Президент мамлакатда рақобат муҳитини ривожлантириш ва иқтисодиётда давлат иштирокини қисқартириш тўғрисидаги фармонга имзо чекди. 1 октябрдан бошлаб беш ёки ундан ортиқ хусусий компаниялар мавжуд бўлган бозорларда давлат корхоналарини ташкил этишга йўл қўйилмайди.
2019 йил якунларига кўра, Ўзбекистон ва Жанубий Корея ўртасидаги савдо айланмаси ўтган 5 йил давомида энг юқори натижа — 2,7 млрд долларни ташкил этди. 6−7 июль кунлари Ўзбекистон делегациясининг Сеулга амалий ташрифи давомида янги келишувларга эришилди.
Молия вазирлиги кузатув кенгашларидаги мустақил хорижий директорлар орқали давлат банклари устидан назоратни кучайтиришни режалаштирмоқда. Молия вазири Тимур Ишметовнинг таъкидлашича, баъзи банклар «тушунарсиз шароитларда» катта кредитларни тасдиқлашган.
2020 йил апрель-июнь ойларида Ўзбекистон банк тизимида нақд пуллар айланмаси коронавирус пандемияси таъсирида шаклланди. Июнь ойидаги кўрсаткич (14,6 трлн сўм) карантин шароитидан олдинги даврдаги ҳолатига деярли яқинлашди. Шу билан бирга, бу кўрсаткич кейинги ойларда «ижобий томонга ўзгаришини кутиш мумкин», деб баҳоланмоқда.
Чирчиқ дарёси қирғоғининг 16 километрлик қисмини 65−80 метргача торайтириш режалаштирилмоқда. Ҳосил бўлган бўш ер майдонида «Дарё бўйи Бизнес сити» лойиҳаси амалга оширилиб, у ерда ишлаб чиқариш, савдо ва хизмат кўрсатиш объектлари яратилади.
Монополияга қарши курашиш қўмитаси цементни импорт асосида республикага «яшил йўлак» тизими орқали олиб киришни таклиф қилди. Кўзланган тартибга кўра, олиб кирилаётган цементни сертификатлаштириш, лаборатория синовидан ўтказиш белгиланган. Номувофиқ цемент олиб кирган тадбиркорга жавобгарлик тартиби ҳам белгиланган.
Долларнинг расмий курси 11 сўмга қимматлаб, жами 10 173 сўм этиб белгиланди. Евро курси ҳам деярли 45 сўмга кўтарилди ва рубль курси эса 3 сўмга (142 сўм) арзонлади.
Ҳукумат цементни импорт қилиш жараёнини соддалаштириш бўйича топшириқ берди. Цементга бўлган талаб ва нархларнинг ошишига амалга оширилаётган қурилиш ишларининг фаоллашуви ва жадаллашуви ҳамда цемент маҳсулоти импорти ҳажмининг камайганлиги сабаб бўлмоқда.
Йил бошидан буён ўзбек корхоналари 6,1 млрд долларлик маҳсулотларни экспорт қилди, бироқ глобал бозорда талаб ва таклифнинг пасайиши қайд этилмоқда. Президент пандемиянинг ташқи иқтисодий фаолиятга салбий таъсирини камайтириш бўйича топшириқлар берди. Ушбу чоралар ҳисобига экспорт йил якунлари бўйича 17,1 млрд долларга етиши мумкин.
Andeli электр техник жиҳозларининг Ўзбекистондаги расмий диллери ҳисобланган Stab.uz интернет дўкони ўз мижозларига 30 та тоифадаги 1500 дан ошиқ маҳсулот билан танишиш, осонгина сотиб олиш ва уйгача етказиб бериш имкониятини яратади. Харидор нафақат қулай нарх ва сифат, балки расмий кафолатга ҳам эга бўлади.
«Сергели» автомобиль бозорини Тошкент вилоятига кўчириб, унинг ҳудудида Car Box Service автомобилларга хизмат кўрсатиш лойиҳасини амалга ошириш режалаштирилмоқда.
Монополияга қарши курашиш қўмитаси хорижда ишлаб чиқарилган товарлар учун истеъмол кредитлари беришни, шу билан бирга, кредитнинг ўзини нақд ва хорижий валютада берилишини таклиф қилди.
«Давлат мулкини ижарага бериш маркази» ДУК негизида Бўш турган объектлардан самарали фойдаланишни ташкил этиш маркази тузилди. Марказнинг асосий вазифаларидан бири давлат мулки объектларини ижарага беришни ташкил этишдан иборат.
Иккинчи чорак якунларига кўра Ўзбекистонда ишсизлик кўрсаткичи 15 фоизгача ўсди. Бунга карантин чекловлари сабаб бўлди.
Монополияга қарши курашиш қўмитаси айрим корхоналардан, шу қаторда «Ўзметкомбинат» ва «Ўзавторсветмет"лардан эксклюзив ҳуқуқлари ва преференцияларидан маҳрум қилишни таклиф этди.
Йилнинг иккинчи чорагида иш вақти ҳажми 14 фоизга камайди, бу — 400 млн иш жойининг йўқолишига тенгдир. ХМТ экспертлари иш ўринлари яна 11,9 фоизга, яъни 340 миллион иш жойига қисқариши мумкинлигини тахмин қилмоқда.
Президент қарорига биноан «Ўзагротехсаноатхолдинг» АЖ фаолияти тугатилади. Акциадорлик жамиятнинг тугатиш бўйича «Йўл харитаси» икки ҳафта муддатда тасдиқланади ва бажарилиши таъминланади. Холдингга берилган имтиёзлар ва преференциялар белгиланган муддат тугагунга қадар сақлаб қолинади.
Тошкент шаҳрини комплекс ижтимоий-иқтисодий ривожлантириш лойиҳасига 1 трлн сўм ажратиш режалаштирилмоқда. Хусусан, пойтахтда 656 км пиёдалар ва велосипед йўлларини қуриш, Ишбилармонлик марказлари ва бизнес-инкубаторлари ташкил этиш кўзда тутилмоқда.
Жаҳон банкининг катта иқтисодчиси Уильям Зейтц Ўзбекистон иқтисодиётидаги ҳолат ва унинг истиқболларини таҳлил қилди. Экспертнинг фикрига кўра, ҳозир мамлакатга тезкор «ютуғи кафолатланган» инвестициялар, молиявий аҳволи танг фуқароларга ижтимоий ёрдам дастурларини кенгайтириш ва коронавируснинг янги тўлқинига тайёргарлик кўриш керак.
Марказий банк 2020 йилнинг биринчи ярим йиллигида «Агробанк» ва Халқ банки фаолиятида банк хизматлари истеъмолчилари ҳуқуқларининг бузилиш ҳолатларини аниқлади. Шу сабабли, ушбу банкларга нисбатан жарима санкциялари қўлланилди.
Қўшимча имкониятларга эга булиш учун сайтда рўйхатдан ўтинг