Архив
Машҳурлар ва шифокорларнинг дори воситаларини реклама қилиши тақиқланмоқда
Янги таҳрирдаги «Реклама тўғрисида»ги қонун билан машҳурлар, тиббиёт ходимлари ёки ташқи кўриниши шифокорларга ўхшаш шахсларнинг дори воситаларини реклама қилиши тақиқланмоқда. Шунингдек, рекламаларда болаларни хавфли ҳолатларда кўрсатиш, ота-оналар ва тарбиячиларни обрўсизлантириш ҳам ман қилинади. Қонун сенаторлар томонидан маъқулланди.
Қийноқ қурбонларига етказилган зарар ва бой берилган фойда қопланади
Сенатда Фуқаролик кодексига ўзгартириш киритиш тўғрисидаги Қонун лойиҳаси кўриб чиқилди. Унга кўра, қийноққа солишдан жабрланганларга ижтимоий, ҳуқуқий, психологик ва тиббий ёрдам кўрсатилади. Шунингдек, қийноқдан жабрланган шахсларга етказилган зарарлар билан бирга, бой берилган фойда ва сарфланган харажатлар ҳам тўлаб берилиши назарда тутилмоқда.
15 кунда 583 минг хонадоннинг бир кунлик истеъмолига тенг газ ноқонуний ишлатилгани аниқланди
1−15 март кунлари ичида республикада 7,8 млн куб метрдан зиёд табиий газдан ноқонуний фойдаланилгани аниқланди. Бу 583 минг хонадоннинг бир кунлик истеъмолига тенг.
Асосий ставканинг оширилиши шокларни юмшатишга қаратилган — МБ
Марказий банк асосий ставкани девальвацион ва инфляцион кутилмалар ўсишининг олдини олиш, миллий валютада жамғариш фаоллигини сақлаб қолиш ҳамда ташқи хатарларнинг иқтисодиётга таъсирини юмшатиш орқали мамлакатда макроиқтисодий ва молиявий барқарорликни таъминлаш мақсадида йиллик 17 фоизга оширди. МБ иқтисодиётни қўллаб-қувватлаш учун яна қандай чоралар амалга оширилиши режалаштирилаётганини ҳам маълум қилди.
Февралда 128,4 мингта автомобиль давлат рўйхатидан ўтказилди
Февраль ойида бирламчи бозордан 28,8 минг, иккиламчи бозордан эса 99,6 минг дона автомобиль сотиб олинди. Автотранспорт воситаларини рўйхатдан ўтказишлар сони ўтган ойга нисбатан 13,4 фоиз, бир йил аввалгига нисбатан эса 149,2 фоизга ўсган. Хорижий автомобиллар олди-сотди шартномалари сони ҳам 2,7 баробарга ортган.
Сенаторлар янги таҳрирдаги Меҳнат кодексини маъқуллади
Сенатининг навбатдаги мажлисида сенаторлар янги таҳрирдаги Меҳнат кодексини маъқуллади. Мажлисда 1995 йилда қабул қилинган амалдаги кодекс таҳрири замонавий воқеликка мос келмаслиги таъкидланди. Сенат раиси Танзила Нарбоева эса янги кодекс «инсон қадрига асосланган"ини айтди.
МБ асосий ставкани 17 фоиз этиб белгилади
Марказий банк асосий ставкани 3 фоиз бандга ошириб, йиллик 17 фоизгача кўтариш тўғрисида қарор қабул қилди. Регулятор 2020 йилдан бери асосий ставкани 14 фоиз даражасида ушлаб турганди.
«Ҳарбий ҳаракатлар зудлик билан тўхталиши зарур» — ТИВ раҳбари Украинадаги вазият ҳақида
Ташқи ишлар вазири Абдулазиз Камилов Сенатдаги чиқишида Ўзбекистон Украинадаги вазиятга тинч йўл билан ечим топиш ва можарони сиёсий дипломатик воситалар ёрдамида ҳал қилиш тарафдори эканини таъкидлади. «Ўзбекистон Республикаси Украинанинг мустақиллиги, суверенитети ва ҳудудий яхлитлигини тан олади. Биз Луганск ва Донецк халқ республикаларини тан олмадик», — деди у.
Тошкентда таркибида рубин ва сапфир бўлган тошни $220 мингга сотишга уринган шахслар ушланди
ДХХ пойтахтда таркибида рубин, сапфир ва бошқа минераллар бўлган, асл баҳоси 33 млн сўмлик тошни 220 000 долларга сотишга уринганликда гумон қилинган шахсларни қўлга олди. Уларга нисбатан жиноят иши қўзғатилди.
Бугунги кунда 300 га яқин фуқароларимиз Украинада бўлиб турибди — Абдулазиз Камилов
Ўзбекистон ташқи ишлар вазири Абдулазиз Камилов Украинада айни дамда 300 га яқин Ўзбекистон фуқароси қолаётганини маълум қилди. У Украинадан эвакуация қилиш жараёни фуқароларни Сурия, Ироқ ва Афғонистондан ватанга қайтаришдан енгил бўлмаганини таъкидлади.
Қашқадарёда 10-синф ўқувчиси ўз жонига суиқасд қилди
Нишон туманида 17 ёшли мактаб ўқувчиси фермер хўжалиги даласидаги дарахтга ўзини осиб қўйди. Қизнинг руҳиятида ўзгаришлар бўлганлиги айтилмоқда. Туман прокуратураси терговга қадар текширув ўтказмоқда.
Хорижда паспорт ва сертификат олиш тўловлари қимматлиги бўйича ТИВ раҳбарига депутатлик сўрови юборилди
Хорижда Ўзбекистон паспорти ва қайтиш сертификатини олиш бўйича тўловлар Марказий Осиё давлатлари орасида энг қиммати ҳисобланади. Қонунчилик палатаси депутати Расул Кушербаев нархларни асослаш ва пасайтириш юзасидан ташқи ишлар вазири Aбдулазиз Камиловга депутатлик сўрови киритди.
«Ўзсаноатэкспорт»нинг собиқ раиси Самарқанд вилояти ҳокимига ўринбосар бўлди
Ойбек Мирзабеков Самарқанд вилоят ҳокими ўринбосари — инвестициялар ва ташқи савдо бошқармаси бошлиғи лавозимига тайинланди. У тайинловга қадар «Ўзсаноатэкспорт» АЖ бошқаруви раиси лавозимида ишлаган.
21 март куни Тошкент автобуслари иш вақти бир соатга узайтирилади
Наврўз байрамини нишонлаш кунлари Тошкент автобуслари якшанба учун тасдиқланган жадвал асосида қатновни амалга оширади. 21 март куни эса иш вақтини бир соатга кечроқ тугатади.
АКТ вазири TikTok вице-президенти билан музокаралар ўтказди
АКТ вазири Шерзод Шерматов Ўзбекистонда блокланган TikTok вице-президенти Тео Бертрам билан онлайн-учрашув ўтказди. Аввалроқ, TikTok, қолаверса, Twitter ва «ВКонтакте» тўсатдан очила бошлаганди, бироқ, орадан сал вақт ўтиб, киришда яна қийинчиликлар юзага келди.
16 март куни Ўзбекистонда содир бўлган энг муҳим хабарлар дайжести
Қозоғистон ва Тожикистон билан чегараларни очган Ўзбекистон, Сирдарёдаги сув тошқинлари, январь ойидаги блэкаут Ўзбекистондаги носозлик сабаб юзага келгани, такси ҳайдовчилари учун жорий қилинаётган яна бир мажбурий суғурта, талабаларнинг контракт тўлови муддати узайтирилгани, Андижонча тендер ва бошқалар — «Газета.uz» нинг 16 мартдаги энг муҳим хабарлари дайжестида.
Тадбиркор солиқ ўзгаришларини билмаса, унга жазо бериш эмас, тўғри йўлни ўргатиш керак — Шавкат Мирзиёев
Президент Шавкат Мирзиёев солиқ органи раҳбарларига соҳадаги янгича ҳисобот ва ўзгаришларни билмаган тадбиркорларни жазолаш эмас, тўғри тушунтириш кераклигини таъкидлади. «Фақат биз тўғри қиляпмиз, деб юришимиз нотўғри… Энг катта муаммоингиз — тушунтириб бермаганингиз», — деди давлат раҳбари.
Ўзбекистонда Twitter, TikTok ва VK очилишни бошлади (ёки йўқ)
Ўзбекистонда Twitter, TikTok ва «ВКонтакте» ижтимоий тармоқлари эркин очилишни бошлади. Шу билан бирга, улар кириш чекланган ижтимоий тармоқлар рўйхатидан чиқарилмаган. Ҳозирча расмий изоҳ берилмади. (Кейинроқ киришда қийинлаша бошлади.)
Россия Европа Кенгаши аъзолигидан чиқарилди
Европа Кенгаши (ЕК) Вазирлар қўмитаси 16 мартдан бошлаб Россияни ташкилот аъзолигидан чиқаришга қарор қилди. Россия ушбу ташкилотга 26 йилдан бери аъзо ҳисобланарди.
Талабаларга 2021−2022 ўқув йили учун контракт тўловлари муддати 1 апрелгача узайтирилди
Олий ва профессионал таълим муассасалари талабаларига 2021−2022 ўқув йили учун контракт тўловини амалга ошириш муддати 1 апрелга қадар узайтирилди. Бунгача ушбу муддат 1 мартгача этиб белгиланганди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг