Иқтисодиёт
Ўзбекистонда жорий йилги давлат бюджети дефицити чегараси оширилиши мумкин
Президент қарори лойиҳаси билан 2023 йилда консолидациялашган бюджет дефицитини ЯИМга нисбатан 3 фоиздан 5 фоизгача ёки 53,4 трлн сўмгача ошириш таклиф этилмоқда. Агар ҳукумат яна харажатлар чегарасидан ўтиб кетса, бу давлат харажатларининг 1,8 млрд долларга ошишига олиб келади.
Июль ойида йиллик инфляция 9 фоиздан пастга тушди. Бу деярли 7 йилдаги энг паст кўрсаткич
Июль ойи якунига кўра, Ўзбекистонда 0,2 фоизлик дефляция қайд этилди ва йиллик инфляция 9 фоиздан пастга тушди, бу 2016 йил августидан бери энг паст кўрсаткич ҳисобланади. Охирги ойда гуруч ва гўшт қимматлади, ун, тухум, сариёғ, сут ва шакар арзонлади. Бензин нархи кўтарилишда давом этмоқда.
Махсус давлат корхонаси Тошкент шаҳар ҳокимлиги ва бизнес ўртасида «кўприк» бўлади
АЖ шаклида Тошкент шаҳар ҳокимлиги ва бизнес ўртасида «кўприк» бўлиши режалаштирилган «Тошкент инвест» давлат компанияси ташкил этилмоқда. У тадбиркорлар билан биргаликда пойтахт инфратузилмасини ривожлантиришга оид лойиҳаларни амалга оширади. Компания Тошкент тараққиёт жамғармасини ҳам бошқаради.
Нарх пуфаклари салбий таъсирининг олдини олиш учун ипотека кредитларига максимал чегара қўйганмиз — МБ раиси
Марказий банк раиси нарх пуфаклари ёрилаётган вақтида банкларга бўладиган салбий таъсирнинг олдини олиш учун ипотека кредитлари ажратишда максимал чегаралар белгиланганини айтди. Аввалроқ Тошкент шаҳридаги уй-жой нархларининг бозор ва фундаментал қийматлари ўртасидаги фарқ 210 млн сўмга етганди.
Uzcard ва Humo банкоматларини интеграциялаш тугади
Эндиликда Ўзбекистондаги барча банкоматлар ҳам Uzcard, ҳам Humo карталарини қабул қилади. Тўлов терминалларини интеграциялашни йил охиригача якунлаш режалаштирилган.
Ўзбекистонда Хитой компаниялари интеллектуал транспорт тизимини йўлга қўяди
Ўзбекистон Хитойнинг Yutong Bus Co., Ltd компанияси билан ҳайдовчисиз транспорт воситалари бўйича, Magnetic North компанияси билан ақлли транспорт тизимини йўлга қўйиш ва Hikvision компанияси билан эса инновацион видеокузатув тизимлари ҳамда сунъий интеллект технологияси соҳасида ҳамкорлик қилади.
Импортнинг ўсиши доллар курсига босим ўтказмоқда — Марказий банк раиси
Миллий валютанинг кучсизланишига импортнинг ўсиши ҳам таъсир қилмоқда, деди Марказий банки раиси Мамаризо Нурмуратов. Унинг сўзларига кўра, бу мавсумий ҳодиса ҳисобланади ва бугунги валюта курси ташқи савдо операцияларининг ҳақиқий кўринишини акс эттиради.
Банкларда доллар курси 11 650−11 660 сўм этиб белгиланди
Тижорат банклари 31 июль куни аҳолидан 1 АҚШ долларини 11 540−11 610 сўмдан сотиб олмоқда, сотув курси эса 11 650−11 660 сўм.
Ўзбекистонда хориждан келган ҳар бир турист учун 100 долларгача субсидия ажратилади
Президент қарори билан хориждан келган ҳар бир турист учун туроператорларга тенг улушларда 20 дан 100 долларгача субсидия ажратилади. Шунингдек, «Ипак йўли» туризм ва маданий мерос халқаро университетида ўқимоқчи бўлган айрим хорижий мамлакатлар фуқаролари учун давлат грантлари шакллантирилади.
Колонка: Ортиқча тўланган ҚҚС қайтариладими ёки йўқми? Қайтарилмайдиганга ўхшайди
Тошкентдаги корхоналардан бирида директор бўлиб ишлаётган муаллифимиз Владимир Срапионов «Ўзгалар қарзининг оғирлиги» рукнида ортиқча тўланган ҚҚСни қайтариш билан боғлиқ ноаниқ вазият мавзусини давом эттиради.
Муаммоли қарзлар бўйича тавсиялар банкирлар дам олиш кунларида ишлашининг олдини олиш учун ишлаб чиқилган — МБ раиси
Марказий банк раиси банк ва қарздорлар муносабатларини тартибга солувчи тавсиялардан асосий мақсад банкирларнинг ишдан ташқари вақтида ишламаслигини таъминлаш эканини таъкидлади. Шунингдек, регулятор раҳбари муаммоли қарзлар билан ишлаш бўйича энг самарали тизимлардан бири Россияники эканини айтди.
Толимаржон ИЭСда қуввати 1 ГВт бўлган янги энергоблоклар қурилиши бошланди
Толимаржон ИЭСда умумий қуввати 1 ГВт дан ортиқ бўлган иккита буғ-газ қурилмаси қурилиши бошланди. Уларни ишга тушириш 2025 йил охиригача режалаштирилган. Лойиҳа қиймати 771,8 млн долларга баҳоланмоқда.
Банкларда доллар курси тушди
Тижорат банклари 28 июль куни аҳолидан 1 АҚШ долларини 11 540−11 590 сўмдан сотиб олмоқда, сотув курси эса 11 650−11 660 сўм.
Биринчи ярим йилликда бюджет харажатларининг ортиши газ импорти ҳажми ошиши билан боғлиқ — Мамаризо Нурмуратов
Марказий банк раиси Ўзбекистонда биринчи ярим йилликда бюджет харажатлари ортиши газ импорти ҳажми ошиши билан боғлиқ эканини таъкидлади. Январнинг 8 кунида бюджет тақчиллиги йиллик кутилманинг 20 фоизига етганди. Шундан сўнг Иқтисодиёт вазирлиги даромад ва харажат бўйича маълумот беришни тўхтатди.
Ўзбекистонда электр энергияси истеъмоли рекорди янгиланди
26 июль куни электр энергияси истеъмоли бўйича рекорд ўрнатилди — 250,7 млн кВт/соат. Энергетика вазирлиги иссиқ ҳавода электр тармоқларининг узатиш қуввати 25 фоизга пасайганини билдириб, вазиятни тўғри тушунишни сўради ва электр энергиясидан тежамкорлик билан фойдаланишга чақирди.
Нархлар барқарорлигини таъминлаш учун бюджет дефицити белгиланган даражадан ошмаслиги муҳим — МБ
Марказий банк ўрта муддатли истиқболда иқтисодиётда нархлар барқарорлигини таъминлаш учун бюджет дефицитини белгиланган параметрлар даражасидан ошмаслигини таъминлаш муҳимлигини қайд этди. Регулятор инфляция даражаси 8,5−9,5 фоиз атрофида бўлиши бўйича прогнозини ўзгаришсиз қолдирган.
Марказий банк асосий ставкани йиллик 14 фоиз даражасида ўзгаришсиз қолдирди
Марказий банк асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилди. Регуляторнинг қайд этишича, инфляция ва инфляцион кутилмаларнинг пасайишига қарамасдан, нархларга талаб омиллари билан боғлиқ босимлар сақланиб қолмоқда.
Камбағаллик даражаси Қорақалпоғистон, Сирдарё ва Хоразмда энг юқори бўлиб турибди
Ўзбекистонда камбағаллик даражаси Қорақалпоғистон, Сирдарё ва Хоразмда энг юқори бўлиб турибди. Мамлакатда 1,3 млн камбағал оилалар мавжуд бўлиб, камбағаллик даражаси 14,1 фоизни ташкил этди. Йил якунигача кўрсаткич 12 фоизга тушиб, 1 млн аҳоли камбағалликдан чиқарилиши режалаштирилган.
Тошкент аэропортига фақат битта компания таксилари кира олиши қонунни бузмоқда — Рақобат қўмитаси
Рақобат қўмитаси Uzbekistan Airports ягона такси хизмати қонун талабларини бузаётганини маълум қилди. Компаниядан барча таксиларнинг терминалга кириши учун шароит яратиш ва тўхташ жойлари нархларини қайта кўриб чиқиш талаб қилинди. Uzbekistan Airports қўмитани судга берганди, аммо якунда ютқазди.
Ўзбекистон Марказий банки раисига ўринбосар тайинланди
Ўзбекистон президенти фармони билан Содир Мелибоев Марказий банк раисининг ўринбосари этиб тайинланди.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг