Иқтисодиёт
«Эртанги кунимиз — тенг рақобат муҳити». Президент — ЖСТга аъзо бўлиш зарурати ҳақида
Ўзбекистоннинг ЖСТга кириши — чуқур ўйланган ва узоқни кўзлаган танлов, қолаверса, ислоҳотларнинг ажралмас бир қисми, деди президент. «Иқтисодиётимизга олдинлари протекция қайсидир маънода керак эди. Яна шу йўлда давом этсак, имкониятларимиз чекланиб қолади», — деди у ишбилармонлар билан учрашувда.
Лойиҳалаштиришдан то объектни топширишгача бўлган муддатлар бузилса, ажратилган ер бизнесдан олиб қўйилиши мумкин
Ўзбекистонда тадбиркорларга аукционда ер сотиб олишда ҚҚС ҳисоблаш бекор қилинади, ушбу харид суммасини бўлиб тўлашга рухсат берилади, дарҳол тўланса, чегирма тақдим этилади. Бунда бизнес томонидан объектни лойиҳалаштириш ва топшириш муддатлари бузилса, давлат ажратилган ерни олиб қўйиши мумкин.
Президент тадбиркорликни қўллаб-қувватлашга оид янги чораларни эълон қилди. Асосий маълумотлар
Президент Нукусда тадбиркорлар билан учрашувда бизнесни молиявий қўллаб-қувватлашнинг янги чораларини маълум қилди. Микрокредит лимитини 300 млн сўмгача ошириш, микромолия ташкилотлари учун қўшимча ресурслар ажратиш, факторинг хизматлари ва исломий молия бозорини ривожлантириш шулар жумласидан.
Тадбиркорларга лимитдан ошган электр ва газ учун қўлланадиган юқори тарифлар ўзгартирилади
Тадбиркорларга элетр энергияси ва газдаги лимитдан ортиқча фойдаланишдаги юқори тарифларлар суммаси пасайтирилади. Президентнинг айтишича, энди тадбиркорлар лимитдан 20 фоизгача ошиб кетса ҳам базавий тариф сақланиб қолади, ошган қисмига тўлов эса 20 фоиз қимматлашади.
Давлат банклари йирик давлат корхоналарига кредит беришни босқичма-босқич тўхтатади — президент
Президент давлат жалб қилган маблағларни йирик давлат корхоналарига бериш амалиётидан босқичма-босқич воз кечишни маълум қилди. Ҳозирда давлат банклари томонидан берилган кредитларнинг 92 трлн сўми ёки 30 фоизи 10 та йирик давлат корхоналарига тўғри келмоқда.
Президент — тадбиркорликдаги ютуқлар ва инвесторларнинг Ўзбекистонда бизнес қилишга ишончи ортиб бораётгани ҳақида
Ўзбекистонда 3 йилдан ортиқ ишлаётган корхоналар улуши 76 фоизни ташкил этиб, илк марта 300 мингтага етди. Хусусий секторда 5 млн сўмдан ортиқ маош оладиган ишчилар сони 1 миллиондан ошди, деди президент. Қолаверса, у Ўзбекистонда инвесторларнинг бизнес қилишга ишончи ортиб бораётганига ишора қилди.
Қорақалпоғистонда кичик ва ўрта лойиҳалар учун ерлар тўғридан-тўғри ажратилади
Президент Қорақалпоғистонда кичик ва ўрта лойиҳаларни амалга ошириш учун ер участкаларини тўғридан-тўғри бериш тартибини маъқуллади. Ҳозирда тўғридан-тўғри ерлар Нукус шаҳрида 1 млн доллар, қолган туманларда 300 минг доллар инвестиция киритиш шарти билан берилмоқда.
Стратегик ислоҳотлар агентлиги Чимбойдаги «Гулпаршин» санаторийсини қайта ишга туширишни таклиф қилди
Қорақалпоғистоннинг Чимбой туманида 2004 йил ёпилган «Гулпаршин» санаторийсини қайта ишга тушириш таклиф этилди. Бунинг натижасида ҳар бир даволанган бемордан ўртача 600−700 минг сўм тушум таъминланади. 50 та янги иш ўринлари ташкил этилиб, бюджетга 1,3 млрд сўмлик қўшимча тушум манбаси яратилади.
Аҳолининг истеъмол кайфияти: уй-жой ва автомобиль харидида харажатлар ва режалаштирилган сарфнинг камайиши
Марказий банк иккинчи чорак учун 0,7 пунктга пасайган истеъмол кайфияти индексини эълон қилди. Сўров натижаларига кўра, уй-жой сотиб олганлар улуши 6,2 фоиздан 5,8 фоизга камайди, автомобиль хариди эса — 12,3 фоиздан 10,5 фоизга. Келгуси ойларда ҳам уй-жой сотиб олишни хоҳловчилар камроқ.
Саудия Арабистони Нукусдаги иссиқлик таъминоти тизимини яхшилаши режалаштирилмоқда
Президентга Қорақалпоғистонда амалга оширилиши режа қилинган инвестиция лойиҳалари тақдим этилди. Саудия Арабистони билан Нукус шаҳрида иссиқлик таъминоти тизимини яхшилаш, Испания билан қуёш ва шамол электр станцияларини қуриш ҳамда Германия билан мисни қайта ишлаш лойиҳалари режалаштирилмоқда.
Қорақалпоғистонда иккита ШЭС қурилиши бошланди
Президент Қорақалпоғистонда Хитой ва Саудия Арабистони компаниялари билан ҳамкорликда ташкил этиладиган 2 та шамол электр станцияси қурилишига старт берди. Шунингдек, янги иншоотларнинг қурилиши ва фаолияти бошлаб берилди.
Ўзбекистон Афғонистон билан савдо айланмасини 3 млрд долларга етказмоқчи
Абдулла Арипов бошчилигидаги Ўзбекистон делегацияси Кобулга борди. Ташрифда савдо айланмасини 3 млрд долларга етказиш, энергетика, транспорт, қишлоқ хўжалиги каби соҳаларда ҳамкорликни чуқурлаштириш муҳокама қилинди. Афғонистонлик тадбиркорларни Ўзбекистонда фаол ишлаши борасида келишув имзоланди.
Ўзбекистон мазут импортини 2 баравар, июнь-июлда эса 20−22 баравар оширди
Йил бошидан буён Ўзбекистон 843,6 минг тонна мазут импорт қилди, бу ўтган йилнинг январь-июль ойларидаги ҳажмдан икки баравар кўп. Июнда импорт 22 баравар (2023 йил июнига нисбатан), июлда эса 19,6 баравар ошди.
Ўзбекистонда такси ҳайдовчиси сифатида расман рўйхатдан ўтганлар сони 576 мингга етди
Ўзбекистонда норасмий ишлаб келган ярим миллиондан ортиқ фуқаро (576,1 минг) йўловчи ташиш соҳасида ўзини ўзи банд қилган шахс сифатида расман рўйхатдан ўтган. Йил бошидан бери даромади 100 млн сўмдан ошган ҳайдовчиларнинг сони 171 нафарга етган.
1 сентябрдан бошқа турдаги пенсия ва нафақалар миқдори қандай ўзгаради?
1 сентябрдан иш стажи тўлиқ бўлмаган чоғдаги ногиронлик пенсиясининг энг кам миқдори, боқувчисини йўқотганлик нафақаси олувчиларнинг бир нафар меҳнатга қобилиятсиз оила аъзоси учун нафақа миқдори ҳамда бошқа нафақа ва тўловлар 15 фоизга оширилади.
Сенат Тадбиркорлик кодексини маъқуллади
Сенаторлар 100 дан ортиқ ҳужжатни, жумладан, 9 та қонунни ўзида жамлаган Тадбиркорлик кодексини маъқуллади. У тадбиркорликни учта тоифага бўлади, давлат томонидан тартибга солишнинг чегара ва шаклларини, якка тартибдаги тадбиркорлар шуғуллана олмайдиган фаолият турларини ва бошқаларни белгилайди.
Камбағаллик даражасини 3 йил ичида 7 фоизга тушириш кўзда тутилмоқда. Чора-тадбирлар режаси
Камбағалликни қисқартириш ва ижтимоий ҳимоя тизими қайта кўриб чиқилади. Ҳар йили 50 та маҳалла танлаб олиниб, камбағаллик ва ишсизликдан холи ҳудудга айлантирилади. Шунингдек, бу ҳоким ёрдамчиларининг асосий вазифасига айланади. Эҳтиёжмандларни ишга олган тадбиркорларга солиқ имтиёзлари берилади.
Ўзбекистонда факторинг хизматларини ривожлантириш бўйича фармон имзоланди. Асосий маълумотлар
Президент факторинг хизматлари бозорини ривожлантиришга оид фармон имзолади. 2025 йилдан кредит ташкилотлари факторинг шартномалари бўйича сотиб олинган пул талабномаларини қайта сота (рефакторинг) олади, мижоз контрагенти норезидент бўлса, операцияларни хорижий валютада қилишга рухсат этилади.
Омонатларнинг кафолатланган миқдорини 200 млн сўмгача камайтириш режалаштирилмоқда. Бу нима учун керак?
Ўзбекистон дунёда 100 фоиз омонат кафолати ҳали ҳам амал қиладиган кам сонли давлатлардан биридир. Марказий банк кафолат чегарасини 200 млн сўм этиб белгилашни, компенсация бериш муддатини қисқартиришни ва бошқаларни таклиф қилмоқда. Тўлиқ кафолат аввал очилган депозитлар учун сақланиб қолади.
Orient Group Management ва UzOman компанияларига нисбатан монополияга қарши иш очилди
Рақобат қўмитаси Orient Group Management ва Ўзбекистон-Ўмон инвестиция компаниясига (UzOman) қарши иш қўзғатди, уларнинг ҳар бири Highway Logistics Center акцияларининг 45 фоиздан ортиғига эгалик қилиши аниқланди. Компаниялар монополияга қарши қонунчиликни бузгани учун жаримага тортилди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг