Архив
«Одамларнинг хоҳиш-истаклари инобатга олиниши керак». Депутат — маҳаллаларни ободонлаштириш ҳақида
Депутат Нодир Абдувалиев Тошкент аҳолиси маҳаллаларни ободонлатириш борасида бекорда шикоят қилмаётганини маълум қилди. Унинг фикрича, айрим ҳолатларда қурилиш ишларидан кейин «маҳаллалар бор файзу тароватидан маҳрум бўлмоқда».
Чорвоқ атрофи ҳудудлари ўрмонлаштирилади
Ҳукумат қарори билан Чорвоқ сув омбори атрофидаги ва унга туташ ҳудудларда, ўрмон билан қопланган ва ўрмон барпо қилиш мумкин бўлган қишлоқ хўжалик ерлари чорвачиликка тақиқ қўйилган ҳолда ўрмон фондига ўтказилади. 2023 йилгача ушбу ҳудуд ўрмонлаштирилади.
Хитой-ўзбек вакцинаси дозалари орасидаги интервал қанча бўлиши керак?
Коронавирусга қарши ZF-UZ-VAC2001 вакцинасининг дозалари орасидаги интервал қанча бўлиши керак? Коронавируснинг «дельта» штамми қандай аниқланади? Биотехнолог, биология фанлари доктори Алишер Абдуллаев «Газета.uz»нинг ушбу саволларига батафсил жавоб берди.
Коронавирусдан тузалган одам вакцина олиши керакми?
Касаллик ёки вакцинадан сўнг организмда «антитаначалар» пайдо бўлмаслиги мумкин, лекин хотира ҳужайралари олдинроқ вирусга дуч келганлигини эслаб қолади. Коронавирусдан тузалган одам нима сабабдан эмланиши керак? «Газета.uz»нинг шу ва бошқа саволларига биотехнолог, биология фанлари доктори Алишер Абдуллаев жавоб берди.
Долларнинг расмий курси бироз пасайди
Долларнинг расмий курси 11,79 сўмга пасайди ва жами 10 628,00 сўм этиб белгиланди. Шунингдек, евро ва рубль курслари ҳам бироз пасайди.
ОИВ ва Гепатит С ташхиси учун мобил лаборатория ишга туширилди
«Чегарасиз шифокорлар» ва ОИТСга қарши курашиш маркази ОИВ, Гепатит С ва тери-таносил касалликлари ташхиси учун мобил лабораторияни ишга туширди. У Тошкент шаҳри ва вилоятида фаолият кўрсатади.
Янги ўқув йилида мактабларда дарслар гибрид шаклда давом эттирилади
Халқ таълими вазирлиги янги 2021−2022 ўқув йилида мактабларда дарс жараёни гибрид шаклда давом эттирилишига тайёргарлик кўраётганини маълум қилди. Бунда мактабда юзага келадиган вазиятга қараб айрим мактаблар карантинга ёпилиб масофавий тизимга ўтказилиши мумкин.
АҚШ Ўзбекистонга қиймати $330 мингдан зиёд бўлган тиббий ниқоблар юборди
АҚШдан беғараз кўмак сифатида қиймати 330 минг доллардан зиёд бўлган 240 минг дона тиббий ниқобларнинг биринчи қисми Ўзбекистонга олиб келинди. Мазкур инсонпарварлик юки «Global Jewish Assistance and Relief Network» жамғармаси ва Бухоро яҳудийлари жаҳон конгресси томонидан етказилган.
Хитой-ўзбек вакцинасининг иккинчи ва учинчи дозалари билан эмлаш вақтинча тўхтатилди
9 августдан бошлаб бир ҳафта давомида Ўзбекистондаги барча эмлаш пунктларида хитой-ўзбек вакцинасининг фақат биринчи дозаси билан эмлаш ишлари амалга оширилади. Шу муддат ичида ушбу вакцинанинг иккинчи ва учинчи билан эмланилмайди. Бу иш вакцинация жараёнини тўғри режалаштириш ва эмлаш бўйича ҳисоб-китобни тўғрилаб олиш учун қилинганлиги айтилди.
Толиблар Афғонистон шимолидаги муҳим шаҳар — Қундузни эгаллади
Афғонистон шимолидаги стратегик аҳамиятга эга бўлган Қундуз шаҳри «Толибон» ҳаракати вакиллари томонидан эгалланди. Шаҳардаги жанглар оқибатида ҳалок бўлганлар орасида тинч аҳоли қурбонлари, аёллар ва болалар борлиги айтилмоқда. Жума куни ҳаракат вакиллари Заранж ва Шибарганни эгаллашган.
ИИВ Qalampir.uz журналисти Феруза Нажмиддинова иши бўйича қўшимча маълумот берди
Qalampir.uz журналисти Феруза Нажмиддиновага туҳмат қилиш учун тарқатилган видеода расмий никоҳдаги эр-хотин, чет эл фуқаролари бўлганлиги маълум қилинди. Уларнинг ҳаракатида қонун бузилиш ҳолатлари аниқланмаган. Видеолавҳани ясаб, ижтимоий тармоқларда тарқатиш орқали журналистнинг обрўсини тўкишга қилинган ҳаракат бўйича жиноят иши қўзғатилди.
Ҳафта охирида иссиқ ҳаво бироз пасайиши кутилмоқда
Ҳафтанинг катта қисмида республика ҳудудлари бўйича асосан кам булутли об-ҳаво бўлади. Пайшанба куни Ўзбекистонга салқин ҳаво китиб келади. Ҳаво ҳарорати кундуз кунлари +30…+35 даражагача пасаяди.
Мислсиз ислоҳотлар ўз-ўзидан бўлмайди — Абдулла Арипов
«Биз жуда тез амалга оширилаётган ўзгаришларга кўникиб қолдик. Уларнинг моҳиятини англашга улгурмаяпмиз. Мислсиз ислоҳотлар айнан шундай бўлиши керакдек ва шу ишлар ўз-ўзидан бўлаётгандек қабул қиляпмиз» — деди Абдулла Арипов ЎзЛиДеП сиёсий кенгашининг навбатдаги мажлисида. Барча ислоҳотлар замирида Шавкат Мирзиёевнинг қатъияти мужассам, дея таъкидлади у.
Шавкат Мирзиёевнинг шу ҳафтадаги иш режаси маълум қилинди
Ўзбекистон президентининг ҳафталик иш жадвалидан нефть ва газ соҳалари бўйича йиғилиш ҳамда Тошкент вилоятида ишлаб чиқариш соҳаларини ривожлантиришга оид тақдимот ўрин олган.
8 август куни Ўзбекистонда 856 кишида коронавирус аниқланди
Кеча кун давомида Ўзбекистонда 856 кишида коронавирус инфекция қайд этилди. 6 нафар COVID-19 бемори вафот этди. Шунингдек, шанба куни 439 кишида пневмония қайд этилди, 3 нафар пневмония бемори вафот этди.
«Бизнинг мақсадимиз битта — президентлик сайловларида ғолиб бўлиш» — ХДП раиси
Халқ демократик партияси раиси Улуғбек Иноятов партиянинг мақсади ҳукуматни эгаллаш, яъни президентлик сайловларида ғолиб бўлиш эканлигини билдирди. Унинг таъкидлашича, сайловларда халқ аёлларга кўпроқ овоз беради. «Ана шу нуқтайи назардан биз номзодимизни тўғри танладик, деб ўйлайман. Бу бизнинг сайловларда ғалаба қозонишимизда бир қадам бўлди, деб ҳисоблайман», — дейди у.
Жамоатчилик ва расмийлар Qalampir.uz журналисти Феруза Нажмиддиновани қўллаб-қувватлади
Сенат раҳбари, омбудсман, Саида Мирзиёева, Комил Алламжонов, давлат органлари, депутатлар ва жамоатчилик Qalampir.uz журналисти Феруза Нажмиддиновани қўллаб-қувватлаб чиқди. Номаълум шахслар унинг шаъни ва қадр-қимматини топтайдиган монтаж қилинган видеони эълон қилди. Тошкент ИИББ терговга қадар текширувни бошлади.
Ходимлари вакцина олган кафе ва ресторанларга кечки пайт ҳам ишлашга рухсат берилди
10 августдан бошлаб ходимлари коронавирусга қарши вакцинанинг камида 2 та дозасини олган умумий овқатланиш объектлари 20:00 дан кейин ва ёпиқ биноларда ишлашлари мумкин бўлади. Кафе ва ресторанларга вакцина билан эмланганлиги тўғрисидаги QR-коди ёки сертификати бўлган мижозларни киритиш тавсия этилади.
Зомин миллий табиат боғида содир бўлган ёнғин бартараф этилди
Зомин миллий табиат боғида ёнғин содир бўлди. Уни ўчиришга ФВВнинг 55 нафар ёнғин-қутқарувчилари жалб этилди. Ҳодиса натижасида 10 сотих майдоннинг зарар кўргани маълум қилинди.
Veolia компаниясининг Тошкент иссиқлик таъминоти бўйича лойиҳасидан нималар кутилмоқда?
Тошкент иссиқлик таъминоти тизимини Франциянинг Veolia компанияси бошқарувига топшириш режалаштирилмоқда. Ҳукумат лойиҳа натижасида 30 йил давомида газ, электр энергияси ва сувдан триллионлаб сўм иқтисод қилиниши, иссиқлик йўқолишининг 44 фоиздан 20 фоизга қадар пасайиши ва кредитор қарздорликнинг камайишини кутмоқда. Шу билан бирга, тарифлар икки баробар кўпроққа ошади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг