Ўзбекистон элчихонаси Деҳли аэропортида 5 кг олтин билан қўлга олинган ўзбекистонликлар терговини назоратга олди. Дипломатик миссия вақтинча ҳибсга олинган фуқаролар билан учрашув ўтказиш чораларини кўрмоқда.
Сергели туманидаги автотюнинг устахонаси қаршисида юқори тезликда ҳаракатланган Kia ҳайдовчиси 27 ёшли пиёдани уриб юборди. Фуқаро шифохонада вафот этди. Тармоқларда пиёда икки машина ўртасида уюштирилган пойга йўлагига тушиб қолганини кўриш мумкин.
Тожикистон президенти Эмомали Раҳмон Россия президенти билан учрашувда «Крокус»даги теракт тожик халқи имижига жиддий зарба бўлганини билдирди. Раҳмон терроризмнинг миллати ва дини йўқлигини, бу глобал муаммо эканини таъкидлади.
Хитойда 2024 Chery International Business Conference бўлиб ўтди. Унда компания вакиллари янги «Жамоатчилик фаровонлиги ва ESG амалиётлари» лойиҳасини тақдим этди.
9 май кечқурун пойтахтдаги «Янги Ўзбекистон» истироҳат боғида мушакбозлик намойиши бўлиб ўтади, деб хабар берди Мудофаа вазирлиги.
Ўзбекистон ва Россия президентлари ҳамкорлик, жумладан, савдо-иқтисодий соҳаларни муҳокама қилди. «Ўзбекистондан ўтган йилгидек мева-сабзавот кутяпмиз. Бу сиз учун ҳам, биз учун ҳам яхши», — деди Путин. «Бизда Россия бозорини қишлоқ хўжалиги маҳсулотлари билан тўлдириш имкони бор», — деди Мирзиёев.
Арманистон 2023 йил ноябрида қабул қилинган КХШТнинг 2024 йил учун бюджети ҳақидаги қарорга қўшилмайди. Шунга қарамай, мамлакат ташкилотнинг аъзоси бўлиб қолади.
Тошкент вилояти Олмалиқ шаҳрида фуқаро хонадонига бир бош дала эчкиэмари кириб қолгани аниқланди. Жонивор Экология вазирлиги ходимлари томонидан очиқ табиатга қўйиб юборилди. Видео.
Франциянинг Suez компанияси етти йилда Тошкент сув таъминоти тизимидаги 30 мингга яқин сув сизиб чиқишини бартараф этишни режалаштирмоқда, деди компания бош директори Пол Бурдийон. Компания оқова сувларни қайта ишлаш ва саноат, қишлоқ хўжалиги, боғ ва паркларни суғоришда фойдаланишни таклиф этмоқда.
ЕИ 600 минг евро миқдорида грант ажратди. Ушбу маблағлар ҳисобидан Франция тараққиёт агентлиги ва БМТТД кўмагида Ўзбекистонда яшил бюджетлаштириш тамойиллари жорий этилади. Бу бюджетни шакллантиришда Барқарор ривожланиш мақсадлари ва экологик кун тартиб ҳисобга олинишини англатади.
Ўзбекистон президенти ЕОИИнинг юбилей саммитида иштирок этиб, Ўзбекистон амалий ҳамкорликни кенгайтиришдан манфаатдор эканини таъкидлади. У агросаноат, «яшил» технологиялар, меҳнат мигрантлари учун шароитлар яратиш ва туризм йўналишларида ҳамкорликни кенгайтириш зарурлигини қайд этди.
18 май куни Тошкентдаги Ботаника боғида ЕИнинг Ўзбекистон билан ҳамкорликнинг 30 йиллигига бағишланган фестивали бўлиб ўтади. Тадбир давомида ЕИ томонидан молиялаштирилган 40 дан ортиқ лойиҳалар тақдим этилади. Иштирокчиларни ўйинлар ва викториналар, шунингдек, гала-концерт кутмоқда.
Ўтган апрель ойи бутун дунё бўйлаб кузатувлар тарихидаги энг иссиқ апрель бўлди, шунингдек, метеорологлар кетма-кет 11-ой ҳарорат рекордини қайд этди.
Ўзбекистонда Наркотикларни назорат қилиш миллий маркази ташкил этилди. Гиёҳвандлик воситалари билан боғлиқ вазиятни ҳудудлар кесимида ўрганиш марказ фаолиятининг асосий йўналишларидан бири этиб белгиланди. Марказ директорининг мақоми президент маслаҳатчиси ўринбосариникига тенглаштирилди.
Тошкент шаҳри Темур Малик кўчасидаги бурилиш жойи ёпилгани муносабати билан 9 майдан 30, 95, 110 ва 129-сонли автобусларнинг ҳаракат йўналиши ўзгаради. Шунингдек, 72-автобуснинг иш вақти 5:00 дан бошланади.
Ўзбекистонда гиёҳвандлик ва наркожиноятларга қарши кураш бўйича 4 йиллик миллий стратегия қабул қилинди. Бунда ички ишлар органларини наркотестерлар билан таъминлаш, жиноятларни аниқлашда дронлардан фойдаланиш, мутахассислар тайёрлаш ҳажмини 5 бараварга ошириш ва бошқалар мақсад қилинган. Батафсил.
Тошкентда илк бор мудофаа соҳасидаги инновацион технологиялар фестивали бўлиб ўтди. 20 га яқин йирик ишлаб чиқариш корхонаси ўз маҳсулотларини намойиш этди. Ўзбекистон мудофаа саноати ютуқлари — «Газета.uz»нинг катта фоторепортажида.
Тошкентда Истиқболли лойиҳалар миллий агентлигининг даъвоси бўйича Binance халқаро криптобиржаси ишига доир суд жараёни давом этмоқда. «Газета.uz» учинчи йиғилишда иштирок этди.
ИИВ жазони ўташ жойларида масофавий видеоучрашувлар ташкил этиш имкониятини яратишни таклиф қилди. Хавфсиз видеоалоқа тизимини ўрнатиш учун Inm International билан 10 йиллик тўғридан-тўғри шартнома тузиш режалаштирилган.
AstraZeneca бутун дунё бўйлаб ўзининг коронавирус вакцинаси учун маркетинг рухсатномаларини қайтариб олишни бошлади. Компания бу қадамни бошқа самаралироқ дориларнинг кўплиги билан изоҳлади. Ишлаб чиқарувчи аввалроқ вакцинаси жуда камдан-кам ҳолларда тромбозга олиб келиши мумкинлигини тан олганди.
Қўшимча имкониятларга эга булиш учун сайтда рўйхатдан ўтинг