Телеграмда видеомулоқотлар пайдо бўлиши эълон қилинди
Павел Дуров Телеграмда видеомулоқотлар пайдо бўлишини эълон қилди. Унинг ишга туширилиши 2020 йилнинг охиригача режалаштирилган. Шунингдек, 400 млн фаол фойдаланувчига эга мессенджер таълимга ҳисса қўшиш мақсадида барча фанлар ва даражалар учун тест синовлари маълумотлар базасини яратишини маълум қилди.
Коронавирусга чалинган бемор ўткир нафас, ўпка ва юрак етишмовчилигидан вафот этди
Тошкент тиббиёт академиясида коронавирусга чалинган бемор ўткир нафас, ўпка-юрак ва полиорган етишмовчилигидан оламдан ўтди. Мамлакатда COVID-19 инфекцияси асоратларидан вафот этган беморлар сони 8 нафарга етди.
Асакада мансабдор шахс фермердан 10 минг доллар пора олаётганда ушланди
Агросаноат мажмуи устидан назорат қилиш инспекцияси Асака тумани бўлими раҳбари фермердан 10 минг доллар пора олаётганда ушланди.
Шанба куни кучсиз ёмғир ёғиб, момақалдироқ бўлиши кутилмоқда
Жума ва шанба куни кечқурун кучсиз ёмғир ёғиб, момақалдироқ бўлиши ва шамолнинг тезлиги 15−20 м/с гача кучайиши кутилмоқда. Кундузги ҳарорат 22−25 даражагача пасаяди.
Uzcard ягона электрон чипта сотиш тизимини яратиши мумкин
Ўзбекистонда ягона электрон чипта сотиш тизими яратилади. Тизим орқали транспортлар учун ва бошқа чипталарни сотиб олиш мумкин бўлади.
Коронавирусдан соғайганлар сони 600 кишига яқинлашди
Ўзбекистонда коронавирус инфекциясидан тўлиқ соғайган беморлар сони 598 нафарга етди.
Грузиянинг TBC банки Ўзбекистонда ўз фаолиятини июнь ойида бошлайди
TBC Uzbekistan июндан иш бошлайди. Банк нақд пул кўринишидаги кредитлар, иш ҳақи гаров кредитлари, автокредитлар ва бошқа хизматларни таклиф қилади. Банкка тегишли Payme компанияси эса алоҳида ишини давом эттиради.
Уханда беморларга ёрдам берган қурилмалар Тошкентга олиб келинди
Ухань шаҳрида COVID-19 нинг оғир кўринишларини даволашда юқори самара берган КТЭА ўпка касалликларини даволаш учун электрон аппаратлар Тошкентга олиб келинди. Қурилмалар шифохоналарга коронавирус инфекцияси билан касалланган беморларни даволаш учун беғараз топширилади.
Ўзбекистон пандемия оқибатларини юмшатиш учун 3,1 млрд доллар жалб қилмоқчи
Ўзбекистон коронавирус пандемияси оқибатларини юмшатиш учун 3,1 млрд доллар жалб қилишни режалаштирмоқда. Ушбу маблағларнинг 277,5 млн доллари — соғлиқни сақлаш тизимини мустаҳкамлаш, 700 млн доллари — тадбиркорликни, 300 млн доллари — коммунал ва энергетика корхоналарини қўллаб-қувватлашга сарфланади. Давлат бюджетига 1,8 млрд доллар йўналтирилади.
Журналист аёл фаолиятига қаршилик қилган ҳоким котиби ишдан бўшатилди
Фарғона вилоятининг Учкўприк туманида «Маърифат» газетаси мухбири фаолиятига қаршилик кўрсатган ҳоким котиби билан тузилган меҳнат шартномаси бекор қилинди. Ҳолат туман ҳуқуқ-тартибот органлари томонидан ўрганилмоқда.
Google Ўзбекистонда солиқ тўлашни бошлади
Google, Apple, Samsung, Netflix ва бошқа компаниялар Ўзбекистонда қўшилган қиймат солиғини тўлаш учун рўйхатдан ўтишди. Google 2020 йилнинг I-чораги якунларига кўра давлат бюджетига 85 минг евро миқдорида маблағ тўлаган.
Электрон рақамли имзо сертификатини масофадан туриб олиш мумкин
Жисмоний ва юридик шахсларга электрон рақамли имзо калити ва сертификатини масофадан туриб олиш механизми жорий қилинди. Шахсни тасдиқлаш учун фуқаро паспортининг асосий саҳифаси билан селфи фото тушиб уни юбориш керак бўлади.
Фарғонада 19 нафар коронавирус бемори тузалди
Фарғона вилояти юқумли касалликлар шифохонасидан коронавирус инфекциясига чалинган 19 нафар бемор соғайди. Улар орасида уч ойлик чақалоқ ҳам бор. Мамлакат бўйлаб тузалганлар сони 582 кишига етди.
Илон Маск ва бошқа тадбиркорлар Дональд Трамп маслаҳатчиларига айланишди
Дональд Трамп коронавирус пандемиясидан кейин АҚШ иқтисодиётини тиклашга қаратилган «Американинг буюк иқтисодий тикланиши» лойиҳасига жалб этиладиган шахслар рўйҳатини эълон қилди. Унга Илон Маск, Жефф Безос, Марк Цукерберг ва бир қатор таниқли Америкалик тадбиркорлар ва давлат арбоблари кирган. Уларнинг асосий вазифаси инқироздан кейин АҚШ иқтисодиётини тиклаш масаласида Трампга маслаҳат бериш.
Коронавирусдан тузалганлар сони 563 кишига етди
Қашқадарё вилояти юқумли касалликлар шифохонасидан навбатдаги 2 нафар коронавирус инфекциясига чалинган бемор бутунлай соғайди. Мамлакат бўйлаб коронавирус инфекциясидан жами 563 нафар бемор тўлиқ шифо топди.
Коронавирус беморлари сони 1778 кишига етди
Коронавирус беморлари сони 20 нафарга ортиб, жами 1778 кишини ташкил этмоқда.
Ўзбекистон COVID-19 оқибатларига қарши курашиш учун энг камида 1,6 млрд доллар қарз олади
Халқаро молия ташкилотлари Ўзбекистон ҳукуматига бюджетни қўллаб-қувватлаш ва Инқирозга қарши кураш жамғармасини молиялаштириш учун энг камида 1,6 млрд доллар кредит маблағларини тақдим этади.
COVID-19 тасдиқланган ҳолатлар 1758 тани ташкил этмоқда
Ўзбекистонда коронавирус инфекцияси қайд этилганлар сони 23 кишига ошиб, 1758 нафарни ташкил қилмоқда.
Зироат Мирзиёева раислигидаги «Zamin» фонди 5 минг нафар аёлга моддий ёрдам берди
«Zamin» фонди 5 млрд сўм миқдоридаги хайрия маблағини Ўзбекистоннинг барча ҳудудларидаги ёрдамга муҳтож 5 минг нафар аёлга йўналтирди. Фонд атроф-муҳитни муҳофаза қилиш, ҳаво ифлосланишини мониторинг қилиш, эшитиш қобилияти заиф болаларнинг яшаш ва таълим шароитларини яхшилаш ва бошқа йўналишдаги лойиҳаларни қўллаб-қувватлайди.
Тайёр тўқимачилик маҳсулотларини ишлаб чиқаришни 4−5 бараварга кўпайтириш топширилди
Президент «Ўзтўқимачиликсаноат» уюшмасига келгуси 5 йилда тайёр маҳсулот ишлаб чиқаришни 4−5 бараварга кўпайтириш, таннархни рақобатчиларга нисбатан арзонлаштириб, ташқи бозорларни эгаллаш бўйича топшириқлар берди. Шунингдек, ЕИ бозорлари учун GSP+ мақомини олиш ҳамда маҳсулотларни BSI стандартлари асосида сертификатлашни жадаллаштириш топширилди.
Қўшимча имкониятлардан фойдаланиш учун сайтда рўйхатдан ўтинг