Сиёсат
Президент матбуот хизматининг «Махсус ракурс» лойиҳаси қорақалпоқ тилида ҳам намойиш этила бошлади
Ҳафтанинг президент иштирокидаги асосий воқеаларига бағишланган «Махсус ракурс» лойиҳасини нафақат ўзбек ва рус, балки қорақалпоқ тилида ҳам намойиш этиш бошланди. Уни тайёрлаш учун Нукусда алоҳида гуруҳ тузилди, деб хабар қилди давлат раҳбари матбуот хизмати.
Буюк Британия ташқи ишлар вазири Дэвид Кэмерон Ўзбекистонга келади
Буюк Британия ташқи ишлар вазири ва собиқ бош вазири Дэвид Кэмерон Тошкентга ташриф буюради. Унинг Ўзбекистондаги ҳамкасби билан музокараларида минтақавий хавфсизлик, таълим, иқлим ўзгариши, икки томонлама савдо ҳамда бизнес алоқаларини ривожлантириш масалаларини муҳокама этиш режа қилинган.
Прокуратура, тиббиёт муассасалари ва бошқа давлат идоралари флагман смартфонлар харид қилмоқда
Самарқанд вилояти прокуратураси 445 млн сўмга 22 дона iPhone 14 Pro Max смартфонларини харид қилди. Республика маънавият тарғибот маркази Тошкент вилояти бўлими 51 млн сўмга иккита iPhone 15 Pro Max сотиб олди. Бошқа давлат идоралари ҳам смартфонлар харид қилмоқда.
Шавкат Мирзиёев қисқа муддатли меҳнат таътилига чиқди
Шавкат Мирзиёев 22 апрелдан қисқа муддатли таътилга чиқди. Олдинги сафар у 2023 йилнинг декабрида таътилга чиққанди.
Озарбайжоннинг Ганжа шаҳрида Ўзбекистоннинг фахрий консулхонаси очилди
Озарбайжоннинг Ганжа шаҳрида Ўзбекистоннинг ушбу мамлакатдаги биринчи фахрий консулхонаси очилди. Унга консул этиб Кянан Жалилов тайинланди.
Иккита қўмита ва агентлик раҳбарига ўринбосарлар тайинланди
Бош вазир қарори билан Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси ҳамда Ўсимликлар карантини ва ҳимояси агентлиги раҳбарларига янги ўринбосарлар тайинланди.
ЕИ ва БМТТД Ўзбекистонда коррупцияга қарши курашни қўллаб-қувватлайди
ЕИ ҳомийлигидаги «Ўзбекистонда бошқарув тизимини такомиллаштириш» ташаббуси доирасида «Инклюзив равишда коррупциянинг олдини олиш» ва «Коррупцияга қарши миллий экотизимни мустаҳкамлаш» лойиҳалари ишга туширилди. Улар мамлакатнинг барча ҳудудларини қамраб олади, умумий қиймати 7 млн евродан ошади.
Шавкат Мирзиёев ва Эмомали Раҳмон Ўзбекистоннинг Душанбедаги янги элчихонасини очиб берди (фото)
Шавкат Мирзиёев ва Эмомали Раҳмон Ўзбекистоннинг Душанбе шаҳридаги янги қурилган ваколатхонаси очилиш маросимида қатнашди. Президентлар элчихона биносида дипломатлар учун яратилган шароитлар билан танишиб, фахрий меҳмонлар китобига тилакларини ёзиб қолдирди.
«Биз ўзбек-тожик иттифоқчилигини чуқурлаштириш бўйича ортга қайтмас йўлдан юришга интилишимизни тасдиқладик» — Шавкат Мирзиёев
Президент Тожикистон билан Иттифоқчилик муносабатлари тўғрисидаги шартнома имзолангани ҳақида шундай деди: «Бу қадам билан Ўзбекистон ва Тожикистон ўртасидаги кўп қиррали стратегик шериклик ва иттифоқчиликни чуқурлаштириш бўйича ортга қайтмас йўлдан юришга қатъий интилишимизни тасдиқладик».
Ўзбекистон ва Тожикистон иттифоқчилик муносабатлари тўғрисидаги шартномани имзолади
Ўзбекистон ва Тожикистон президентлари музокаралар якунида Иттифоқчилик муносабатлари тўғрисидаги шартномага қўл қўйди. Шавкат Мирзиёевнинг Душанбега давлат ташрифи доирасида жами 28 та ҳужжат имзоланди.
Ўзбекистон ва Тожикистон товар айирбошлаш ҳажмини 2 млрд долларга етказмоқчи
Шавкат Мирзиёев ва Эмомали Раҳмон тор ҳамда кенгайтирилган доирада учрашиб, ҳукуматлар олдига товар айирбошлашни 2 млрд долларга етказиш вазифасини қўйди. Транспорт ва транзит ташиш соҳасидаги ҳамкорлик стратегик йўналиш сифатида кўрилди.
«Юксалиш» энергетика тармоғини ривожлантириш учун харажатларни очиқлашга чақирди
«Юксалиш» ҳаракати раҳбарига кўра, электр энергиясига янги тарифларни жорий этиш билан бир пайтда соҳадаги муаммоларни ҳал этиш зарур. Иситиш, газ тизими йўқ ҳудудларни ҳисобга олиш, шунингдек, тизимни ривожлантиришда харажатлар шаффофлигини таъминлаш ва дифференцияланган тарифларни киритиш муҳим.
Шавкат Мирзиёев Тожикистонга етиб борди (фото, видео)
Шавкат Мирзиёев давлат ташрифи билан Душанбега борди. Уни Тожикистон президенти Эмомали Раҳмон кутиб олди. Давлат раҳбарлари стратегик шериклик ва иттифоқчилик муносабатларини ривожлантириш масалаларини муҳокама қилади. Фото, видео.
Президент Ал-Хоразмий шаҳарчаси ва Беруний музейини реконструкция қилиш лойиҳалари билан танишди
Шавкат Мирзиёев Урганч шаҳрида Ал-Хоразмий шаҳарчаси ва университети ҳамда Қорақалпоғистоннинг Беруний тумани марказида музей қурилиши лойиҳалари тақдимоти билан танишди.
Шавкат Мирзиёев давлат ташрифи билан Тожикистонга боради
18−19 апрель кунлари Шавкат Мирзиёев давлат ташрифи билан Тожикистонда бўлади. Душанбеда олий даражадаги музокаралар, қатор икки томонлама учрашув ва қўшма тадбирлар ўтказилиши режалаштирилмоқда.
НАТО мутахассислари Ўзбекистон Қуролли кучлари курсантлари учун ўқув машғулотлари ўтказмоқда
НАТО ходимлари Ўзбекистон Қуролли кучлари Кичик мутахассислар тайёрлаш маркази фаолияти билан танишди. Меҳмонлар ҳарбий альянс тўғрисида маълумот бериб, НАТОга аъзо давлатларда сержантлар қандай тайёрланиши бўйича машғулотлар ташкил этди. Ҳамкорликдаги ўқув машғулотлари 20 апрелгача давом этади.
Демократия, қанча қусури бўлса ҳам, барибир автократиядан яхшироқ
Демократиянинг нима кераги бор? Ривожланаётган мамлакатлар учун анъанавий автократия яхшироқ эмасми? Бу саволларнинг жавоби, FT шарҳловчиси Мартин Вульфнинг қайд этишича, фақат ривожланаётган мамлакатлар аҳолисинигина қизиқтираётгани йўқ. «Газета.uz» унинг шу ҳақдаги мақоласини таржима қилди.
Президент Марказий Осиё ва Кўрфаз араб давлатлари мулоқоти делегатларини қабул қилди
Президент «Марказий Осиё — Кўрфаз араб давлатлари ҳамкорлик кенгаши» мулоқоти йиғилишига келган, жумладан, Қатар, Саудия Арабистони, Ўмон ва Туркманистон ташқи ишлар вазирларини қабул қилди. Томонлар иқтисодий ҳамкорлик, Яқин Шарқ ва Афғонистондаги вазиятни муҳокама қилди.
Ўзбекистон Яқин Шарқдаги вазият кескинлашувининг янги босқичидан чуқур хавотирда — ТИВ
Ўзбекистон Ташқи ишлар вазирлиги Яқин Шарқдаги вазият — Эрон-Исроил можароси кескинлашувининг янги босқичидан чуқур хавотирда эканини билдирди. Бу кенг кўламли ҳарбий қарама-қаршиликларга олиб келиши мумкин, — дейилади баёнотда.
«Ўзбек халқини биз ўйламасак, ким ўйлайди?» Шавкат Мирзиёев — жаҳондаги таҳдидлар ва президентлик ҳақида
Мамлакат тинчлигини сақлаш, аҳолини даромад ва муносиб шароит билан таъминлаш учун барқарор ва тез суръатларда ўсадиган иқтисодиёт керак, деди Шавкат Мирзиёев. «Бунга мен етти йил умримни қўйдим… Халқим фаровон бўлсин, ниятлари амалга ошсин, деб ишга келдим мен», — деди у.
Қўшимча имкониятлардан фойдаланиш учун сайтда рўйхатдан ўтинг