Иқтисодиёт
1 майдан БҲМ 330 минг сўм этиб белгиланди
Ўзбекистонда 1 майдан меҳнатга ҳақ тўлашнинг энг кам миқдори 980 000 сўм, базавий ҳисоблаш миқдори 330 000 сўм этиб белгиланди. Шунингдек, бюджет ташкилотлари ходимларининг иш ҳақи миқдори 7 фоизга оширилди.
UNG Petro шохобчаларида Аи-92 бензинига чегирма бекор қилинмайди
Энергетика вазирлиги UNG Petro ёқилғи қуйиш шохобчаларида Аи-92 бензинига берилган чегирмалар 1 майдан бошлаб тўхтатилиши тўғрисидаги хабарни рад этди.
UNG Petro шохобчаларида Аи-92 бензини учун чегирма 1 майдан тўхтатилади
UNG Petro ёқилғи қуйиш шохобчалари тармоғи томонидан Наврўз байрами арафасида эълон қилинган Аи-92 бензини учун чегирма 1 майдан бошлаб тўхтатилди. Акция давомида бир литр ёқилғи 7500 сўмдан сотилди.
МҲТИ ички туризмдан қониқиш даражасини баҳолади
Макроиқтисодий ва ҳудудий тадқиқотлар институти ички туризм бўйича сўров ўтказди. Респондентларнинг ярмидан кўпи оилалари билан саёҳат қилишни афзал кўришларини айтди. Асосий муаммолар қаторида йўллар сифати, нархлар, сув, интернет ва санитария пунктлари саналди.
Россиядан Ўзбекистонга газ етказиб бериш учун «Ўрта Осиё-Марказ» газ қувури кўриб чиқилмоқда
Россиядан Ўзбекистонга газни «Ўрта Осиё-Марказ» (CAC) газ қувури орқали етказиб бериш режалаштирилмоқда, деди энергетика вазири Жўрабек Мирзамаҳмудов. Унинг сўзларига кўра, аввалроқ етказиб бериш учун кўриб чиқилган бошқа — «Бухоро-Урал» газ қувури эскиргани сабабли мос келмайди.
Тошкентдан Будапештга тўғридан-тўғри рейслар 2023 йилнинг иккинчи яримидан йўлга қўйилади
Ўзбекистон ва Венгрия 2023 йилнинг иккинчи ярмидан бошлаб ўз пойтахтлари ўртасида авиақатновларни йўлга қўйишни режалаштирмоқда. Венгрия иқтисодий ривожланиш вазири Тошкентдаги инвестиция форумида расмий Будапешт Ўзбекистон билан дронларни ишлаб чиқариш бўйича тажриба алмашишга тайёрлигини билдирди.
Қашқадарё ва Бухорода қуввати 500 МВт бўлган қуёш фотоэлектр станциялари қурилади
Қашқадарё ва Бухоро вилоятларида ҳар бирининг қуввати 500 МВт бўлган қуёш фотоэлектр станцияларини қуриш бўйича Хитой копманияси билан битимлар имзоланди.
Банклар долларнинг сотув курсини 11 395 — 11 445 сўм атрофида белгилади
Тижорат банклари 28 апрель куни аҳолидан 1 АҚШ долларини 11 335 — 11 380 сўмдан сотиб олмоқда, сотув курси эса 11 395 — 11 445 сўм.
«Ўзбекистон ўз ҳудудидан санкцияларни четлаб ўтиш учун фойдаланишга қарши эканидан миннатдормиз» — ЕИ махсус вакили
ЕИнинг санкциялар бўйича махсус вакили Дэвид О’Салливан Ўзбекистон ва Евроиттифоқ мамлакат ҳудудидан Россияга қарши санкцияларни четлаб ўтиш, хусусан, икки мақсадли товарларни қайта экспорт қилиш учун фойдаланилмаслигини таъминлаш борасида қандай ишлар олиб бораётгани ҳақида маълумот берди.
Энергетика вазири Ўзбекистонда газ қазиб олиш ҳажми қисқарганига изоҳ берди
Энергетика вазири Жўрабек Мирзамахмудов Ўзбекистонда газ қазиб олиш кескин пасайганини изоҳлаб, шу йил иккинчи ярмидан «динамиканинг ўзгариши»ни айтди. Унинг сўзларига кўра, газ қазиб олишнинг камайиши асосан «Ўзбекнефтгаз» ҳисобига бўлган, чунки «компания конларининг 75−80 фоизи ўзлаштирилган».
Ўзбекистон ИТБ билан 400 млн долларлик битимларни имзолади
Тошкент халқаро инвестиция форуми доирасида Ислом тараққиёт банки билан қишлоқ ва транспорт инфратузилмасини модернизация қилиш, мактабгача таълимни ривожлантириш бўйича лойиҳаларни амалга ошириш юзасидан 400 млн долларлик битимлар имзоланди.
«Ўзбекистонда ўзингиз истаган тинчлик, барқарорлик ва зарур кафолатларни топасиз». Президент инвестиция форумида нутқ сўзлади
Шавкат Мирзиёев Тошкент инвестиция форумидаги нутқида Халқаро тижорат судини ишга тушириш режалари, «яшил иқтисодиёт»га ўтишни давом эттириш ниятини маълум қилди ва хусусийлаштириш дастури ҳақида гапирди.
Ўзбекистон олтин қазиб олишни 1,5 баробарга оширмоқчи
Ўзбекистон олтин қазиб олишни қарийб бир ярим баробарга, яъни 150 тоннагача оширишни режалаштирмоқда.
Тошкент метрополитени 2023 йилда Россиядан яна 56 та вагон қабул қилиб олади
Тошкент метрополитени 2023 йилда яна 56 та вагон ёки 14 та таркибни қабул қилиши керак, деди «Трансмашхолдинг» (Россия) раҳбари пойтахтдаги «Иннопром» кўргазмасида. 2019−2021 йилларда 60 та вагон етказиб берилган.
Ўзбекистонда Халқаро тижорат суди фаолияти йўлга қўйилади
Ўзбекистонда халқаро экспертлар кўмагида Халқаро тижорат суди фаолияти йўлга қўйилади. Бундан буён, тадбиркор ва инвесторлар судда ўз талабининг тўғрилигини исботлаши шарт эмас. Энди давлат идораси ўз қарорининг қонунийлигини исботлаб беришга мажбур бўлади.
Андижон, Наманган, Бухоро ва Урганч аэропортлари бошқаруви хусусий секторга топширилади — президент
Шавкат Мирзиёев Тошкент халқаро инвестиция форуми ялпи мажлисида Андижон, Наманган, Бухоро ва Урганч аэропортлари бошқаруви хусусий секторга топширилишини маълум қилди.
МБ асосий ставкани кўриб чиқиш бўйича йиғилишни кейинга қолдирди
Ўзбекистон Марказий банки асосий ставкани кўриб чиқиш бўйича йиғилишни бир ҳафта кейинга қолдирди. Регуляторга кўра, «прогнозларни янгилаш, ички ва ташқи иқтисодий шароитлардаги ўзгаришларни кенг қамровли таҳлил қилиш» учун қўшимча вақт талаб этилади.
Тошкент учун янги оқова сувларни тозалаш иншоотини қуриш 2024 йил бошига мўлжалланмоқда
Abu Dhabi Sewerage Services Company 2024 йил бошида Тошкент учун янги оқова сувларни тозалаш иншоотини қуришни бошлашни режалаштирмоқда. Лойиҳа, шунингдек, мавжуд оқова сувларни тозалаш иншоотига олиб борувчи барча марказий қувурларни бирлаштириш ва модернизация қилишни назарда тутади.
Банкларда долларнинг сотиш ва сотиб олиш курси тушди
Тижорат банклари 27 апрель куни аҳолидан 1 АҚШ долларини 11 320 — 11 360 сўмдан сотиб олмоқда, сотув курси эса 11 380 — 11 435 сўм.
Ёшларни ишга олганлик учун ижтимоий солиқни қайтариш тартиби 2024 йил охиригача узайтирилди
Ўзбекистонда 25 ёшгача бўлган ёшларни ишга қабул қилишда ижтимоий солиқни иш берувчига қайтариш тартиби қайта жорий этилади. Ушбу имтиёз 2021−2022 йилларда амалда бўлган, 9 мингта корхона ундан фойдаланган ва уларга 150 млрд сўм қайтарилган.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг