Тошкент тиббиёт академиясининг таълим дастурлари халқаро аккредитациядан ўтказилади
2024/2025 ўқув йилидан бошлаб Тошкент тиббиёт академиясининг таълим дастурлари халқаро аккредитациядан ўтказилади. Шунингдек, тиббиёт ОТМларининг 200 нафар битирувчиси магистратура ва клиник ординатура дастурлари асосида етакчи хорижий ОТМлар ва марказларда ўқитилади.
Юк ва йўловчиларни ташишда автотранспортларга йўл варақалари энди электрон юритилади
Ўзбекистонда энди юк ва йўловчиларни ташишда автотранспортларга йўл варақалари электрон юритилади. Электрон йўл варақалари тизими шахсий енгил автомобилида йўналишсиз такси сифатида йўловчиларни ташиш билан шуғулланувчи жисмоний шахслар учун амал қилмайди.
Onix турар жой мажмуаси 2 сотих майдонга эга коттежларни 1,6 сотих нархида таклиф қилади
Onix турар жой мажмуаси мижозларга уйда қулайлик ва энергия самарадорлигини таъминлайдиган замонавий технологиялар билан жиҳозланган 1,6 дан 2 сотихгача бўлган уй майдонини танлаш имкониятини беради.
Шавкат Мирзиёев Хитойнинг Гуандун музофотига борди
Президент Хитойнинг аҳоли сони бўйича учинчи шаҳри ва Гуандун музофотидаги махсус иқтисодий зона ҳисобланган Шэньчжэнга борди. Музофот партия қўмитаси котиби Хуан Куньмин билан ўтган учрашувда ҳамкорликни, биринчи навбатда, юқори технологик тармоқларда кенгайтириш масалалари муҳокама қилинди.
Тошкент вилоятидаги колония маҳкуми йирик миқдордаги фирибгарликда гумонланиб ушланди
Оҳангарон туманидаги манзил колонияси маҳкуми 28,5 минг доллар олаётганда қўлга олинди. Унга шерикликда гумонланган икки шахс аввалроқ 29 минг доллар олаётганида ушланган. Улар қурилиш компаниясига Хоразмда 72,5 млрд сўмлик сув тармоғи тортиш лойиҳасини тендерсиз олиб беришини айтган.
«Эзгулик» жамияти раиси Навоийда Даулетмурат Тожимуратов билан учрашди
Ўзбекистон инсон ҳуқуқлари «Эзгулик» жамияти раиси Абдураҳмон Ташанов Нукус воқеалари бўйича қамалган Даулетмурат Тажимуратов билан учрашди. Маҳкум хат ва бандеролларнинг кечикиб келаётганидан, ўзининг хатлари ташқарига чиқиши қийин бўлаётганидан шикоят қилди.
Reuters: Исроил ва ҲАМАС 30 кунлик сулҳ бўйича принципиаль келишувга эришди
Исроил ва ҲАМАС гаровга олинган исроилликлар ва фаластинлик асирларни озод қилиш эвазига Ғазода бир ой давомида ўт очишни тўхтатишга принципиаль жиҳатдан келишиб олди. Битимга томонлар ўртасидаги урушни қандай тугатиш бўйича келишмовчиликлар тўсқинлик қилмоқда, деб ёзди Reuters.
Қорақалпоғистондаги электромобиль автосалонида ёнғин содир бўлди
Чоршанба куни тунда Беруний туманидаги электромобиль автосалонида ёнғин содир бўлди. Ҳодиса оқибатида автосалоннинг 90 квадрат метр майдонининг том қисми ва бир дона BYD автомобили ёниб зарарланди.
Қирғизистонда зўрлашга оид ишларни томонларнинг ярашуви туфайли ёпиш тақиқланди
Қирғизистон ҳукумати томонларнинг ярашуви туфайли зўрлаш билан боғлиқ суд ишларини ёпишни тақиқлади. Жиноятларнинг даъво муддати ва гаров эвазига озод қилиш имконияти ҳам бекор қилинди.
Зўравонлик қилган педагоглар ҳар қандай вазиятда ҳам жавобгарликка тортилиши керак — болалар омбудсмани
Болалар омбудсмани Сурайё Раҳмонованинг айтишича, болаларга нисбатан зўравонлик, номуносиб муомалага йўл қўяётган тарбиячи ва педагоглар ота-оналар норозилигини билдириш ё билдирмаслигидан қатъи назар, ҳар қандай вазиятда жавобгарликка тортилиши керак.
Антикоррупция агентлиги ССВнинг 435 млн сўмлик тендерида қонун талаблари бузилганини аниқлади
Коррупцияга қарши курашиш агентлиги Соғлиқни сақлаш вазирлигининг 435 млн сўмлик тендерида қонун талаблари бузилганини аниқлади. Аввалроқ «Газета.uz» мазкур тендер бир корхона таъсисчилари иштирокида ўтказилгани ҳақида ёзганди.
Пекинда Ўзбекистон тасвирий ва халқ амалий санъати кўргазмаси бўлиб ўтмоқда
Пекиндаги Хитой санъати ва ҳунармандчилиги миллий музейида Ўзбекистон тасвирий ва халқ амалий санъати кўргазмаси бўлиб ўтмоқда. Бу Шавкат Мирзиёевнинг мамлакатга ташрифи вақтига тўғри келди. Кўргазмада замонавий рассомларнинг 50 та сурати ва ҳунармандлар маҳсулотлари намойиш этилмоқда.
Ўзбекистон ва Хитой ҳукуматлари ўртасида 15 дан ортиқ ҳужжат имзоланди
Ўзбекистон ва Хитой ҳукуматлари атроф-муҳитни муҳофаза қилиш, инсон ресурсларини ривожлантириш, камбағалликни қисқартириш, Хитойдан Европага темир йўл экспресслари йўналишидаги ҳамкорликни кенгайтириш ва «Ҳаво ипак йўли»ни биргаликда қуриш бўйича ҳамкорлик қилишга келишиб олди.
Ўзбекистон ва Хитой ўзаро товар айирбошлаш ҳажмини 20 миллиард долларга етказмоқчи
Ўзбекистон ва Хитой раҳбарлари музокараларида Шавкат Мирзиёев ҳамкорларни Ўзбекистон давлат корхоналари ва банкларини хусусийлаштиришда иштирок этишга чақирди. Томонлар ҳудудлар кенгашини тузишга келишиб олди ва Хитой-Қирғизистон-Ўзбекистон темирйўли қурилишини тезроқ бошлаш муҳимлигини таъкидлади.
Тошкентдаги Матбуот уйининг реконструкцияси 2026 йилда битказилади — лойиҳа
Тошкентда «Газета корпуси» номи билан танилган Матбуот уйи реконструкция қилинмоқда. Ҳозирда бинонинг айрим қисмлари демонтаж қилинмоқда. Таъмирлаш ишларини 2026 йилда якунлаш режалаштирилган. Таъкидланишича, ишлар якунлангач, газета ва журналларнинг таҳририятлари бинога қайтарилади.
Click орқали коммунал тўловларни қандай қилиб тез ва фойда билан амалга ошириш мумкин
Click орқали ҳар қандай коммунал тўловларни тез ва қулай амалга ошириш, тўлов учун кешбэк ва ҳатто қоғозли квитанциялар олиш мумкин.
Тошкент ва Наманган вилоятларида қор кўчиш хавфи эълон қилинди
Ўзгидромет 25−31 январь кунлари Тошкент ва Наманган вилоятларининг тоғли ҳудудларида қор кўчиш хавфидан огоҳлантирди. Аввалроқ мамлакатнинг шимоли-ғарбий ҳудудларига Волгабўйи ҳудудларидан нам ва совуқ ҳаво массалари кириб келиши ҳақида хабар берилганди.
«Улар буни суиистеъмол қилишга ўтиб олди». Президент ерлар тўлиқ ўзлаштирилмагунча ҳокимларга саноат зоналарини кенгайтиришни тақиқлади
Президент ҳокимларга иқтисодий зоналардаги ерлар тўлиқ ўзлаштирилмагунича уларнинг майдонини кенгайтиришни ман қилди. Ўтган йили Наманган ва Бухоро вилоятлари ҳокимлари саноат зоналарида бўш ерлар кўп бўлишига қарамай, кенгайтирган. Аукциондаги савдоларда 59 фоизга яқин ер номинал қийматда сотилган.
ЖССТ Европа ва Марказий Осиёда қизамиққа қарши зудлик билан эмланишга чақирди
Европа ва Марказий Осиё мамлакатларида қизамиқ билан касалланишнинг «ташвишли ўсиши» кузатилмоқда. ЖССТ шошилинч эмлаш ишларини олиб боришга чақирмоқда. Ўзбекистонда ўтган йили қизамиқ билан касалланиш бўйича 1026 та ҳолат қайд этилган бўлса, 2022 йилда кўрсаткич атиги саккизтани ташкил этган.
Блогер Отабек Сатторий баҳорда озодликка чиқиши мумкин
Қаршидаги манзил колонияда Отабек Сатторий билан учрашган «Эзгулик» жамияти аъзоси Абдураҳмон Ташанов блогер «апрель охири, майнинг бошларида» озодликка чиқиши мумкинлигини маълум қилди. Блогер озодликка чиққач, «тинчгина ахборот технологиялари соҳасида ишламоқчи» эканини айтган.
Қўшимча имкониятлардан фойдаланиш учун сайтда рўйхатдан ўтинг