Самарқанд ва Андижон пуллик йўли 5−6 доллар бўлади
Тошкент-Самарқанд ва Тошкент-Андижон пуллик йўлларидан ўтиш нархи 5−6 доллар (эквивалентда) атрофида бўлиши кутилмоқда. Бу йўллардаги ҳаракатланишнинг максимал тезлиги 120−150 км/с бўлиши мумкин.
$1000 порадан бош тортган кадастр ходимига 10 млн сўм мукофот берилди
Кадастрнинг Зангиота туман филиали бўлими бошлиғига жамиятларнинг бирининг раҳбарияти томонидан 1000 доллар пора таклиф қилинди. Ходим бу ҳақда ҳуқуқни муҳофаза қилувчи органларга мурожаат этгани боис, Кадастр агентлиги томонидан 10 млн сўм мукофот берилди.
Тошкентда маст бемор шифокор аёлни калтаклади
Чоршанба куни Тошкентда шифокор-токсиколог тиббий кўрикка келган, маст фуқаро томонидан калтакланди. Шифокорнинг аҳволи оғирлиги ва кучли карахтлик ҳолатига тушиб қолгани айтилмоқда. Унга «қўшма краниофациал жароҳат, оғир даражадаги бош мия ёпиқ жароҳати, назогеморрея» ташхиси қўйилган. Шифокорни калтаклаган шахс ҳибсга олинган.
Жаҳон янгиликлари дайжести
Сувайш каналида ҳаракатнинг тўхтаб қолиши кунига 9,6 млрд долларлик зарар етказаётгани, Буюк Британияда собиқ бош вазирга қарши тергов ишларининг бошлангани, Шимолий Кореянинг Япония томон баллистик ракеталарни учиргани ва бошқа янгиликлар — «Газета.uz»нинг жаҳон янгиликлари дайжестида.
Россия 1 апрелдан Ўзбекистон билан авиақатновларни қайта тиклайди
Россия 1 апрелдан бошлаб Ўзбекистон билан ҳафтасига бир маротаба Москва-Тошкент йўналишида авиақатновларни қайта тиклайди. Бу бўйича Россия тезкор штабининг йиғилиши ўтказилди.
Президент — энергия таъминоти ҳақида: «Мен ўйлайманки, коррупция қилиш учун бу соҳани ислоҳ қилишмаган»
Шавкат Мирзиёев таъкидлашича, электр энергия ва газ соҳаси «коррупция қилиш учун ислоҳ қилинмаган». У 2021 йилда 5377 маҳаллада (60%) 15 минг км электр узатиш тармоқлари ва 4000 та трансформаторларни таъмирлаш бўйича кўрсатма берди. Энергетика вазири ўтган 25 йиллик даврга қараганда сўнгги 4 йилда 2,5 бараварга кўпроқ электр тармоқлари қурилганини маълум қилди.
Яшнобод туманида юк машинаси уриб юборган аёл вафот этди
Тошкент шаҳрининг Яшнобод туманида юк машинаси 60 ёшли аёлни уриб юборди. Фуқаро воқеа жойида вафот этди.
«Амирсой» яқинида содир бўлган кўчки юзасидан расмий муносабат билдирилди
«Амирсой» курортига олиб борувчи автомобиль йўли ҳудудида 6 март кунидан бошлаб 10−20 смгача сурилиш, 1 метргача чўкишлар давом этаётгани маълум қилинди. Мазкур ҳодиса кўп миқдорда қор ва ёмғир ёғгани, намгарчилик меъёридан ортгани сабабли юзага келгани айтилмоқда.
Мажбурий мехнат бўйича халқ таълими ходимларига топшириқ берганларга ҳам чора кўриш керак — Шерзод Шерматов
Халқ таълими вазири Шерзод Шерматов мажбурий мехнат бўйича халқ таълими ходимларига топшириқ берганларга ҳам чора кўриш кераклигини таъкидлади. Сенат раиси Танзила Нарбаева эса мажбурий меҳнатга жалб қилиш занжирининг ортида ҳокимлар турганига ишора қилди.
Долларнинг расмий курси пасайди
Долларнинг расми курси 17,34 сўмга пасайди ва жами 10 490,34 сўм этиб белгиланди. Шунингдек, евро ва рубль курслари ҳам тушди.
ЙПХ ходими автомобилда «отвёртка» борлиги учун далолатнома тузганлиги юзасидан суриштирув бошланди
Ижтимоий тармоқларда ЙПҲ ходими автомобилда «отвёртка» борлиги учун далолатнома тузганлиги ҳақида видео тарқалди. Ҳолат юзасидан Тошкент вилояти ИИББ томонидан суриштирув ҳаракатлари олиб борилмоқда.
Андижонда 6 гектар ерни $18 мингга сотмоқчи бўлган фермер ушланди
Андижонда 6 гектар ерни $18 мингга сотмоқчи бўлган фермер ушланди. Бош прокуратура ҳузуридаги департамент ва ДХХ ходимлари томонидан ўтказилган тезкор тадбирда фермер 189 млн сўмни олган вақтида қўлга тушгани айтилмоқда. Унга нисбатан Жиноят кодексининг фирибгарлик ва пора беришга оид моддалари билан жиноят иши очилди.
«Бюджет маблағлари талон-тарож қилинса, прокурорлар ҳам жавобгар бўлади» — президент
Шавкат Мирзиёев бюджет маблағларининг манзилли ва самарали сарфланишини прокуратура тизими назорат қилиб боришини маълум қилди. 2020 йилда «манзилли дастур"ларга йўналтирилган бюджет маблағларининг 8 фоизи талон-тарож қилинган. «Нимага биз пешона теримиз билан топаётганимизни улар талон-тарож қилаяпти?», — деди президент.
Монополияга қарши курашиш қўмитаси раиси Тошкент вилояти ҳокимига ўринбосар бўлди
Монополияга қарши курашиш қўмитаси раиси Нажмиддинхўжа Шарипов Тошкент вилояти ҳокимининг инвестиция ва ташқи савдо масалалари бўйича ўринбосари вазифасига тайинланди.
Қирғизистон бош вазири Тошкентга келди
Қирғизистон Бош вазири Улугбек Марипов Тошкентга икки томонлама ҳамкорлик бўйича ҳукуматлараро комиссия йиғилишига ташриф буюрди. Аэропортда уни Ўзбекистон ҳукумати раҳбари Абдулла Арипов кутиб олди.
Истанбул Тошкент кўчаларини ободонлаштиришга кўмаклашади
Истанбул ва Тошкент ўртасида ободонлаштириш соҳаси бўйича меморандум имзоланди. Шаҳарлар гул ва кўчатларни экишнинг янги технологиялари, йўл қурилиши, кўприкларни сақлаш бўйича ҳамкорлик қилади.
Японияда Олимпия машъаласи эстафетаси бошланди
Японияда Олимпия машъаласи эстафетаси старт олди. У мамлакатнинг барча 47 префектураларида бўлиб ўтади ва Токиода тугайди.
Самбо бўйича 2021 йилги Жаҳон чемпионати Тошкентда бўлиб ўтади
Спорт ва жанговар самбо бўйича Жаҳон чемпионати 12−14 ноябрь кунлари Тошкентда бўлиб ўтади. Спортчилар 21 медаллар тўплами учун кураш олиб борадилар.
«Амирсой» дам олиш маскани яқинида йўл чўкиш ҳолати кузатилди
Бўстонлиқ тумани «Амирсой» дам олиш масканига олиб борувчи йўлнинг 19−20 пикетида йўл чўкиш ҳолати кузатилди. Транспорт ҳаракати тўхтатилиб, дам олишга бормоқчи бўлганлардан сиҳатгоҳ томон ҳаракатланмаслик сўралмоқда.
ЖССТ Тожикистонда полиомиелит эпидемияси ҳақида хабар берди
Тожикистонда полиомиелит эпидемияси тарқалиши эълон қилинди, 2-турдаги полиовирус билан касалланган болаларда фалаж касаллигининг тўртта ҳолати қайд этилди. ЖССТ эпидемияни иккинчи даражали фавқулодда ҳолат деб таснифламоқда.
Қўшимча имкониятлардан фойдаланиш учун сайтда рўйхатдан ўтинг