Иқтисодиёт
Долларнинг расмий курси тўрт кунлик ўсишдан сўнг бироз пасайди
Долларнинг сўмга нисбатан расмий курси 14,94 сўмга пасайиб, 10 677,66 сўм этиб белгиланди. Шунингдек, евро ва рубль курслари ҳам пасайди.
2024 йилгача айрим товарларни Ўзбекистонга олиб киришда божхона божи бекор қилинди
Президент фармонига кўра, қатор товарлар учун 2024 йил 1 январгача божхона божи бекор қилинди. Улар орасига ўқув лаборатория ва махсус асбоб-ускуналар ва жиҳозлар, тақиқланмаган ўйин автоматлари, видеоўйинлар учун ускуналар ва боулинг учун автоматик ускуналар, стоматология ва косметология асбоб-ускуналари, бутловчи буюмлар ва уларнинг эҳтиёт қисмлари ҳамда сарфлаш материаллари ва бошқа товарлар кирган.
Харид чекини рўйхатдан ўтказганларга харид суммасининг 1 фоизи қайтарилади
2022 йил 1 январдан бошлаб чакана савдо, умумий овқатланиш ва хизмат кўрсатиш объектларида харидни амалга оширган ва ушбу харидни солиқ органларининг махсус мобиль иловасида рўйхатдан ўтказганларга ўша харид суммасининг 1 фоизи бюджетдан қайтарилади. Кешбэк ҳар ой якунида жисмоний шахсларнинг банк карталарига ўтказилади. Чек бермаганлик ҳолати ҳақида хабар берганларга ундирилган жариманинг 20 фоизи мукофот тариқасида тўланади.
Тендерсиз амалга ошириш мумкин бўлган давлат харидлари рўйхати қисқариши кутилмоқда
Президент қарори лойиҳасига кўра, тўғридан-тўғри шартнома бўйича амалга ошириладиган давлат харидлари рўйхати қисқартирилиши кутилмоқда. Шунингдек, 2022−2025 йилларда давлат харидлари соҳасини ривожлантириш Стратегияси ишлаб чиқилиши кўзда тутилган.
Бу Андерссон — UzAuto Motors`даги вазифалари ҳақида
UzAuto Motors бош директори Бу Андерссон ушбу лавозимдаги вазифалари ҳақида гапирди. «Мен супермен эмасман, лекин улар мендан янада сифатли маҳсулотлар, янги моделлар, жумладан, автомобиллар, қулайроқ нархларда ва энг яхши хизматларни тақдим этишимни хоҳлашяпти. Акциядорларимиз ишлаб чиқариш ва самарадорликни оширишни хоҳлаяпти. Бунга эришишнинг ягона йўли эса бошқарув жамоаси билан қаттиқ ишлаш ва қиймат яратишдир», — деди компания бош директори.
«Давлат банкларини сақлаб туриш ҳукуматга қимматга тушмоқда» — Тимур Ишметов
Молия вазири Тимур Ишметов тараққиётнинг маълум босқичларида давлат банкларининг бўлиши мантиқлироқ экани, бироқ у ҳар доим хусусий банк сектори тарафдорилигини маълум қилди. Ҳукумат давлат банклари ёрдамида таянч банк хизматларидан тенг фойдаланишни таъминлаш, ёшлар ва аёллар тадбиркорлигини қўллаб-қуватлаш имконига эга бўлади. Бироқ бу фискал хатарларни келтириб чиқариши мумкин ва давлатга қимматга тушади.
ЕТТБ ва IFC TBC Bank Uzbekistan акцияларининг бир қисмини сотиб олади
Европа тикланиш ва тараққиёт банки ҳамда Халқаро молия корпорациясининг ҳар бири TBC Bank Uzbekistan’нинг 20% гача бўлган акцияларни сотиб олишни режалаштирмоқда. Бу 2017 йилдан бери ЕТТБнинг ўзбек банк секторига киритган биринчи сармояси ҳисобланади.
Долларнинг расмий курси кетма-кет тўртинчи кун кўтарилди
Долларнинг сўмга нисбатан расмий курси 0,09 сўмга кўтарилиб, 10 692,00 сўм этиб белгиланди. Шунингдек, евро курси пасайди, рубль курси эса кўтарилди.
Антимонополия қўмитаси UzAuto Motors шартномаларидаги қўшимча тўловлар бандини ўрганади
Антимонополия қўмита раҳбари Шахрух Шарахметовнинг айтишича, қўмита UzAuto Motors шартномаларидаги автомобиль вариантларининг номувофиқлиги билан боғлиқ қўшимча тўловлар бандини ўрганади.
ВТБ банки НКМКнинг инвестиция дастурини молиялаштиради
Россиянинг ВТБ банки Навоий кон-металлургия комбинатининг инвестиция дастурини молиялаштириш учун 1 млрд долларлик кредит линиясини тақдим этди.
Тошкент иссиқлик таъминоти тизими бошқаруви Veolia қўлига ўтди
Тошкент иссиқлик таъминоти тизими 30 йил муддатга Франциянинг Veolia компанияси бошқарувига топширилди. Биринчи икки йилда Бектемир ва Сергели туманларида иситиш тизимини модернизация қилиш бўйича синов лойиҳаси амалга оширилади, сўнгра бутун шаҳарни қамраб олувчи «улкан модернизация дастури»ни ишга тушириш кутилмоқда.
Coca Cola Uzbekistan компаниясини хусусийлаштириш расман якунланди
Ўзбекистон ҳукумати Coca Cola Uzbekistan компаниясини тўлиқ хусусийлаштириш юзасидан битимни якунлади. 57,118 фоизлик давлат улушини Туркиянинг Coca Cola İçecek компанияси сотиб олди.
Uzcard банкоматларида доллар айирбошлаш вақтинча тўхтатилди
UzCard банкоматларида 50 ва 100 АҚШ доллари қийматидаги купюраларни айирбошлаш вақтинча тўхтатилди.
Digital Holding Ўзбекистонда ўз фаолиятини бошламоқда
USM Telecom, МегаФон ва Ўзбекистон ҳукумати Digital Holding қўшма корхонасини тузишди. Унга USM — CRPT Turon ва ICS Holding Uzbekistan ҳолдинги активлари кирди. Россия томони корхонани ривожлантириш учун 100 млн доллар ажратади. Унга Ucell`нинг собиқ бош директори Владимир Кравченко раҳбарлик қилади.
Қашқадарёда қарийб 10 млрд сўм депутатлар рухсатисиз сарфланган — Сенат раиси
Сенат раиси Қашқадарё вилоятида маҳаллий бюджетларда қўшимча шакллантирилган 10 млрд сўмга яқин маблағлар депутатлар рухсатисиз сарфлаб юборилганини танқид қилди.
Долларнинг расмий курси яна кўтарилди
Долларнинг сўмга нисбатан расмий курси 16,30 сўмга кўтарилиб, 10 691,91 сўм этиб белгиланди. Шунингдек, евро ва рубль курслари ҳам кўтарилди.
Ўзбекистон 2022 йилда НКМКнинг 10 фоизгача акцияларини сотиши мумкин — бош вазир ўринбосари
Ҳукумат Навоий кон-металлургия комбинатини хусусийлаштиришга тайёргарликни бошлади. 2022 йилда акцияларнинг 10 фоизи сотилиши мумкин, деди бош вазир ўринбосари Жамшид Қўчқоров.
Венгриянинг ОТP Bank банки «Ипотека-банк» давлат улушининг 75 фоизини сотиб олади
Бош вазир ўринбосари Жамшид Қўчқоров «Ипотека-банк» давлат улушининг 75 фоизини Венгриянинг ОТP Bank банки сотиб олаётганини маълум қилди. Унинг сўзларига кўра, ҳужжатларнинг биринчи қисмини чоршанба куни, қолганини эса икки ой давомида имзолаш режалаштирилмоқда.
Бухородаги бюджет ташкилоти икки йил ичида 65 млрд сўмлик харидларни тендерсиз амалга оширди
Бухорода бюджет ташкилоти қарийб 65 млрд сўм миқдоридаги харидларни тендерсиз амалга оширгани аниқланди. Монополияга қарши курашиш қўмитаси «Рақобат тўғрисида"ги қонунни бузганлик учун иш очди.
«СамАвто» янги авлод автомобилларини ишлаб чиқаришга ўтмоқда
Самарқанд автомобиль заводи 729 авлод Isuzu юк машиналари ва автобусларини ишлаб чиқаришни тўхтатади ва экологик стандартдаги — 700P авлодига га ўтади. Эски авлод автомобиллари эгалари учун эҳтиёт қисмлари яқин 10 йил ичида мавжуд бўлади.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг