Иқтисодиёт
Uzbekistan Airports`нинг Silk Avia`даги улуши Uzbekistan Helicopters компаниясига ўтказилади
Президент Uzbekistan Airports акциядорлик жамияти томонидан ташкил этилган Silk Avia минтақавий авиакомпаниясининг устав капиталидаги 100 фоиз улушини Uzbekistan Аirways таркибига кирувчи Uzbekistan Helicopters устав капиталига ўтказиш тўғрисидаги фармонни имзолади.
FeedUp фастфуд тармоғи Akfa Group таркибига кирди
Akfa Group FeedUp фастфуд тармоғининг 50 фоиз улушини сотиб олди. Akfa Group`нинг, шунингдек, KFC Uzbekistan`да ҳам улуши бор.
Президент Хитойнинг қатор компаниялари раҳбарлари билан учрашди
Хитойнинг CAMCE компанияси Ўзбекистондаги лойиҳалар портфелини гидротехник иншоотлар қуриш билан кенгайтирмоқчи. China Energy инфратузилмани модернизация қилишда қатнашиши, State Grid эса юқори вольтли электр узатиш линияларини қуриши мумкин. Мирзиёев ушбу компаниялар раҳбарлари билан учрашди.
Ўзбекистонда 2026 йил охиридан ҳашаматли сайёҳлик поезди қатнови йўлга қўйилади
Италиянинг Arsenale компанияси 66 нафар йўловчига мўлжалланган сайёҳлик поездини ишлаб чиқади ва қуради. У 2026 йил охиридан бошлаб Тошкент−Самарқанд−Бухоро−Хива йўналишида ҳаракатлана бошлайди.
Humo билан терминаллар орқали тўлов қилишда муаммолар кузатилмоқда
Humo терминаллар орқали тўловларни амалга оширишда қийинчиликлар кузатилаётганини тасдиқлади. Humo мобил иловаси ва банкоматлари одатдаги режимда ишламоқда.
Хитойнинг Amer International компанияси Ўзбекистонда минтақавий офисини очмоқчи
Хитойнинг Amer International индустриал-саноат холдинги Ўзбекистонда минтақавий офисини очиши мумкин. Шавкат Мирзиёев компания раиси билан учрашувда мисни қайта ишлаш, электротехника, электромобиллар учун аккумулятор батареялари ва яримўтказгичлар ишлаб чиқариш бўйича ҳамкорликни муҳокама қилди.
Андижон вилоятида 12 млн долларлик ёпиқ муз курорти қурилиши режалаштирилмоқда
Андижон вилояти ҳокимлиги ва хитойлик инвесторлар ўртасида Хонободда 12 млн долларлик йил давомида ишлайдиган ёпиқ муз курортини қуриш лойиҳаси муҳокама қилинди.
«Ўзтемирйўлконтейнер»нинг давлат улушини хусусийлаштириш тўхтатилди
Давактив агентлиги «Ўзтемирйўлконтейнер» АЖнинг давлат улушини хусусийлаштириш жараёнини тўхтатди. Чунки корхона «Ўзбекистон темир йўллари»ни ислоҳ қилиш доирасида «Темирйўлкарго»га айлантирилмоқда.
Ўзбекистонда йўл қурилишига хусусий сектор жалб қилинади
Президент қарори билан 1 январдан йўл қурилишига синов тариқасида хусусий сектор жалб қилинади. Бундан ташқари, иссиқ кунларда юк машина ва автопоездларга йўлларда ҳаракатланишига чекловлар киритилади.
Ўзбекистонда дори воситаларини кафолатли харид қилиш муддати 10 йилгача узайтирилади
Президент маҳаллийлаштиришга мўлжалланган фармацевтика маҳсулотларини давлат бюджети маблағлари ҳисобидан кафолатли харид қилиш муддатини 3 йилдан 10 йилгача оширди. Ушбу механизм маҳаллий дори воситаларининг чиқарилишини рағбатлантиришга қаратилган.
Ўзбекистоннинг олтин-валюта захиралари яна 1,65 млрд долларга, йил бошидан эса 4,73 млрд долларга камайди
Ўзбекистоннинг олтин-валюта захиралари кетма-кет олтинчи ойда камайиб, 2020-йил апрелидан бери энг паст кўрсаткичга — 31,04 миллиард долларга етди. Сентябрь ойида захиралар 1,65 миллиард долларга камайди, йил бошидан эса мамлакатнинг «молиявий хавфсизлик ёстиғи» 4,7 миллиард долларга камайди.
Captiva 5 нархлари эълон қилинди
UzAuto Motors Chevrolet Captiva 5 автомобили нархларини эълон қилди. Автомобиль LT1 , LT 2, ва Premier комплектацияларида тақдим этилади.
Ўзбекистон президенти ГЭСларда ишлаб чиқариладиган электр энергияси тарифларини қайта кўриб чиқишни топширди
Ўзбекистон президенти «Ўзбекгидроэнерго» ГЭСларида ишлаб чиқарилган электр энергияси учун 2022 йилдан бошлаб амалда бўлган тарифларни қайта кўриб чиқиш бўйича топшириқ берди. Тарифлар ушбу компаниянинг инвестиция дастурларини молиялаштириш учун етарли даражада бўлиши керак.
Фарғонада 431,7 млн сўмлик электр энергиясидан ноқонуний фойдаланган фуқаро аниқланди
Марғилон шаҳрида электр энергиясидан ноқонуний фойдаланиб, ҳудудий электр тармоқлари корхонасига 431,7 млн сўмдан ортиқ зарар етказган фуқаро аниқланди.
«Ўзэнергоинспекция» 9,15 млн литр сифатсиз бензин сотилишининг олдини олди
Тўққиз ой давомида «Ўзэнергоинспекция» томонидан Ўзбекистондаги хусусий ёнилғи қуйиш шохобчаларида ўтказилган текширувлар давомида 9,15 млн литр сифатсиз бензин сотилишининг олди олинди.
Ўзбекистон ва Жаҳон банки карбонат ангидрид эмиссиясини камайтириш лойиҳасини имзолади
Ўзбекистон ва Жаҳон банки ўртасида 2027 йилга қадар карбонат ангидрид эмиссиясини 60 млн тоннага камайтирувчи ва энергия тарифларини либераллаштиришга ёрдам берадиган лойиҳа бўйича келишув имзоланди. Маблағларнинг бир қисми кам таъминланганларни энергия нархининг ошишидан ҳимоя қилишга сарфланади.
Bell: Россия санкциялар фонида қўшни давлатлардан импортни салкам 40 фоизга оширди
Санкциялар остидаги Россия қўшни давлатлар, жумладан, Ўзбекистондан товарлар импортини салкам 40 фоизга оширди, деб ёзмоқда The Bell. Бунга параллель тарзда Европанинг минтақага экспорти, айниқса, микроэлектроника, транспорт ускуналари, компьютер ва бошқа электрон ускуналар экспорти ўсди.
Ўзбекистон мева-сабзавотлар экспортида энг катта улушни шафтоли, гилос ва пиёз эгаллади
Январь-август ойларида Ўзбекистон мева-сабзавотлар экспортида қиймат жиҳатидан энг катта улушни шафтоли (нектарин), гилос, пиёз, узум, майиз, ўрик, қовун, тарвуз ҳамда помидор эгаллади. Мамлакат мева-сабзавот маҳсулотларининг асосий экспорт бозори Россия бўлиб турибди.
Россиянинг «Газпромнефть» компанияси Ўзбекистон конларида қудуқларни бурғилашда кўмаклашади
«Ўзбекнефтгаз» конларида қудуқларни қуриш ва ундан фойдаланиш лойиҳасига «Газпромнефть» операторлик қилади. Компания технологиялари, тажрибаси қудуқларни қуриш вақтини 20 фоиздан кўпроқ муддатга қисқартиришга ёрдам бериши айтилмоқда. Бу бўйича рус компанияси ва «Ўзбекнефтгаз» шартнома имзолади.
Иқтисодиёт ва молия вазирлиги ваколатлари Инвестициялар вазирлиги ҳисобига кенгайтирилди
Президент фармони билан Иқтисодиёт ва молия вазирлигига илгари Инвестициялар, саноат ва савдо вазирлигида бўлган ваколатлар берилди. Энди вазирлик давлат саноат сиёсати учун масъул бўлади, Лойиҳалар ва импорт контрактларини комплекс экспертиза қилиш марказини қайтариб олади.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг