Ишламайдиган фуқаролар пенсия олишлари мумкин бўлади
1 июлдан бошлаб ишламайдиган фуқаролар пенсияга чиқишлари учун, уларнинг турмуш ўртоқлари ҳар ойда ўз даромадидан ижтимоий солиқ тўлашлари мумкин бўлади. 2005 йилдан аввалги йиллар учун иш стажи меҳнат дафтарчасидаги мавжуд ёзувлар асосида, ҳеч қандай қўшимча ҳужжатлар сўралмасдан ҳисобланади.
Ўзбекистонда 318 та мактаб қўлбола печлар орқали иситилмоқда
Ўзбекистон бўйича мавжуд жами 10 008 та мактабнинг 318 таси (162 та мактаб ва 156 та мактаб филиали) қўлбола (буржуй) печлар орқали иситилмоқда. Қўлбола печлар орқали иситилаётган мактабларда ўқувчиларнинг ис газидан заҳарланиши эҳтимоли юқори.
Бухорода 263 млн сўмлик техникаларни ўзлаштирган шаҳар маданият бўлими собиқ раҳбарига жиноят иши қўзғатилди
Бухоро вилоятида шаҳар маданият бўлими собиқ раҳбари бўлимга тегишли 24 дона «LED» экранларини белгиланган талабларга зид равишда ҳисобдан чиқарганликлари аниқланди. Умумий ҳисобда 263,5 млн сўмлик давлат мулки талон-торож қилинганлиги маълум бўлган.
Кириш имтиҳонида энг юқори балл тўплаган 200 нафар талабага Президент гранти берилади
ОТМларга кириш имтиҳонида энг юқори балл тўплаган 200 нафар ёшлар учун Президент гранти жорий этилиши кутилмоқда. Грант соҳиби бўлган талаба барча фанлардан ўзлаштириш кўрсаткичи «аъло» баҳо бўлса, унга президент гранти стипендияси тўлаб борилади.
Самарқандда болалар боғчаси тарбияланувчисининг калтакланиши бўйича прокуратура текшируви бошланди
Самарқанд вилоятидаги МТМ мудираси болани калтаклаётгани акс этган видеолавҳа бўйича тергов ишлари бошланди. Мудиранинг изоҳ беришига кўра, у бола ҳақоратли сўзларни айтгани учун қизиққонлик қилган.
Ҳафта охирида ҳаво совиб, қор ёғиши кутилмоқда
Ҳафтанинг биринчи ярмида ҳаво баҳорий илиқ ҳаво сақланиб туради. 22 январда об-ҳаво кескин ўзгаради ва республика бўйича қор ёғиши кутилади.
«Аравани тортмаса, кетиши керак». Президент амалдорларнинг ишдан олиниши ҳақида
Шавкат Мирзиёев 10 кун ичида икки нафар вазир ҳамда бир қанча вазир ўринбосарлари ишдан бўшатилганига тўхталди. Қолаверса, давлат раҳбари икки нафар бош вазир ўринбосарининг «охирги хайфсан билан зўрға ишда қолганини» айтди. «Аравани тортмаса, кетиши керак», — деди президент.
2022 йилдан тиббиёт ташкилотлари ихтиёрий аккредитациядан ўтказилади
Тиббиёт ташкилотларини 2022 йил 1 январдан ихтиёрий аккредитациядан ўтказиш механизми жорий этилади. Ташкилотларга олий, биринчи ва иккинчи тоифаларга кўра, аккредитация гувоҳномаси берилади.
Ўзбекистонга АҚШ ва Германия компанияси ишлаб чиқарган 100 минг дона Pfizer вакцинаси олиб келинади
Ўзбекистонга АҚШнинг Pfizer ва Германиянинг BionTech компаниялари томонидан ишлаб чиқарилган 100 минг дона вакцина олиб келинади. Мамлакатда эмлаш жараёнига тайёргарлик кўриш учун GAVI ташкилоти томонидан 17 та катта хажмдаги рефрижераторлар ва 206 та юк ташувчи минивен автотранспорт воситалари тақдим этилган.
Тошкентда одамларни қарийб 95 минг долларга чув туширган авиакасса раҳбари қўлга олинди
Тошкентда пандемия шароитида чет элга даволаниш учун боришга асос бўлувчи касаллик ҳақидаги ҳужжатларни 1200 доллардан пуллаган авиакасса раҳбари жиноят устида қўлга олинди.
2020 йилда 1723 нафар мансабдор давлатга 500 млрд сўм зарар етказди
2020 йилда 1723 нафар мансабдорга жиноий иш қўзғатилди. Улар давлатга 500 млрд сўм моддий зарар етказган. Жавобгарликка тортилган амалдорларнинг 9 нафари республика, 45 нафари вилоят ва 1669 нафари туман-шаҳар миқёсидаги вазирлик, идора ва ташкилотларда фаолият юритган.
Қашқадарё вилояти ҳокими ўринбосарлари даволанишда, уларнинг ўрнига вақтинча ёшлар тайинланди
Қашқадарё вилоят, туман ва шаҳар ҳокимлари ўринбосарлари даволанишга жўнатилди. Уларнинг ўрнига вақтинча ёшлар ҳоким ўринбосарлари этиб тайинланди.
Долларнинг расмий курси яна кўтарилди ва 10 500 сўмдан ошди
Долларнинг расмий курси 27 сўмга қимматлади ва жами 10 500 сўм этиб белгиланди. Шунингдек, рубль курси ҳам бироз кўтарилди, евро эса арзонлади.
Термизда суд биносида журналистлар билан содир бўлган ҳолатга изоҳ берилди
Судьялар олий кенгаши Термизда суд биносида журналистлар билан содир бўлган ҳолат юзасидан изоҳ берди. Суд мажлисида қатнашишга рухсат беришини қўпол тарзда сўраган ОАВ ходимлари бўйича Бош прокурорга тақдимнома киритилгани маълум қилинди.
Чимбойда болалар мактабга пиёда ёки эшак миниб боришади. Велосипедлар сотиб олиш учун пул йиғиш бошланган
Қорақалпоғистоннинг Чимбой тумани «Қизилўзак» қишлоғида яшовчи болалар 8 км узоқликда жойлашган мактабга пиёда, эшакда ва велосипедда қатнамоқда. Қишлоқда 150 га яқин бола мактабга боради ва ҳозирда уларга велосипед сотиб олиш учун пул йиғиш бошланган. Аввалроқ
Индонезиядаги зилзила ва сув тошқини қурбонлари сони 96 кишига етди
Индонезияда содир бўлган 6,2 балли зилзила ва сув тошқини оқибатида 96 киши ҳалок бўлди. 70 мингдан ортиқ аҳоли уйларини тарк этди.
Вилоят ҳокимлари қисқа муддатли таътилга чиқмоқдалар
Президент администрацияси тасдиқлаган жадвал асосида вилоят ҳокимлари босқичма-босқич қисқа муддатли таътилга чиқмоқдалар. Улар таътилда профилактик тиббий кўрикдан ўтказилади.
Алексей Навалний Москвада ҳибсга олинди
Тўрт ойдан кўпроқ вақт ўтгач, россиялик мухолифатчи Алексей Навалний Россияга қайтиб келиши билан ҳибсга олинди. Унинг самолёти Внуково аэропортида қўниши керак эди, аммо бундан бир неча дақиқа олдин самолёт Шереметьевога йўналтирилди. Навалний паспорт назоратидан ўтаётган пайтда ҳибсга олинган.
Барча вилоят судлари раислари тайинланди
Президент фармойиши билан 5 йил муддатга барча вилоятлар судлариниг раислари тайинланди. Улар вилоятларнинг жиноят, фуқаролик ва иқтисодий судлари негизида ташкил этилган.
Афғонистондаги зилзила Ўзбекистонда ҳам сезилди
Эпицентри Афғонистонда бўлган зилзила Ўзбекистонда сезилди. Тошкентда ер силкинишининг магнитудаси 2−3 балл атрофида бўлди.
Қўшимча имкониятлардан фойдаланиш учун сайтда рўйхатдан ўтинг