича ҳужжат сентябрь ойида имзоланади
Сентябрда Самарқандда ўтказиладиган ШҲТ саммитида Хитой — Қирғизистон — Ўзбекистон темир йўли қурилиши бўйича уч томонлама ҳужжат имзоланиши кутилмоқда. Ҳозир томонлар лойиҳанинг техник-иқтисодий асосларини ишлаб чиқиш устида фаол ишламоқда, — деди Ўзбекистон ТИВ раҳбари в. б. Владимир Норов.
ОТМларга кириш тест синовлари 8 августдан бошланиши режалаштирилмоқда
ДТМ абитуриентлар учун имтиҳонни 8 августдан бошлаш таклифи лойиҳаси тегишли ташкилотга киритилганини маълум қилди. Имтиҳонлар 10−13 кунгача давом этиши мумкин. Бу йил энг кўп абитуриент ЎзМУ, Наманган, Урганч давлат университетлари, Жиззах ва Тошкентдаги педагогика ўқув юртларида ўқиш ниятида.
«Маҳкумларни тузалиш йўлига ўтди деб топиш мезонлари шунчалик қийинки, бунга идеал одам бўлиш керак»
Маҳкумларга оид қонун лойиҳаси муҳокамаси депутатлар ва ИИВ вакиллари ўртасидаги баҳсга сабаб бўлди. Ҳужжатда маҳкумнинг тузалиш йўлига ўтганини баҳоловчи учта мезон қайд этилган. Нурдинжон Исмоилов мезонлар жуда қийинлиги, «бунга мос келиш учун маҳкум идеал бўлиши керак"лигини таъкидлади.
Қашқадарёда велойўлак ва пиёдалар йўлакчаси қуриш учун ажратилган 1,1 млрд сўм талон-торож қилинди
Муборак туманида корхона раҳбари ва бошқалар томонидан пиёдалар ва велосипед йўлаклари қуриш учун ажратилган 1,1 млрд сўм пул маблағлари талон-торож қилингани айтилмоқда.
АҚШ Афғонистонда «Ал-Қоида» етакчисининг йўқ қилинганини эълон қилди
АҚШ президенти Жо Байден «Ал-Қоида» етакчиси Айман аз-Завоҳирий Афғонистон пойтахти Кобулда ўтказилган аксилтеррор операцияси чоғида ўлдирилганини маълум қилди. Шу билан бирга, унинг оила аъзолари жабрланмаган, тинч аҳоли орасида қурбонлар йўқ.
Тошкентдаги ЙТҲ оқибатида ёш бола вафот этди
Тошкент шаҳридаги 14-оилавий поликлиника олдида Matiz ҳайдовчиси йўлнинг қарама-қарши қисмига чиқиб кетиб, икки пиёдани уриб юборди. Ҳодиса оқибатида беш ёшли бола вафот этди.
«Хатолардан бири тузатилгани учун раҳмат айтилмайди». Ижтимоий тармоқлар фойдаланувчилари Twitter блокдан чиқарилгани ҳақида
Twitter, «Вконтакте» ва WeChat тармоқлари блокдан чиқарилди. «Газета.uz» Twitter ва Telegram фойдаланувчилари ушбу хабарга билдирган фикрларни бир материалга жамлади. Фойдаланувчилардан бири «1 августни Twitter озод қилинган кун — умумхалқ байрами» деб эълон қилишни таклиф қилди.
Тошкент вилоятида 16 ёшли бола онасини ўлдириб қўйгани айтилмоқда
Тошкент вилоятида 16 ёшли бола икки шериги билан ўзининг онасини қасддан ўлдириб қўйганликда гумонланмоқда. Бунга оилавий келишмовчилик сабаб бўлгани ва улар аёлнинг жасадини уйнинг ертўласига кўмиб ташлагани айтилмоқда. Гумондорларга нисбатан жиноят иши қўзғатилди.
ДХХ олтита вилоятда қарийб 20 кг гиёҳванд моддалар айланмасига чек қўйди
Ўзбекистоннинг олтита вилоятида ҳуқуқ-тартибот органлари айрим шахслар ёнида қарийб 15 кг «опий» ҳамда салкам 4 кг «гашиш» моддаси борлигини аниқлади. Уларнинг аксарияти моддаларни қўшни давлатлардан олиб кириб, сотишни режалаштиргани айтилмоқда. Гумондорларга нисбатан жиноят иши қўзғатилди.
Хоразмда фуқарони $500 эвазига Миллий гвардияга ишга киритмоқчи бўлган шахс ушланди
Хоразмда фуқарони 500 доллар эвазига Миллий гвардияга ишга киритмоқчи бўлган шахс қўлга олинди. Андижондаги ҳолатда эса фуқаро бошқа бир фуқарони ишга киритиб қўйиш учун 9 млн сўм олганликда гумон қилинмоқда.
Россияда 11 нафар ўзбекистонлик мигрант овқатдан заҳарланди
Волгоград вилоятидаги фермер хўжалигида ишлаётган 11 нафар ўзбекистонлик меҳнат мигранти овқатдан заҳарланди. Ўзбекистон Ташқи меҳнат миграцияси агентлиги маълумотига кўра, улар ҳозир шифохонада, ўзларини яхши ҳис қилмоқда.
Япония Ўзбекистонга тиббий контейнер ва томография учун сканерлар топширди
Япония Ўзбекистонга компьютер томографияси учун учта сканер, ультратовуш ва рентген аппарати билан жиҳозланган мобил тиббий-диагностика контейнерини топширди. У чекка ҳудудлар аҳолисига, шу жумладан, табиий офатлар пайтида ёрдам бериш учун ишлатилади.
Қишлоқ хўжалиги техникаларини сотиб олиш учун $100 млнлик имтиёзли кредитлар ажратилади
Молия вазирлиги қишлоқ хўжалиги техникалари хариди учун 100 млн доллар миқдорда имтиёзли кредитлар ажратади. Банклар қарзларни миллий валютада 10 йил муддатга имтиёзли давр билан 10 фоиз ставкада тақдим этади. Аввалроқ МБ ҳукуматдан имтиёзли ва директив кредитлар ҳажмини қисқартиришни сўраганди.
Шахмат олимпиадаси: Ўзбекистон АҚШ билан дуранг ўйнади
Ҳиндистонда ўтказилаётган шахмат олимпиадасининг тўртинчи турида Ўзбекистон жамоаси мусобақа фаворити — жаҳон рейтингида топ-10ликдаги шахматчилардан иборат АҚШ жамоаси билан дуранг ўйнади. Ўзбекистонлик қизлар эса ҳозиргача уч ғалаба ва бир мағлубият қайд этди.
RTL Alliance хавфли юкларни етказиб бериш муаммосини ҳал қилишга ёрдам беради
RTL Alliance халқаро логистика компанияси жаҳон логистикасидаги мураккаб вазиятга қарамай, турли мамлакатлардан хавфли юкларни етказиб бериш муаммосини муваффақиятли ҳал қилмоқда.
Янгиқўрғондаги «Гаистонтепа» археология ёдгорлиги бутунлай вайрон қилинди
Наманган вилояти Янгиқўрғон тумани масъул ходимлари «Гаистонтепа» археология ёдгорлиги ҳудудини уй-жой қуриш учун ноқонуний равишда ажратиб берган. Икки йил ичида моддий маданий мерос объекти бутунлай вайрон бўлди, етказилган зарар 80 млрд сўмга баҳоланмоқда.
1 август куни Ўзбекистонда содир бўлган энг муҳим хабарлар дайжести
Блокдан чиқарилган Twitter ва бошқа тармоқлар, Конституцияни ўзгартириш муҳокамаси якунлангани, илк бор уч томонлама музокара ўтказадиган Ўзбекистон, Туркия ва Озарбайжон, НКМКга $1,2 млрдлик халқаро кредит ва бошқалар — «Газета.uz» да кун дайжести.
Ўзбекистон ва Озарбайжон 500 млн долларлик инвестиция фондини ишга туширади
Ўзбекистон ва Озарбайжон қўшма лойиҳаларни молиялаштириш учун инвестиция фондини ишга туширади. Бир ҳафта ичида уни яратиш бўйича йўл харитаси ишлаб чиқилади, дея маълум қилди бош вазир ўринбосари, инвестициялар ва ташқи савдо вазири Жамшид Ходжаев.
Лайло Ҳасанова Болгарияда бўлиб ўтган жаҳон чемпионатида энг яхши таэквондочи деб топилди.
Болгарияда таэквондо бўйича ўсмирлар ўртасида ўтказилган жаҳон чемпионатида мусобақа ташкилотчилари ўзбекистонлик Лайло Ҳасановани энг яхши таэквондочи қиз, деб эътироф этди. У жаҳон чемпиони бўлди, яна 9 нафар спортчи терма жамоа ҳисобига 1 кумуш ва 8 бронза медалини ёздириб қўйди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг