KoronaPay мобил иловаси орқали Европадан Ўзбекистонга пул жўнатмаларини комиссиясиз амалга ошириш мумкин. Бунинг учун фақат KoronaPay мобил иловасини смартфонга ўрнатиш керак бўлади. Хизмат орқали Ўзбекистонда чиқариладиган барча турдаги карталарга ўтказмаларни амалга ошириш мумкин. Бу оддий ва қулай, пандемия шароитида эса — яна хавфсиз ҳам.
Январь-сентябрь ойларида Ўзбекистонга хориждан 82 та электромобиль олиб келинган. Шундан 52 таси Хитойдан импорт қилинган.
2020 йилда Ўзбекистоннинг бюджет ташкилотларига 405,4 минг тонна ёки ўтган йилга нисбатан 18,3 фоизга кўпроқ кўмир етказиб берилди. Бу газ қазиб олиш ҳажмининг қарийб 20 фоизга пасайиши сабабли юз бермоқда.
Президент электр энергияси рақобатли бозорига ўтиш босқичлари ва қоидаларини белгиловчи ҳужжат ишлаб чиқиш зарурлигини таъкидлади. Ҳозирда инвесторлар билан энергияни қатъий нархларда харид қилиш бўйича узоқ муддатли шартномалар имзоланмоқда.
Иқтисодий тараққиёт ва камбағалликни қисқартириш вазирлиги гўшт нархининг ўзгаришига учта омил таъсир кўрсатганини таъкидлади. Унга кўра, ем-хашак базасининг мавсумий камайиши, Қозоғистондан қорамол импортининг қисқариши, август ойида гўшт маҳсулотларига бўлган талабнинг ошиши гўшт нархининг ўсишига олиб келган.
Долларнинг расмий курси деярли 12 сўмга арзонлади ва жами 10 359 сўм этиб белгиланди. Евро ва рубль курслари эса кўтарилди.
Январь-сентябрь ойларида Ўзбекистонда жами 65,2 трлн сўмлик қурилиш ишлари бажарилди. Қурилиш ишларининг 95,8 фоизи нодавлат мулкчилигидаги корхона ва ташкилотларга тўғри келади.
Давлат божхона қўмитаси импорт ва экспорт билан шуғулланувчи компанияларнинг банк маълумотларига эга бўлиш ҳуқуқини қўлга киритиш учун банк сири тўғрисидаги қонунга қўшимча киритишни таклиф қилмоқда.
416 та IT Park резидентидан 52 та IT-компания шартномада назарда тутилган мажбуриятларни бажармаганлари учун доимий резидент мақоми ва солиқ имтиёзларидан маҳрум этилди. Тўлиқ рўйхат билан сайт саҳифасида танишса бўлади.
Январь-сентабрь ойларида Ўзбекистонда 217 мингдан ортиқ енгил ҳамда 2936 дона юк автомобиллари ишлаб чиқарилган. Умумий ҳажмда энг кўп Cobalt ва Nexia автомобиллари ишлаб чиқарилди.
Марказий банк келгуси уч йил давомида Ўзбекистоннинг макроиқтисодий ривожланишининг асосий, оптимистик ва хавфли сценарийларини тақдим этди. Оптимистик сценарий бўйича ривожланиш олтин нархининг пасайишига олиб келиши мумкин.
Президент фармони билан Экспортни қўллаб-қувватлаш жамғармаси ташкил этилади. Ижобий кредит тарихига эга экспортчиларга кредит бўйича қарздорлиги бўлса ҳам компенсация ва кафилликлар тақдим этилади. Бунинг учун Экспортни қўллаб-қувватлаш жамғармасига $100 млн ажратилади.
9 ойда 55 та ҳудудий лойиҳа ижроси кечиккан, 144 та лойиҳада ишлаб чиқариш ҳажми таъминланмаган. Оқибатда 720 млрд сўмлик маҳсулот тайёрлаш имконияти йўқотилган. Давлат раҳбари қолган 3 ойда $7 млрдлик 80 та тармоқ ва 44 та ҳудудий лойиҳани ишга тушириш муҳимлигини таъкидлади.
Банклар фаоллик индекси бўйича рейтингда Капитал банк биринчи ўринни сақлаб қолди. Иккинчи ва учинчи ўринларда Универсал ва Зираат банклари, охирги ўринда эса ТВС банки.
Ўзбекистоннинг расмий захира активлари иккинчи ой кетма-кет камайиб, ҳозирда 33,4 млрд долларни ташкил қилмоқда. Aгар август ойида захирадаги пасайиш олтинни сотиш билан боғлиқ бўлса, ҳозирда бу асосан валютага боғлиқ.
Долларнинг расмий курси 7 сўмга қимматлаб, жами 10 371 сўм этиб белгиланди. Евро ва рубль курслари эса пасайди.
Монополияга қарши курашиш қўмитаси UzAuto Motors компаниясини ёпиқ суд мажлиси тафсилотларини ошкор қилган ҳолда аҳлоқий меъёрлардан четга чиқмасликка чақирди. 16 октябрь куни UzAuto Motors`нинг Антимонополия қўмитаси махсус комиссияси қарорига қарши даъвоси бўйича учинчи суд мажлиси бўлиб ўтди.
Россиянинг «Группа ГАЗ» компанияси Ўзбекистонда тижорат транспорт воситаларини йиғиш бўйича қўшма корхона ташкил қилади. Биринчи босқичда йилига 3000 тагача автомобиль ишлаб чиқариш режалаштирилган.
Президент экспорт бўйича ташаббус ва таклифлар етишмаётгани учун вилоятлар ва тармоқлар раҳбарларини танқид қилди. «Уч ой вақт қолди йил якунигача. Экспорт керак. Қандай йўл билан бўлса ҳам маҳсулотларни жўнатишимиз керак», — дея таъкидлади Шавкат Мирзиёев.
Январь-сентябрь ойлари давомида истеъмол бозоридаги нархлар ва тарифларнинг энг кўп ўсиши апрель ойида кузатилди, июнь ва июль ойларида нархлар пасайди. Ўтган йилнинг ушбу даврига нисбатан нархлар ўсиши 11,7 фоизни ташкил этди.
Қўшимча имкониятларга эга булиш учун сайтда рўйхатдан ўтинг