Иқтисодиёт
Банкларда долларнинг сотиш ва сотиб олиш курслари кўтарилди
Тижорат банклари 10 апрель куни аҳолидан 1 АҚШ долларини 11 320 — 11 410 сўмдан сотиб олмоқда, сотиш курси эса 11 405 — 11 455 сўм.
Ўзбекистонда яна букмекерлик фаолиятини қонунийлаштириш масаласи кўтарилди
Президент 2022 йил апрелида Ўзбекистонда букмекерлик фаолиятини қонунийлаштириш ҳақидаги қарорини бекор қилган эди. Бироқ орадан бир йил ўтиб, янги қарор билан ушбу йўналишда таклифлар киритиш бўйича ишчи гуруҳ тузишни топширди.
Украинадаги уруш ва Россияга қарши санкциялар Ўзбекистондаги нархларга таъсир қилишда давом этади — ЖБ
Жаҳон банки Ўзбекистон ялпи ички маҳсулотининг 2023 йилда 5,1 фоизга ўсишини прогноз қилди. Бу Европа ва Марказий Осиё минтақасидаги энг юқори кўрсаткич. Россиянинг Украинадаги уруши ва санкцияларнинг оқибатлари озиқ-овқат ва энергия нархларига таъсир қилишда давом этади.
Хитойдан Ўзбекистон орқали ўтувчи темирйўл Европага юк етказиб беришни 7 кунга тезлаштириши кутилмоқда
Қирғизистон Транспорт вазирлиги вакили Нурмат Мусабековнинг маълум қилишича, Хитойдан Қирғизистон ва Ўзбекистон орқали ўтадиган янги темирйўл Европага юк ташиш муддатини бир ҳафтага қисқартиради.
Банкларда доллар курси бироз кўтарилди
Тижорат банклари 7 апрель куни аҳолидан 1 АҚШ долларини 11 300 — 11 360 сўмдан сотиб олмоқда, сотиш курси эса 11 380 — 11 430 сўм.
АКТ вазирлиги ва «Алоқабанк» бинолари битта компания томонидан банк кредити эвазига сотиб олинди
Тошкент марказидаги Рақамли технологиялар вазирлиги ва «Алоқабанк» маъмурий бинолари электрон аукционда Black Gold Industry компанияси томонидан 387 млрд сўмга сотиб олинди. «Алоқабанк» аукциондан бир кун аввал ушбу компанияга 15 йил муддатга 14 фоиз ставкада 390 млрд сўм кредит берган.
Кам даромадли фуқаролар қандай қилиб гўшт, тухум ва ёғ сотиб олишда 12% чегирма олишлари мумкин?
1 майдан бошлаб ижтимоий реестрга киритилган Ўзбекистон фуқаролари гўшт, тухум ва ёғ сотиб олаётганда ҚҚСни (12 фоиз) қайтариб олишлари мумкин бўлади. Солиқ қўмитаси мазкур механизм қандай ишлашини маълум қилди.
ОТБ Ўзбекистонда 2023 ва 2024 йиллардаги иқтисодий ўсиш 5 фоиз бўлишини прогноз қилди
Осиё тараққиёт банки 2023 ва 2024 йилларда Ўзбекистонда иқтисодий ўсиш 5 фоизгача пасайишини прогноз қилмоқда. Хатарлар Россияга қарши давом этаётган санкциялар ва уларнинг Ўзбекистон экспортининг ташқи талабга таъсири кўринишида сақланиб қолмоқда, дейилади ҳисоботда.
ЕТТБ Masdar компанияси Ўзбекистонда учта фотоэлектр станциясини қуриши учун 205 млн доллар ажратади
ЕТТБ Masdar компанияси учун Ўзбекистонда умумий қуввати қарийб 900 МВт бўлган учта қуёш электр станциясини қуриш учун 205 миллион долларлик молиялаштириш пакети ажратади.
Шубҳали операциялар бўйича янги қоидалар омонатлар ёки кредитларга татбиқ этилмайди — Марказий банк
Марказий банк шубҳали операциялар рўйхати кенгайтирилганига изоҳ бериб, улар орасида ноқонуний қимор ўйинлари, фирибгарлик ҳолатлари ва бошқалар борлигини маълум қилди. Янги қоидалар ипотека ёки автокредит бўйича бошланғич бадал тўлови билан боғлиқ операцияларга татбиқ этилмайди.
«Ўзбекнефтгаз» Аи-80 бензини нархини манипуляция қилиш бўйича айбловни рад этди
Жаҳонда нефть нархи пасайса ҳам, Ўзбекистонда бензин нархи тушмагани учун «монополистлар ўз қоидаларига содиқ» дея айбланган UNG Petro бу даъволарни «ноўрин» деб атади.
Ўзбекистонда қурилиш участкаларида муҳандислик-геологик экспертиза ўтказиш мажбурий бўлади
Ўзбекистонда 1 майдан бошлаб қурилиш бошланишидан олдин танланган ер участкаларида муҳандислик-геологик экспертиза ўтказиш мажбурий бўлади. Шунингдек, Шавкат Мирзиёев Тошкент шаҳрининг дренаж тизимидаги муаммоларни бартараф этиш бўйича зудлик билан дастур қабул қилиш бўйича топшириқ берди.
Банкларда қаторасига тўртинчи кун доллар тушди
Тижорат банклари 6 апрель куни аҳолидан 1 АҚШ долларини 11 300 — 11 350 сўмдан сотиб олмоқда, сотиш курси эса 11 375 — 11 420 сўм.
«Ўзкимёсаноат» Maxam компаниясининг (Испания) шартномани бузганликдаги айбловларини рад этди
«Ўзкимёсаноат» Ўзбекистон расмийларига қарши халқаро арбитраж ишини бошлаган Испаниянинг Maxam компаниясининг «асоссиз айбловлари»ни рад этди. Ўзбекистон томони инвесторни сармоя жалб этиш ва қўшма корхоналарни модернизация қилиш бўйича мажбуриятларни бажармаганликда айблади.
Тошкентда метро эстакадалари остида Берлиндаги каби умумий овқатланиш шохобчалари ва дўконлар очилиши мумкин
Ўзбекистон президентига Тошкентнинг Яшнобод туманида метро эстакадалари остидан савдо ва умумий овқатланиш шохобчалари қурилиши лойиҳаси тақдим этилди. Лойиҳани ишлаб чиқишда Берлин тажрибаси кўриб чиқилган.
Ўзбекистон Марказий банки шубҳали операциялар рўйхатини кенгайтирди
Ўзбекистон Марказий банки шубҳали операциялар рўйхатини кенгайтирди. Энди улар орасида 30 кун ичида мобил илова орқали картадан бошқа карта ёки электрон ҳамёнга БҲМнинг 500 баравари (150 млн сўм) ва ундан ортиқ миқдорда пул ўтказиш ҳам бор.
Ёғоч ва ойна импорти 2025 йилгача божхона божидан озод этилади
Ўзбекистонда 2025 йилга қадар ёғоч, фанера, ёғочли опалубка ва ойнани импорт қилишда божхона божи бекор қилинади. Шунингдек, юқори маркали цемент бўйича божхона божи имтиёзи яна 1 йилга узайтирилади.
Ўзбекистонда 1 майдан даромади етарли бўлмаган аҳолига ҳам ипотека кредитлари берилади
1 майдан даромади етарли бўлмаган аҳоли ҳам ипотека кредити олиши мумкин бўлади. Тўлов қобилиятини аниқлашда банк картасидаги айланма, ижара, коммунал ва бошқа харажатларга тўланган пуллар ҳисобга олинади. Аҳолига ҳовлисини кенгайтириш ва уй сотиб олиш учун 3,2 трлн сўм кредит ажратилади.
Ўзбекистон Hyundai, Kia, Toyota компаниялари учун тайёр чарм етказиб бериши мумкин
Жанубий Кореядаги автомобилсозлик корхоналарига чарм етказиб берувчи JM компанияси Тошкент вилоятида қўшма корхона очиши мумкин. У ердаги чарм Корея компанияларига етказилади. Шунингдек, компания Ўзбекистондан тайёр ва яримтайёр чармни харид қилишни бошлайди.
Банкларда долларнинг сотув курси 11 395 сўмгача тушди
Тижорат банклари 5 апрель куни аҳолидан 1 АҚШ долларини 11 325 — 11 370 сўмдан сотиб олмоқда, сотиш курси эса 11 395 — 11 460 сўм.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг