Иқтисодиёт
Ўзбекистон Марказий банки асосий ставкани йиллик 13,5 фоиз даражасида қолдирди
Марказий банк асосий ставкани 13,5 фоиз даражасида сақлаб қолди. Қайд этилишича, иқтисодиётдаги юқори талаб ҳамда айрим турдаги озиқ-овқат товарлари ва энергия ресурслари нархида кузатилган ўсиш суръатлари пул-кредит шароитлари қатъийлигини жорий даражада сақлаб қолишни тақозо этмоқда.
Камбағалликни фақат пул тарқатиш билан ҳал қилиб бўлмайди — президент
Камбағал оилаларнинг ишга лаёқатли аъзоларида билим ва кўникма кам, бола парвариши туфайли эса аёлларнинг 43 фоизи ишга бора олмайди. Президент камбағалликни фақат пул тарқатиш билан ҳал қилиб бўлмаслигини айтди ва муаммо сабаби ҳар хил экан, ечимлари ҳам алоҳида бўлиши кераклигини таъкидлади.
Камбағалликни қисқартириш умуммиллий ҳаракатга айланади — Шавкат Мирзиёев
Президент Ўзбекистонда камбағалликни қисқартириш умуммиллий ҳаракатга айланиши ва бу борада «жуда катта» «Камбағалликдан фаровонлик сари» дастури тайёрланаётганини айтди. Жамшид Қўчқоровнинг тизими оилаларни камбағалликдан олиб чиқишга масъул этиб белгиланди.
Иззат Шукуров Yandex Uzbekistan раҳбари этиб тайинланди
Иззат Шукуров Yandex Uzbekistan раҳбари бўлди. У бунгача Payze`нинг Марказий Осиё минтақасига раҳбарлик қилган ва Newmax Technologies компанияси директори бўлган.
«Хоттабич» музқаймоқларида ортиқча шакар ва бактериялар аниқланди — Рақобат қўмитаси
Рақобат қўмитаси қадоқларида шакар йўқлиги кўрсатилган «Хоттабич» музқаймоқларини синовдан ўтказди. Маҳсулотнинг баъзи турларида ортиқча сахароза ва ичак таёқчаси бактериялари топилди.
Россия Марказий Осиёнинг ягона энергетика тизимига қўшилиши мумкин
Россиянинг «Тизим оператори» Марказий Осиёнинг ягона энергетика тизимига қўшилади, деди РФ Энерговазирлиги раҳбари. Унга кўра, Ўзбекистон бу қарорни қўллаб-қувватламоқда. Бу ташаббус нафақат электр энергияси экспорти, балки давлатлар ўртасидаги оқимларни бошқариш билан ҳам боғлиқ, дея тушунтирди у.
Ўзбекистонда кичик қувватли АЭС лойиҳаси бўйича ишларни бошлаш тўғрисида баённома имзоланди
«Ўзатом» ҳузуридаги АЭС қурилиши дирекцияси, «Росатом» ҳамда «Атомстройэкспорт» ўртасида Ўзбекистонда кам қувватли атом электр станцияси лойиҳаси бўйича ишларни бошлаш тўғрисида баённома имзоланди. Бу қурилиш майдончасида тайёргарлик ишларининг фаоллашуви ва лойиҳа ҳужжатларини ишлаб чиқиш демакдир.
Ўқув йили бошланиши арафасида Тошкентдаги ижара нархлари ошди
Август ойида Тошкент шаҳрида уй-жой ижараси нархи ўртача таъмирланган хонадонлар учун 1,9 фоизга, тўлиқ таъмирланганлари учун эса 0,3 фоизга ошди, дея хабар берди МҲТИ. Нархларнинг кўтарилишига университетларда янги ўқув йили бошланиши бўйича кутилмалар асосий сабаб бўлди.
Apple iPhone 16, Watch 10 ва AirPods 4 тақдимотини ўтказди. Асосий маълумотлар
Apple компанияси янги қурилмалари тақдимотини ўтказди. Унда iPhone 16, AirPods 4 қулоқчинлари ва Watch Series маркали ақлли соатларининг ўнинчи авлоди намойиш этилди. Янги қурилмалар ҳақида асосий маълумотлар.
Ўзбекистоннинг олтин-валюта захиралари яна рекордни янгилаб, 39 млрд доллардан ошди
Август ойида Ўзбекистоннинг олтин-валюта захиралари олтин қимматлашгани фонида яна рекордни янгилади ва 39,1 миллиард долларга етди. Йил бошидан буён олтин захирасининг қиймати 5,77 миллиард долларга ошди.
Ўзбекистоннинг давлат қарзи 37 млрд доллардан ошди. Тафсилотлар
2024 йил 1 июль ҳолатига кўра, Ўзбекистоннинг давлат қарзи олти ой ичида 2,1 млрд долларга кўпайиб, 37 млрд доллардан ошди. Кредитлар асосан давлат бюджетини қўллаб-қувватлаш учун жалб қилинган.
Ўзбекистонда ипотека бўйича ўртача ойлик тўловлар, уларнинг шартлари ва тузилиши қандай ўзгаргани — МБ шарҳида
Ўзбекистонда биринчи ярим йил якунларига кўра, ўртача ойлик ипотека тўловлари 16 фоизга ошиб, 2,99 млн сўмни ташкил этди. Қарзнинг ўртача миқдори ошди, аммо кредитлар қисқароқ муддатга берила бошлади. Ипотека кредитларининг 22 фоизи норасмий даромадга эга шахслар томонидан олинган.
«Ўзбекистон газни 160 долларга сотиб олмоқда ва 5,2 млрд куб метр газ импорт қилди» — Солиқ қўмитаси раисининг биринчи ўринбосари
Биринчи яримйилликда Ўзбекистон 5,2 млрд куб метр — ўтган йил олти ойига нисбатан қарийб 2,3 баробар кўп газ импорт қилди. Газ 1000 куб метри учун 160 доллардан олиб келинмоқда. Солиқ қўмитаси раҳбарининг биринчи ўринбосари билвосита солиқлар (акциз, ҚҚС) улушининг камайишини газ билан боғлади.
«Ўзбекистонда хизмат кўрсатган тадбиркор» фахрий унвони таъсис этилди
Президент «Ўзбекистонда хизмат кўрсатган тадбиркор» фахрий унвонини тасдиқлаш тўғрисидаги қонунни имзолади. У юқори даромадли тадбиркорлик йўналишларини ташкил этган ва иқтисодиёт ривожига ҳисса қўшган «тадбиркорлик субъектларининг илғор ва ташаббускор раҳбарлари ва таъсисчилари»га берилади.
Самарасиз фойдаланилаётган боғ, шифохона, маданият ва спорт саройлари ДХШга берилиши мумкин
Ўзбекистонда самарасиз фойдаланилаётган йирик шифохоналар, маданият ва спорт иншоотлари, истироҳат боғлари хусусий секторга ДХШ асосида берилиши мумкин. Қолаверса, «сотиб олиш ёки тўлаб бериш» шартномаларида давлат мажбуриятларининг юқори чегарасини белгилаш режалаштирилмоқда.
«Маиший техника ишлаб чиқариш асосан ички бозорда сотиш ҳисобига ривожланмоқда» — президент
2023 йилда Ўзбекистонда ишлаб чиқарилган маиший техникаларнинг 70 фоизи ички бозорда сотилди. Президент қўшни бозорларда бутловчи қисмларни ортиқча тўловсиз етказиб бериш учун йирик узелли йиғув корхонасини йўлга қўйиш, электротехника маҳсулотларининг қўшилган қийматини ошириш бўйича топшириқ берди.
Боғчалар, мактаблар, шифохоналар, аэропортлар. 2024−2030 йиллар учун ДХШ лойиҳалари рўйхати
Президент 2024−2030 йилларда давлат-хусусий шерикликни ривожлантириш чора-тадбирлари тўғрисидаги қарорни имзолади. Лойиҳалар орасида мактаблар, шифохоналар қуриш, аэропортларни модернизация қилиш ва уларни бошқарувга ўтказиш, ичимлик суви таъминоти, канализация тизимини яхшилаш ва бошқалар бор.
Ўзбекистон кетма-кет иккинчи ой олтин сотиб олиш бўйича дунёда етакчилардан бўлиб қолмоқда
Ўзбекистон Марказий банки кетма-кет иккинчи ой дунёдаги энг йирик олтин харидорлари қаторидан жой олди. Июнь ойида мамлакат 9 тонна қимматбаҳо металл сотиб олган бўлса, июль ойида кўрсаткич 9,6 тонна бўлди.
Ҳудудлардаги электр ва газ тармоқларини хусусий секторга ўтказиш режалаштирилмоқда. Бу нима учун қилиняпти?
Ўзбекистоннинг барча ҳудудларидаги электр ва газ тақсимлаш тармоқларини хусусий операторлар бошқарувига бериш режалаштирилмоқда. Октябрь ойида Самарқанд вилоятида тендер бошланади. Энергорегулятор раҳбари Шерзод Хўжаев электр тармоқларини нима учун хусусий секторга бериш кераклигини тушунтирди.
Ўзбекистонда август ойида инфляция: пропан 20,2 фоизга, гўшт 4,9−5,3 фоизга қимматлашди
Август якунларига кўра, Ўзбекистонда инфлация 0,5 фоиз даражасида қайд этилди. Йиллик инфляция 10,47 фоиз даражасида сақланиб қолди. Пропан (20,2%), мол гўшти (5,3%) ва қўй гўшти (4,9%), картошка (5,5%) кескин қимматлашди. Дори-дармонлар нархи ўсишда давом этмоқда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг