Иқтисодиёт
Тошкент-Самарқанд ва Самарқанд-Навоий-Бухоро йўналишларида тезюрар поездлар учун янги темирйўл қурилади
Ўзбекистонда 2030 йилгача Тошкент-Самарқанд ва Самарқанд-Навоий-Бухоро йўналишларида тезюрар поездлар учун янги темирйўл қуриш лойиҳалари амалга оширилади. Республиканинг 6 та халқаро аэропортини модернизация қилиш давлат-хусусий шерикликка берилади.
«Пулли йўл қуришимиз учун унга муқобил бепул йўлни таъминлаб беришимиз шарт» — Жамшид Турсунов
Автомобиль йўллари қўмитаси раиси Жамшид Турсунов Бектемирдан Чорвоққа борувчи йўлнинг бир қисми пулли йўлга айлантирилиши ҳақида гапириб, бу йўлнинг бошқа муқобиллари борлигини таъкидлади. «Бугунги кунда Тошкент — Бўстонлиқ йўлда муқобиллик асосида бориладиган бир эмас, иккита йўл бор», — дейди у.
3,1 млрд сўмлик 11 та давлат хариди қонунчиликка зид тарзда ўтказилгани аниқланди
Антикоррупция агентлиги август-сентябрь ойларида 3,1 млрд сўмлик 11 та давлат харидида қонун бузилиши ҳолатларини аниқлади. Хусусан, 1,5 миллиард сўмлик тендерда аффилланган шахслар иштирок этган. Ушбу харидлар натижалари бекор қилинди.
«Ҳамма фермер имзо қўйиб бериши керак». Пахта етиштирувчилар нархни туширишга мажбурланмоқда
Kun.uz Сурхондарё қишлоқ хўжалиги бошқармаси бошлиғининг туман ҳокими билан суҳбатда барча фермерларни йиғиб, пахта нархини 6800 сўмгача пасайтириш бўйича қўшимча шартномалар имзолаш зарурлигини билдирган аудиоёзувини эълон қилди. Қишлоқ хўжалиги вазирлиги ва ҳокимлик ҳолатга изоҳ берди.
Бектемирдан Чорвоққа борувчи йўлнинг бир қисми пулли бўлиши мумкин
Туркиянинг Onur Group компанияси ДХШ асосида Бектемирдан Чорвоққа борувчи йўлнинг қарийб 70 км қисмини реконструкция қилиб, пулли йўлга айлантиришни режа қилмоқда. Молия вазирлигида бўлиб ўтган йиғилишда «лойиҳани амалга ошириш учун тегишли ҳужжатларни тайёрлаш» бўйича келишувга эришилди.
Камбағал оилаларга тадбиркорлик фаолиятини бошлаш учун қиймати 30 млн сўмгача фоизсиз ва гаровсиз қарз берилади
Ўзбекистонда камбағал оилаларга тадбиркорлик фаолиятини бошлаш учун қиймати 30 млн сўмгача бўлган 5 йил муддатга бўлиб-бўлиб тўлаш шарти билан гаровсиз ва фоизсиз қарз ажратилади. Маблағ кичик ишлаб чиқариш ускуналари, кўчма дўконлар ва шу каби бошқа асосий воситаларни сотиб олиш учун берилади.
Ўзбекистонда ҳудудлардаги раҳбарлар ва уларнинг ўринбосарларига оғир аҳволдаги камбағал оилалар бириктирилади
Ўзбекистонда 2024−2025 йилларда тажриба тариқасида, оғир аҳволдаги оилаларни камбағалликдан чиқариш мақсадида жойлардаги ташкилотларининг 14 мингта раҳбари ва уларнинг ҳар бир ўринбосарига ҳар 6 ойда 5 тадан энг оғир аҳволдаги камбағал оилалар бириктирилади.
Ўзбекистонда энг оғир аҳволдаги 1000 та маҳалла танлаб олиниб, инфратузилмаси яхшиланади
Ўзбекистондаги энг оғир аҳволдаги 1000 та маҳалла танланиб, рўйхати шакллантирилади ҳамда уларнинг инфратузилмасини яхшилаш дастури 1 ноябргача тасдиқланади. Шунингдек, туман ва шаҳарларда камида биттадан маҳаллада «яшил маҳалла» лойиҳаларини амалга ошириш режалаштирилмоқда.
Камбағал оилалар фарзандлари давлат боғчаларига имтиёз асосида қабул қилинади
2025 йил 1 январдан камбағал оилалар фарзандларини давлат боғчаларига имтиёз асосида қабул қилиш бошланади. Шунингдек, 2025/2026 ўқув йилидан уларнинг давлат ОТМ талабалар турар жойларидаги яшаш харажатлари Давлат бюджетидан қоплаб берилади, «Эл-юрт умиди» жамғармаси алоҳида квоталар ажратади.
Ўзбекистонда Камбағал оилалар реестри шакллантирилади
Ўзбекистонда 1 декабрдан Ижтимоий ҳимоя миллий агентлиги томонидан Камбағал оилалар реестри шакллантирилади. Бу «маҳалла еттилиги» томонидан камбағал оилаларнинг ижтимоий шароити ва камбағалликка тушиш сабабларини ўрганиш орқали амалга оширилади.
Veolia Energy Tashkent — иссиқлик ва иссиқ сув тарифлари оширилиши сабаблари ҳақида
Veolia Energy Tashkent компанияси иссиқлик ва иссиқ сув учун тарифларнинг ошишини газ ва электр энергияси нархи кўтарилгани билан изоҳлади. Компания маълумотларига кўра, бугунги кунда аҳоли базавий тариф миқдорининг 16 фоизини, оширилганидан кейин эса 18 фоизини қоплай бошлайди.
Рақобат қўмитаси республика бўйлаб жами 12 млрд сўмлик давлат харидлари ноқонуний ўтказилганини аниқлади
Рақобатни ривожлантириш қўмитаси Тошкент шаҳри, 10 та вилоят ва Қорақалпоғистонда ўтказилган умумий суммаси 12 млрд сўмлик давлат харидларида қонун бузилиши ҳолатларини аниқлади.
«Очиқ бюджет» порталида «Маҳалла бюджети» бўлими ишга тушди
«Очиқ бюджет» порталида «Маҳалла бюджети» бўлими ишга туширилди. У орқали маҳаллалар кесимида Маҳалланинг ижтимоий-иқтисодий муаммоларини ҳал этиш жамғармасига ўтказилган маблағлар ва уларнинг сарфланишини кузатиш мумкин.
«Асосий мақсадимиз қишлоқ хўжалигини илмий асосланган ҳолда ривожлантириш» — президент
Президент қишлоқ хўжалигидаги режаларга оид тақдимотда уруғ импортида рақобат муҳитини яратиш, пахта етиштириш агротехникасини ривожлантириш кераклигини айтди. «Асосий мақсадимиз қишлоқ хўжалигини илмий асосланган, БМТнинг энг яхши тажрибаларини татбиқ қилган ҳолда ривожлантириш», — таъкидлади у.
Энди янги солиқ имтиёзлари кейинги йил бошидан жорий этилади
Ўзбекистонда янги солиқ имтиёзларини жорий этиш тартиби ўзгаради. 2025 йилдан бошлаб улар жорий қилинган пайтдан бошлаб эмас, балки кейинги йилнинг бошида кучга киради. Экспортчилар ва Hyatt International учун фойда солиғи имтиёзлари ҳам бекор қилинмоқда.
Ўзбекистонда жамоат транспорти учун ҚҚС имтиёзи бекор қилинади
Президент фармони билан 2025 йилдан бошлаб Ўзбекистонда жамоат транспорти ва шаҳар атрофи поездларида ташиш учун ҚҚС (12 фоиз) бўйича берилган имтиёзлар ва бошқа солиқ имтиёзлари бекор қилинади.
ОТБ Ўзбекистонда микрокорхоналарни ривожлантириш учун 300 млн доллар ажратади
Осиё тараққиёт банки Ўзбекистонда микрокорхоналарнинг молия олиш имкониятларини кенгайтиришни қўллаб-қувватлаш учун 300 млн доллар ажратади. Дастур банк хизматлари билан қамраб олинмаган ёки етарли даражада қамраб олинмаган микрокорхоналарни ривожлантиришни назарда тутади.
Inbazar дўконларида 1 эмас, 44 нафар ходим расман ишлаяпти — ДСҚ
Давлат солиқ қўмитаси Inbazar дўконларида ишлайдиган ходимларнинг фақат 1 нафари расмий равишда ишлаётганини рад этди. Қўмитанинг қайд этишича, мазкур савдо бренди остидаги 3 та тадбиркорлик субъектида жами 44 нафар ходим расман ишлаяпти.
Солиқ қўмитаси «тўловлар»ни жўнатишдаги муаммоларга изоҳ берди
Интернетда тўлов топшириқномаларини юборишда муаммолар бўлаётгани ҳақидаги хабарлар пайдо бўлди. Солиқ қўмитаси буни айрим банклар огоҳлантирмасдан янги ахборот тизимларига ўтгани билан изоҳлади. Банкларга огоҳлантиришлар юборилди.
Рақобат қўмитаси Vodiy Sanoat Faxri корхонасини пахта толаси сотишда нарх манипуляциясига йўл қўйганликда айблади
Рақобат қўмитаси Андижон бошқармаси Vodiy Sanoat Faxri МЧЖ 42,5 млрд сўмлик пахта толасини биржага қўймай, тўғридан-тўғри шартнома имзолаганини аниқлади. Корхона, шунингдек, нархларни биржа котировкаларига нисбатан арзон қўллаб, нарх манипуляцияси содир этган. Унга нисбатан тегишли чора кўрилди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг