Иқтисодиёт
Honeywell Бухоро НҚИЗ учун технологиялар тақдим этади
Американинг Honeywell компанияси Бухоро нефтни қайта ишлаш заводига «Евро-5» стандартидаги бензин ишлаб чиқариш технологиясини тақдим этди. Компания билан технологик ускуналар ҳужжатлари пакетини ишлаб чиқиш бўйича битим ва лицензия шартномаси ҳам имзоланди.
Sulton Tex Group бош вазир ўринбосари ва Қишлоқ хўжалиги вазирини судга берди
Sulton Tex Group компанияси бош вазир ўринбосари Ўктам Барноев, қишлоқ хўжалиги вазири Жамшид Хўжаев ва унинг биринчи ўринбосари Шухрат Тешаевни судга берди.
Сўм йил бошидан 7,2 фоизга қадрсизланди
2020 йилнинг биринчи ярмида мамлакат ички бозорида чет эл валютасига бўлган талаб $8,2 млрд, умумий таклиф ҳажми эса $4,3 млрдни ташкил этди. Марказий банк ички валюта бозорига $2,2 млрд интервенция киритди. Шунингдек, йил бошидан миллий валюта курси 7,2 фоизга қадрсизланди.
Жисмоний шахслар томонидан хорижий валюта сотиб олиш 3 баробарга ошди
2020 йили биринчи ярмида жисмоний шахслар 2,2 млрд АҚШ долларига тенг чет эл валютасини сотган. Бу кўрсаткич ўтган йилга нисбатан 57 фоизга ошган. Шу билан бирга, жисмоний шахслар 2019 йилнинг мос даврига нисбатан 3 баробар кўпроқ чет эл валютасини сотиб олишган (2019 йили — $557 млн, 2020 йили — $1,7 млрд).
Ўзбекистонга пул ўтказмалари миқдори барқарорлаша бошлади
Июнь ойида Ўзбекистонга 621 млн доллар жўнатилди, бу йил бошидан бери энг юқори кўрсаткич. Олти ой ичидаги ўтказмаларининг умумий ҳажми 2,4 млрд долларни ташкил этди.
Самарқандда тиббиёт чиқиндиларни хавфсиз усулда йўқ қилишга 1,5 млн евро ажратилди
Евроиттифоқ ва Франция тараққиёт агентлиги Самарқандда тиббиёт чиқиндиларини хавфсиз йўқ қилиш лойиҳаси учун 1,5 млн евро миқдорида маблағ ажратди.
Долларнинг расмий курси учинчи ҳафта давомида кўтарилмоқда
Долларнинг расмий курси 10 сўмга қимматлаб, жами 10 194 сўм этиб белгиланди. Евро курси деярли 62,5 сўмга кўтарилди, рубль курси эса 1,4 сўмга (143 сўм) қимматлади. АҚШ миллий валютасини қимматлашиши учинчи ҳафта кузатилмоқда.
USAID Ўзбекистонда 18,9 миллион долларлик агробизнесни ривожлантириш лойиҳасини бошлади
USAID Ўзбекистонда агробизнесни ривожлантириш лойиҳасини ишга туширмоқда, бу қўшимча қиймат ишлаб чиқарадиган тармоқлар сонини кўпайтириш ҳамда мазкур жараёнга ёшлар ва аёлларни жалб қилишга ёрдам беради. Лойиҳа 18,9 миллион долларга баҳоланмоқда.
«Тадбиркорга хиёнат қилган — сиёсатимизга хиёнат қилган бўлади» — президент
Шавкат Мирзиёев ҳокимлар ва банкирларни тадбиркорлар билан ишлаш тизими йўқлиги сабабли танқид қилди. Унинг сўзларига кўра, 59 та туман ва шаҳрда бизнес муҳит «ёмон» деб баҳоланган. «Тадбиркорга хиёнат қилган одам — сиёсатимизга хиёнат қилган бўлади», — деди президент.
Президент СЭС ва ўт ўчириш хизматининг «тушунарсиз» талабларига изоҳ берди
Тадбиркорлар карантин қоидаларига амал қилишда санитария ва ёнғин хавфсизлиги идоралари томонидан тушунарсиз ва бир-бирига зид талабларга дуч келмоқда, дея маълум қилди президент.
Ўзбекистон илк бор «Рақобатбардош саноат унумдорлиги» индексига киритилди
Ўзбекистон биринчи маротаба «Рақобатбардош саноат унумдорлиги» индексига киритилиб, 152 та мамлакат орасида 92-ўринни, МДҲ давлатлари орасида эса 5-ўринни эгаллади. Энг юқори ўринларни Германия, Хитой ва Жанубий Корея давлатлари банд этди.
1 октябрдан давлат корхоналарини ташкил этишга чекловлар қўйилади
Президент мамлакатда рақобат муҳитини ривожлантириш ва иқтисодиётда давлат иштирокини қисқартириш тўғрисидаги фармонга имзо чекди. 1 октябрдан бошлаб беш ёки ундан ортиқ хусусий компаниялар мавжуд бўлган бозорларда давлат корхоналарини ташкил этишга йўл қўйилмайди.
Ўзбекистон ва Корея ўртасидаги савдо айланмаси 2,7 млрд долларни ташкил этди
2019 йил якунларига кўра, Ўзбекистон ва Жанубий Корея ўртасидаги савдо айланмаси ўтган 5 йил давомида энг юқори натижа — 2,7 млрд долларни ташкил этди. 6−7 июль кунлари Ўзбекистон делегациясининг Сеулга амалий ташрифи давомида янги келишувларга эришилди.
Молия вазирлиги банклар устидан назоратни кучайтиради
Молия вазирлиги кузатув кенгашларидаги мустақил хорижий директорлар орқали давлат банклари устидан назоратни кучайтиришни режалаштирмоқда. Молия вазири Тимур Ишметовнинг таъкидлашича, баъзи банклар «тушунарсиз шароитларда» катта кредитларни тасдиқлашган.
Карантин талабларининг юмшатилиши иқтисодиёт фаоллашувига олиб келди
2020 йил апрель-июнь ойларида Ўзбекистон банк тизимида нақд пуллар айланмаси коронавирус пандемияси таъсирида шаклланди. Июнь ойидаги кўрсаткич (14,6 трлн сўм) карантин шароитидан олдинги даврдаги ҳолатига деярли яқинлашди. Шу билан бирга, бу кўрсаткич кейинги ойларда «ижобий томонга ўзгаришини кутиш мумкин», деб баҳоланмоқда.
Чирчиқ дарёси қирғоғида «Дарё бўйи Бизнес сити» лойиҳаси амалга оширилиши маъқулланди
Чирчиқ дарёси қирғоғининг 16 километрлик қисмини 65−80 метргача торайтириш режалаштирилмоқда. Ҳосил бўлган бўш ер майдонида «Дарё бўйи Бизнес сити» лойиҳаси амалга оширилиб, у ерда ишлаб чиқариш, савдо ва хизмат кўрсатиш объектлари яратилади.
Цементни «яшил йўлак» тизими орқали импорт қилиш режалаштирилмоқда
Монополияга қарши курашиш қўмитаси цементни импорт асосида республикага «яшил йўлак» тизими орқали олиб киришни таклиф қилди. Кўзланган тартибга кўра, олиб кирилаётган цементни сертификатлаштириш, лаборатория синовидан ўтказиш белгиланган. Номувофиқ цемент олиб кирган тадбиркорга жавобгарлик тартиби ҳам белгиланган.
Долларнинг расмий курси кўтарилди
Долларнинг расмий курси 11 сўмга қимматлаб, жами 10 173 сўм этиб белгиланди. Евро курси ҳам деярли 45 сўмга кўтарилди ва рубль курси эса 3 сўмга (142 сўм) арзонлади.
Цемент импортини енгиллаштириш бўйича топшириқ берилди
Ҳукумат цементни импорт қилиш жараёнини соддалаштириш бўйича топшириқ берди. Цементга бўлган талаб ва нархларнинг ошишига амалга оширилаётган қурилиш ишларининг фаоллашуви ва жадаллашуви ҳамда цемент маҳсулоти импорти ҳажмининг камайганлиги сабаб бўлмоқда.
Президент пандемиянинг ташқи савдога таъсирини камайтириш бўйича топшириқлар берди
Йил бошидан буён ўзбек корхоналари 6,1 млрд долларлик маҳсулотларни экспорт қилди, бироқ глобал бозорда талаб ва таклифнинг пасайиши қайд этилмоқда. Президент пандемиянинг ташқи иқтисодий фаолиятга салбий таъсирини камайтириш бўйича топшириқлар берди. Ушбу чоралар ҳисобига экспорт йил якунлари бўйича 17,1 млрд долларга етиши мумкин.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг