Жамият
Бухорода ичида ўқувчилари бўлган автобус ҳалокатга учради, бир ўқувчи вафот этди
Когон туманида ичида ўқувчилари бўлган автобус юк машинаси билан тўқнашди. Оқибатда бир ўқувчи вафот этди, бир киши шифохонага ётқизилди, яна 25 киши тиббий кўрикдан ўтказилмоқда. Ўқувчилар автобусда театрга олиб кетилаётган бўлган.
Ўзбекистоннинг тоғли ҳудудларида 20−22 март кунлари сел-сув тошқин хавфи эълон қилинди
Ўзгидромет 20−22 март кунлари республиканинг тоғ олди ва тоғли ҳудудларида сел-сув тошқин ҳодисалари юзага келишидан огоҳлантирди. Кутилаётган кучли ёмғир сувлари тўпланиши ҳудудларни сув босишига олиб келиши мумкин, дея эслатди агентлик.
Бухорода ИИБнинг икки ходими гиёҳванд моддалар савдосига алоқадорликда гумонланмоқда
ИИВ Бухоро вилояти ИИБнинг икки нафар ходими наркотик моддалар савдосида иштирок этганликда гумонланиб, қўлга олинганини маълум қилди. Улардан биринчиси Бухоро шаҳри ИИБ жиноят қидирув бўлинмасида, иккинчиси вилоят ИИБ Жиноят қидирув бошқармасининг гиёҳвандликка қарши курашиш бўлимида ишлаган.
Наврўз байрамида ёғингарчилик ва ҳарорат пасайиши кутилмоқда
Ўзбекистонда ҳафта бошида ҳаво жуда илиқ бўлади. Кейинроқ нам ҳаво массалари кириб келишни бошлайди. 20−21 март кунлари вақти-вақти билан ёмғир ёғади, жойларда кучли ёғингарчилик бўлиши мумкин. 21−22 март кунлари ҳаво ҳарорати +10…+15 даражагача пасайиши эҳтимоли бор.
Самарқандда болани унинг васийси кишанлаб қўйган — болалар омбудсмани
Самарқандда кишанланган бола ҳарбий спорт мактабида ўқиган. «Хулқи оғирлиги» учун уни вояга етмаганлар марказига юбормоқчи бўлишган. «Болага нисбатан бундай ғайриинсоний чора кўрилишига йўл қўйиб бўлмайди», — деди болалар омбудсмани. Ижтимоий ҳимоя миллий агентлиги ҳам ҳолатни назоратга олди.
Самарқандда кишанланиб, машинага қамаб қўйилган бола ҳолати бўйича жиноий иш қўзғатилди
Ҳуқуқ ҳимоячиси Абдураҳмон Ташанов Самарқандда болага нисбатан зўравонлик — кишанланиб, машинага қамаб қўйилгани ҳақида хабар берди. Мазкур ҳолат юзасидан зўрлик ишлатиб ғайриқонуний равишда озодликдан маҳрум қилиш моддаси билан жиноят иши қўзғатилди.
Ўзбекистонда аҳолини рўйхатга олиш 2025−2026 йилларга мўлжалланмоқда
Ўзбекистонда аҳолини рўйхатга олиш 2025−2026 йилларда ўтказилиши режалаштирилмоқда. У 2022 йилга режа қилинганди, аммо пандемия туфайли кейинга қолдирилган. Натижалар 2027 йилда эълон қилинади. Статистика агентлиги қишлоқ хўжалиги соҳасида ҳам рўйхатга олиш ишларига тайёргарлик кўради.
Ўзбекистонда дронлардан ноқонуний фойдаланганлик учун жавобгарлик енгиллаштирилди
Дронларни ноқонуний олиб кириш, сақлаш ва фойдаланишда биринчи марта айбланган шахслар энди маъмурий жавобгарликка тортилади. Илгари фақат қамоқ жазоси назарда тутилган жиноий жазолар ҳам енгиллаштирилмоқда. Ўзгаришлар сайёҳларни жалб қилишга ҳам қаратилган.
Танзила Нарбаева БМТ бош котиби Антониу Гутерриш билан учрашди
Олий Мажлис Сенати раиси Танзила Нарбаева Нью-Йоркда БМТ бош котиби Антониу Гутерриш билан учрашиб, Барқарор ривожланиш мақсадларини амалга ошириш билан боғлиқ, жумладан, гендер тенглигини таъминлаш масалаларини муҳокама қилди.
Ёнғин хавфсизлиги қоидаларини бузганлик учун жарима миқдори оширилади
Ўзбекистон президенти ёнғин хавфсизлиги қоидаларини бузганлик учун жарима миқдорини ошириш тўғрисидаги қонунни имзолади. Бундан ташқари, энди судлар ўрнига ёнғин хавфсизлиги инспекторлари тадбиркорлар томонидан ёнғин хавфсизлиги қоидаларини бузганлик ҳақидаги ишларни кўриб чиқади.
Бухоронинг тарихий марказини муҳофаза қилиш учун мастер ва менежмент режалари қабул қилинади
Президент топшириғига кўра Самарқанд шаҳрида Ипак йўли давлат музейини ташкил этиш, Амир Темур боғларини қайта тиклаш, Бибихоним мажмуасини реставрация қилиш, шунингдек, Бухоронинг тарихий марказини муҳофаза қилиш тўғрисида мастер ва менежмент режалари бўйича қарорлар лойиҳалари ишлаб чиқилади.
BYD Тошкент халқаро марафонида иштирок этиш учун рўйхатга олиш давом этмоқда
5 апрелгача BYD Тoшкент халқаро марафонига рўйхатдан ўтиш мумкин. Тадбир дастури 42 км марафон, 21 км ярим марафон, шунингдек, 3 ва 10 км масофаларни ўз ичига олади.
15 март куни эълон қилинган энг муҳим янгиликлар дайжести
Тутун билан қопланган Тошкент, бепул тушлик сабаб ортган давомат, бозор сотилишига қаршилик қилган «Қўйлиқ» акционерлари, Ўзбекистоннинг Инсон тараққиёти индексидаги ўрни ва бошқалар — «Газета.uz»нинг кунлик дайжестида.
Ўзбекистон Германияда металлургия, транспорт ва тиббиёт соҳаларида ходимлар танқислигини тўлдирмоқчи
Германияда мингдан ортиқ шифохонада тиббиёт ходимлари етишмаяпти, шунингдек, металлни қайта ишлаш, логистика ва транспортда ишчи кучига талаб мавжуд. Ўзбекистон бу бўшлиқни тўлдиришга тайёр. Бу ҳақда бандлик вазири ва Mangold Consulting компанияси президенти ўртасидаги учрашувда сўз борди.
Саҳна ортидаги жараён ва қаҳрамонлар. Шароитидан кўра номи кўпроқ ўзгарган Ўзбекистон давлат драма театридан репортаж
Ўзбекистон давлат драма театрининг ХIХ аср охирида қурилган, сўнгги бор 40 йил аввал таъмирланган биноси спектакллардан ташқари қурултой, митинг ва ҳатто дафн маросимларига-да гувоҳи бўлган. «Газета.uz» мухбирлари ўтган даврда шароитидан кўра номи кўпроқ ўзгарган бу томошагоҳ аҳволи билан танишди.
«Шунча одам олган ойлигини оқламаган». Президент — Сайхунободнинг мансабдорлари ҳақида
Президент Шавкат Мирзиёев Сайхунобод туманида бўлиб ўтган йиғилишда вилоятдаги иқтисодий идоралар ходимлари олаётган маошларини оқламаганини айтди. «Уларнинг Тошкентда ўтирган ва вилоятдаги раҳбарлари пастга тушиб ўргатмаган, талаб қилмаган, бефарқ бўлган», — деди у.
Дам олиш кунлари Тошкентда қаерларга бориш мумкин? (16−17 март)
Тўққизта кинопремьера, очиқ осмон остида кинонамойишлар, мультимедиа кўргазмаси, ярмаркалар, болалар учун шоу-дастурлар, ижодий маҳорат дарслари, спектакллар, мусиқий кечалар ва дам олиш кунларидаги бошқа тадбирлар — Afisha.uz жамланмасида.
Баъзи ривожланган давлатлардаги каби қизларимиз оила қурмасликни исташини хоҳламаган бўлардик — Танзила Нарбаева
Танзила Нарбаева маълум қилишича, ҳозир ўғил болалар учун ўртача турмуш қуриш ёши 26−27 ёш, қизлар учун 23−24 ёш. «Лекин биз айрим ривожланган мамлакатлардаги каби қизлар турмуш қурмаслик, оила қилмасликни исташини хоҳламаган бўлардик», — деди Сенат раиси берган интервьюда.
Марказий Осиё давлатларида оиладаги зўравонлик мавзуси табу эди — Танзила Нарбаева
Ўзбекистон оиладаги зўравонликни жиноят деб ҳисоблаган Марказий Осиёдаги илк давлат бўлди. Минтақада бу мавзу табу бўлган. Маълум лавозимларда ўтирган баъзи эркак раҳбарлар бу нормаларни қабул қилишни хоҳламаган. Бу ҳақда Танзила Нарбаева БМТ ахборот хизматига берган интервьюсида айтиб ўтди.
Бепул тушлик мактабга қатнаш даражасини 8 фоизга ошириши аниқланди — МҲТИ
Республиканинг барча ҳудудлари бўйича ижтимоий сўровнома ўтказилиб, бепул тушлик мактабга қатнаш даражасини 8 фоизга ошириши аниқланди, дея хабар берди МҲТИ. Институт экспертлари 1−4 синф ўқувчиларини бепул иссиқ овқат билан таъминлаш учун барча мактабда ошхона ташкил этиш кераклигини таъкидлаган.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг