Сиёсат
Янги чақириқ кенгаш депутатлари Ўзбекистон вилоятлари ва туманларида ҳокимларни қайта тасдиқлади
Кенгашларнинг янги сайланган депутатлари сайловдан сўнг Ўзбекистоннинг вилоят, туман ва шаҳарларида амалдаги ҳокимларни қайта тасдиқлади. Вилоят ҳокимлари кенгаш раҳбари лавозимини тарк этди.
Шавкат Мирзиёев Саудия Арабистони ва Озарбайжонга боради
Президент 11 ноябрь куни Саудия Арабистонида Ғазо ва Ливандаги вазиятнинг кескинлашуви ҳамда Яқин Шарқдаги можарога ечим топишга бағишланган Араб-ислом саммитида иштирок этади. 12−13 ноябрь кунлари эса БМТнинг Иқлим ўзгариши бўйича конференциясида қатнашади.
Манфаатлар тўқнашуви тўғрисидаги декларацияга киритиладиган маълумотлар рўйхати тасдиқланди
Коррупцияга қарши курашиш агентлиги директори буйруғи билан манфаатлар тўқнашуви тўғрисидаги декларацияга киритиладиган маълумотлар рўйхати тасдиқланди.
Сув хўжалигини рақамлаштириш маркази ташкил этилади
Президент насос станцияларидаги маълумотларни жамлаб, таҳлил қилувчи ахборот тизими йўқлигини танқид қилди. Шу сабабли энди Сув хўжалиги вазирлиги ҳузурида Сув хўжалигини рақамлаштириш маркази ташкил этилади ва у худди шундай тизим ишга туширади.
2025 йилда каналларни бетонлаш учун яна 800 млрд сўм ажратилади
Ўзбекистонда сув йўқотилишини камайтириш мақсадида каналларни бетонлаш дастурини давом эттириш режалаштирилмоқда. 2025 йилда бу мақсадга 800 млрд сўм йўналтирилади. Президент бетонланган каналларда сув оқимини тезлаштириш ҳисобига кичик ГЭСлар қуриш имкониятини қайд этди.
«ЕИ барча мавжуд воситалар билан Ўзбекистонга кўмак беришда давом этади» — элчи Тойво Клаар
Европа Иттифоқи Ўзбекистонни барча мавжуд воситалар билан қўллаб-қувватлашни давом эттиради, деб таъкидлади элчи Тойво Клаар. Кенгайтирилган шериклик ва ҳамкорлик тўғрисидаги битимнинг имзоланиши «яқин келажакда» Брюсселда, ЕИ-Марказий Осиё биринчи саммити эса 2025 йилда бўлиб ўтиши мумкин.
«Ўзбекистонга расмий ташрифингизни кутиб қоламиз». Мирзиёев Трампни сайловдаги ғалабаси билан табриклади
Шавкат Мирзиёев Дональд Трампга АҚШ президентлик сайловидаги ғалабаси билан табрик йўллади. Давлат раҳбари унинг даврида Ўзбекистон ва АҚШ ўртасидаги шерикликнинг янги даври бошланганини эслаб, Трампни Ўзбекистонга таклиф қилди. «Дўстона алоқаларни изчил давом эттиришдан манфаатдормиз», — деди у.
Давлатларимиз глобал зиддиятларнинг салбий таъсирини ҳар томонлама сезиб турибди — Шавкат Мирзиёев
Ўзбекистон президенти Туркий давлатлар ташкилоти саммитида жаҳон геосиёсий жараёнлари янада мураккаблашгани, минтақа мамлакатлари турли хавф-хатарларнинг «салбий таъсири ва оқибатларини ҳар томонлама сезиб тургани»ни таъкидлади. Ўз нутқида ташкилот доирасидаги турли таклифларни илгари сурди.
«Европа Ўзбекистоннинг минг йиллик тарихидаги янги бобда ҳамкорингиз бўлишни истайди» — Урсула фон дер Ляйен
Еврокомиссия президенти Урсула фон дер Ляйен Ўзбекистон ва Европа мисли кўрилмаган даражада бир-бирига яқинлашганини таъкидлади. «Шериклигимизнинг энг яхши кунлари ҳали олдинда», — деди у «Ўзбекистонда Европа иқтисодиёти кунлари» бизнес-форумининг очилиш маросимидаги видеомурожаатида.
«Ягона ечим — 1967 йилдаги чегаралар асосида мустақил Фаластин давлатини тузиш». Шавкат Мирзиёев — Яқин Шарқдаги вазият ҳақида
Шавкат Мирзиёев ТДТ саммитида Яқин Шарқдаги вазият ҳақида гапирди. «Ягона ечим — 1967 йилдаги чегаралар асосида мустақил Фаластин давлатини тузишдир», — деди у. Шунингдек, БМТнинг Фаластин қочоқларига ёрдам бериш бўйича махсус агентлиги фаолиятини чеклашга қаратилган ҳаракатларни кескин қоралади.
Ўзбекистонда «келишилган ўйинлар» учун жиноий жавобгарлик жорий этилди
Спорт мусобақаси қатнашчи ва ташкилотчиларининг пора олиши, уларни моддият эвазига оғдириб олиш учун жиноий жавобгарлик белгиланди. Бу катта миқдордаги жарима, 3 йилгача айрим ҳуқуқлардан маҳрум қилиш, 3 йилгача (оғирлаштирувчи ҳолатларда — 8 йил) озодликдан чеклаш ё маҳрум қилиш билан жазоланади.
Камала Ҳарриснинг президентлигидан нима кутиш мумкин? Дональд Трамникидан-чи?
АҚШда 5 ноябрь куни президент сайлови бўлиб ўтади — Демократик партиядан амалдаги вице-президенти Камала Ҳаррис, республикачилардан эса собиқ президент Дональд Трамп номзоди кўрсатилган. Улар президент бўлса нима қилмоқчи? Номзодларнинг сиёсати ҳақидаги асосий саволларга қисқа жавоблар.
Шавкат Мирзиёев Қирғизистонга етиб борди
Ўзбекистон президенти амалий ташриф билан Қирғизистон пойтахти Бишкекка етиб борди. У эртага Туркий давлатлар ташкилоти саммитида иштирок этади.
Эркинжон Турдимов Самарқанд вилояти ҳокими лавозимига қайта тасдиқланди
Эркинжон Турдимов Самарқанд вилояти кенгашининг еттинчи чақириқ биринчи сессияси қарори билан вилоят ҳокими этиб қайта тасдиқланди.
Шавкат Мирзиёев 5−6 ноябрь кунлари амалий ташриф билан Бишкекда бўлади
Президент 5−6 ноябрь кунлари амалий ташриф билан Бишкек шаҳрида бўлади. Давлат раҳбари у ерда Туркий давлатлар ташкилоти давлат раҳбарлари кенгашининг навбатдаги мажлисида иштирок этади. Унда Ўзбекистон ташаббуси билан ишлаб чиқилган Туркий дунё хартияси қабул қилиниши кўзда тутилган.
Ховос тумани ҳокимининг собиқ ўринбосари 7 йилга озодликдан маҳрум этилди
Май ойида коррупцияда айбланиб қўлга олинган Сирдарё вилоятининг Ховос тумани ҳокими собиқ ўринбосари 7 йилга озодликдан маҳрум этилди. Шунингдек, Давлат хавфсизлик хизмати Деҳқонобод тумани ҳокими ўринбосари ва икки нафар ҳоким ёрдамчиси маҳаллаларда қўлга олингани ҳақида хабар берди.
Ўзбекистоннинг Индонезиядаги янги элчиси тайинланди
Ойбек Эшонов Ўзбекистоннинг Индонезиядаги элчиси этиб тайинланди. У бунгача Ўзбекистоннинг Исроилдаги элчиси, ТИВнинг Жанубий Осиё, Яқин, Ўрта Шарқ ва Африка мамлакатлари билан ҳамкорлик бошқармаси бошлиғи лавозимларида ишлаган.
Қонунчилик палатасининг янги чақириқ депутатларининг ўртача ёши ошди
Ўзбекистон парламенти қуйи палатаси янги сайланган депутатларининг ўртача ёши 3 ёшга — 49,5 ёшгача ошди. Ёши энг катта партия ЎзХДП, энг кичиги эса «Миллий тикланиш» бўлди. Аёллар улуши 32 фоиздан 38 фоизга ўсди.
Сенат аъзолари 7−12 ноябрь кунлари сайланади
Қорақалпоғистон Жўқорғи Кенгеси, вилоятлар ва Тошкент шаҳар кенгашлари 7−12 ноябрь кунлари ўз депутатлари орасидан Сенат аъзоларини сайлаш бўйича мажлислар ўтказади. Эндиликда сенаторлар сони 100 эмас, 65 нафарни ташкил қилади.
Қонунчилик палатасининг 150 нафар депутатидан 64 нафари қайта сайланди. Рўйхат
Олий Мажлис Қонунчилик палатасининг 150 нафар депутатидан 64 нафари (42,7 фоизи) қуйи палатанинг бешинчи чақириғига қайта сайланди (аввалги сайловда 27 фоиз эди). Аввалги чақириқда Сенат аъзоси бўлганлар орасида парламент қуйи палатасига сайланганлар ҳам бор. «Газета.uz» тўлиқ рўйхатни эълон қилади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг