Иқтисодиёт
Ўзбекистоннинг олтин-валюта захиралари декабрь ойида ҳам камайди
Ўзбекистоннинг халқаро захиралари декабрь ойида 290 млн долларга камайиб, 2024 йил якунига кўра 41 млрд 181,6 млн долларни ташкил этди. Йил давомида олтин нархининг кўтарилиши фонида резервлар қиймати 6,6 млрд долларга кўпайди.
Депутатлар электрон сигареталарни тақиқлаш тўғрисидаги қонун лойиҳасини биринчи ўқишда қабул қилди. Асосий маълумотлар
Депутатлар электрон сигареталар (тамакини иситиш тизимлари эмас, вейплар) муомаласини тақиқлаш тўғрисидаги қонун лойиҳасини биринчи ўқишда қабул қилди. Соғлиқни сақлаш вазири бундай сигареталар ёшлар орасида кенг тарқалганини айтиб, уларнинг зарари ҳақида маълумот берди.
Марказий банк бир фойдаланувчига бериладиган банк карталари сонини 20 тагача чеклади
Марказий банк бир мижозга бериладиган банк карталари сонини вақтинча чеклади. Энди бир банкда 5 тагача, жами эса 20 тагача, шу жумладан, виртуал ва кобейджинг карталарини (валюта карталаридан ташқари) олиш мумкин. Агар бир йил давомида картадан фойдаланилмаса, банклар уларни блоклайди.
Ислом тараққиёт банки гуруҳи Ўзбекистонда кичик бизнесни қўллаб-қувватлаш учун 40 млн доллар ажратади
Ўзбекистонда Ислом тараққиёт банки иштирокида «Кичик ва ўрта корхоналарнинг иқтисодий барқарорлигини мустаҳкамлаш» лойиҳаси амалга оширилади. Бунинг учун банк ва Ислом бирдамлиги тараққиёт жамғармаси 40 млн доллар ажратади.
Ўзбекистон ноябрь ойида олтиннинг дунёдаги иккинчи йирик харидорига айланди
Ўзбекистон Марказий банки ноябрь ойида 9 тонна олтин сотиб олди ва ушбу қимматбаҳо металлни энг кўп харид қилган иккинчи давлат бўлди.
Қайта тикланувчи энергия манбалари қурилмаларини ишлаб чиқарувчилар қўллаб-қувватланади
Давлат қайта тикланувчи энергия манбалари қурилмаларини ишлаб чиқарувчиларни қўллаб-қувватлайди. Ҳукумат қарорига кўра, «яшил» истеъмол кредитлари ажратиладиган хизматлар тури кўпайтирилмоқда.
Qanot Sharq авиакомпанияси 20 дан ортиқ рейсини бекор қилди
Qanot Sharq авиакомпанияси А320 самолётларига техник хизмат кўрсатиш туфайли январь-март ойларига мўлжалланган 20 дан ортиқ рейсини тўхтатади. Уларнинг аксарияти Ўзбекистон шаҳарларидан Москва ва Санкт-Петербургга бориб қайтиш рейсларидир.
Ўзбекистондаги вазирлик ва ҳокимликларга мебель ва офис жиҳозлари харажатларини қисқартириш топширилди
Ўзбекистон президенти вазирлик, идора ва ҳокимликларга 2025 йилда бюджет маблағларини тежаш ва самарадорлигини ошириш чораларини кўриш топшириғини берди. Давлат органларига иш ҳақини ошириш, хизмат автомобиллари, қимматбаҳо мебель ва офис жиҳозларини сотиб олиш бўйича таклифлар киритиш тақиқланади.
Ўзбекистоннинг учта давлат банкини хусусийлаштириш яна кейинроққа қолдирилди
Ўзбекистонда «Асакабанк», «Ўзсаноатқурилишбанк» ва «Алоқабанк»ни хусусийлаштириш яна кейинроққа қолдирилди. Мамлакатнинг бу йирик давлат банклари акциялари 2025 йилда сотилиши режалаштирилмоқда.
Ўзбекистоннинг айрим тижорат банкларида доллар 13 000 сўмдан сотилмоқда
Ўзбекистоннинг айрим банкларида АҚШ долларининг сотув курси 13 000 ва ундан юқори этиб белгиланди. Сотиб олиш курси эса 12 940 сўмгача кўтарилди.
Ўзбекистонда поезд чипталари нархи 1 февралдан яна ошади
«Ўзбекистон темир йўллари» компанияси 1 февралдан бошлаб поезд чипталари нархи яна оширилишини маълум қилди. Хусусан, «Афросиёб» билетлари 20−25 фоизга, «Шарқ», «Насаф» ва «Ўзбекистон» билетлари эса 30 фоизга кўтарилади.
Қозоғистон Ўзбекистон томон янги темирйўл қурмоқда
Ўзбекистон ва Қозоғистон ўртасида 2027 йилда ишга туширилиши кутилаётган янги темирйўл қурилади. Линиянинг қурилиши мавжуд Сариағаш — Тошкент участкасидан юкларни янги тармоққа йўналтириш ва Ўзбекистонга экспорт ташиш ҳажмини ошириш имконини беради, дея таъкидлади ҚТЙ.
«Тошкент-Шарқий» аэропорти рўпарасидаги 25,5 га ер 522,7 млрд сўмга сотилди
«Тошкент-Шарқий» аэропорти рўпарасида, «Янги Ўзбекистон» боғи яқинида қурилаётган 25,5 гектар ер участкаси 522,7 млрд сўмга сотилди. Аукционда битта таклифдан сўнг Valid Trading ғолиб бўлди.
Ўзбекистонда рўйхатдан ўтмаган электрон савдо платформалари фаолияти тақиқланади
Вазирлар Маҳкамаси қарори билан 1 июлдан бошлаб электрон тижорат операторлари сифатида фақат Ўзбекистон резидентлари — давлат рўйхатидан ўтган юридик шахслар фаолият юритиши мумкин.
2025 йилда жисмоний шахслар учун ижара тўловининг янги минимал ставкалари белгиланди
2025 йил 1 январдан бошлаб бино ёки автомобилни ижарага берадиган жисмоний шахслар учун энг кам ижара ставкалари оширилди. Халқ депутатлари кенгашлари ижара ставкаларига оширувчи коэффициентларни қўллашлари мумкин бўлади.
«Афросиёб» поезди энди Каттақўрғонда тўхтаб ўтади
2025 йилда «Афросиёб» тезюрар поезди Самарқанд вилоятининг Каттақўрғон шаҳрида тўхтаб ўтишни бошлайди. Шунингдек, Самарқанд ва Каттақўрғон ўртасида электропоезд қатновини йўлга қўйиш режалаштирилмоқда. Бу ҳақда Самарқанд ҳокимлиги президент қарорига (жамоатчилик учун очиқ эмас) таяниб маълум қилди.
Давлат бюджети бу йил ҳам аҳоли фаровонлигини оширишга хизмат қилади — президент
Президент 2025 йил учун давлат бюджети ижросини таъминлашга доир йиғилиш ўтказди. Маҳаллий бюджетлар даромадини ва мустақиллигини ошириш, харажатларнинг ижтимоий йўналтирилганлигини сақлаб қолиш режалаштирилмоқда. Давлат бюджети бу йил ҳам аҳоли фаровонлигини оширишга хизмат қилади, деди Мирзиёев.
Ўзбекистондаги туман банклари филиалларида маҳаллабай ишлаш бўлимлари ташкил этилади
1 февралга қадар туман банклари филиалларида маҳаллабай ишлаш бўлимлари ташкил этилиб, уларга «маҳалла банкирлари» тайинланади. Шунингдек, ҳар бир маҳаллада улар билан бирга ишлайдиган «ёрдамчи-агентлар» танлаб олинади.
Лимитдан ўтган тадбиркорларга электр ва газ учун оширилган тарифлар миқдори ўзгарди
Ўзбекистон ҳукумати кечикиб бўлса-да, белгиланган лимитдан ортиқ истеъмол қилинган электр энергияси ва газ учун қўшимча тўловлар миқдорини пасайтирди. Лимитнинг ўзи эса оширилди.
Ўзбекистонда палов 2024 йилда 15,6 фоизга қимматлади
2024 йил якунига кўра Ўзбекистонда паловнинг ўртача нархи 15,6 фоизга ошди, дея хабар бермоқда Статистика агентлиги. Ошнинг энг юқори нархи Тошкентда, энг пасти эса Наманганда қайд этилди. Палов индекси мамлакатда харид қобилияти паритетини аниқлашнинг норасмий усули ҳисобланади.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг