Telegram фойдаланувчилари сони 500 миллиондан ошди
Cўнгги 3 куннинг ўзида Telegram орқали бутун дунё бўйлаб 25 млн фойдаланувчи рўйхатдан ўтди ва фаол фойдаланувчилари сони 500 миллиондан ошди
2020 йилда 246 млрд сўмлик бюджет камомади ва асоссиз харажатлар аниқланди
Молия вазирлигига кўра, 2020 йилда 246 млрд сўмлик бюджет камомади ва асоссиз харажатлар аниқланган ва бу миқдорнинг 168,8 млрд сўми бюджетга қайтарилган.
Маъмурий ҳуқуқбузарликларга оид ишлар энди жиноят ишлари бўйича судлар томонидан кўрилади
Жиноят ишлари бўйича судлар томонидан эндиликда маъмурий ҳуқуқбузарликка оид ишлар ҳам кўриб чиқилади. Бундан ташқари, маъмурий ҳуқуқбузарликларга оид ишларни назорат тартибида кўриш бекор қилиниб, апелляция инстанцияси жорий этилди.
Жиззахда қулаган бино юзасидан жиноят иши очилди
10 январь куни Жиззах шаҳрида қулаб тушган бино юзасидан ўтказилган терговга қадар текширув натижасига кўра Жиззах вилояти қурилиш соҳасида ҳудудий назорат инспекцияси мансабдор шахсларига нисбатан жиноят иши қўзғатилди.
Каттақўрғонда уч бола заҳарланишдан вафот этди (янгиланди)
Самарқанд вилоятида бир оиланинг барча аъзолари заҳарланди. Ҳодиса оқибатида 3 нафар вояга етмаган бола вафот этди.
Нурафшонда ҳарбий ва махсус техника ишлаб чиқариш режалаштирилмоқда
Krantas Group ва Тўйтепа металлоконструкциялар заводи Тошкент вилоятида ҳарбий ва махсус техника ишлаб чиқаришни йўлга қўймоқчи. Жумладан, енгил зирхли автомобиллар, автоцистерна, тракторлар, юк ва ахлат ташувчи, қор тозаловчи ва бошқа машиналарни ишлаб чиқариш режалаштирилган. Президентга тақдимот қилинган лойиҳа 55 млн долларга баҳоланмоқда.
ОАВ: Ўзбекистон электр станцияларидаги муаммолар туфайли Афғонистонда электр тақчиллиги юз берди
Ўзбекистон электр станцияларидаги «техник муаммолар» туфайли Афғонистонга етказиб берилаётган энергия қуввати 450 МВтдан 300 МВтгача тушиб кетди. Афғон ОАВлари бунинг натижасида Қобулнинг катта қисмида электр тақчиллиги юзага келганини айтмоқда. Ҳозирда қувват 400 МВтгача тикланди. Энергетика вазирлиги шартномада келишилган қувватнинг 85 фоизи миқдорида етказилаётганини тасдиқлади.
Боғча ёшидаги 2,7 млн боланинг қарийб 61 фоизи мактабгача таълим билан қамраб олинган
Республикада мавжуд болалар боғчасига 2,7 млн боланинг қарийб 61 фоизи қатнайди. 2017 йилда бу кўрсаткич 27,7 фоиз бўлган. Улар билан эса жами 116 996 нaфaр педагог шуғулланади. Президент 2023 йилда мактабгача таълим қамровини 75 фоизга етказиш топшириғини берган.
Ўзбекистонда ислом молиясига асосланган нобанк кредит ташкилотлари очилади
Марказий банк ислом молияси концепциясини ўз ичига олган нобанк кредит ташкилотлари тўғрисидаги қонунни қабул қилишни режалаштирмоқда. Нобанк ташкилотларга кўпроқ хизматлар кўрсатиш ҳуқуқи берилади.
Шавкат Мирзиёев Хавфсизлик кенгашининг кенгайтирилган йиғилишини ўтказди
Президент раислигида ўтган Хавфсизлик кенгашининг кенгайтирилган йиғилишида Қуролли Кучлар ва ҳарбий-маъмурий секторлар фаолиятининг 2020 йилги сарҳисоби ва келгусидаги устувор вазифалар муҳокама қилинди. Олий бош қўмондон миллий ҳарбий санъат тарихини чуқур ўрганиб, қўшинларнинг тайёргарлик усул ва услубларини янада такомиллаштириш вазифаси қўйди.
Ҳудудларнинг ҳуқуқ устуворлиги индекси жорий этилади
Давлат раҳбарининг ҳудудларнинг ҳуқуқ устуворлиги индексини жорий этишга оид қарори қабул қилинди. Унга кўра, индексни акс эттирувчи 32 та индикатор ҳамда 182 та мезон белгилаб берилмоқда. Индексни аниқлаш натижалари ҳар йили 1 майга қадар аниқланади ва ОАВда эълон қилинади.
Хотин-қизлар масалалари бўйича агентлик ташкил этиш таклиф этилди
Қонунчилик палатаси томонидан хотин-қизлар масалалари бўйича агентлик ташкил этиш бўйича таклифи киритилди. Шунингдек, давлат ва жамоат ташкилотларида салоҳиятли аёлларни раҳбарлик лавозимига тайинлаш буйича квоталаш тартиби масаласи ҳам кўриб чикилди.
Ўзбекистонда фарзанд асраб олиши мумкин бўлган шахслар рўйхати ўзгартирилади
Жамоатчилик муҳокамаси учун эълон қилинган Вазирлар Маҳкамасининг қарори лойиҳасига кўра, муқаддам қасддан жиноят содир этган шахслар томонидан фарзандликка олишни тақиқлаш тизимини ижтимоий хавфлилигига қараб белгилаш кўзда тутилмоқда.
Абдукарим Мирзаев қўйиб юборилди
Туркия полицияси томонидан шубҳали шахслар билан телефон орқали мулоқотда бўлганликда гумон қилиниб қўлга олинган таниқли журналист Абдукарим Мирзаев қўйиб юборилди. Унга нисбатан илгари сурилган барча гумонлар тасдиғини топмади.
Эски намунадаги қоғоз пул ва тангаларни алмаштириш муддати 2022 йил 1 январгача узайтирилди
Эски намудаги банктноталар ва тангаларни амалдаги пул белгиларига алмаштириб беришнинг охирги муддати 2022 йил 1 январь этиб белгиланди.
«Менинг умуман алоқам йўқ» — «Баракали қоракўл чорвадор» раҳбари Жиззахдаги уй қулаши ҳақида
«Баракали қоракўл чорвадор» фермер хўжалиги раҳбари Жиззахда қулаб тушган 6 қаватли уйнинг эгаси эканлиги ҳақидаги хабарларни рад этди. «Қурилиш қилолмайман, деб кўчмас мулкни сотганман. Мен уни бегоналаштирдим, кейин умуман аралашмадим», — деди фермер.
Олис ҳудудлардаги ишга жалб қилинган малакали мутахассисларга қўшимча тўловлар ажратилади
Етиб олиш қийин бўлган ҳудудларда жойлашган бюджет ташкилотлари ва тиббиёт муассасаларига малакали мутахассисларни жалб қилиш учун қўшимча маблағ ажратилади.
ИИВ собиқ ходимаси орадан 8 йил ўтиб, лавозимига тикланди
ИИВ собиқ ходимаси Хуршида Джалилова 2012 йилда Ўзбекистон Республикаси фуқаролигига мансуб эмаслиги хулосаси билан ишдан бўшатилган. Омбудсман Олий суд ишга тиклаш бўйича ажрим чиқарган бўлсада, нима сабабдан ижроси таъминланмагани бўйича ўрганишлар олиб борди. Унинг натижасида ИИВ собиқ ходимаси 8 йил ўтиб, лавозимига қайта тикланишига эришилди.
Жанубий Корея Ўзбекистон билан Эркин савдо шартномасини тузишни тезлаштиради
Корея Республикаси президенти Мун Чжэ Ин мамлакат Ўзбекистон билан Эркин савдо шартномасини тузишни тезлаштиришини маълум қилди.
Янгийўл шаҳрида сув таъминоти вақтинча тўхтатилди
Янгийўл шаҳрида 12 январь куни 06:00 дан 20:00 га қадар сув таъминоти вақтинча тўхтатилиб, бир қанча ҳудудларда узилишлар кузатилиши маълум қилинди.
Қўшимча имкониятлардан фойдаланиш учун сайтда рўйхатдан ўтинг