Президент Германияга тошқин қурбонлари муносабати билан ҳамдардлик билдирди
Президент Шавкат Мирзиёев Германия президенти Франк-Вальтер Штайнмайер ва канцлери Ангела Меркелга ушбу мамлакатда рўй берган ҳалокатли тошқинлар оқибатида кўплаб инсонлар қурбон бўлгани муносабати билан таъзия йўллади.
Мурод Хонтўраев автоҳалокатга учраб, вафот этди
Ўзбекистонлик ММА жангчиси, Ўзбекистон ММА ассоциацияси вице-президенти Мурод Хонтўраев автоҳалокатга учраб, вафот этди.
Шавкат Мирзиёев шу ҳафта аҳолининг даромад манбаларини кўпайтириш бўйича йиғилиш ўтказади
Президент Шавкат Мирзиёев раислигида шу ҳафта оилавий тадбиркорликни ривожлантириш ҳамда аҳолининг доимий даромад манбаларини кўпайтириш юзасидан видеоселектор йиғилиш бўлиб ўтади. Шунингдек, Бухоро, Навоий, Қашқадарё, Самарқанд ва Сурхондарё вилоятларида гидротехник иншоотларни модернизация қилиш бўйича йиғилиш ўтказилиши кўзда тутилган.
Ўзбекистон фуқароси Токиода аёл кишини зўрлашда айбланмоқда
Ўзбекистонлик 30 ёшли талаба Токиодаги Олимпиада ўйинларига тайёргарлик чоғида япониялик қизни зўрлаганликда айбланмоқда. Миллий Олимпия қўмитасининг «Газета.uz»га маълум қилишича, ушбу фуқаро Ўзбекистон Олимпия делегацияси таркибига кирмайди.
Ҳафта охирида ҳаво ҳарорати бироз кўтарилиши кутилмоқда
Ҳафта бошида республиканинг катта қисмида ёғингарчилик кутилмайди. Жума куни ҳаво ҳарорати бироз кўтарилади, чўлли ҳудудларда ҳарорат +44 даражагача кўтарилиши кутилмоқда.
Сузиш федерацияси раҳбари вақтинча ишдан четлатилди
Ўзбекистон сузиш федерацияси бош котиби Алишер Ғаниев вақтинча ишдан четлатилди. Аввалроқ, ўзбекистонлик сузувчилар ғирром йўл билан Олимпиадага чиқишга урунишгани ҳақида маълумотлар пайдо бўлган эди. МОҚ ва Спорт фахрийлари кенгаши ушбу ҳолат «спорт тамойилларига мос келмаслигини ва олимпизм қадриятларига мутлақо зид эканлигини» таъкидлади.
Навбатдаги антирекорд: бир кунда 585 кишида коронавирус аниқланди
18 июль куни Ўзбекистонда 585 нафар кишида коронавирус инфекцияси қайд этилди. 462 нафар кишида пневмония аниқланиб, 5 нафар бемор вафот этди.
Яккабоғ туман ҳокимлигининг биноси йўқлиги маълум бўлди
Яккабоғ тумани ҳокимлиги ўз биносига эга эмаслиги, ҳокимлик ҳозирга қадар Халқ демократик партиясининг балансида бўлган бинода фаолият юритаёгани маълум бўлди. Туман ҳокими бундан бош вазир ўринбосарларининг, молия вазирининг ҳам хабари борлиги ва тез орада бино қурилишини айтди.
Чироқчида ЙТҲ оқибатида 3 нафар йўловчи вафот этди
Қашқадарё вилоятининг Чироқчи туманида икки Nexia иштирокида юз берган ЙТҲ оқибатида 3 нафар йўловчи вафот этди. Икки автомашина ҳайдовчилари эса шифохонага ётқизилган.
Тошкентда фуқарога 23,5 минг доллар эвазига ер олиб бермоқчи бўлган шахс қўлга олинди
Тошкентда Қибрай туманида жойлашган 7 гектар ер майдонини 23,5 минг доллар эвазига тендер савдоларига қўйиш орқали сотиб олиб беришни ваъда қилган шаҳс қўлга олинди. Шунингдек, Сурхондарёда 2 гектар ерни 100 млн сўмга сотмоқчи бўлган шахс қўлга олинди.
17 июль куни 507 кишида коронавирус, 436 кишида пневмония аниқланди
17 июль куни Ўзбекистонда 507 нафар кишида коронавирус инфекцияси қайд этилди. 436 нафар кишида пневмония аниқланиб, 3 нафар бемор вафот этди.
Нима тайёрлаймиз: музқаймоқ
Қаймоқли, йогуртли, шоколадли ва мевали — Zira.uz уйда тайёрласа бўладиган музқаймоқлар рецептлари рўйхатини тақдим этади.
Олмазор тумани ҳокими вафот этди
Олмазор тумани ҳокими Абдумажид Муллажонов 51 ёшда вафот этди.
Жаҳонгир Ортиқхўжаев ўзбек-хитой вакцинаси билан эмланди
Тошкент шаҳар ҳокими Жаҳонгир Ортиқхўжаев хитой-ўзбек вакцинасининг иккинчи компоненти билан эмланди. «Ҳамшаҳарлар ўзбек-хитой вакцинасининг 2-босқичини қабул қилиб олдим. Ўйлайманки, бу коронавируснинг олдини олишга жуда катта ёрдам беради», — деди ҳоким.
14 тоифадаги фуқаролар COVID-19`га қарши оммавий эмланиши шарт этиб белгиланди
Республика махсус комиссияси қарорига асосан аҳоли билан мулоқотга кирувчи барча турдаги хизмат кўрсатиш ва савдо объектлари, кафе, ресторан ва чойхоналар, спорт мактаблари, маданий ва кўнгилочар масканлар, давлат ва нодавлат таълим муассасалари, тиббиёт ходимлари, ҳарбий хизматчилар, қолаверса, давлат ҳокимияти, бошқарув ва ҳуқуқни муҳофаза қилиш органлари ходимлари 1 ноябргача тўлиқ эмланиши шарт этиб белгиланмоқда. Тўлиқ рўйхат.
ОТМга кириш имтиҳонлари стадион ва хиёбонларда ўтказилади
Республика махсус комиссияси ОТМларга кириш учун тест синовларини очиқ майдонларда, хусусан, стадионлар ва хиёбонларда ўтказиш бўйича қарор қабул қилди.
Virgin Galactic космик парвозга иккита чиптани лотереяга қўйди
Virgin Galactic компанияси 2022 йилда коинотга амалга оширилиши режалаштирилган парвозга 2 та чиптани лотереяга қўйди. Ғолибга парвоздан ташқари трансфер, меҳмонхонада жой ва Ричард Брэнсон билан космодромга шахсий экскурсия ваъда қилинган.
«Эмлашни мажбурий тарзда амалга ошириш мумкин эмас» — Нурдинжон Исмоилов
Қуйи палата Спикери Нурдинжон Исмоилов қонун ҳужжатларига мувофиқ, мажбурий эмлаш мумкин эмаслигини маълум қилди. Бунинг учун ҳуқуқий ҳужжатларга ўзгартиш ёки қўшимчалар киритиш талаб этилади. Бироқ, депутатлар Республика махсус комиссиясига ихтиёрий эмланганларни рағбатлантириш ва имтиёзлар бериш ёки ҳаракатларини чеклаш борасида тавсиялар бергани айтилмоқда. Қолаверса, ходимлари эмланган кафе ва ресторанларга чекланган вақтда ҳам ишлашга рухсат бериш таклифи билдирилган.
Abdala вакцинаси коронавируснинг оғир шаклларига қарши 100% самарадорлик кўрсатди — ОАВ
Кубанинг коронавирусга қарши Abdala вакцинаси клиник синовларнинг учинчи босқичида касалликнинг оғир шакли ва ўлимга қарши 100% самарадорлигини кўрсатди. Вакцинанинг самарадорлигини ўрганиш бўйича тадқиқотларда иштирок этадиганларни 300 минг кишига етказиш режалаштирилмоқда.
Долларнинг расмий курси кетма-кет учинчи кун пасайди
Долларнинг расмий курси 14,59 сўмга пасайди ва жами 10 611,38 сўм этиб белгиланди. Шунингдек, евро ва рубль курслари ҳам бироз пасайди.
Қўшимча имкониятлардан фойдаланиш учун сайтда рўйхатдан ўтинг