Жамият
Тошкент кўчаларини яна сув босди — видео
Жума куни бир неча соат давом этган ёмғирлар Тошкент кўчаларини яна сув босишига олиб келди. Оқибатда йўлларда, кўп қаватли уйлар ҳовлиларида ҳаракат қийинлашди, пиёдалар ва бекатлардаги йўловчилар сув устидан юришга мажбур бўлди. Ҳодиса оқибатларини бартараф этиш чоралари кўрилмоқда. Видео.
Тошкент вилоятида 4 та машина иштирокидаги ЙТҲда икки ҳайдовчи ҳалок бўлди
Келес-Тошкент йўналишида Toyota Prado ҳайдовчиси бошқарувни йўқотиб, қарама-қарши йўналишдаги Cobalt, Damas ва Spark машиналари билан тўқнашди. Оқибатда Toyota ва Cobalt ҳайдовчилари воқеа жойида ҳалок бўлди, қолган ҳайдовчиларга биринчи тиббий ёрдам кўрсатилди.
Россиядаги ёнғинда Ўзбекистон фуқаролари ҳалок бўлди
Москва вилоятидаги ётоқхонада ёнғин юз бериб, оқибатда 8 киши ҳалок бўлди. Элчихона уларнинг орасида Ўзбекистон фуқаролари ҳам борлиги, вафот этганларнинг шахсини аниқлаш ишлари олиб борилаётганини билдирди.
Хоразмда дарс вақти гаплашиб ўтирган ўқувчиларни калтаклаган ўқитувчи ишдан бўшатилди
Тупроққалъа туманида дарс вақти гаплашиб ўтирган икки нафар ўқувчига танбеҳ бериб, уларни калтаклаган ўқитувчи ўз аризасига кўра ишдан бўшатилди.
Дам олиш кунлари ўзгарувчан об-ҳаво кузатилади
Шанба куни айрим жойларда қисқа муддатли ёмғир ёғади, ҳаво ҳарорат +26…+29 даража бўлади. Якшанба куни аксарият ҳудудларда ёғингарчиликсиз ўтиши кутилмоқда, бироқ ҳарорат +17…+22 даражагача пасаяди.
Наманганда салкам 80 млн рублни Қирғизистонга ноқонуний ўтказмоқчи бўлган эркак 5 йилга қамалди
Янгиқўрғон туманидаги чегарада 34 ёшли эркак салкам 80 млн рублни Қирғизистонга ноқонуний олиб ўтмоқчи бўлди. Суд ҳукми билан у 5 йилга озодликдан маҳрум этилди, пуллар давлатга ўтказилди.
Тошкент вилоятида автобус ғилдираклари орасидан 1,8 млрд сўмлик заргарлик буюмлари топилди
Тошкент вилоятининг «Ғишткўприк» чегара божхона пости ходимлари томонидан автобус қўшимча ғилдирагининг ички қисмида яширилган тахминий қиймати 1 млрд 770 млн сўмлик 59 кг заргарлик буюмлари борлиги аниқланди.
Фирибгарлик ва одам савдосида айбланиб Туркияда ушланган шахс Ўзбекистонга депортация қилинди
Фирибгарлик ва одам савдосида айбланиб қидирувга берилган 45 ёшли шахс Туркияда қўлга олинган эди. У пайшанба куни Ўзбекистонга депортация қилинди.
Жиззахда тез ёрдам машинаси пиёдалар ўтиш жойидан ўтаётган аёлни уриб кетди
Жиззах шаҳрида тез тиббий ёрдам машинаси йўлнинг белгиланган қисмидан кесиб ўтаётган 48 ёшли аёлни уриб юборди. Жабрланувчи реанимацияга ётқизилди.
Фарғонада трактор бошқараётиб поезд билан тўқнашган мактаб ўқувчиси ҳалок бўлди
Фарғона вилояти Бувайда туманида трактор бошқариш жараёнида поезд йўлига чиқиб кетган 9-синф ўқувчиси вагонлар билан тўқнашув оқибатида ҳалок бўлди.
23 май куни эълон қилинган энг муҳим янгиликлар дайжести
Синов режимида ишга тушаётган Қирғизистон-Ўзбекистон автомобиль заводи, ЙТҲлардаги ўлимлар сонини камайтириш учун ечимлар, фармацевтика тармоғини ривожлантиришга доир чора-тадбирлар режаси, Мадинага учиб кетган илк зиёратчилар гуруҳи ва бошқалар — «Газета.uz»нинг кунлик дайжестида.
Мораторийга қарамай, Чирчиқ дарёси бўйида ноқонуний қум-шағал қазиб олиш давом этмоқда
БП Чирчиқ дарёсининг қўриқлаш зонасида 10 дан ортиқ тадбиркор мораторийга қарамай, ноқонуний равишда қум-шағал қазиб олишда давом этаётгани ҳақида хабар берди. Қурилиш материаллари заводи ҳам ишламоқда. БП компанияларнинг лицензиялари ҳалигача бекор қилинмаганини афсус билан қайд этди. Фото.
Самарқандлик эркак президентни интернетда ҳақоратлагани учун ахлоқ тузатиш ишларига ҳукм қилинди
Суд Самарқанд вилоятида туғилган, Олмалиқ шаҳрида яшовчи 28 ёшли фуқарони президентни ҳақорат қилгани учун 2,5 йилга ахлоқ тузатиш ишларига ҳукм қилди. Эркак солиқ идоралари уни кўп марта жаримага тортгани учун Instagram`да ғазабланган ҳолда ҳақоратомуз изоҳ ва постлар жойлаганини билдирди.
Сурхондарёдаги иккита археологик ёдгорликка 227 млрд сўм зарар етказилгани аниқланди
Сурхондарёдаги қадимий «Ҳайвонтепа» ва «Қорабоғтепа-1» археологик ёдгорликларининг айрим қисмлари бузиб юборилиши оқибатида 227,4 млрд сўм зарар етди. Ҳолатлар бўйича жиноят иши қўзғатилди.
Онкологик ва гематологик касалликларга чалинган болаларни соғломлаштиришга кўмаклашиш жамғармаси ташкил этилди
Болалар гематологияси, онкологияси ва клиник иммунологияси марказини Болалар онкологияси, гематологияси ва иммунологияси илмий-амалий тиббиёт маркази этиб қайта номланди. Марказ ҳузурида Онкологик ва гематологик касалликларга чалинган болаларни соғломлаштиришга кўмаклашиш жамғармаси ташкил этилди.
Самарқандда 112 млн АҚШ долларлик тўртинчи Coca-Cola заводи тантанали равишда очилди
Самарқандда тўртинчи Coca-Cola заводи очилиши муносабати билан Anadolu Group Ўзбекистон иқтисодиётига 500 млн доллардан ортиқ сармоя киритди ва Наманган вилоятида янги Coca-Сola заводини қуришни режалаштирмоқда.
Ўзбекистонда чарм-пойабзал саноати кластерлари ташкил қилинади
Шароф Рашидов ва Оҳангарон туманида ташкил этилган чарм-пойабзал кичик саноат зонаси ҳудудини кенгайтирилади. Шу билан чармни чуқур қайта ишлаш ва тайёр маҳсулотлар ишлаб чиқаришга ихтисослашган чарм-пойабзал саноати кластерлари ташкил қилинади.
Қашқадарёда КамАЗ пиёдалар ўтиш жойида уриб юборган 2-синф ўқувчиси ҳалок бўлди
Кўкдала туманида юқори тезликдаги КамАЗ пиёдалар ўтиш жойидан ўтаётган 2-синф ўқувчисини уриб юборди. Ҳолат бўйича жиноят иши очилди, ҳайдовчи қамоққа олинди.
Сирдарёда Ховос тумани ҳокими ўринбосари коррупцияда айланиб, қўлга олинди
ДХХ вилоятларда рейд тадбири ўтказди. Унда Сирдарё вилоятининг Ховос тумани ҳокими ўринбосари тадбиркорга ёрдам бериб, $20 минг талаб қилгани маълум бўлди. Тошкент вилоятида эса «Ҳудудий электр тармоқлари»нинг 2 ходими ишлаб чиқарувчига трансформатор ўрнатиб бериш учун $39 минг олгани айтилмоқда.
Тошкентда Наврўз боғи яқинидаги кўприк уч кунга транспорт ҳаракати учун ёпилди
Тошкент шаҳрининг Абдулла Қодирий ва Шайхонтоҳур кўчалари кесишмасидаги кўприк таъмирлаш ишлари сабаб 25 майгача транспорт ҳаракати учун ёпилди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг