Иқтисодиёт
Жаҳон банки Ўзбекистонга 50 млн доллар миқдорида имтиёзли кредит ажратади
Жаҳон банки Ижрочи директорлари кенгаши «Ўзбекистонда рақамли инклюзивлик» лойиҳасини амалга ошириш учун 50 млн доллар имтиёзли кредит ажратишни маъқуллади. Лойиҳа орқали 9000 га яқин ёшлар, шу жумладан, 360 нафар ногиронлиги бўлган шахсларни ITES компанияларида иш билан таъминлаш режалаштирилган.
«Казтрансойл» 2024 йилда Россия нефтининг Ўзбекистонга транзитини уч баравар оширмоқчи
Қозоғистоннинг магистрал нефть қувури миллий оператори «Казтрансойл» 2024 йилда Россия нефтини Ўзбекистонга транзит қилишни уч бараварга оширмоқчи. Етказиб бериш ҳажмини 154 минг тоннадан 500 минг тоннагача кўпайтириш режалаштирилган.
«Барча нарсани 7 эмас, 77 марта ўлчаш керак». Энергетика вазири — Ўзбекистонда АЭС қурилиши ҳақида
Ўзбекистон «Росатом» билан АЭС қуриш масаласини муҳокама қилишда давом этмоқда, деди Энергетика вазири Жўрабек Мирзамаҳмудов. Унинг айтишича, нафақат Россия, балки бошқа мамлакатларнинг ҳам тажрибаси ўрганилмоқда. «Росатом» раҳбари аввалроқ томонлар «шартнома имзолашдан йироқда эмас»лигини айтганди.
Ўзбекистонда бу йил қишда юзага келиши мумкин бўлган газ ва электр тақчиллиги қандай қопланади?
Ўзбекистон энергетика вазири қишда юзага келиши мумкин бўлган энергия ресурслари танқислигини қандай қоплашни режалаштираётгани ҳақида гапирди. Режага кўра, мазутдан электр ишлаб чиқарилади, йирик корхоналарни тунги иш режимига ўтказилади, АГТКШларга газ етказиб бериш қисқартирилади.
Сув тежовчи технологияларни жорий этишни кредитлаш бўйича очиқ электрон платформа ишга туширилади
Ўзбекистонда сув тежовчи технологияларни жорий этишда янгича молиялаштириш тизимига ўтилиб, кластер ва фермерларга бу учун 2 йиллик имтиёзли давр билан 5 йилга 14 фоизли кредит ажратилади. Банк ва таъминотчилар билан шартнома имзолаш учун очиқ электрон платформа ишга туширилади.
Сув хўжалигида «каналларни бетонлаш бўйича зарбдор йил» эълон қилинди
Президент сув ресурсларидан фойдаланиш бўйича йиғилишда бир йил давомида сувни тежаш бўйича фавқулодда иш тизимига ўтилишини таъкидлади. Сув йўқотишлари оқибатида иқтисодиёт йилига 5 млрд доллар даромадни бой бераётгани сабаб сув хўжалигида «каналларни бетонлаш бўйича зарбдор йил» эълон қилинди.
Ўзбекистон дунёда биринчи бўлиб яшил водороддан минерал ўғитлар ишлаб чиқаради — «Ўзкимёсаноат»
«Ўзкимёсаноат»нинг маълум қилишича, Ўзбекистон дунёда биринчи бўлиб яшил водороддан минерал ўғитлар ишлаб чиқаришни бошлайди. Бу билан ўғит ишлаб чиқаришда табиий газдан фойдаланишни қисқартириш ва ҳар йили қарийб 33 млн метр куб табиий газни иқтисод қилиш мақсад қилинган.
Ўзбекистонда электротехника саноатини давлат томонидан қўллаб-қувватлаш учун 100 млн доллар йўналтирилади
2023 йилда 2 ГВт, 2024 йилда эса яна 4 ГВт қувватга эга қуёш ва шамол электр станциялари ишга туширилади. Президент улар учун кабел, генератор, инвертор, трансформаторлар ишлаб чиқаришни маҳаллийлаштириш бўйича топшириқ берди ва электротехника тармоғига 100 млн доллар ажратилишини маълум қилди.
Ўзбекистонда фармацевтика тармоғини қандай ривожлантириш режалаштирилмоқда?
Президент энг кўп истеъмол қилинадиган 50 та дорини Ўзбекистонда ишлаб чиқариш орқали фармацевтика соҳасида маҳаллийлаштириш улушини 35 фоизга етказиш топшириғини берди. Маҳаллий ишлаб чиқарувчиларнинг бозордаги улушини 40 фоизга ошириш, шунингдек, оригинал дорилар яратишни бошлаш режалаштирилмоқда.
Ўзбекистонда АЭС қуриш юзасидан шартнома бўйича ишлар якуний босқичда — «Росатом» бош директори
Россиянинг «Росатом» давлат корпорацияси бош директори Алексей Лихачев Ўзбекистонда атом электр станциясини қуриш юзасидан шартнома бўйича ишлар якуний босқичда эканини таъкидлади. «Шартнома юзасидан ишлар анча қизғин давом этмоқда, умуман олганда, биз шартнома имзолашдан йироқда эмасмиз», — деди у.
Тошкентда автобус автомобилга нисбатан 135 баробар самаралироқ — Транспорт вазирлиги
Транспорт вазирлиги пойтахтда автобуснинг енгил транспортга нисбатан самарадорлиги 135 баробарни ташкил этаётганини маълум қилди. Таҳлилларга кўра битта енгил автотранспорт воситасида бир кунда ўртача 4,3 нафар, битта автобусда эса ўртача 580 нафар йўловчи ташилмоқда.
Оилавий меҳмон уйлари ва хостелларни my.gov.uz орқали рўйхатдан ўтказиш мумкин бўлади
Вазирлар Маҳкамаси қарори билан энди меҳмон уйи, хостел, ўтовли ва чодирли оромгоҳ фаолиятини ташкил этиш истагини билдирган шахс давлат хизматлари маркази ёки my.gov.uz орқали рўйхатдан ўтиши мумкин бўлади. Давлат хизмати бепул кўрсатилади.
Сиёсий омилларга боғлаш нотўғри деб ўйлайман, бу тижорий муносабат — Энергетика вазири Россиядан газ импорти ҳақида
Энергетика вазири Жўрабек Мирзамаҳмудов Ўзбекистон Туркманистондан газ импорт қилиш билан параллель равишда узоқроқда бўлган Россиядан ҳам газ импорт қилаётгани ҳақида гапириб, масаланинг сиёсий оқибатларига изоҳ берди. «Сиёсий омилларга боғлаш нотўғри деб ўйлайман, бу тижорий муносабатлар», деди у.
Тўртта вилоятда қаттиқ маиший чиқинди хизматлари учун янги тарифлар белгиланди
Тошкент, Самарқанд, Фарғона ва Андижон вилоятларида қаттиқ маиший чиқиндилар бўйича хизматлар учун 3500 сўмдан 5000 сўмгача бўлган миқдордаги янги тўлов тарифлари белгиланди. Республиканинг бошқа ҳудудларида ҳам янги тарифларни жорий этиш режалаштирилмоқда.
PhD ва DSc илмий даражасини олиш учун диссертация ҳимояси интернет орқали жонли эфирга узатилади
Президент фармони билан фалсафа доктори (PhD) ва фан доктори (DSc) илмий даражасини олиш учун илмий кенгаш томонидан ўтказиладиган диссертация ҳимоясини, Президент, ижод ва ихтисослаштирилган мактабларга кириш имтиҳонларини интернет орқали жонли эфирга узатиш белгиланди.
Шавкат Мирзиёев ACWA Power билан амалга оширилаётган 2 та лойиҳага старт берди
Саудия Арабистонининг ACWA Power компанияси билан Сирдарё вилоятида 1500 мегаватт қувватли буғ-газ электр станциясини тармоққа улаш ҳамда Тошкент вилоятида «яшил водород»ни «пилот» тарзда ишлаб чиқариш қувватларини барпо этиш лойиҳаларига старт берилди.
Ўзбекистон ва Саудия ўртасида 12 млрд долларлик келишувлар имзоланди
Саудия Арабистони инвестициялар вазири Ҳолид ал-Фалиҳ бошчилигидаги делегация ташрифи доирасида икки давлат ўртасида 12 млрд долларлик келишувлар имзоланди. Шунингдек, яна 11 млрд долларлик лойиҳа ва дастурларни илгари суришга келишилди. Шавкат Мирзиёев вазирни «Дўстлик» ордени билан тақдирлади.
Ўзбекистонда автотранспорт сотуви бир йил ичида 1,6 бараварга кўпайди
Ўзбекистонда октябрь ойи якуни бўйича барча автотранспорт воситаларининг сотуви 24 фоизга ўсиб, 183 мингтани ташкил этди ва ўтган йилнинг октябрь ойига нисбатан 62 фоизга кўпайди. Ой давомида қарийб 40 мингта янги маҳаллий автомобиль сотилди, электромобиллар сотуви эса 26 фоизга камайди.
«Биз об-ҳавонинг ҳар қандай инжиқлиги ва аномал совуққа тайёрмиз» — Ўзбекистон энергетика тизими раҳбарларининг ваъдаси
Президент билан учрашувдан сўнг «Ўзтрансгаз», «Ҳудудгазтаъминот», «Ҳудудий электр тармоқлари», «Ўзэнергоинспекция» ва бошқа корхоналар раҳбарларининг қиш мавсумига тайёргарлик бўйича ҳисоботлари тингланди. Улар энергия тизими «ҳар қандай об-ҳаво инжиқлиги ва аномал совуққа тайёр»лигини маълум қилди.
СПЕКА мамлакатлари йирик «яшил» лойиҳаларни қўллаб-қувватлаш учун жамғарма ташкил қилиши мумкин
Президент БМТнинг Марказий Осиё иқтисодиётлари учун махсус дастури саммитида сўзлаб, 2024 йилда «яшил» иқтисодиёт, инновациялар, логистика, муқобил энергетика, «ақлли» қишлоқ хўжалиги каби соҳалардаги йирик лойиҳаларни қўллаб-қувватлаш учун СПЕКАнинг Мақсадли жамғармасини тузишни қўллаб-қувватлади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг