Россия бош вазири ўринбосари билан қатор ҳамкорликдаги лойиҳалар муҳокама қилинди
Иқтисодий тараққиёт ва камбағалликни қисқартириш вазирлигида Россия бош вазир ўринбосари Алексей Оверчук бошчилигидаги делегация билан учрашув бўлиб ўтди. Томонлар ҳамкорлик доирасидаги бир қатор лойиҳаларни муҳокама қилишди. Хусусан, солиқ ва божхона маъмуриятчилигини такомиллаштириш бўйича ҳаракатлар режаси кўриб чиқишди.
Болалар кутубхонаси биноси реконструкция қилинади
Республика болалар кутубхонаси меценатлар маблағлари ҳисобидан реконструкция қилинади. Кутубхонада коворкинг учун хоналар, лабораториялар ва студия барпо этилади. Лойиҳага биноан, бинонинг тарихий кўриниши сақлаб қолинади. Иш 2021 йилнинг баҳоригача якунланиши кўзда тутилмоқда.
1700 га яқин ўзбекистонликлар Россиядан олиб келинди
Россиянинг Самара вилояти ва Екатеринбург шаҳридан темир йўл рейслари орқали деярли 1700 фуқаро Ўзбекистонга олиб келинди. Келганларнинг барчаси карантинга юборилди.
Халқ депутатлари кенгашларининг ўз котибиятлари бўлади
Халқ депутатлари вилоят, туман ва шаҳар Кенгаши фаолиятига ташкилий-техникавий ва бошқа жиҳатлардан хизмат кўрсатиш вазифаси ҳокимликлар аппаратидан тегишли халқ депутатлари Кенгаши котибияти зиммасига ўтказилди. Сенат раиси Танзила Нарбаеванинг таъкидлашича, депутатлар ушбу ўзгаришларни узоқ йиллар орзу қилишган.
Гулжаҳон Йўлдошеванинг қўлга олинишига реаниматолог Фаррух Рустамовнинг ўлими сабаб бўлган
Тошкент вилоят юқумли касалликлар шифохонаси бош шифокори Гулжаҳон Йўлдошеванинг ҳибсга олинишига реаниматолог Фаррух Рустамовнинг коронавирусдан вафот этгани сабаб бўлгани маълум қилинди. Марҳум вафотидан сўнг «Жасорат» медали билан тақдирланган.
Ўзбекистонда иқтисодий ўсиш янада пасайиши кутилмоқда — ОТБ
Осиё тараққиёт банки 2020 йилда Ўзбекистон ЯИМ ҳажми ўсиши бўйича прогнозини 0,5%гача пасайтирди. Ташкилотнинг янги ҳисоботига кўра, бунга COVID-19 пандемияси, талабнинг сустлиги, саноат ишлаб чиқариши ва хизматлар соҳасидаги пасайиш сабаб бўлмоқда. Бироқ, 2021 йилда ЯИМ 6,5% гача кўтарилиши кутилмоқда.
Фуқароларнинг диний ҳуқуқ ва эркинликлари кенгайтирилмоқда
Олий Мажлис Қонунчилик палатаси «Виждон эркинлиги ва диний ташкилотлар тўғрисида"ги қонунга ўзгартиш ва қўшимчалар киритиш ҳақидаги қонунни қабул қилди. Унга кўра, ота-оналарга фарзандларига уй шароитида дин асосларини ўқитишга рухсат берилмоқда. Шунингдек, фуқароларнинг жамоат жойларида ибодат либосларида юришларига йўл қўймаслик талаби бекор қилинади.
ОТМларга кириш имтиҳонлари ўтказилишига доир якуний маълумотлар эълон қилинди
Ўзбекистонда ОТМларга кириш имтиҳонлари якунлари эълон қилинди. Имтиҳонларда 1,2 млн нафар (95,1%) абитуриент қатнашди. 63 минг нафари эса келмаган, 1187 нафари эса тест синовларидан четлаштирилган. 90 нафар абитуриентда тана ҳарорати 37 даражадан юқори эканлиги аниқланган.
Сума Чакрабарти Шавкат Мирзиёевнинг маслаҳатчиси этиб тайинланди
Европа тикланиш ва тараққиёт банкининг собиқ раҳбари Сума Чакрабарти Шавкат Мирзиёевнинг иқтисодий ривожланиш, самарали бошқарув ва халқаро ҳамкорлик масалалари бўйича маслаҳатчиси этиб тайинланди.
Коронавирус ҳолатлари сони 48 мингтага яқинлашди
14 сентябрь куни Ўзбекистонда 572 та коронавирус ҳолати қайд этилди. Жами аниқланган COVID-19 ҳолатлари сони 48 мингтага яқинлашди.
UNG компанияси Аи-92 бензини нархини арзонлаштирмоқда
15 сентябрдан бошлаб UNG АЁҚШларида импорт ва маҳаллий Аи-92 бензини нархи 5500 сўмга қадар арзонлаштирилади.
ИИО ходимларининг ҳаво шарлари сотувчиларидан уларни тортиб олиб, учириб юборганига изоҳ берилди
Ижтимоий тармоқларда Тошкент ИИББ ходимларининг кўча сотувчиларидан ҳаво шарларини тортиб олиб, уларни осмонга учириб юбораётгани акс этган видео тарқалди. Пойтахт ИИББ буни шарларнинг ёнувчи газ билан тўлдирилгани, улар портлаган тақдирда, атрофдагиларга зарар етказиши мумкинлиги билан изоҳлади.
Хавфсиз, тартибли ва қонуний меҳнат миграцияси тизимининг асосий йўналишлари белгиланди
Хавфсиз, тартибли ва қонуний меҳнат миграцияси тизимининг 6 та асосий йўналиши белгиланди. Хусусан, хориждаги ватандошлар ташкилотлари ва ўзбек диаспоралари билан алоқаларни мустаҳкамланади, меҳнат мигрантлари молиявий ва ижтимоий қўллаб-қувватланади, уларнинг ҳаёти ва соғлиғини суғурталаш амалиёти кенгайтирилади.
Хорижга ишлашга кетаётган кам таъминланган оилалар аъзоларига 10 млн сўмгача микроқарз берилади
Хорижга ишга кетаётган кам таъминланган оилалар аъзоларига бир йил муддатга 10 млн сўмгача миқдорда микроқарзлар берилади. Микроқарз фоиз ставкасининг 14 фоизли пунктидан юқори бўлган қисми, лекин 21 фоиздан ошмаган миқдори Бандликка кўмаклашиш давлат жамғармаси маблағлари ҳисобидан компенсация қилинади. Шунингдек, 446 минг сўм (40 долл) бир марталик моддий ёрдам кўрсатилади ҳамда ушбу мақсадларга 4,1 млрд сўм маблағ ажратилади.
Ташкилий равишда хорижда ишлашга кетаётганлар мажбурий касб-ҳунарга ўқитилади
1 январдан бошлаб ташкиллаштирилган меҳнат миграцияси йўли билан хорижга чиқиб кетаётган шахсларни, ишга юборишдан олдин мажбурий тартибда касб-ҳунарга ўқитиш тизими жорий қилинмоқда.
Электр ва газ истеъмоли ҳисобини юритиш ва назорат қилиш бўйича онлайн тизим яратилади
Ўзбекистонда электр энергияси ва табиий газни ҳисобга олиш ва назорат қилиш бўйича яхлит онлайн тизим яратилади. Бу мақсадлар учун қарийб 1,2 миллиард доллар маблағ йўналтирилмоқда. «Бу маблағларнинг натижадорлиги ва қайтими фақатгина ҳисоблагичларни ўрнатиш билан ҳал бўлиб қолмайди. Истеъмолчи сарф қилган энергия ресурси ҳажмини билиш билан тизимдаги йўқотишлар ва ўғирликларга чек қўйиб бўлмайди», — дея таъкидлади президент Шавкат Мирзиёев.
Суд Korean and Migrations бандлик агентлиги иши бўйича судланувчиларга ҳукм чиқарди
Korean and Migrations мансабдорлари, шунингдек, хусусий бандлик агентлиги фаолияти билан алоқадор бошқа шахслар фирибгарлик ва қалбакилаштиришда айбдор деб топилди. Агентлик директори ва Наманган вилоят филиали бошлиғига 9 йилдан озодликдан маҳрум этиш жазоси тайинланди.
Жаҳон янгиликлари дайжести
Жаҳон нефть истеъмолининг кескин камайиши, Россияда чет эллик фуқаролар учун янги талаблар, Исроилда янги карантин чоралари ва бошқа янгиликлар — «Газета.uz»нинг жаҳон янгиликлари дайжестида.
Бир кунда содир бўлган бешта ЙТҲда тўққиз киши вафот этди
ЙҲХББ 13 сентябрь куни бешта йўл-транспорт ҳодисаси содир бўлгани ҳақида хабар берди. Бахтсиз ҳодисалар натижасида тўққиз киши ҳалок бўлди, уч киши жароҳатланди.
Мутахассис мактаб ўқувчилари иммунитети кучсизланишининг сабаблари тўғрисида
Мактаб ўқувчиларининг иммунитети заиф бўлишининг сабаблари нимада, болалар учун соғлом уйқу ва овқатланиш рациони қай тартибда бўлиши керак? Соғлиқни сақлаш вазирлигининг ўқув-тарбия муассасалари бўйича бош мутахассиси, тиббиёт фанлари доктори Инобат Аҳмедованинг тавсиялари.
Қўшимча имкониятларга эга булиш учун сайтда рўйхатдан ўтинг