Ўзбекистонликлар Жанубий Кореяга ўқиш учун борган хорижликлар орасида 5-ўринда
Йилнинг биринчи ярмида 200 мингдан ортиқ хорижлик Жанубий Кореяга ўқиш ёки амалиёт ўташ учун борди. Ўзбекистон бу кўрсаткич бўйича бешинчи ўринни эгаллади — 5 минг киши. 2027 йилгача Корея ўз университетларига 300 минг чет эллик талабани жалб қилишни режалаштирмоқда.
Ўзбекистонда кузда иш ҳақи, пенсиялар ва нафақалар миқдори оширилади
Ўзбекистонда 1 сентябрдан бошлаб пенсиялар ва нафақалар 15 фоизга оширилади. 1 октябрдан эса бюджет ташкилотлари ходимларининг маоши 10 фоизга, ўқитувчилар ва тиббиёт ходимларининг маоши эса 15 фоизга кўтарилади.
Қуёш панели ўрнатилганда солиқ имтиёзларини қўллашга чеклов олиб ташланди
Президент Солиқ қўмитасига қуёш панелларини ўрнатишда ер ва мол-мулк солиғи имтиёзларидан тўлиқ фойдаланиш бўйича чекловни олиб ташлаш топшириғини берди. Ҳозирда имтиёз фақат майдоннинг қайта тикланувчи энергия манбалари ускуналари ўрнатилган қисмига тегишли.
Click I-REC сертификатини олган биринчи тўлов компанияси бўлди
Click Ўзбекистонда қайта тикланадиган манбалар электр энергиясидан фойдаланишни тасдиқловчи I-REC яшил сертификатини олган биринчи тўлов тизими бўлди.
Сурхондарёда 10 ёшли қизга уятсиз ҳаракатлар қилишда гумонланган эркак қўлга олинди
Денов туманида 32 ёшли эркак қўшнисининг 10 ёшли қизига уйида ҳеч ким йўқлигидан фойдаланиб, уятсиз қилиқлар қилганликда гумонланмоқда. Болалар омбудсмани сўрови асосида унга нисбатан жиноят иши қўзғатилди ва қамоқ эҳтиёт чораси қўлланди.
ИИВ Салим Абдувалиевнинг ўлимини рад этди
Ўзбекистон ИИВ матбуот хизмати YouTube`даги «Авторитет» канали томонидан тарқатилган Салим Абдувалиев («Салимбой») ўлими ҳақидаги хабарни рад этди.
Украинанинг Курскдаги операцияси мақсади номаълум, аммо бу армия руҳиятини кўтарди — Economist
Украинанинг Россиянинг Курск вилоятидаги ҳужумидан кўзланган якуний мақсад номаълумлигича қолмоқда. Россия Федерацияси фронтнинг бошқа ҳудудларидан қўшинларини Украина хоҳлаганчалик тез олиб чиқмаяпти. Аммо операция украиналикларнинг руҳиятини аллақачон кўтарган, деб ёзади The Economist.
Футзал бўйича FIFA жаҳон чемпионати учта шаҳарда — Тошкент, Бухоро ва Андижонда бўлиб ўтади
Ўзбекистонда футзал бўйича FIFA жаҳон чемпионати илк бор учта шаҳар — Тошкент, Бухоро ва Андижонда бўлиб ўтади.
Зоминдаги дор йўли 18 августгача ёпилди
«Зомин» сайёҳлик-рекреацион зонасидаги дор йўли 12 августдан 18 августга қадар ишламайди. Бу пайтда йилда бир марта ўтказиладиган профилактика ишлари олиб борилади.
Ўзбекистонда битирувчиларнинг деярли 60 фоизи ҳали иш тополгани йўқ — бандлик вазири
Камбағалликни қисқартириш ва бандлик вазири Беҳзод Мусаев депутатларга ОТМларни битирган 214 минг нафар битирувчидан 126 минг нафари (59 фоизи) ҳали ҳам ишсиз эканини айтди. Август-сентябрь ойларида мавжуд бўш иш ўринларига уларни жойлаштириш режалаштирилмоқда.
Наманганда ўқитувчиларни ўт-ўлан юлишга мажбурлаган мактаб директори жаримага тортилди
Поп туманидаги 43-мактаб директори таътил пайтида ўқитувчиларга ўт-ўлан юлдирди. Унинг айтишича, «сайлов жараёнлари назорати учун келганлар ободонлаштиришни кўради». Бандлик вазирлигининг маълум қилишича, директор 17 млн сўм миқдорида жаримага тортилди.
«Янги Ўзбекистон ёшлари нимага қодир эканини бутун дунёга кўрсатди». Президент — спортчиларнинг Олимпиададаги иштироки ҳақида
Шавкат Мирзиёев спортчиларнинг Париж Олимпиадасидаги иштироки муносабати билан табриклади. «Токио Олимпиадасидан кейин топ-15 га кирамиз деб, катта мақсад қўйгандик… Бу янги Ўзбекистон ёшлари нимага қодир эканини бутун дунёга кўрсатди», — деди у.
Республика перинатал марказида 4 эгизак туғилди
Тошкент туманида яшовчи 23 ёшли аёл 4 нафар эгизак — 3 қиз ва 1 ўғилни дунёга келтирди. Чақалоқларнинг аҳволи яхши, уларнинг зарур витаминлар ҳамда она сути билан озиқланиши неонатолог-шифокор ва ҳамширалар назорати остида.
Ўзбекистон олимпия терма жамоаси Тошкент аэропортида кутиб олинади (спортчилар кортежи йўналиши)
12 август куни Ўзбекистон олимпия терма жамоаси Тошкент аэропортининг 3-терминалида тантанали кутиб олинади. Олимпиада чемпионлари ва совриндорлари аэропортдан МОҚ биносигача автобус кортежларида ҳаракатланади.
Ҳафта давомида ҳарорат кўтарилади, лекин охирида яна пасаяди
Ўтган ҳафта охирида пасайган ҳарорат янги ҳафта давомида яна кўтарилади. Душанбадан ҳаво +37…+43 даражагача исийди. Пайшанба куни шимоли-ғарбий ҳудудларга салқин ҳаво кириб кела бошлайди, жума куни эса барча ҳудудларга тарқалади.
Тошкент шаҳри ҳокимлиги — маҳаллаларда ер участкаларини сотиш платформаси ишга тушгани ҳақида
Тошкентда маҳаллалардаги ер участкалари сотиладиган ва ижарага бериладиган projects.toshkentinvest.uz платформаси ишга тушди. Йиғилган маблағлар маҳалла ва туман ривожлантириш жамғармасига йўналтирилади, дея таъкидлади ҳокимлик. Шаҳар маъмурияти сотувга қўйилган болалар майдончасига ҳам изоҳ берди.
Термизда Имом Термизий номидаги ислом институти ташкил этилди
Адлия вазирлиги Имом Термизий номидаги ислом институтини давлат рўйхатидан ўтказди. Унга 2024−2025 ўқув йили учун қабул 14 августдан 20 августгача давом этади. Мамлакатдаги олий диний таълим муассасалари сони 4 тага етди.
Тошкент ҳокимлиги Беруний хиёбонини ободонлаштириш бўйича таклифларни йиғмоқда
Тошкент ҳокимлиги Беруний хиёбонини (Беруний метро бекати ёнида) ободонлаштириш бўйича ўрганиш олиб бормоқда. Резидентлар у ерда нимани хуш кўриши, қандай объектлар ва функцияларни кўришни хоҳлаши, шунингдек, ҳудуд ҳаракатланиш имконияти чекланганлар учун қанчалик қулай эканини кўрсатиши мумкин.
Ўзбекистон Париж Олимпиадасида 13-ўринни эгаллади, бу — мамлакат тарихидаги энг яхши натижа
Париждаги Олимпиада Ўзбекистон учун мамлакат мустақил тараққиёти тарихида энг муваффақиятлиси бўлди. Республика 13 та медаль (8−2−3) билан 206 та давлат орасида умумий медаллар ҳисобида 13-ўринни, Марказий Осиёда ва МДҲда 1-ўринни ҳамда Осиёда 4-ўринни эгаллади.
«У ўзини яхши ҳис қилмоқда». Ўзбекистон бокс федерацияси — Тўлқин Қиличев ҳақида
Ўзбекистон бокс федерацияси бош мураббий Тўлқин Қиличевнинг юрак хуружидан кейинги ҳолатига изоҳ берди. «Ҳозирги кунда мураббийимизнинг соғлиги мўтадил, ўзини яхши ҳис қилмоқда. Бироз муолажалар олиши талаб этилади», — дея қайд этди ташкилот.
Қўшимча имкониятлардан фойдаланиш учун сайтда рўйхатдан ўтинг