Иқтисодиёт
Ўзбекистонда 2025 йилдан ташқи интернет канали монополияси бекор қилинади
Президент фармони билан, 2025 йил 1 январдан хусусий провайдерларга синов тариқасида халқаро Интернет тармоқларига тўғридан-тўғри уланиш ҳуқуқи берилади. «Ўзбектелеком»нинг ташқи интернет канали бўйича монополиясини 2020 йилдаёқ бекор қилиш режалаштирилганди.
UzGasTrade ва «Ўзэнергосотиш»нинг газ ва электроэнергия ташқи савдоси бўйича эксклюзив ҳуқуқлари бекор қилинади
Президент фармони билан, 2026 йилдан UzGasTrade`нинг табиий газ экспорт ва импорти бўйича ягона оператор сифатидаги ҳуқуқи, шунингдек, «Ўзэнергосотиш»нинг ҳам электр энергияси бўйича шундай ҳуқуқи бекор қилинади. Яна бир қатор компанияларнинг махсус ҳуқуқлари бекор қилинмоқда.
Президент темирйўл ва авиачипталарни сафардан камида олти ой олдин савдога чиқариш бўйича топшириқ берди
Туризм масалаларига бағишланган йиғилишда президент темирйўл ва авиачипталарни камида олти ой олдин сотувга чиқаришни топширди. Шунингдек, чет эллик ижрочилар концертларини ўтказишга қўйиладиган талабларни қайта кўриб чиқиш ва қўшни давлатлар билан чегарадан ўтиш жараёнини осонлаштириш буюрилди.
Депутат ҳукуматдан газсиз аҳоли учун электр бўйича ижтимоий нормани оширишни сўради
Қатор ҳудудлар аҳолиси газ билан таъминланмаган ва қишда электрдан иситиш учун фойдаланишга мажбур бўлмоқда, деди депутат Дониёр Ғаниев. У ҳукуматдан қишки давр учун ижтимоий нормани (ҳозир ойига 200 кВт/соат) оширишни сўради. Бош вазир ўринбосари Жамшид Қўчқоров масалани ўрганишга ваъда берди.
Ўзбекистоннинг давлат бюджети даромадлари ўсишида секинлашув давом этмоқда
Ўзбекистон давлат бюджети даромадлари биринчи чоракда 5,3 трлн сўмга ошиб, 52,6 трлн сўмни ташкил этди. Даромадлар ўсиши 11,3 фоизгача секинлашди (2023 йил январь-март ойларида ўсиш 12,8 фоиз бўлган).
Майда ойлик инфляция 2017 йил декабридан буён янги рекордни ўрнатди, бу коммунал тарифлар ошиши фонида юз берди
Май ойида Ўзбекистонда инфляция 2,8 фоизгача тезлашди, бу 2017 йил декабридан бери энг юқори кўрсаткичдир. Йиллик нархлар ўсиши 10,5% дан ошди. Кўрсаткичга газ (+29%), электр (+67%) ва ижара (+17,3%) тарифларининг ошиши таъсир қилди. Дори-дармонлар нархи ўсишда давом этди.
CASCA+ транспорт йўлаги фаолиятини мувофиқлаштириш учун консорциум тузилиши мумкин
Ўзбекистон ва яна 5 та давлат вакиллари CASCA+ транспорт йўлаги бўйлаб юк ташишни ривожлантириш бўйича йиғилиш ўтказди. Унда «Ўзбекистон темир йўллари» вакиллари фаолиятни мувофиқлаштириш ва тез бузилувчи юкларни музлаткичли контейнерларда ташишни йўлга қўйиш бўйича консорциум тузишни таклиф қилди.
Президентнинг тадбиркорлар билан мулоқоти бу йил Қорақалпоғистонда бўлиб ўтади
Президент ва тадбиркорларнинг йиллик мулоқоти бу йил Қорақалпоғистонда бўлиб ўтади. У ерда халқаро бизнес-форум ҳам ўтказилади. Очиқ мулоқотни ташкил этиш бўйича комиссия тузилди. «Қорақалпоғистонда бизнес юритинг» дастури доирасида йирик брендларни республикага жалб этиш режалаштирилмоқда.
Давлат харидларидаги тўғридан-тўғри шартномаларда нархларни мажбурий очиқлаш тизимини жорий этиш режалаштирилмоқда
Давлат харидларида тўғридан-тўғри шартномани тузишдан аввал мазкур шартномадаги нархларни олдиндан мажбурий тарзда жамоатчиликка очиқлаш тизимини йўлга қўйиш таклиф этилмоқда. Иқтисодиёт ва молия вазирлиги бу бўйича президент фармони лойиҳасини ишлаб чиқди.
Икки тадбиркорга газ бўйича асоссиз ҳисобланган 15 млрд сўм қарздорлик бекор қилинди
Тошкент ва Сирдарё вилоятларидаги иккита ёқилғи қуйиш шохобчаси эгаларига табиий газдан фойдаланганлик учун 15 млрд сўм асоссиз қарздорлик ҳисобланган. Рақобатни ривожлантириш ва истеъмолчилар ҳуқуқларини ҳимоя қилиш қўмитаси вазиятни ўрганиши натижасида қарздорлик бекор қилинди.
Долларнинг расмий курси март охиридан бери илк бор 12 600 сўмдан пастлади
Марказий банк эълон қилган АҚШ долларининг сўмга нисбатан курси кетма-кет еттинчи савдо куни пасаймоқда. 24 майдан буён миллий валюта деярли 125 сўмга (1 фоиз) мустаҳкамланиб, март ойидан бери илк бор 12 600 сўмдан пастлади.
Президент Бухорода газ-кимё мажмуаси, қуёш электр станцияси ва халқаро аэропорт қурилишига старт берди
Президент томонидан Бухоро вилоятида учта йирик объект — MTO газ-кимё мажмуаси, қуёш электр станцияси ва Бухоро халқаро аэропорти қурилиши бошланди.
Биринчи чоракда газни субсидиялаш учун 8,1 трлн сўм йўналтирилди. Бу йиллик умумий ҳажмнинг 85 фоизини ташкил этади
Биринчи чоракда газ сотиб олиш ва сотиш ўртасидаги фарқни қоплаш учун давлат бюджетидан 8,1 трлн сўм субсидия ажратилди. Бу бутун 2024 йил учун режалаштирилган субсидиялар умумий ҳажмининг 85 фоизини ташкил этади.
Мажбурий автосуғурта тарифларини ошириш таклиф этилмоқда
Ўзбекистонда транспорт воситалари эгаларининг фуқаролик жавобгарлигини мажбурий суғурта қилиш (ОСАГО) бўйича тарифларни ошириш режалаштирилмоқда. ИЛМА 2019 йилда тасдиқланган суғурта тарифи миқдорини қайта кўриб чиқмоқда. Амалдаги тарифлар зарарларни қоплашга етмаётгани айтилди.
Истеъмол лимитдан 10 фоиздан кўпроққа ошса, бизнес газ ва электр учун 2 бараварлик тарифда тўлайди — энергетика вазири
Ўзбекистонда тадбиркорлик субъектлари ва бошқа юридик шахслар учун белгиланган лимитнинг 10 фоизидан ортиғи миқдорида газ ёки электр энергияси истеъмоли учун оширувчи коэффициентлар қўлланади, деди энергетика вазири. Истеъмолчилар энергоаудити бўйича ҳам янги тартиб жорий этилади.
Тарифлар оширилгач, электр ва газ истеъмоли камайди — энергетика вазири
Тарифлар оширилганидан сўнг май ойида Ўзбекистонда 2023 йилнинг шу даврига нисбатан электр истеъмоли 324 млн кВт/соатга, газники 125 млн куб метрга камайди, деди энергетика вазири. Унинг айтишича, абонентлар ва корхоналар сони кўпайиши билан истеъмолнинг камайиши энергия тежамкорлигидан далолатдир.
Ўзбекистоннинг давлат қарзи қарийб 35 млрд долларга етди
2024 йил 1 январь ҳолатига кўра, Ўзбекистоннинг давлат қарзи бир йил давомида 5,7 млрд долларга ўсиб (режа қилинган 2,9 млрд доллар ўрнига), 34,9 млрд долларга етди. Олти йил ичида қарз 3 баравар ошди. Ўтган йили давлат қарзига хизмат кўрсатиш харажатлари кескин ортди.
Ташкилот, ҳудуд ва бинолар учун энергия самарадорлиги рейтингини жорий этиш таклиф қилинмоқда
Президентга иқтисодиёт тармоқларида энергия самарадорлигини ошириш бўйича таклифлар тақдим этилди. Энергия аудитини ўтказишнинг янги тартиби йўлга қўйилади, раҳбарларга энергия самарадорлиги бўйича KPI`лар ўрнатилади, ташкилотлар, ҳудудлар ва бинолар учун энергия истеъмоли рейтинги жорий этилади.
2023 йилда Ўзбекистонга 30 та давлатдан салкам 200 млн долларлик гуманитар ёрдам юклари келди
2023 йилда Ўзбекистонга 30 та давлатдан умумий қиймати 197 млн 842 минг доллар миқдоридаги гуманитар ёрдам юклари кириб келди. У асосан Германия, Хитой, Швейцария, АҚШ ва Бельгиядан юборилган ва катта қисми соғлиқни сақлаш соҳасига тўғри келади.
Колонка. Бюрократиядан бизнесга қараб: Ўзбекистонда лицензиялаш тизимини ислоҳ қилиш
Лицензиялаш тизими тўғри йўлга қўйилмаса, бу омил мамлакатда бизнес юритиш ва ривожлантиришга жиддий тўсиқ бўлади. Давлат хизматлари кўрсатишни ислоҳ қилиш бўйича халқаро эксперт Гиоргий Цхакая ўз колонкасида ислоҳотларни қандай тўғри олиб бориш ҳақида ҳикоя қилади.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг