Иқтисодиёт
Open Budget`да 1,5 мингдан кўп овоз тўплаб, ютмаган айрим лойиҳаларни 2024 йилги давлат бюджетидан молиялаштириш таклиф этилди
Ташаббусли бюджет лойиҳасида 1,5 мингдан ортиқ овоз тўплаган, лекин ғолиб деб топилмаган жиҳозлаш билан боғлиқ лойиҳаларга 2024 йил учун мўлжалланган давлат бюджетидан маблағ ажратиш таклиф этилмоқда.
Ўзбекистонга электромобиллар импорти 6 баробардан кўпроққа ошди
Январь-октябрь ойларида Ўзбекистонга электромобиллар импорти 22,5 мингтага етди, бу ўтган йилнинг шу даврига нисбатан 6 баробардан қўпдир. Етказиб бериш миқдори 582 млн доллардан ошди.
Orano Ўзбекистонда уран қазиб олишга 500 млн долларгача сармоя киритади
Франциянинг Orano компанияси Ўзбекистонда геология-қидирув ва уран қазиб олиш ишларига 500 млн долларгача сармоя киритади. Навоий вилоятидаги иккита ҳудудда қидирув ишлари олиб борилади. Эммануэль Макроннинг мамлакатга ташрифида ҳам бу масалалар кўрилганди.
Ўзбекистон Россиядан 300 млн куб метрга яқин газ импорт қилди
«Газпром» билан тузилган шартномага кўра, 7 октябрдан бери Ўзбекистон Россиядан 300 млн куб метрга яқин газ импорт қилди, деди энергетика вазири Жўрабек Мирзамаҳмудов. У импорт қилинган «мовий ёқилғи» нархини яна ошкор қилмади.
Россия, Қозоғистон, Қирғизистон ва Ўзбекистон 15 йиллик газ шартномаси тузиши мумкин
2024 йил ўрталарига қадар Россия, Қозоғистон, Қирғизистон ва Ўзбекистон 15 йил давомида газ етказиб бериш ва транзит бўйича ҳамкорлик мажбуриятларини белгилашни режалаштирмоқда, деди «Газпром» раҳбари Алексей Миллер. Компания улардаги бошқа газ қувурлари тизимидан фойдаланишга тайёрлигини билдирди.
Ўзбекистонга йил бошидан буён телефон импорти 178 млн доллардан ошди
Тўққиз ой давомида Ўзбекистонга 2,58 млн донага яқин мобил телефон импорт қилинди, бу ўтган йилнинг шу даврига нисбатан 18 фоизга кўпдир. Етказиб бериш ҳажми 178,2 млн доллардан (+23,3 фоиз) ошди.
Энергетика вазири Ўзбекистонда бензин тақчиллиги йўқлигини маълум қилди
Ўзбекистонда бензин тақчиллиги мавжуд эмас, дея маълум қилди энергетика вазири Жўрабек Мирзамаҳмудов. У нима сабабдан биржада ёқилғи сотиб олишга чеклов киритилганини тушунтирди.
Россиядан Ўзбекистонга нефть етказиб бериш ҳажмини 1 млн тоннагача ошириш кутилмоқда
Москвада имзоланган уч томонлама ҳужжатга кўра, Россиядан Қозоғистон орқали Ўзбекистонга нефть етказиб бериш ҳажмини 1 миллион тоннага ошириш режалаштирилмоқда.
Октябрь ойида Ўзбекистонда инфляция 1 фоизни ташкил этди. Бу сўнгги 7 йилдаги энг паст кўрсаткич
Октябрь ойи охирида Ўзбекистонда 1 фоизлик инфляция қайд этилди ва йиллик инфляция яна 9 фоиздан тушди. Энергия тарифлари ошишига қарамай, бу охирги 7 йилдаги энг паст ойлик кўрсаткичдир. Иқтисодчининг тахмин қилишича «иқтисодий ҳароратни ўлчайдиган термометр бузилиб қолган».
Иқтисодиёт ва молия вазирлиги — 2024 йилда Ўзбекистон иқтисодиёти ва бюджети учун хавфлар ҳақида
Иқтисодиёт ва молия вазирлиги 2024 йилги бюджет барқарорлигига таъсир қилиши мумкин бўлган омиллар ва хавфларни санаб ўтди. Улар қаторида сўмнинг қадрсизланиши, олтин ва мис нархининг пасайиши, энергия тарифлари оширилмаслиги, озиқ-овқат маҳсулотлари жаҳон нархларининг ошиши ва бошқалар бор.
АҚШ Ўзбекистоннинг Mvizion компаниясига қарши санкциялар киритди
АҚШ «Россия армияси учун учувчисиз учиш аппаратларини сотиб олиш ва яратиш каби фаолият билан шуғулланган» 13 та компанияга нисбатан санкциялар эълон қилди. Улар орасида Ўзбекистондан Mvizion компанияси ҳам бор.
Damas, Labo, Cobalt ва Captiva 5 учун шартнома тузиш очилди
UzAuto Motors Chevrolet расмий дилерлик марказларида Damas, Labo, Cobalt ва Captiva 5 сотуви бошланганини эълон қилди.
Газ, электр ва бошқа соҳаларга субсидиялар учун давлат бюджетидан қанча маблағ ажратилади?
2023 йилда давлат бюджетидан аҳолига газ, электр, иссиқлик таъминоти ва жамоат транспорти нархларини субсидиялаш учун 31 трлн сўмдан ортиқ (2,53 млрд доллар) ажратиш режалаштирилган. Бу нафақа, моддий ёрдам, илм-фан, спорт ва маданият учун ажратилган жами маблағдан кўпроқ.
ШҲТ янги транспорт йўлаклари изламоқда. Тошкентда ташкилотга аъзо давлатларининг биринчи транспорт форуми бўлиб ўтди
Тошкентда ШҲТ давлатларининг биринчи транспорт форуми бўлиб ўтди. Унинг доирасида «Беларусь — Россия — Қозоғистон — Ўзбекистон — Афғонистон — Покистон» ва «Россия — Каспий денгизи — Туркманистон — Ўзбекистон — Қирғизистон» янги халқаро транспорт йўлакларини яратиш бўйича меморандумлар имзоланди.
Ўзбекистонда шаҳарларнинг яшаш учун қулайлик рейтинги тузилди
Экспертлар Ўзбекистон шаҳарларининг яшаш учун қулайлик рейтингини тузди. Индекс таълим, тиббиёт, атроф-муҳит, инфратузилма, маданият каби йўналишларни қамраб олган. Натижаларга кўра, кучли учликни Тошкент, Урганч ва Бухоро шаҳарлари, қуйи ўринларни Янгиер, Оҳангарон ва Қувасой шаҳарлари банд этган.
2024 йилда иш ҳақи, пенсия ва стипендиялар миқдори оширилиши режалаштирилмоқда
Ўзбекистонда 2024 йилда давлат бюджетининг иш ҳақи, пенсиялар, стипендия ва нафақалар миқдорини ва айрим хизматларнинг тарифларини ошириш билан боғлиқ харажатлари 9,6 трлн сўмни ташкил этади. Умумий ҳисобда иш ҳақи, пенсия ва стипендияларга давлат бюджети харажатларининг ярмидан кўпи йўналтирилади.
Россия компанияси Ўзбекистонда дрон ишлаб чиқаришни йўлга қўяди
Россиянинг Fly and See Agro компанияси Ўзбекистонда дрон ишлаб чиқаришни йўлга қўйишни режалаштирмоқда. 80 млн долларлик бўлган беш йиллик лойиҳа Навоий эркин иқтисодий зонаси ҳудудида амалга оширилади.
Тошкент марказидаги АКТ вазирлиги ва «Алоқабанк» биноларини «Микрокредитбанк» сотиб олди
«Микрокредитбанк» Тошкент марказидаги Рақамли технологиялар вазирлиги ва «Алоқабанк» бинолари харидорига айланди. Битимларнинг умумий суммаси 387 млрд сўмни ташкил этди.
Ўзбекистонда 2024 йилдан бошлаб солиқларда қандай ўзгаришлар бўлади?
Иқтисодиёт ва молия вазирлиги эълон қилган 2024 йилги солиқ ўзгаришларига кўра, бир қатор солиқ имтиёзлари бекор қилинади, шакарли газланган ичимликлар учун акциз солиғи, шиналар учун утилизация солиғи, оғирлиги 10 тоннадан ортиқ юк автомобилларига йўл йиғими ва бошқалар жорий этилади.
Ўзбекистон ва «Газпром» энергетика соҳасида ҳамкорлик бўйича стратегик меморандумни имзолади
Ўзбекистон ва Россиянинг «Газпром» компанияси ўртасида стратегик меморандум имзоланди. Унга кўра, газ таъминоти ва ташиш, шунингдек, углеводородларни геология-қидириш ҳамда қазиб олиш соҳасида ҳамкорликни ривожлантириш режалаштирилмоқда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг