Коронавирус
Овқат етказиб бериш хизматлари иш вақтига чекловлар ўрнатилди
Умумий овқатланиш пунктларидан овқат етказиб бериш хизматларига 8:00 дан 23:00гача ишлашга рухсат берилди.
20 июлдан тўй ва бошқа оилавий маросимлар қатнашчилари сонига чекловлар киритилди
20 июлдан ёпиқ биноларда ўтказиладиган оилавий тантана, тўй, маърака ва маросимларда 50 нафаргача меҳмон қатнашиши мумкин. Очиқ ҳавода эса 1 августгача иштирокчилар сони 100 нафаргачани ташкил этиши мумкин.
Навбатдаги антирекорд: бир кунда 585 кишида коронавирус аниқланди
18 июль куни Ўзбекистонда 585 нафар кишида коронавирус инфекцияси қайд этилди. 462 нафар кишида пневмония аниқланиб, 5 нафар бемор вафот этди.
17 июль куни 507 кишида коронавирус, 436 кишида пневмония аниқланди
17 июль куни Ўзбекистонда 507 нафар кишида коронавирус инфекцияси қайд этилди. 436 нафар кишида пневмония аниқланиб, 3 нафар бемор вафот этди.
Жаҳонгир Ортиқхўжаев ўзбек-хитой вакцинаси билан эмланди
Тошкент шаҳар ҳокими Жаҳонгир Ортиқхўжаев хитой-ўзбек вакцинасининг иккинчи компоненти билан эмланди. «Ҳамшаҳарлар ўзбек-хитой вакцинасининг 2-босқичини қабул қилиб олдим. Ўйлайманки, бу коронавируснинг олдини олишга жуда катта ёрдам беради», — деди ҳоким.
Abdala вакцинаси коронавируснинг оғир шаклларига қарши 100% самарадорлик кўрсатди — ОАВ
Кубанинг коронавирусга қарши Abdala вакцинаси клиник синовларнинг учинчи босқичида касалликнинг оғир шакли ва ўлимга қарши 100% самарадорлигини кўрсатди. Вакцинанинг самарадорлигини ўрганиш бўйича тадқиқотларда иштирок этадиганларни 300 минг кишига етказиш режалаштирилмоқда.
«Вакцинани текин берсак ҳам олишмаяпти». Жаҳонгир Ортиқхўжаев Чилонзордаги ковид-марказга борди
Жаҳонгир Ортиқхўжаев Чилонзордаги ковид-марказга бориб, бемор ва шифокорлар билан суҳбатлашди. Марказда даволанаётганларнинг 65 фоизи аёллар экани, қолаверса, беморлар орасида вакцина олганлар ҳам борлиги айтилди. Таъкидланишича, вакцина олганларда касаллик енгил ўтмоқда, улар 3 кунда даволаниб чиқаяпти. «Тезда фуқароларга вакцина қилиш керак. Бўлмаса эртага одамларни жойлаштира олмаймиз», — дейди ҳоким.
Вакцина олмаслик дуруст эмас — Ўзбекистон мусулмонлар идораси
Ўзбекистон мусулмонлар идораси эмланиш ва вакциналар ҳақида тарқалаётган гапларга изоҳ берди. «Вакцина олмаслик, унинг таркиби тўғрисида бўлмағур гапларни тарқатиш дуруст эмас», — дея таъкидланди фатвода. Аввалроқ, идора раисининг биринчи ўринбосари Ҳомиджон Ишматбеков Ислом динида вакцина олишга тақиқ йўқлиги ҳақида маълум қилган эди.
Бир кунда 400 дан ортиқ пневмония ҳолатлари қайд этилди
Жума куни Ўзбекистонда коронавирус инфекцияси аниқланганлар сони 500 нафардан, пневмония қайд этилганлар сони эса 400 нафардан ошди. 4 киши вафот этди.
Қурбон ҳайити намози адо этилмайди, жума намозлари ҳам вақтинчалик ўқилмайдиган бўлди
Ўзбекистонда Қурбон ҳайити намози пандемия муносабати билан адо этилмайдиган бўлди. Ўрнига уйда Зуҳо намозини ўқиш тавсия этилди. Шунингдек, жума намозлари ҳам вақтинча ўқилмайди.
«Шунчаки эмланиш керак» — Вирусология институти директори. Вакцинация ҳақида саволлар ва жавоблар
Эмлашдан олдин ПЗР тест топшириш ва антитаначаларга таҳлил топшириш керакми, эмланганларда антитаначалар даражаси қандай бўлиши керак, ўзбек-хитой вакцинаси коронавируснинг «дельта» штаммига қарши самара берадими — шу ва бошқа саволларга Вирусология ИТИ директори Эркин Мусабоев «Газета.uz»га берган интервьюсида жавоб берди.
15 июль куни 357 кишида пневмония аниқланди
Пайшанба куни Ўзбекистонда 478 нафар фуқарода коронавирус, 357 нафар кишида пневмония аниқланди. Шунингдек, сўнгги кун ичида 4 нафар коронавирус бемори вафот этди.
Озарбайжон Ўзбекистонга 50 минг доза AstraZeneca вакцинасини юборди
Озарбайжондан Ўзбекистонга 50 минг дозадаги СOVID-19`га қарши AstraZeneca вакцинаси олиб келинди. Бу Англия-Швеция компаниясининг вакцинаси эканлиги маълум қилинди.
Ҳукумат эмланмаганларнинг эркини чеклаши керак — Алишер Қодиров
«Миллий тикланиш» партияси раҳбари Алишер Қодиров таъкидлашича, ташкилотларда мажбурий эмлаш тизимини йўлга қўйиш мумкин. Бундан ташқари, у вакцина олмаган фуқароларнинг эркини чеклаш кераклигини айтди. «Бизнинг ишончимиз билан ваколатли бўлган ҳукумат, эпидемиологик хавфсизликни таъминлаш мақсадида, эмланмаганларнинг эркини чеклаши керак», — дейди Алишер Қодиров. Аввалроқ, депутат Расул Кушербаев ҳам «оммавий эмлашни ихтиёрийликдан мажбурийликка ўтказиш кераклиги»ни таъкидлаган эди.
14 июль куни 367 кишида пневмония аниқланди
Чоршанба куни Ўзбекистонда 493 нафар фуқарода коронавирус, 367 нафар кишида пневмония аниқланди. Шунингдек, сўнгги кун ичида 4 нафар коронавирус бемори вафот этди.
Ўзбекистонга яқин ойларда қарийб 5 млн доза вакцина олиб келинади
20−25 июль кунлари ZF-UZ-VAC 2001 вакцинасидан қўшимча 4 млн доза олиб келинади. Шунингдек, август-cентябрь ойларида Спутник V вакцинасидан 160 минг доза COVAX дастури доирасида яна 660 минг доза (AstraZeneca ёки Moderna) вакциналари олиб келиниши кутилмоқда, дея хабар берди депутат Дониёр Ғаниев.
Вакцина олиш учун яратилган имкониятлардан 2 баравар паст даражада фойдаланяпмиз — Нурмат Отабеков
СЭС раҳбари ўринбосари Нурмат Отабеков таъкидлашига кўра, ҳозирда Ўзбекистон бўйлаб эмлаш тадбирлари учун яратилган имкониятларнинг тенг ярмидан фойдаланилмоқда. Ҳар бир эмлаш пунктида кунига 36 нафар фуқаро эмланмоқда, режада эса 70 киши бўлган. «Вакцинадан бошқа биз эпидемик вазиятни барқарорлаштирадиган бир таклифни ёки қандайдир ташаббусни кўрмаяпмиз», — деди у. Шунингдек, вакцинация жараёнларида фаол иштирок этаётган тиббиёт ходимларига рағбат сифатида моддий қўллаб-қувватлаш механизмларини жорий этиш режалаштирилмоқда.
13 июль куни 319 кишида пневмония аниқланди
Сешанба куни Ўзбекистонда 491 нафар фуқарода коронавирус, 319 нафар кишида пневмония аниқланди. Шунингдек, сўнгги кун ичида 3 нафар коронавирус бемори вафот этди.
Жаҳон янгиликлари дайжести
Дунёда тўйиб овқатланмайдиганлар сонининг кўпайгани, Google’нинг 593 млн доллар миқдорида жаримага тортилгани, Францияда мажбурий эмлаш ва бошқа янгиликлар — «Газета.uz»нинг жаҳон янгиликлари дайжестида.
Биз эмлаш бўйича бошқа давлатларга қараганда яхши кўрсаткичда кетяпмиз — Шерзодхон Қудратхўжа
Халқаро пресс-клуб раиси Шерзодхон Қудратхўжа вакцинация бўйича Ўзбекистон яхши кўрсаткичда кетаётганлигини таъкидлади. 12 июль ҳолатига Ўзбекистонда коронавирусга қарши тўлиқ эмланган фуқаролар мамлакат аҳолисининг 2,64 фоизини ташкил қилмоқда.
Қўшимча имкониятлардан фойдаланиш учун сайтда рўйхатдан ўтинг