Сиёсат
Ўзбекистон Президенти давлат хавфсизлик хизмати тўғрисидаги қонун маъқулланди
Сенаторлар Ўзбекистон Президенти давлат хавфсизлик хизмати тўғрисидаги қонунни маъқулладилар. ПДХХ 2018 йил январида ташкил этилган, бироқ унинг фаолияти давлат раҳбарининг ёпиқ қарорлари асосида тартибга солинар эди.
Тошкент ва Москва «Спутник V»ни Ўзбекистонда ишлаб чиқаришга келишиб олди
Тошкент ва Москва Ўзбекистон ҳудудида «Спутник V» вакцинасини ишлаб чиқаришни йўлга қўйишга келишиб олди, дея маълум қилди РФ Соғлиқни сақлаш вазири Михаил Мурашко. Ўзбекистон томони ушбу таклифни 2020 йилнинг декабридаёқ билдирганди. Ўшанда ишлаб чиқариш майдони сифатида Tashkent Pharma Park ҳудуди таклиф этилган.
«Одамлар Ўзбекистонда коррупция йўқлигига ишониши керак» — президент
«Энди тизим бундан ҳам қаттиқ бўлади, мана шуни билинглар. Қонун устувор — жазо муқаррар бўлиши керак. Одамлар Ўзбекистонда коррупция йўқлигига ишониши керак. Ҳамма ҳоким хулоса қилиши керак», — дея таъкидлади Шавкат Мирзиёев. Президент коррупциянинг олдини олиш учун соҳаларни рақамлаштириш зарурлигини қайд этди.
Сенаторлар Сайлов кодексига ўзгартиш ва қўшимчалар киритишни маъқуллади
Сенатнинг 15 ялпи мажлисида Сайлов кодексига ўзгартиш ва қўшимчалар киритишга оид қонун лойиҳаси маъқулланди. Унга кўра, эндиликда сайлов бюллетенида номзоднинг эгаллаб турган лавозими, иш жойи кўрсатилмаслиги, қолаверса, фуқаролар овоз беришда нафақат паспорт, балки ID-карталар орқали ҳам ўз шахсини тасдиқлаши мумкин.
Ўзбекистонда 15 апрель маданият ва санъат ходимлари куни этиб белгиланади
Сенаторлар 15 апрель санасини Ўзбекистон маданият ва санъат ходимлари куни этиб белгилашга оид қонунни маъқуллади. Мазкур сана 1935 йил 15 апрелда Вашингтонда имзоланган «Рерих пакти» халқаро шартномаси билан боғлиқ. Шунингдек, қонун билан соҳа фидокорлари айни шу куни «Маданият ва санъат фидокори» кўкрак нишони билан такдирланиши кўзда тутилмоқда.
2000 дан зиёд уй марказлаштирилган иссиқлик тармоқларига уланади
Шавкат Мирзиёев 2000 дан ортиқ уйни марказлаштирилган иссиқлик тармоқларига улашни топширди. Қозонхоналарни модернизация қилиш ишлари доирасида иссиқлик тармоқларидаги йўқотишларни камайтириш ва энергия самарадорлигини ошириш режалаштирилмоқда. Президентнинг сўзларига кўра, Тошкентда ёпиқ иссиқлик таъминоти тизимига ўтиш йилига 670 млрд сўмни иқтисод қилишга имкон беради.
Президент Россия соғлиқни сақлаш вазирини қабул қилди
Ўзбекистон президенти Россия соғлиқни сақлаш вазири Михаил Мурашко билан соғлиқни сақлаш соҳасида қўшма дастур ва лойиҳаларни амалга ошириш, жумладан телемедицинани ривожлантириш масалаларини муҳокама қилди. У пандемияга қарши курашишда кўрсатилган кўмак учун миннатдорлик билдирди.
28 май куни Ўзбекистонда содир бўлган энг муҳим хабарлар дайжести
Хорижда меҳнат қилаётган ўзбекистонликлар сони, 2020 йилда Ўзбекистон ташқи қарзни нималарга сарфлагани, болалар гематологияси, онкологияси ва клиник иммунологияси маркази ташкил этилиши, Пирогов номидаги Россия тиббиёт университетининг филиали очилиши, президентнинг видеоселекторда берган топшириқлари — «Газета.uz»нинг 28 майдаги энг муҳим хабарлари дайжестида.
2 йилда 100 га яқин уй-жой коммунал хизмат кўрсатиш соҳасидаги мансабдорлар коррупцияда айбланган
2 йил давомида уй-жой коммунал хизмат кўрсатиш соҳасидаги 100 га яқин мансабдор коррупциявий жиноятни содир этгани учун жавобгар бўлган. Андижон уй-жой коммунал хизмат кўрсатиш бошқармаси раҳбарлари 240 млн сўм, Наманган «Таъмирлаш тиклаш хизмати» корхонаси мансабдорлари 250 млн сўм ва Сурхондарё Сув таъминоти бошқармаси ходимлари 540 млн сўмни ўзлаштирган.
«Банкларга „пул бер“ деб ўрганиб қолгансизлар, уларни қайтариш ҳақида ким ўйлайди?» — Шавкат Мирзиёев
Президент видеоселекторда уй-жой ширкатларининг муддати ўтган кредиторлик қарзи 1,4 трлн сўмдан ортиб кетганини танқид қилди. Уларнинг кредит муддати узайтирилгани билан 52 фоизи сўндирилмагани айтилди. «Бу банкларнинг пули-ку. Сизлар банкларга „пул бер“ деб ўрганиб қолгансизлар, уларни қайтариш ҳақида ким ўйлайди?», — деди давлат раҳбари.
«Барча соҳалар ва ҳудудларда ишлар бир хилда сифатли бажарилаяпти, деб бўлмайди» — президент дастурлар ҳақида
Шавкат Мирзиёев видеоселекторда «Обод қишлоқ» ва «Обод маҳалла» дастурлари доирасидаги қурилиш ва таъмирлаш ишлари барча ҳудудларда ҳам бирдек сифатли олиб борилмаётганини танқид қилди. Йиғилишда қолоқликлар мавжуд вилоятларга президент Администрацияси, Ҳукумат, Ҳисоб палатаси ва вазирликлар масъул раҳбарлари йил якунига қадар бириктирилиши таъкидланди.
Коррупцияга қарши курашга 10 баллдан 8 балл берган бўлардим — Акмал Бурхонов
Коррупцияга қарши кураш агентлиги Акмал Бурхонов Ўзбекистонда коррупцияга қарши курашни 10 баллик тизимда баҳолади. «Қилинган ишларни 10 баллик тизимда баҳолаш керак бўлса, қўрқмасдан 8 балл берган бўлардим», — дейди у.
Cенат 2030 йилга қадар гендер тенгликка эришиш стратегиясини қабул қилди
Cенатнинг 15 ялпи мажлисида Ўзбекистонда 2030 йилга қадар гендер тенгликка эришиш стратегияси қабул қилинди. Ҳужжат Пекин Декларацияси, Хотин-қизлар ҳуқуқлари камситилишининг барча шаклларига барҳам бериш тўғрисидаги Конвенция ҳамда БМТнинг Барқарор ривожланиш мақсадларини бажаришга кўмаклашади. Сенаторлар стратегия хотин-қизларга нисбатан тазйиқ ва зўравонликка барҳам беришига ишонтирмоқда.
Абдулла Арипов Минск шаҳрига ташриф буюрди
Бош вазир Абдулла Арипов МДҲ ҳукумат раҳбарлари Кенгашининг навбатдаги йиғилишида иштирок этиш мақсадида Минск шаҳрига ташриф буюрди. Ҳукумат раҳбарлари аввалига, Беларусь президенти Александр Лукашенко қабулида бўлишган. «Беларусга интернет орқали бўлаётган ҳужумларга қарамасдан, ўзингиз кўриб турганингиздек, бу ердаги вазият тинч», — деган у.
Водород бомбасини яратишдан инсон ҳуқуқлари ҳимоячисигача. СССРнинг энг машҳур диссиденти Андрей Сахаров
Академик, водород бомбаси ихтирочиларидан бири ва СССР ҳуқуматига қарши кураш олиб борган, мамлакат тарихидаги энг машҳур диссидент Андрей Сахаров шахси атрофидаги муҳокамалар ҳозиргача давом этмоқда. Сахаров сўз, фикр ва ғоя эркинлигини инсон ҳуқуқларини ҳимоя қилиш учун ягона восита деб билган. Ўз мақолалари ва чиқишлари сабабли мунтазам равишда КГБ назорати остида бўлиб, тинтувларга, матбуотда кўплаб ҳақоратларга дучор бўлган Андрей Сахаровнинг «ғайрификрлилиги» ҳақида «Газета.uz» мақоласида.
Жаҳонгир Ортиқхўжаев реклама конструкциялари бузиб ташланаётганига оид саволни жавобсиз қолдирди
Пойтахт ҳокими ёшлар билан учрашувдан сўнг, хизмат автомобилига боргунича журналистлар унга савол билан мурожаат қилишга уринишди. Ундан ҳеч бир қарорсиз реклама баннерлари бузиб ташланаётгани ҳақида сўралганида, у саволни жавобсиз қолдирди ва қадамини тезлаштирди.
«Трест 12» 5 трлн сўмга яқин лойиҳаларни тендерсиз амалга оширган — Антикоррупция агентлиги
Антикоррупция агентлиги раҳбари Акмал Бурхонов қурилиш вазири Ботир Зокировнинг оила аъзоларига алоқадор бўлган «Трест-12» компанияси қўлга киритган лойиҳаларда манфаатлар тўқнашуви бўлганини тасдиқлади. Унинг сўзларига кўра, мазкур компания тендерсиз 5 тлн сўмлик (таҳминан $471 млн) лойиҳаларни амалга оширган. Агентлик бу каби муаммоларни бартараф этиш учун иккита таклифни илгари сурмоқда.
«Биз ўз эътирозимизни билдирмоқчимиз». Андижон вилояти депутатлари президентга мурожаат қилди
Халқ депутатлари Андижон вилояти кенгаши президентга мурожаат йўллаб, мансабдор шахслар томонидан депутатларга босимлар ўтказилаётганини билдирди. Шунингдек, улар депутатларнинг дахлсизлик ҳуқуқини бузилиши эътиборсиз қолдирилаётганидан шикоят қилишди.
26 май куни Ўзбекистонда содир бўлган энг муҳим хабарлар дайжести
Сенатнинг ўнг бешинчи ялпи мажлиси, Тошкент вилоятида бир ярим минг гектардан ортиқ ер ўзбошимчалик билан эгаллаб олиниши, Equinox`нинг Қозоғистондаги нархи, Самарқандда мактаб-интернати тарбияланувчилари калтакланиши, Шаҳрисабзда масжид ҳовлисида айвон қурилиши нима сабабдан тўхтатилгани — «Газета.uz»нинг 26 майдаги энг муҳим хабарлари дайжестида.
Тошкент вилоятида бир ярим минг гектардан ортиқ ер ўзбошимчалик билан эгаллаб олинган
Тошкент вилоятида 9 минг 614 та ҳолатда 1618 гектар ер майдони ўзбошимчалик билан эгаллаб олинганлиги аниқланди. Бундан ташқари, ер участкалари давлат ва жамоат эҳтиёжлари учун олиб қўйилишидан олдин етказилган зарарни қоплаш чоралари кўрилмагани қайд этилди.
Энг кўп ўқилган хабарлар | Сўнгги янгиликлар
- Ўзбекистон ва Кувайт шериклик муносабатларини ривожлантириш тўғрисида қўшма баёнот қабул қилди (1)
- Канаданинг Ўзбекистондаги янги элчиси тайинланди
- Ўзбекистон президенти ва Кувайт амири тор доирада ва расмий делегациялар аъзолари иштирокида музокара ўтказди (1)
- Президент ТДТ оқсоқоллар кенгаши раиси Бинали Йилдирим билан учрашди
Қўшимча имкониятлардан фойдаланиш учун сайтда рўйхатдан ўтинг