Иқтисодиёт
Марказий банк: 2020 йилда ЯИМнинг ўсиши 1,5 фоизга тушади
Марказий банк коронавирус пандемияси сабабли 2020 йилда мамлакат ялпи ички махсулотининг ўсиш суръатлари кўзланган 5,2−5,5 фоиздан 1,5−2,5 фоизгача пасайишини кутмоқда. Шунингдек, трансчегаравий пул ўтказмалари ҳажми ўтган йилга нисбатан 30−35 фоизга қисқариши прогноз қилинмоқда.
Ўзбекистонда электр энергия билан таъминлаш стратегияси қабул қилинди
Ҳукумат томонидан 2030 йилгача мамлакатни электр энергия билан таъминлаш стратегияси қабул қилинди. Унга кўра, 2030 йилгача электр энергия ишлаб чиқаришни 5900 МВт дан 29200 МВт гача кўпайтириш, табиий газ сарфини қисқартириш ҳамда электр энергияни узатишда йўқотишларни сезиларли даражада камайтириш режалаштирилган.
Ипотека кредитлари муддати 15 йилдан 20 йилгача узайтирилади
Аҳолига ажратиладиган ипотека кредитлари, шу жумладан бугунги кунга қадар ажратилган ипотека кредитлари муддати 15 йилдан 20 йилгача узайтирилади. Шаҳарларда 2 ва ундан кўп хонали квартиралар учун дастлабки бадалнинг 10 фоизи давлат томонидан қоплаб берилади.
Uzcard онлайн-омонатлар учун яна тўлов олишни бошлади
Uzcard онлайн-омонатлар бўйича банклардан 0.25 фоиз миқдорида тўлов олишни бошлади. Ушбу хизматни оммалаштириш мақсадида 2018 йил сентябрь ойидан тўлов олиш тўхтатилган эди, лекин баъзилар ушбу имтиёздан солиқ тўлашни четлаб ўтиш мақсадида фойдаланишмоқда, дея таъкидлади Uzcard раҳбари.
Туркий кенгаш давлатлари халқаро транспорт йўлагида ўзаро имтиёзлар беришга келишиб олди
Туркий кенгаш давлатлари транспорт вазирлари Транскаспий халқаро транспорт йўлаги орқали юк ташишда ўзаро имтиёзлар беришга келишиб олди.
ЖБ коронавирус таъсирини юмшатиш учун Ўзбекистонга 200 млн доллар ажратади
Жаҳон банки Ўзбекистонга коронавирус пандемияси оқибатларини юмшатиш учун қўшимча 200 млн доллар ажратади. Маблағлар соғлиқни сақлаш ва ижтимоий ҳимоя тизимини мустаҳкамлашга, шунингдек, иқтисодий тармоқларни қўллаб-қувватлашга йўналтирилади.
Иқтисодий тараққиёт вазирлиги жаҳон инқирозига изоҳ берди
Иқтисодий тараққиёт ва камбағалликни қисқартириш вазирлиги ҳозирда кузатилаётган иқтисодий инқироз инсон соғлиги инқирозига боғлиқлигини таъкидлади. Бундан ташқари, ушбу инқироз бир вақтнинг ўзида талаб ва таклифнинг қисқариши билан изоҳланиши айтилмоқда. Касаллик тарқалишига боғлиқ юқори даражадаги ноаниқликлар қарор қабул қилиш учун катта қийинчиликлар келтириб чиқараётганлиги айтилмоқда.
ЖБ фирибгарлик қилган ўзбек компаниясига санкциялар жорий қилди
Жаҳон банки Ўзбекистоннинг Mega-Mebiko компаниясини фирибгарлик учун ўз лойиҳаларида иштирок этишдан 30 ойга четлаштирди.
Фермер ва деҳқонларга ҳудудлараро ҳаракатланишга рухсат берилди
Шавкат Мирзиёев деҳқон ва фермерларга вилоятлар ва туманлар ўртасида ҳаракатланишга рухсат беришни топширди. ИИВ уларнинг автомобилларини постларда кутиб олиб, ярмарка ва савдо нуқталарига қадар кузатиб боради. Президент вазият яхшиланиши билан 10 майдан сўнг карантин босқичма-босқич юмшатилишини маълум қилди.
Барча қишлоқлар ва маҳаллаларни юқори тезликдаги интернетга улаш белгиланди
2020−2021 йилларда барча қишлоқ ва маҳаллаларни юқори тезликдаги интернетга улаш ҳамда замонавий телекоммуникация хизматларидан барча ҳудудларда фойдаланиш имкониятини таъминлаш белгиланди. Давлат органлари ва ташкилотларидаги барча хат ҳамда юридик ҳужжатлар фақат почта алоқа объектлари тармоғи орқали етказиб берилади.
Ҳарбийлар «Меҳр-шафқат ва саломатлик» жамғармасига 2,1 млрд сўм ўтказиб берди
Мудофаа вазирлиги томонидан ҳозирга қадар «Меҳр-шафқат ва саломатлик» жамғармасига 2,143 млрд сўм ўтказиб бергани маълум қилинди.
ДСҚ стикер бериш учун солиқларни аввалдан тўлаш ҳақидаги талаблар бўлганини инкор қилди
ДСҚ солиқ органлари ходимлари тадбиркорларга автомобилдан фойдаланишга рухсатнома олиш учун ярим йиллик солиқларни аввалдан тўлашни талаб қилаётгани ҳақидаги хабарларни рад этди.
Аҳоли ва ишбилармонларни қўллаб-қувватлаш бўйича янги чоралар тасдиқланди
Ишлаётган пенсионерларга пенсиялар тўғридан-тўғри бюджетдан ташқари Пенсия жамғармаси орқали амалга оширилади. Ортиқча пенсия тўланганларнинг қарздорлиги бекор қилинади. Микрофирмалар ва кичик корхоналарга солиқларни кечиктириб (бўлиб-бўлиб тўлаш) бериш муддати узайтирилади — президент фармони.
Хайрия маблағлари солиққа тортилмайди
Жисмоний шахсларнинг солиққа тортилмайдиган энг кам даромадлари миқдори МҲТЭКМнинг 7,5 бараваригача оширилади. Олинган хайрия ёрдамларига эса даромад сифатида қаралмайди — президент пандемия даврида аҳоли ва тадбиркорларни қўллаб-қувватлаш бўйича яна бир фармонни имзолади.
Аи-92 маркали бензин нархи яна 500 сўмга арзонлашди
29 апрель кунидан бошлаб Аи-92 маркали бензин нархи 5500 сўм қилиб белгиланди.
Стартаплар тўғрисида қонун қабул қилинади
Ўзбекистонда стартаплар тўғрисида қонун қабул қилинади. Қонун лойиҳасига кўра, стартаплар ходимлари жисмоний шахслардан олинадиган даромад солиғидан озод этилади. Стартап компаниялар ер солиғи, фойда солиғи, юридик шахсларнинг мол-мулкига солинадиган солиқ ва бошқа солиқ тўловларидан озод этилади. Қонун доирасида хориж фуқароларига Стартап визалар берилиши ҳам режалаштирилган.
Ягона электрон чипта сотиш тизими оператори танлов асосида белгиланиши таклиф этилди
Монополияга қарши курашиш қўмитаси ягона электрон чипта сотиш тизими операторини танлашда янги давлат иштирокидаги корхона ташкил этиш мақсадга мувофиқ эмаслигини билдирди. Олдинроқ Uzcard ягона электрон чипта сотиш тизими оператори бўлиши тўғрисидаги қарор лойиҳаси эълон қилинган эди.
ЖБ Ўзбекистонга коронавирусга қарши курашиш учун 95 млн доллар ажратди
Жаҳон банки Ўзбекистонга 95 млн доллар миқдорида фавқулодда молиялаштириш маблағини тақдим этди. Улар соғлиқни сақлаш тизимини яхшилаш ҳамда кам таъминланган ва ҳимояга муҳтож аҳоли қатламларини қўллаб-қувватлашга йўналтирилади.
«ХВЖ кредит ажратиш учун қўшимча шартлар қўймайди» — молия вазири ўринбосари
Молия вазири ўринбосари Одилбек Исоқов ХВЖ 375 миллион доллар миқдорида кредит ажратишда Ўзбекистонга қўшимча шартлар қўймаслигини ва ислоҳотларни давом эттиришни талаб қилаётганини айтди. Шунингдек, у бошқа қарзлар тафсилотларига ҳам тўхталди.
Фаолиятини давом эттираётган савдо корхоналари учун санитария талаблари
Карантин чораларини юмшатиш мақсадида фаолиятига рухсат берилган савдо корхоналари учун санитария талаблари эълон қилинди. Корхоналар ҳар бир харидор орасида 2 метр оралиқ масофани сақлашлари, дезинфекциялаш учун махсус ўтиш жойларини ўрнатишлари ва бошқа талабларга риоя қилишлари керак.
Энг кўп ўқилган хабарлар | Сўнгги янгиликлар
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
- Германиянинг Deutsche Bahn компанияси ўзбекистонликларни ишга жалб қила бошлайди
- Inbazar дўконларида 1 эмас, 44 нафар ходим расман ишлаяпти — ДСҚ
- Солиқ қўмитаси «тўловлар»ни жўнатишдаги муаммоларга изоҳ берди
Қўшимча имкониятларга эга булиш учун сайтда рўйхатдан ўтинг