Сиёсат
14 октябрь куни Ўзбекистонда содир бўлган энг муҳим хабарлар дайжести
Алишер Қодировнинг мигрантлардан ҳам солиқ ундириш ҳақида таклифи, Tashkent City боғига кириш бепул бўлиши, Абдулазиз Камиловнинг Ўзбекистонда АҚШ ҳарбий базаларини жойлаштириш муҳокама қилинмаётганини маълум қилиши — «Газета.uz»нинг 14 октябрдаги энг муҳим хабарлари дайжестида.
Шавкат Мирзиёев Олий Евроосиё иқтисодий кенгаши йиғилишида иштирок этди
Ўзбекистон етакчиси Олий Евроосиё иқтисодий кенгашининг видеоанжуман шаклидаги навбатдан ташқари йиғилишида иштирок этди. Шавкат Мирзиёев ўзаро савдода мавжуд тўсиқларни бартараф этиш, техник регламент ва стандартларни уйғунлаштириш, божхона тартиботларни рақамлаштириш бўйича қўшма «йўл харита» сини ишлаб чиқиш таклифини илгари сурди. Шунингдек, у давлатлар раҳбарларини 2022 йил сентябрда Нукусда ўтказиладиган «Яшил» энергетика бўйича халқаро форумга таклиф қилди.
Ўзбекистонда АҚШ ҳарбий базаларини жойлаштириш муҳокама қилинмаяпти — Абдулазиз Камилов
ТИВ раҳбари Абдулазиз Камиловнинг таъкидлашича, Ўзбекистон ҳудудида АҚШнинг терроризмга қарши курашиш бўйича қуролли кучларини жойлаштириш имконияти муҳокама қилинмаяпти ва бу масала кун тартибида ҳам тургани йўқ.
АҚШ Ўзбекистон билан терроризмга қарши курашиш кучларини жойлаштиришни муҳокама қилмоқчи — ОАВ
Politico нашрининг ёзишича, АҚШ Мудофаа вазирлиги вакиллари октябрда Ўзбекистондаги ташриф давомида АҚШнинг терроризмга қарши курашиш кучларини жойлаштиришни муҳокама қилмоқчи. Шунингдек, Афғонистондан АҚШ ҳарбийлари чиқиб кетгач, Америка ташқи сиёсатида Ўзбекистоннинг ўрни мустаҳкамлашгани айтилмоқда. Бунда мамлакатнинг Вашингтондаги элчихонасининг тизимли фаолияти эътироф этилган.
13 октябрь куни Ўзбекистонда содир бўлган энг муҳим хабарлар дайжести
Ўзбекистонга олиб келинган ва мамлакатда ишлаб чиқарилган вакциналар, Google ва Microsoft Store операторининг Ўзбекистонда солиқ тўловчи сифатида рўйхатдан ўтиши, МСК — номзодларнинг сайловолди тарғиботи ва амалдаги вазифаси аралашиб кетиши ҳақида — «Газета.uz»нинг 13 октябрдаги энг муҳим хабарлари дайжестида
Шавкат Мирзиёев ЕОИИ ва МДҲ саммитларида нутқ сўзлайди
Ўзбекистон президенти Шавкат Мирзиёев 14−15 октябрь кунлари ЕОИИ ва МДҲнинг видеоалоқа шаклидаги саммитларида нутқ сўзлайди.
«Қонун бузилиши кузатилмаяпти». МСК — номзодларнинг сайловолди тарғиботи ва амалдаги вазифаси аралашиб кетиши ҳақида
МСК раиси ўринбосари Баҳром Қўчқоров номзодларнинг сайловолди ташвиқоти ва амалдаги вазифаси бўйича фаолияти аралашиб кетмаётганлиги ҳақида фикр билдирар экан: «Қонун бузилиши кузатилмаяпти», — дея таъкидлади. Унинг қўшимча қилишича, МСК зарур ҳолатда ўзининг фикрларини билдираяпти ва номзодларнинг штаблари билан иш олиб бормоқда.
БМТ Ўзбекистон орқали афғон халқига гуманитар ёрдам юборади
БМТнинг Қочқинлар масалалари бўйича бошқармаси Ўзбекистонга афғон халқи учун гуманитар ёрдам ортилган учта самолёт юборишни режалаштирмоқда. Гуманитар юк Термиздан Ҳайратон чегара пункти орқали Мозори-Шарифга етказилади. Бундай самолётларнинг биринчиси октябрь ўртасида Ўзбекистонга етиб келади. Шунингдек, агентлик Афғонистон билан чегарадош ҳудудларда логистик марказларни ташкил этишни кўзлаган.
Ўзбекистоннинг Мисрдаги элчиси тайинланди
ТИВ Консуллик-ҳуқуқий департаменти директор ўринбосари бўлиб ишлаган Мансурбек Қиличев Ўзбекистоннинг Мисрдаги элчиси лавозимига тайинланди.
Президент «Заковат» мусобақаси ғолибларини мукофотлади
Шавкат Мирзиёев «Заковат» интеллектуал ўйини гранд финали ғолиблари — Хоразм жамоасини мукофотлади. Клуб раҳбари Абдурасул Абдуллаевга фахрий унвон берилди. Президент тадбирга Бухоро вилоятига сафари чоғида ташриф буюрди.
12 октябрь куни Ўзбекистонда содир бўлган энг муҳим хабарлар дайжести
Onix савдолари 2022 йил якунидан бошланиши, Jurabek Laboratories ишлаб чиқарган «Спутник V» вакцинаси СЭСга топширилиши, ҳудудларда 310 та янги автобус йўналишлари ташкил этилиши — «Газета.uz»нинг 12 октябрдаги энг муҳим хабарлари дайжестида
Сенатнинг навбатдаги ялпи мажлиси 20 октябрь куни чақирилади
Сенатнинг 20-ялпи мажлиси 20 октябрь куни чақирилади. Унда ижтимоий тадбиркорлик тўғрисидаги қонун, Божхона кодекси, Сув ва сувдан фойдаланиш, Музейлар тўғрисидаги қонунларга қўшимча ва ўзгартишлар киритиш масалалари кўрилади. Қолаверса, бош вазир ўринбосари ва уй-жой коммунал хизмат кўрсатиш вазирининг ахборотлари эшитилади.
«Кинода ҳам мен бундай воқеани кўрмаганман». Президент — Сардоба фожиаси ҳақида
Шавкат Мирзиёев Сардоба сув омбори тўғони ўпирилишини ёдга олар экан: «Ҳозир айта оламан, умримда, кинода ҳам мен бундай воқеани кўрмаганман», — дея таъкидлади.
«„Толибон“ раҳбарияти ҳам темир йўл лойиҳаси амалга ошишига астойдил розилигини билдиряпти» — президент
Шавкат Мирзиёев Ўзбекистон Афғонистон ҳукумати билан «Термиз — Мозори Шариф — Кобул — Пешовар» темир йўли қурилиши бўйича музокараларни давом эттираётганини маълум қилди. Унинг сўзларига кўра, «„Толибон“ раҳбарияти ҳам бу лойиҳа амалга ошишига астойдил розилигини билдиряпти». «Лекин улар бир муаммога дуч келишяпти — аксарият давлатлар уларни тан олмай туриб, бундай катта ишларни амалга ошира олмайди, ҳеч ким молиялаштирмайди», — дея қўшимча қилади президент
Товар ва хизматлар ҳақидаги маълумотларни давлат тилида кўрсатиш шарт этиб белгиланмоқда
Қонунчилик палатасининг навбатдаги мажлисида депутатлар товар ва хизматлар ҳақидаги маълумотларни давлат тилида тақдим этиш шартлиги акс этган қонун лойиҳасини маъқуллашди. Ҳужжат Сенатга юборилди.
11 октябрь куни Ўзбекистонда содир бўлган энг муҳим хабарлар дайжести
Шавкат Мирзиёевнинг қашқадарёлик сайловчилар билан учрашуви, байрам кунлари якшанбага тўғри келса, душанбани ҳам дам олиш куни деб эълон қилиш таклиф этилиши, аҳолидан ортиқча ҳужжат талаб қилган 9 та вазирлик ва идора раҳбар ходимлари жавобгарликка тортилиши — «Газета.uz»нинг 11 октябрдаги энг муҳим хабарлари дайжестида.
Ўзбекистон Google компаниясидан олти марта контентни ўчиришни сўраган
Сўнгги 10 йил ичида Ўзбекистон давлат идоралари Google компаниясига контентни ўчириш бўйича 6 марта сўров юборган. Таққослаш учун: бу давр мобайнида Россия Googleга 123 мингдан ортиқ марта мурожаат қилган.
«Ягона мақсадимиз — Ўзбекистонга Афғонистондан ўқ отилмасин» — президент
Шавкат Мирзиёев ҳар куни унга Афғонистон билан чегарадаги вазият ҳақида маълумот беришларини маълум қилди. Унинг сўзларига кўра, Ўзбекистон жафокаш афғон халқига қўлидан келганча ёрдам беришга тайёр. «Бизнинг ягона мақсадимиз — Ўзбекистонга Афғонистондан ўқ отилмасин», — дея таъкидлади президент.
БМТ ИҲК ёшлар ҳуқуқлари бўйича резолюцияни қабул қилди
БМТнинг Инсон ҳуқуқлари бўйича кенгаши Ўзбекистон ташаббуси билан илгари сурилган COVID-19 пандемиясининг ёшлар ҳуқуқларига таъсири тўғрисидаги резолюцияни қабул қилди.
Аҳолидан ортиқча ҳужжат талаб қилган 9 та вазирлик ва идора раҳбар ходимлари жавобгарликка тортилди
Адлия вазирлиги давлат хизматларини кўрсатишда аҳолидан ортиқча ҳужжат талаб қилган — Бандлик ва меҳнат муносабатлари, Инновацион ривожланиш ҳамда Олий ва ўрта махсус таълим вазирликлари, Давлат экология қўмитаси, 3 та агентлик ва 2 та инспекциянинг раҳбар ходимларини жаримага тортди. Қолаверса, давлат идораларнинг 38 нафар маъсул ходимига интизомий жазо қўлланилди.
Қўшимча имкониятлардан фойдаланиш учун сайтда рўйхатдан ўтинг