Сиёсат
Шавкат Мирзиёев «Ўзбекистон учун 100 ғоя» лойиҳасини таклиф қилди
Президент иқтидорли ёшларни кашф қилиш ва уларнинг ташаббусларини қўллаб-қувватлаш мақсидида «Ўзбекистон учун 100 ғоя» лойиҳасини илгари сурди. Ҳар бир ҳудуддан 100 тадан ғоя — жами 1400 та ғоя йиғилиши кутилмоқда.
Ўзбекистон ва Жанубий Корея президентлари онлайн-саммит ўтказди
Ўзбекистон ва Корея Республикаси президентлари онлайн-саммит якунлари бўйича рақамлаштириш соҳасидаги ҳамкорлик тўғрисида меморандум, EDCF билан ҳамкорлик бўйича 1 млрд долларлик дастурни амалга ошириш бўйича битим ва бошқа ҳужжатларни имзоладилар.
Фурқат Маҳмудхўжаев Тошкент шаҳар ҳокими ўринбосари бўлди
Тошкент шаҳар ҳокимининг матбуот котиби лавозимида фаолият юритиб келган Фурқат Маҳмудхўжаев пойтахт ҳокимининг ўринбосари — Маҳалла ва оилани қўллаб-қувватлаш бошқармаси бошлиғи этиб тайинланди.
Ёшлар муаммоларини тизимли ўрганиш Давлат хавфсизлик хизматига юклатилди
Давлат хавфсизлик хизмати энди ёшлар дастурларини амалга оширишда, шунингдек, ёшларнинг ижтимоий муаммоларини мувофиқлаштириш ва тизимли ўрганишда иштирок этади. «Пастда ёшлар билан ишлаш тизими яратилган, лекин минг афсус, биз кутган натижа бўлмагани учун бугун мана шундай тизимни яратяпмиз», — деди Шавкат Мирзиёев.
Шавкат Мирзиёев ва Мун Чже Ин видеоанжуманда учрашади
Илгари эришилган келишувларга мувофиқ, Ўзбекистон ва Корея президентлари онлайн учрашув ўтказади. Кун тартибидан стратегик шериклик муносабатлари ўрин олган. Саммит якунида эса янги ташаббусларни илгари суриш кўзда тутилган ҳужжатлар имзоланади.
Президент ҳоким ва вазир ишдан бўшатилишини эълон қилди
Шавкат Мирзиёев яқин орада бир ҳоким ва бир вазирни ишдан олишини маълум қилди. лекин уларнинг исмларини айтмади. Ҳоким ҳақида гапирар экан, «Садоқатли одам, лекин ишни бажара олмаяпти. Аравани тортмаяпти», — деди президент.
Президент туманларга коррупция бўйича «ташхис қўйишни» буюрди
Шавкат Мирзиёев бош прокурор Ниғматилла Йўлдошевга туманлар бўйлаб коррупция сабабларини ўрганишни буюрди. «Сувга, светга шунча қарз олинди. Ҳамма жойда ўғирлик. Мактаб, коллежлар қурилишида ҳам. Ҳамма жойда коррупция», — таъкидлади давлат раҳбари.
«Кераксиз мажлис ўтказадиганлар ишдан ҳайдалади» — президент
«Кераксиз мажлисларни ўтказишни тугатиш керак» — деди президент видеоселектор йиғилишида. Давлат раҳбари 40 дақиқадан кўпроқ йиғилиш ўтказадиган давлат органлари раҳбарлари ишдан кетишини айтди.
Депутат сайловлар октябрь ойига кўчирилишининг сабаблари ҳақида
Олий Мажлиси Қонунчилик палатаси депутати Акшагул Тулегенованинг маълум қилишича, сайловларнинг декабрда ўтказилиши сайловлардан кейинги сиёсий тадбирлар янги йилнинг биринчи чораги охирига қадар чўзилишига олиб келиб, натижада Давлат дастурини қабул қилиш ва бошқа ислоҳотлар кечиктирилишига сабаб бўлиши мумкин.
Шавкат Мирзиёев ёшлар масалалари бўйича йиғилиш ўтказади
Президент Шавкат Мирзиёев чоршанба куни ёшлар масалалари бўйича йиғилиш ўтказади. Йиғилишда илк бор расмий статистикада ҳисобга олинмаган ёшлар орасидаги ишсизлик кўрсаткичлари эълон қилиниши кутилмоқда.
2020 йилги Давлат дастурининг 78 та банди ижроси тўлиқ таъминланмаган
Ҳукуматнинг Қонунчилик палатасига тақдим этган ҳисоботига кўра, 2020 йилги Давлат дастурининг 284 та бандидан 206 таси тўлиқ бажарилган. 20 тасининг муддати узайтирилган ва 58 та банднинг ижроси ҳануз давом этмоқда.
Барча даражадаги раҳбарлар ўз соҳаси бўйича маҳаллалардаги ҳолатни ўрганади
Президент барча даражадаги раҳбарларга ўз соҳаси бўйича маҳаллалардаги ҳолатни ўрганишга оид топшириқ берди. Йиғилишда вертикал тизим йўлга қўйилиши, унга 20 мингдан ортиқ ходим жалб этилиши ва масалани жойида ҳал этиш бўйича уларга барча ваколатлар берилиши айтилди.
Марказий банк бошқаруви раисига янги ўринбосар тайинланди
Марказий банкнинг Кредит ташкилотлари пруденциал назорати департаменти директори лавозимида ишлаб келган Аброрхўжа Турдалиев Марказий банк бошқаруви раиси ўринбосари этиб тайинланди.
ТДЮУнинг ёш кафедра мудири юристлар учун ягона имтиҳон ўтказишни таклиф қилди. Президент 90 фоизи ўтолмаслигини айтди
Тошкент давлат юридик университетининг 31 ёшли кафедра мудири Ҳусейн Ражабов президент билан учрашувда юристлар учун ягона малакаловчи имтиҳон тизимини жорий этишни таклиф қилди. Шавкат Мирзиёев бу имтиҳондан 90 фоиз юристлар ўта олмаслигини маълум қилди, бироқ ушбу ғояни ўрганиб чиқишини айтди. Президент ёш мутахассисга Олий судда ишлашни таклиф қилди, бироқ у кафедра мудири сифатида қолишни сўради.
Қонунчилик палатаси сайлов кунини кўчиришга нима сабаб бўлаётганини маълум қилди
Президент сайловлари октябрь ойига кўчирилиши мумкин. Бунда 2021 йилги сайловлар таҳминан 24 октябрга тўғри келади. Қонунчилик палатаси сайлов куни ўзгаришитирилишига сабаб бўлган омилларни маълум қилди. Таъкидланишича, ҳужжат лойиҳаси бир гуруҳ депутатлар томонидан ишлаб чиқилган.
Шавкат Мирзиёев бухоролик меҳнат фахрийси хонадонида меҳмон бўлди
Президент бухоролик меҳнат фахрийси Неъмат ота Хотамов хонадонида меҳмон бўлди. Ўтган йили бу ерда 7 қаватли замонавий уйлар, савдо ва хизмат кўрсатиш шохобчалари барпо этилганди. Шу билан давлат раҳбарининг сафарига якунига етиб, Тошкентга қайтиб келди.
Президент: Шуҳрат Ғаниев ва Жамшид Хўжаев тизимни тўғри йўлга қўймаса, ишдан кетади
Президент Бухорода Халқ депутатлари вилоят кенгашининг йиғилишида қишлоқ хўжалиги жуда орқада қолаётганини таъкидлади. Тизимни тўғри йўлга қўймаса бош вазир ўринбосари Шуҳрат Ғаниев ҳамда қишлоқ хўжалиги вазири Жамшид Хўжаевни ишдан бўшатишини айтди.
Жиззах вилояти ҳокимининг собиқ ўринбосари ва бошқаларга нисбатан жиноят иши қўзғатилди
Жиззах вилояти ҳокимининг собиқ ўринбосари Акрам Раҳмонқулов, тендер комиссияси мансабдорлари ва қурилиш компаниялари раҳбарларига нисбатан жиноят иши қўзғатилди. Улар ўзлаштириш, мансаб ваколатини суиистеъмол қилиш ва мансаб сохтакорлигида айбланмоқда.
Ботир Зарипов Бухоро вилояти ҳокими этиб тасдиқланди
Бухоро вилояти халқ депутатлари Кенгашининг йиғилишида Ботир Зарипов вилоят ҳокими лавозимига тасдиқланди. «Бухоронинг сувини ичиб, чангини ютиб улғайган йигит вилоят шароитини яхши билади. Энг муҳими, бухороликларни яхши кўради», — деди Шавкат Мирзиёев вилоят Халқ депутатлари кенгашида.
«Таннархни яна пасайтирса бўлади» — президент тўқимачилик корхонасида бўлди
Президент Бухородаги 65 млнлик тўқимачилик корхонаси фаолияти билан танишди. Корхонанинг Бухоро, Тошкент, Самарқанд ва Наманган шаҳарларида савдо доконлари бор, мамлакатда яна 50 тасини очиш кўзланган. Хориждаги Ўзбекистон элчихоналари ёрдамида чет элда ҳам савдо нуқталарини очиш режа қилинган.
Энг кўп ўқилган хабарлар | Сўнгги янгиликлар
- «Ўзбекистон — биз учун муҳим ҳамкор» — Германия канцлери
- «Янги формат»: Шавкат Мирзиёев ва Олаф Шольц етакчи компания ҳамда банклар вакиллари билан учрашди
- Шавкат Мирзиёев 17 сентябрь куни амалий ташриф билан Остонада бўлади
- «Ўзбекистон Германия ва Марказий Осиё ўртасидаги ҳамкорлик салоҳиятини янада тўлиқроқ рўёбга чиқаришдан манфаатдор» — Шавкат Мирзиёев
Қўшимча имкониятларга эга булиш учун сайтда рўйхатдан ўтинг