Иқтисодиёт
Молия вазирлиги йирик солиқ тўловчиларни эълон қилди
2021 йилда йирик солиқ тўловчиларининг бюджет тушумларидаги умумий улуши 47,3 фоизни ташқил қилиши мумкин. Давлат даромадларидаги энг катта тушум Навоий кон-металлургия комбинатига тўғри келиб, 20,1 фоизни ташкил қилмоқда.
Ўзбекистон Европа Иттифоқига тарифсиз товар экспорт қилиш учун янги имтиёзлар олди
Европа комиссияси Ўзбекистонга «GSP+» Преференциялар бош тизими плюс бенефициар — мамлакати мақомини бериш бўйича муддатидан олдин ижобий қарор қабул қилди. Бу мамлакатдан Европа Иттифоқига тарифсиз экспорт қилинадиган маҳсулотлар сонини икки бараварга кўпайтириш имконини беради.
1 декабрдан Тошкент шаҳар транспорт карталари нархи 15 минг сўм этиб белгиланди
1 декабрдан Тошкет шаҳар транспорт карталари нархи 15 минг сўм этиб белгиланди. Карта нархи 10 минг сўм, балансда эса 5 минг сўм қолади.
Ўзбекистонга мобил телефоннинг қонуний импорти деярли 10 маротаба ошди
Январь-октябрь ҳолатига кўра, Ўзбекистон 781,7 минг та мобил телефон импорт қилган. Ушбу кўрсаткич ўтган йилнинг мос даврига нисбатан деярли 10 баравар ошди. Телефон импортида энг катта улуш Хитой давлатига (71,2%) тўғри келмоқда.
Uzauto Motors 150 млн евролик халқаро кредит жалб қилади
Uzauto Motors Credit Suisse AG компанияси билан 150 млн евролик халқаро синдикатланган кредит тўғрисида келишув имзолади. Ушбу маблағлар General Motors янги моделларини ишлаб чиқаришга йўналтирилиши айтилмоқда.
2021 йилда солиқ сиёсати қандай бўлади — Молия вазирлиги лойиҳаси
2021 йилга мўлжалланган солиқ сиёсатида асосий солиқ ставкаларини сақлаб қолиш, акциз солиғи, ер солиғи, жисмоний шахслардан олинадиган даромад солиғи ставкаларини Солиқ кодексига киритиш, 73 хил товарга акциз солиғини бекор қилиш, экспорт қилувчиларни қўллаб-қувватлаш ва бошқа чоралар кўзда тутилган. Қонун лойиҳаси Молия вазирлиги томонидан тайёрланган.
Инқирозга қарши курашиш жамғармаси харажатлари 13,4 трлн сўмгача оширилди
Коронавирус пандемиясига қарши курашиш тадбирлари режадагидан узоқроқ муддат давом этаётганлиги сабабли қўшимча харажатлар учун талаб этиладиган маблағ 13,4 трлн сўмгача оширилди. Жамғарманинг оширилган 3,4 трлн сўмлик харажатларининг 1,7 трлн сўми Давлат бюджети харажатларининг мақбуллаштирилган маблағлари ҳисобидан, қолган 1,7 трлн сўми Халқаро молия институтларининг имтиёзли кредитлари ҳисобидан қопланади.
Ўзбекистон 2021 йилда 700 млн долларга евробондлар чиқаришни режалаштирмоқда
2021 йилда Ўзбекистон Молия вазирлиги 5 трлн сўмлик ғазначилик облигацияларини, шунингдек 700 млн долларга халқаро евробондларни чиқаришни режалаштирмоқда, деди молия вазири ўринбосари Одилбек Исоқов. Шунингдек, у сўнгги евробондлар сармоядорлари географияси ҳақидаги маълумотларни ва бундан тушадиган маблағлар қандай мақсадларга йўналтирилиши ҳақида маълум қилди.
Қозоғистон компаниялари Тошкентда бир қатор лойиҳаларни амалга оширишни режалаштирмоқда
Қозоғистондаги бир қатор компаниялар Ўзбекистон бозорига киришга тайёр. Салқин ичимликлар ишлаб чиқарувчи GALANZ Bottlers ўз заводини қуришни режалаштираётган бўлса, IC Group тозалаш компанияси аутсорсинг хизматларини таклиф қилмоқда, Timus Development компанияси жамоат транспортида бепул Wi-Fi ва туризм, тиббиёт соҳаларига оид IT ишланмаларини жорий этишга ҳозир.
Ўзбекистон экспорт қилган автомобилларнинг 90 фоизини Қозоғистон сотиб олган
10 ой давомида автомобиль экспорти ҳажми 66,8 фоизга, яъни 50,9 млн долларга ошган бўлиб, ташқи бозорларга сотилган автомобилларнинг деярли 90 фоизини Қозоғистон харид қилган.
Иккиламчи автомобиль бозорида нархлар қандай ва уларга нима таъсир қилади — ИТИМ шарҳи
Иқтисодий тадқиқотлар ва ислоҳотлар марказининг аниқлашича, иккиламчи бозор ҳажми йилига тахминан 2 миллиард долларни ташкил этган ҳолда, ҳар йили 400−500 мингга яқин олди-сотди шартномалари амалга оширилади. ИТИМ экспертлари иккиламчи автомобиль бозордаги автомобилларнинг нархларига таъсир қилувчи омилларни ўрганиш бўйича амалий тадқиқот ўтказди.
Йил бошидан айрим маҳсулотлар мажбурий маркаланади
Ўзбекистонда айрим товарлар учун рақамли маркалашнинг мажбурий тизими жорий этилади. 2021 йил 1 мартдан бошлаб эса маркасиз алкоголли ичимликларни мамлакат ҳудудига олиб кириш тақиқланади
Ўзбекистоннинг ташқи савдо айланмаси 10 ойда 30 млрд долларни ташкил қилди
Январь-октябрь ойларида Ўзбекистоннинг умумий ташқи савдо айланмаси 30 млрд доллардан ортиқроқни ташкил этди. Ташқи иқтисодий фаолиятдаги 20 та йирик ҳамкор-давлат орасидан бештаси билан фаол ташқи савдо баланси кузатилган.
Долларнинг расмий курси кетма-кет тўртинчи ҳафта кўтарилмоқда
Долларнинг расмий курси деярли 24 сўмга кўтарилди ва жами 10 414 сўм этиб белгиланди. Шунингдек, рубль ва евро курслари ҳам бироз қимматлади.
Ўзбекистон экспортининг 43 фоизини олтин ташкил қилди
Январь-октябрь ойлари давомида Ўзбекистон 5,8 млрд долларлик ҳажмда олтин экспорт қилган. Бу 10 ой давомида амалга оширилган ташқи савдо айланмасининг 43,5 фоизини ташкил қилади. Сўнгги икки ой давомида Ўзбекистон олтин экспорт қилмаган.
Ўзбекистоннинг ЕОИИга қўшилиш масаласи очиқлигича қолмоқда — Содиқ Сафоев
Ўзбекистон аҳолисининг аксарияти мамлакатнинг ЖСТга аъзо бўлишини қўллаб-қувватламоқда, бу борада ҳукумат ва парламентда келишувга эришилди. ЕОИИга қўшилиш масаласи очиқ бўлиб қолмоқда, аммо аъзо бўлиш учун муҳим омиллар мавжуд. Бу ҳақда Сенат раисининг биринчи ўринбосари Содиқ Сафоев АҚШда гапирди.
Ўзбекистон илк маротаба сўмда суверен облигациялар жойлаштирди
Молия вазири Тимур Ишметов Лондон фонд биржасида Ўзбекистон томонидан миллий валютада 2 трлн сўм ҳажмидаги суверен облигациялар жойлаштирилганлигини эълон қилди. Вазирликнинг тушунтиришига кўра, халқаро облигацияларнинг миллий валютада чиқарилиши валюта хатарларини камайтириши, ҳамда келажакда ички молия бозорига, жумладан давлат ғазначилик облигациялари бозорига халқаро инвесторларни жалб қилиш учун замин яратади.
Қозоғистондан автомобилларни импорт қилиш 19 баробарга ошди
2020 йил январдан бери Ўзбекистон Қозоғистондан 67 млн долларлик миқдорда 3,1 минг дона автомобиль сотиб олди ва энг йирик импортчига айланди. Бу кўрсаткич 2019 йилга нисбатан 1872%га кўпроқ.
Тошкентда электробус синовдан ўтказилади
SamAuto компанияси 2021−2022 йилларда электробуслар ишлаб чиқаришни ўзлаштиришни режалаштирмоқда. Хитойлик BYD компаниясининг электробуси — пол қисми паст бўлган, зинапоялар ва подиумсиз — 51-йўналиш бўйлаб синовдан ўтказиш учун «Тошшахартрансхизмат»га топширилди. SamAuto ўз моделини ишлаб чиқиш учун йўловчилар ва ҳайдовчиларнинг фикр-мулоҳазаларини ўрганади.
Савдо-саноат палатаси тадбиркорлик субъектлари тоифасини аниқлашнинг янги тартибини таклиф қилди
Савдо-саноат палатасининг тадбиркорлик субъектлари тоифасини аниқлаш борасида таклиф қилаётган янги тартибига кўра, субъектлар кичик, ўрта ва йирик корхоналарга ажратилиб, уларнинг ўртача тушум миқдорлари белгилаб қўйилади.
Энг кўп ўқилган хабарлар | Сўнгги янгиликлар
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
- Германиянинг Deutsche Bahn компанияси ўзбекистонликларни ишга жалб қила бошлайди
- Inbazar дўконларида 1 эмас, 44 нафар ходим расман ишлаяпти — ДСҚ
- Солиқ қўмитаси «тўловлар»ни жўнатишдаги муаммоларга изоҳ берди
Қўшимча имкониятларга эга булиш учун сайтда рўйхатдан ўтинг